المواصفات والاسعار لأسترا سيدان 2015 بمصر

[haygen]

يا جماعه أنا ناوي على opel astra turbo ان شاء الله بس خايف من نقطه واحده مهمه جدا بالنسبالي و هي مشكلة البنزين انا مشاويري كتير و سفري كتير و سامع أن بنزينها لازم 95 و ماينفعش 92
يا ريت حد يوضحلي موضوع البنزين مع الأسترا تربو لأن هي دي مشكلتي الوحيده و هي اقتصاديه أكتر و لا bmw 316i 2010

شوف ردي السابق يا جميل وهاتها وانت مطمن وبنزين 92 بدون ادني مشكله

بس تمون من بنزينه مضمونه .. وطنيه "التابعة للجيش" او غيرها

بلاش التعاون

تحياتي

[MoHaMed HaMeD]

لو سمحت لانسر بومة سبورت ولا اوبل الفئة الاولى لانها بقيت ب 176

[ashourashour]

لو سمحت لانسر بومة سبورت ولا اوبل الفئة الاولى لانها بقيت ب 176

دا كلام ياراجل !!!!!!

[koshakindnes]

لو سمحت لانسر بومة سبورت ولا اوبل الفئة الاولى لانها بقيت ب 176

استرا وانتا مغمض مفيش اى مقارنة تنفع بينهم

[MoHaMed HaMeD]

انا بتكلم ف قطع الغيار وسعر اعادة البيع وصيانات وكلام ده حسبة من جميع الجهات

[ashourashour]

انا بتكلم ف قطع الغيار وسعر اعادة البيع وصيانات وكلام ده حسبة من جميع الجهات

فهمتك كدا ابتعد عن الاوبل تماما

الاوبل عايزه راكيب بيستطعم طعم الالماني عالطريق و مبيفكرش في كل اللي انت بتسأل عليه ده خالص

[haygen]

انا بتكلم ف قطع الغيار وسعر اعادة البيع وصيانات وكلام ده حسبة من جميع الجهات

السلام عليكم

بالنسبة لكلامك انك محتاج سعر اعادة البيع .. اركب لانسر

بس حابب اوضح لحضرتك حاجة

زمان اول ما السيراتو نزلت .. سعر اعادة البيع كان في الحضيض وواقع جدا .. والكل بيبعد عنها .. الكلام ده في اخر 2009 وبداية 2010 اول ما العربية نزلت .

تعالي دلوئتي شوف الكيا والهيونضاي سعر اعادة البيع عامل ازاي

بالنسبة للأوبل .. زمان فعلا كان فيه مشاكل كتير زي السخونه وسعر قطع الغيار

دلوئتي مافيش الكلام ده وعنه تجربه

يعني لما اغير تيل فرامل كيا سيراتو في التوكيل ب 580 جنيه يعني نقول 600 جنيه

ولا لما اغير تيل فرامل اوبل ب 750 جنيه في التوكيل

علي فكره تيل فرامل الكيا ما كانشي بيقعد 15 الف كيلوا

ليا واحد صاحبي غير طنابير عند 26 الف كيلو في سيراتو كوبيه

الخلاصه : الغالي تمنه فيه .. قطع غيار الألماني كلها معمرة وبتعيش وفي الأول وفي الاخر برضه حسب الإستخدام

تحياتي

[Mzeid]

يا رجالة العربية بدات تنتشر

شوفتها كتير في اسكندرية

[MoHaMed HaMeD]

لوسمحت اسعار الصيانات الدورية
وبعض اسعار قطع الغيار

[shadyelbakry]

حد سمه ان موديل 2014 من الاسترا هينزل با اوبشنز مختلفه عن الى موجوده دلوقتى ؟

[احمد فهمى]

لا مفيش ﻷن العربيه اول ظهور لها عالميآ 2013 بس ممكن يعدلو فى الهاتشباك

[Ahmed mishtawy]

بولندى مش عيب مصنع جى ام في بولندا واسبانيا وانجلترا وجنوب افريقيا وامريكا والبرازيل ودول كتير جداً وعلى فكره فولكس جولف بتتصنع فى بولندا داخله على ١٠ سنين وده مش سبب يرخص عربيه على فكره

السلام عليكم ورحمه الله وبركاته
لو سمحتمت كنت عاوز اعرف شويه استفسارات كده قبل الشراء بإذن الله
1- هل الفئه ال cosmo بتنزل مصر بولندى ولا المانى ؟
2-واذا كانت بولندى هل تقفيل فقط ولا تصنيع كامل؟
3-وهل الفئه اللى 194 اللى فيها 6 ايرباج هى دى الالمانى؟
4-وكمان لو فى موقع بيتكتب فيه رقم الشاسيه ويوضح اذا كانت المانى ولا بولندى ولا انجليزى؟
5-سؤال اخير اللى عنده العربيه نوع الكاوتش اللى فيها ايه؟ (سؤال غريب شويه بس ده لعدم الثقه فى الوضع الحالى للبلد بالذات فى الموزعين الغير معتمدين )

[Ahmed mishtawy]

فيها Anti-roll/Stabilizer-bar عادى فـ المكفرسون
بس مغيرين جامد فـ العفشة قدام

عفشة الكورسا ورا مكانوش بينزلوا الـWatt's link إلا فـ الـOPC
(المواتير الصغننة 1.2-1.4 كانت بتنزل تورشن-بيم عادى)
دلوقتى بقوا ينزلوها ستاندرد فـ كل الكورسا range




الجولف ألمانى
بالنسبة للأسترا -انها تقفيل بولندى- وأكيد لا يعيب العربية فـ شىء!
المهم انها مواصفة EC واللى بتتباع فـ أوروبا هى اللى بتتباع فـ مصر

FYI بمناسبة تقفيل العربيات الهاتشباك الأوروبى فـ بلدها:
هو كان عرف-تقليد متبع لحد وقت قريب.. ومازال بعض الشركات متمسكة بيه
- الجولف تتصنع فـ ألمانيا
- الميجان II هاتش كانت فرنساوى
- الجراند-بونتو/البرافو إيطالى
- الـ308 والـC4 فرنساوى

والنسخ السيدان من كل العربيات دى كانت بتتقفل برا (الجيتا مكسيكى والميجان واللينيا تركى مثلا)

رغم ان كل الشركات دى عندها مصانع برا بلدها الأم، لكن ده كان فعلا بيحصل!!
(ماتعرفش عشان المستهلك الأوروبى بيفضل الهاتش؟!! أو عشان دى عربيات Flagship)؟؟!!!
بس دلوقتى شركات كتييييييييير بدأت تكسر القاعدة دى
- الميجان III تركى
- الأسترا بولندى
- الفوكاس تقريبا أسبانى

وده مابيقللش من العربية، بالعكس -قد يكون مصلحة انه قادر ينزلها بسعر أقل (عشان تكلفة التصنيع أقل من دول غرب أوروبا طبعا)!!

السلام عليكم ورحمه الله وبركاته
لو سمحتمت كنت عاوز اعرف شويه استفسارات كده قبل الشراء بإذن الله
1- هل الفئه ال cosmo بتنزل مصر بولندى ولا المانى ؟
2-واذا كانت بولندى هل تقفيل فقط ولا تصنيع كامل؟
3-وهل الفئه اللى 194 اللى فيها 6 ايرباج هى دى الالمانى؟
4-وكمان لو فى موقع بيتكتب فيه رقم الشاسيه ويوضح اذا كانت المانى ولا بولندى ولا انجليزى؟
5-سؤال اخير اللى عنده العربيه نوع الكاوتش اللى فيها ايه؟ (سؤال غريب شويه بس ده لعدم الثقه فى الوضع الحالى للبلد بالذات فى الموزعين الغير معتمدين )

[K.Ossama]

السلام عليكم ورحمه الله وبركاته
لو سمحتمت كنت عاوز اعرف شويه استفسارات كده قبل الشراء بإذن الله
1- هل الفئه ال cosmo بتنزل مصر بولندى ولا المانى ؟
2-واذا كانت بولندى هل تقفيل فقط ولا تصنيع كامل؟
3-وهل الفئه اللى 194 اللى فيها 6 ايرباج هى دى الالمانى؟
4-وكمان لو فى موقع بيتكتب فيه رقم الشاسيه ويوضح اذا كانت المانى ولا بولندى ولا انجليزى؟
5-سؤال اخير اللى عنده العربيه نوع الكاوتش اللى فيها ايه؟ (سؤال غريب شويه بس ده لعدم الثقه فى الوضع الحالى للبلد بالذات فى الموزعين الغير معتمدين )

الأسترا بكل فئتها فى مصر تجميع بولندى وليس تصنيع طبعا.
المواقع بتاعت رقم الشاسيه حتكتبلك انها بلد المنشأ ألمانيا.
نوع الكاوتش ده سؤال مهم جدا مش غريب وﻻ حاجة. هى حتلاقى منها كومهو و بردجستون والاستبن كونتيننتال صغير الحجم (80كم/الساعة).

[K.Ossama]

الأسترا بكل فئتها فى مصر تجميع بولندى وليس تصنيع طبعا.
المواقع بتاعت رقم الشاسيه حتكتبلك انها بلد المنشأ ألمانيا.
نوع الكاوتش ده سؤال مهم جدا مش غريب وﻻ حاجة. هى حتلاقى منها كومهو و بردجستون والاستبن كونتيننتال صغير الحجم (80كم/الساعة).

تصحيح بسيط
نوع الكاوتش اللى شوفته هانكوك او بردجستون