بصراحة تجربتى مع صابر اوبل

[Amrgamal1]

انا مش قصدي انه مسك حرامي ولا حاجه
اصل انا قريت الموضوع وعدي عليا عادي جدا
بس طناني ماعداش الموضوع ودخل شاف المشاركات القديمة وفعلا اقتنعت ب اللي هو قاله

وعموما بردو مستنيين ردك المقنع زي ما طناني قال

[tananybasha]

دى خلاصة الموضوع
مش اكتر و لا اقل
صابر ممتاز - تمام معنديش ادنى مشكله
انما لما انت تتكلم فى مشاكل عندك فى العربية و متذكرشى انها اتحلت
انت ادينى عقلك
يتفهم ايه من كده

[tananybasha]

انا مش قصدي انه مسك حرامي ولا حاجه
اصل انا قريت الموضوع وعدي عليا عادي جدا
بس طناني ماعداش الموضوع ودخل شاف المشاركات القديمة وفعلا اقتنعت ب اللي هو قاله

وعموما بردو مستنيين ردك المقنع زي ما طناني قال

طبيعه المنسق ايه يراجع العلاقات بين المواضيع و اى تضارب فيها
و دى وظيفتى فى القسم
و انا معملتشى غير وظيفتى
و سألت بمنتهى الأحترام
و استنيت الرد
مش اكتر من كده

[tananybasha]

هو اية اللى كان عندك واتحل عند صابر؟

ده السؤال اللى خلانى ادور و اشوف

[tananybasha]

والله يا باشا انا بردو حسيت أنوا إعلاني. وواضح جداً من تاريخ انضمامه للمنتدى و كل حاجه. انت أخدت الكلام من على لساني وانا اتعملت مع صابر بتاع رابعه و مش عايز أجرح في حد مش موجود. عموما الله ينور على المجهود الرائع طناني باشا

فى انتظار رد صاحب الموضوع
بعيداً عن الكلام عن صابر و طبيعه عمله
الراجل مش معانا
و لا ليه علاقه بالحوار خالص

يابن اللزينه يا طناني
قفشته
امسح
صابر ايه بس مانت عارف ناس كتير اشتكت منه

فى انتظار رد صاحب الموضوع
بعيداً عن الكلام عن صابر و طبيعه عمله
الراجل مش معانا
و لا ليه علاقه بالحوار خالص

وبعدين بيقولك اسعارده حلوة
بأمارة اويل سيل الكرنك الخلفي اللي عايز فيه 400 جنيه مصناعيه فك بس

فى انتظار رد صاحب الموضوع
بعيداً عن الكلام عن صابر و طبيعه عمله
الراجل مش معانا
و لا ليه علاقه بالحوار خالص

[elmtr mohamed]

هو اية اللى كان عندك واتحل عند صابر؟

هرد على اول واحد وهو سيادتك انه بمنتهى البساطة انا عربيتى اعطالها كتير جدااااااا وفى حاجات كتير جدا بعالجها وبصلحها عند صابر والحمد لله بتتظبط يعنى مثلا موضوع تسريب المية ده قعد فترة تاعبنى وكنت مشغول وانا جاى من السفر يوم جمعة لقيت التوكيل الجديد اللى فى مدينة نصر عامل كشف مجانى كشفت ومعرفوش يحلوا المشكلة وهى تسريب المية ورحت لصابر بليل وكشفوا على العربية لقينا الزيت مطحن فى بعض الخراطيم مع انه مش بيبان فى المقياس وطلع الموضوع وش سلندر وعمله وبرقم اقل كتير والله من بره مع انى غيرت معاه جوان تاكيهات وجوان كارتيره كانت بتسرب وطبة للكارتيره وشوية حاجات تانية ده غير اللى الصنايعية بيعملوه ليا جدعنة يعنى لما بطلب منهم حاجة والعربية اتظبطت والحرارة عال ومفيش تسريب خالص ووالله خد منى فلوس اقل كتير من بره وانا بسمع الكلام ده بره بيتعمل بكام .. ده مثال واحد لعربية مليانة اعطال وزى البطيخة فعلا زى مانا قلت وحظى فى عربيتى طلع كده يعنى انا مقلتش حاجة غلط لكن فى اى عطل بيحصل بروح لصابر بيفضل الصنايعى معايا لحححححححد ما نجيب اخره حتى لو هجيله يومين او تلاتة ورا بعض المهم بنعمله .......... وتانى بقول دى مشكلة عندى خاصة بعربيتى لكن كويس انى كل ما اروح بعطل الناس تفضل معايا لحد ما اظبطه مش ذنبهم ان عربيتى معفرته زى ما انا قلت بل بالعكس دى شهادة فى حقهم ... يتبع

[Amrgamal1]

فى انتظار رد صاحب الموضوع
بعيداً عن الكلام عن صابر و طبيعه عمله
الراجل مش معانا
و لا ليه علاقه بالحوار خالص

تمام كدا يا باشا

[elmtr mohamed]

[QUOTE=tananybasha;3874575267]و معلشى انا باحترم صابر بالرغم انى معملتوش خالص
بس انت فى مشاركه فى موضوع تانى بتقول

ياباشا انا عندى مشكلة فى السحب خنقانى وواحد بتاع شكمانات قالى على نفس الموضوع بس انا مهتمتش بكلامه .. لانى معتقد انها طلمبة بنزين او فيش الحساسات .. هو كان ايه المشكلة عندك بالظبط ... انا مشكلتى ان السحب بيتغير كل دقيقة ومع اهتزاز او دوران العربية .. يا ريت تقولى المشكلة عندك كانت ازاى .. ويا ريت اسم وعنوان بتاع الشكمانات .. وتشكر يا كبير

و دى مشكله تانى
و جديده برضوا
ياباشا تسلم ربنا يخليك انا هجرب نصيحتك الغالية دى لانى فعلا شاكك ان فى حاجة معلقة هى اللى بتتسبب فى كده وشكى بيزيد فى طلمبة البنزين وحاجاتها او الحسسات وفيشها او تروس سير الكتينة والوش والسير نفسه دول انحصرت فيهم شكوكى لان العربية مع اى هزة جامدة او تغيير اتجاه او بعد فرملة وبداية السير بيحصل فيها كده فهبدأ زى ما قلت انت كده هشيك على الحساسات والفيش وبعدها هجرب وربنا يسهل واشكرك مرة تانية يا باشا

و دى مشكله تالته
سلام الله عليكم

ده اول موضوع ليا فى المنتدى المحترم ده يا رجالة اللى صراحة اتعلمت منكم فيه كتير جدا وربنا يبارك فى المنتدى ومشرفيه وكل اعضاءه

انا معايا فكترا 99 اوتوماتيك 2000 cc مشكلة العربية اللى جننتنى فى السحب احيانا يكون سحبها ممتاز وزى الفل واوقات تانية بحس انها بتنازع تحت رجلى وبتجرى بالعافية وبصراحة جربت عند الميكانيكية كذا حاجة وغيرت طلمبة بنزين وقبلها فلتر بنزين واتصلح شوية ومفيش فايدة وكان اخر حاجة واحد صنايعى بس شاطر عند الميكانيكى فك حاجة زى حساس او فيشة كده من خلف الموتور وكحتها فى الارض ونضفها وقالى دى مش بتقرى سخونة الموتور وجرب ونشوف بردو السحب كالعادة اتحسن شوية وبعدين رجع تانى شوية حلو وشوية وحش .
ومن فترة قبلها كنت غيرت جوان وش السلندر وبعد ما استلمت العربية كانت كانى يوم ما اشتريتها من صاحبها تحفة وسحب وصوت ناعم وانا مسافر فى حتة ارياف كده خدت مطب بايخ شوية على سرعة متوسطة لكن رزع شوية بعدها رجعت المشكلة تانى .. مع انى مش عارف خبطة المطب ايه علاقتها بالسحب لكن سحبها قل بعد الخبطة دى ..

واحيانا بحس زى مايكون فى خشونة فى الموتور لما بتكون مش عايزة تسحب كويس والسخونة تزيد بمقدار درجتين مثلا .. بصراحة انا احترت جدا ومحتاج من اساتذتنا هنا المشورة وربنا يبارك فيكم



(((((( ومن فترة قبلها كنت غيرت جوان وش السلندر وبعد ما استلمت العربية كانت كانى يوم ما اشتريتها من صاحبها تحفة وسحب وصوت ناعم وانا مسافر فى حتة ارياف كده خدت مطب بايخ شوية على سرعة متوسطة لكن رزع شوية بعدها رجعت المشكلة تانى .. مع انى مش عارف خبطة المطب ايه علاقتها بالسحب لكن سحبها قل بعد الخبطة دى ))))))))

انا قصيت الجزء ده من كلامى عشان ابين لسيادتك ان الكلام كله بيفسر بعضه فعلا انا كنت بشتكى من الموضوع ده ولما عملولى وش السلندر بقيت مش مصدق نفسى ان دى عربيتى اللى رجعت ليوم ما اشتريتها لكن مع الاسف انا اخدت المطب ده واتسبب فى تلف المساعدين الامامى وكمان الكاوتش والجنط الخلفى شمال ده غير الرزعة الغبية فى بطن الموتور والحمد لله قاعدة الحماية خدت منه جزء كبير
لكن بعدها رجع الموضوع تانى واستنيت فترة لان وقتى ضيق ومش بفضى غير يوم الجمعة بس لدرجة انى احيانا ببعت واحد صاحبى بيها لما بيكون فاضى المهم رحت اول ما فضيت لان كان عندى مشكلة بايخة فى الكشافات ادام ومشاكل فى الكهرباء وكنت مستنى ربنا يكرم واجيب فوانيس ادام جديدة وشبكة واعيد فرمتة الكهرباء من اول وجديد وفعلا رحت لمنصور الله يباركله مسك العربية رجع كهربتها فابريكة وركبنا فانوس جديد وشيلنا كل العك القديم وبصراحة والله تعب هو واللى معاه فى العربية جدا لان كان فى بهدلة فى السلوك والكهرباء وكنت كل شوية اقوله عايزين نعملها بس كان عندى حاجات اولى واهم لان كنت عامل حادثة كبيرة من سنة تقريبا بعانى منها لحد دلوقتى فى مشاكل بتتطلع فى العربية كل شوية وكنت مغير طنابير واتيال وردياتير والسلندر وكاوتش وحاجات تانية فكنت ماخر موضوع السحب ده شوية لحد ما افوق من المصروف الشهرى اللى المجنونة عربيتى مدبسانى فيه .. المهم خرجت من عند منصور ونور العربية منور مدينة نصر والحمد لله بعد ما كان يادوب ينور تحت العربية دا اذا نور اصلا ..ورحت للصنايعى اللى كنت متفق معاه انه يشوفلى بقى موضوع السحب وقلتله انا فضيتلك بقى وخلصت الحاجات الملحة والاهم وعايز اشوف موضوع السحب اللى مجننى ده .. قالى طيب نرتب وقت تبقى فاضى فيه ونقعد بقى ليها ونجيب اخرها لكن مؤقتا قام شال البتاعة اللى عاملة زى الفيشى دى وكحتها فى الارض وقالى لحد ما تيجى جرب وكمان اكتشف حااجة عبقرية محدش كان واخد باله منه وهى ان الايدل زى مايكون بينفس فظبطه بلحام وبقى هايل وقالى جرب كده الاول وشوف والله لو تمام يبقى وفرنا تعب وفلوس ولو مش تمام يبقى تعالى زى ما اتفقنا ونركز معاها بقى قلتله ماشى ووالله دعيتله لان لو حد غيره كان عملى فتح ونصب ولكن قسما بعزة ربنا وانا لا اقسم كذبا الناس بتتعامل معايا هناك بكل جدعنة وذوق فوق الوصف وبيعملولى اى حاجة بطلبها منهم مبيتاخروش .. يتبع

[elmtr mohamed]

ارجو بقى ان عدالة المحكمة يتسع صدرها لبعض الدقائق لاعرض لها ما كنت بها متهما دون وجه حق ودون سند من واقع او قانون :)))))))))

اولا مشكلة السحب دى معايا من فترة لكن انا بصراحة لان طلع عينى من كتر الاعطال الغير مسببه وتكاليف تصليحها مهما كانت معقولة ارهقتنى وخاصة انى بعد الحادثة صرفت فيها مبلغ جامد ضلعنى والله بصراحة .. واتاخرت فى حاجات كتير مفروض تتعمل لحد ما تراكمت عليا حاجات كتير جدا فبقى موضوع السحب ده اخر حاجة افكر اصلحها لان لما يكون عندى طنابير وتيال خلاص دابت يبقى هى الاولى ولما يكون عندى الكاوتش كله بايظ واغيرله كاوتش مستعمل اكتر من مرة وبردو يبوظ نتيجة لطبيعة المنطقة الى ساكن فيها لانها بتتبنى جديد وارضها منيلة بنيلة يبقى الكاوتش اهم وكذلك كهربة العربية ومراوحها ودورة المية وبلاويها ده غير الفتيس اللى اتحرق منى من حوال السنة بردو وجاب اخرى وكلفنى مبلغ محترم يبقى كل دول اولى انى اجمع مبالغ ورا بعض كل شوية عشان ارجع عربيتى زى الاول ..وبعد ما تقريبا غيرت كل اللى فى العربية وفاضل يادوب بقى مروحة تكييف وسمكرة ودوكو وشوية رفايع قلت بالمرة اشوف بقى موضوع السحب عشان يبقى هو المرحلة الجاية وكنا يادوب كده زى ما حكيت ببتدى مع الصنايعى اجرب بس لحد ما اروحله بقى ونقعد ليها ..

ومش معنى ان كل مشكلة هقولها هنا يبقى معنى كده ان رحت للميكانيكى ومعرفش يحلها لا لان فى مشاكل تانية اهم ومحتاجة فلوس حاضرة وده اللى بحاول استفيده من المنتدى المحترم ده انى اطلع بمعلومة تخلينى اوفر شوية فلوس لانى بصراحة طلع عينى من كتر المصاريف .. لدرجة والله من كتر اعطالها بدون سبب لحد دلوقتى معملتش الفنش بتاع السمكرة ولا الدوكو اللى بقالهم سنة من ساعة الحادثة من كتر ما كل شوية يظهر فيها حاجة والله بدون اى سبب ..

وارجع تانى واقول ان حل كل الحوار فى اول كلمة قلتها ........ عربيتى فعلا معفرته .... يعنى انا بينت القصة كلها من اول كلمة ويا طنانى مش محتاجة اى تفسير والكلام واضح زى الشمس ........ وهقوله تانى يمكن يوضح .... الاوبل زى البطيخة يا تاخد عربية مفيهاش اعطال وتبقى حظك ونصيبك . ويا اما تاخد عربية بطيخة قرعة زى عربيتى كده تركنها بالليل وهى تمام تقوم الصبح تلاقيها بتعمل حاجات ولا كانها مسكونة عفاريت .. ياراجل دانا بس فردة الكاوتش الامامى شمال خليتنى هسيب البلد وامشى 3 ايام ورا بعض والله كل يوم اصحى الصبح الاقيها نايمة اروح اجيب الواد بالكوريك ونحلها ويروح يعملها واحصله عالمحل الراجل يقولى يابيه دى مفيهاش حاجة والبلف سليم والجنط سليم طب قولى والنبى تعمل ايه غير انك تستغفر ربنا وتحمده وخلاص ده بس مثال للى بتعمله معايا ..

يا رجالة اخوكم بيشتغل محامى من 13 سنة - بس على الله متقولوش ده كمان اعلان ليا - ومجرد زبون والله عند صابر ووالله مجرد انى حبيت افيد الناس زى ما استفدت واللى خلانى اكتب اللى قلته انى شفت ناس بتشكر فى صنايعيتها هنا عالمنتدى يعنى مثلا فى ناس شكرت فى محمد واحمد عبد الراضى بتوع صقر قريش جدا جدا وقلت عنهم كلام اكتر من بتاعى فقلت افيد الناس ......ز وللامانة انا كتبت ان دى تجربتى الشخصة وقلت باللفظ انا مسئول عنها ووقلت كمان كل واحد ليه ظروفه ....... يعنى انا اتكلمت على اللى حصل معايا ومش مسئول عن اى حد تانى وحتى لو كل الناس قالت وحش وانا قلت حلو فده اللى حصل معايا ومش ملزم اقول زى الناس بالكدب لمجرد انى ابقى مع الهيصة ... والامانة حتمت عليا انى اصرح حتى فى العنوان انها تجربتى الشخصية ............ وحتى متكلمتش عن كل الصنايعية عنده اتكلمت عن الناس اللى اتعاملت معاها وطبعا قريت الموضوع اللى واحد كان كاتبه عن صابر ودى تجربته الشخصية هو كمان وتخصه لوحده ومينفعش حد يفرضها علينا وتبقى هى المعيار الوحيد .لا . كل واحد بيعرض تجربته وفى الاخر ربنا شاهد والتجربة هى الدليل ... وانا مستغرب مة الناس اللى بتذم فى صابر مع ان اى حد يروح عنده الورشة ماشاء الله ممكن ميعرفش يدخل اساسا المكان الشاسع ده من كتر العربيات .. يعنى كل دول ما بيفهموش مثلا واللى حكى تجربته او اتنين او تلاثة هما الصح ... لا طبعا .... دى اراااااااااااااااااااااء اراااااااااااااااااااء ههههههههههه . عارفين صابر واخد منى كام فى وش السلندر كللللللللله بالخراطة بالجوانات التاكيهات والكارتيره والطبة ... وكماااااااااااااااااااان غيرت مارش بالمصنعية بكله (((((((((((( 1200 جنيه ))))) مع ان المارش بره لوحده بس عامل 300 جنيه غير مصنعيته .....
طب بالله عليكم انا ملزم بقى اسمع واحد مش عارف عمل ايه ب 400 جنيه وتبقى هى دى الحقيقة الوحيدة فى الكون وانا مش بكبه لسمح الله لكن ملابسات الموضوع ايه دى بردو الله اعلم بيها .... كفاية الراجل والله ساب ورشته وراح معايا الحرفيين طول النهار بيستنضف فتيس حلو ليا ومرجعناش غير بيه وهو مش ملزم اصلا يروح .. يتبع

[elmtr mohamed]

ارجو ان يكون الموضوع وضح ومتهيئلى يعنى مفيش حاجة تانية تتقال وانا موجود وعربيتى موجودة وتليفونى موجود والموضوع مفيش ابسط من التاكد منه

لكن للمرة الاخيرة اقسم بالله العلى العظيم ان كان غرضى الافادة وانى اكون عضو فعال فى المنتدى لانى حبيت افيد الناس زى ما اسفدت كتير وقلت انا ليه ساكت مش بشارك المفروض اشارك باى معلومة ولو بسيطة اكيد هتنفع غيرى زى ما نفعتنى ...

وانا واثق ان عدالة المحكمة عندها من الحكمة والحنكة انها تستخلص من واقع الاوراق - مع ان مفيش اوراق بس معلش - ومن واقع الاحداث والوقائع الماثلة فى الدعوى انى برئ يا طنانى باشا ويا حضرات المستشارين الاوبلاوية .. وانا رغم الهجوم مش زعلان من حضراتكم فعلا لانى صعب ازعل من ناس استفدت واتعلمت منها كتير .. وانا جاهز وتليفونى جاهز لاى استفسار .. والله المستعان .. واخر دعوانا ان الحمد لله رب العلمين

[tananybasha]

الحكم عند ام دولت
بعد ما رحنا لأم دولت و قعدنا معاها
كان منطوق الحكم
حكمت المحكمة حضورياً ببطلان الأدعاء الصادر من محمد الطنانى ان الموضوع تشوبه شبهه اعلانية
مع الزامه بتوجية اعتذار لصاحب الموضوع

[tananybasha]

اسفين يا متر

[Amrgamal1]

يحيا العدل
مش أخو حبيب العدل :)

[Mohamed Hafiz]

محترمييييين أوبل صحييييح

[haitham2011]

اسفين يا متر

كلنا هذا الرجل
ههههههههههههه ههههههههه