العربية بتسخن مع التكييف بس غير كده فلة astra 2003

[revenger_345]

يا جماعة انا عندى مشكلة هتجننى بقالى اكتر من سنة و لا حد عارف فيها ايه ولا عبد الراضى ولا غيره
العربية وانا ماشى من غير التكييف فلة شمعة منورة اول ماشغل التكييف يركبها عفريت السخونية و سحبها زى الزفت والله مراتى بتطلع منى بالسيااااااات
غيرتلها الردرياتير و شحنتلها التكييف تانى و المراوح تمام مش عارف اعمل ايه
بس انا الميكانيكى بتاعى كان شال ترموستات المياه بس برضة قبل مايشلها برضة كانت بتسخن
انا عايز حد كان عندو المشكلة و لقالها حل

[revenger_345]

سؤال تانى لو سمحتوا هى ترموستات الميه بتاعة اللانوس تركب فى الاسترا ؟؟؟؟

[tam77]

شوف كتاوت المراوح ممكن تكون سايحة حصلت معايا قبل كدة وغيرتها وكله تمام
بالنسبه لترموستات المية بتاعت الأنوس متركبش فىالأسترا خلى بالك الأوبل ضفط المية قوى جدا

[mbx4e]

توع المياه ؟؟؟؟

[revenger_345]

المراوح شغالة تماام يبقى الكتاوت اعتقد مش سايحة
نوع المياه مش عارف بس انا جايب مياه خضرا اللى هى النوع السعودى العادى
انا مش بشتكى من العربية من غير تكييف كله بيبقى تمام المشكلة لما اشغلة , هو ممكن نوع الفريون يكون عامل كده؟؟؟؟؟

[sniperwolf]

بص على المروحة الكبيرة كويس علشان ممكن تكون السرعة التانية بتعلق معا التكيف يعنى (المروحة الصغيرة لما تكون شغالة ) بص على الكتاوت كويس علشان كدة عندك فية حاجة بتحصل مع المروحة الكبيرة اثناء التكيف....وياريت فى يوم كدة انزل وشغل التكيف و امشى بالعربية واول لما تحس انها عدت ٩٢ انزل بسرعة افتح الكبوت و بص على المرواح كويس و قولى ؟

[tam77]

بص على المروحة الكبيرة كويس علشان ممكن تكون السرعة التانية بتعلق معا التكيف يعنى (المروحة الصغيرة لما تكون شغالة ) بص على الكتاوت كويس علشان كدة عندك فية حاجة بتحصل مع المروحة الكبيرة اثناء التكيف....وياريت فى يوم كدة انزل وشغل التكيف و امشى بالعربية واول لما تحس انها عدت ٩٢ انزل بسرعة افتح الكبوت و بص على المرواح كويس و قولى ؟

الكلام دا مظبوط ساعات الكتاوت بتكون تعبانة لما تحمل عليها تبدىء تهنج ودا الى حصل معايا

[ahmed_mido1889]

لو زودت بنزين بتبتدي تنزل الحراره؟؟

[ahmado60]

حاجه من اتنين يا باشا نوع الفريون وده احتمال ضعيف او فلتر التكيف

[revenger_345]

لو زودت بنزين بتبتدي تنزل الحراره؟؟

ساعات بيحصل كده

[revenger_345]

حاجه من اتنين يا باشا نوع الفريون وده احتمال ضعيف او فلتر التكيف

الراجل شحنلى بفريون 406 بيقولى زى 134 و بعدين اعرف انه من الفلتر ازاى ؟؟؟

[احمد فهمى]

احتمال كبير سرعة المروحه العاليه مش شغاله او بتعلق بسبب كتاوت تعبان ويا ريت تشحت فريون بجهاز شحن مش بشغل الانبوبه عشان علمياً كل عربيه بناخد نسبة فريون ثابته لا تقل ولا تزيد

[ahmed_mido1889]

لو بتنزل مع تزويد البنزين او مع الجري يبقي طرمبه ميه ضعيفه

[Mostafa.Ismail]

لو بتنزل مع تزويد البنزين او مع الجري يبقي طرمبه ميه ضعيفه

طيب هو مش ممكن نعرف طرمبة المية ضعيفة ولا لا من ضخ المية فى القربة والعربية دايرة؟ ولا دة مش مؤشر؟

اصل انا عندى نفس المشكلة بالظبط مع التكييف ... قلت سنة لما غسلت السربنتينة والردياتير بالهواء وبعدين بالمية من برة بس.

[ahmed_mido1889]

مش عارف بس متهيالي لازم تطلع الطرمبه بره يتكشف عليها لو ريشها تعبانه تبقي السبب

وممكن تنضف الريدراتير من بره ممكن يكون مسدود
بتراب

هتفكه وتحطه في جردل او بانيو مليان ميه بخل وتسيبه شويه وبعد كده تشطفه بميه دفع قوي

وتركبه في العربيه وغير ميه التبريد بالكامل