المواصفات والاسعار لأسترا سيدان 2015 بمصر

[essam wahby]

من مبدأ أعطي كل زي حق حقه ... بصراحة انا امبارح كنت بعمل صيانه ال 5000 كم في منصور جسر السويس واخيرا حلولي مشكلة الرجة اللي كنت بشتكي منها قبل كدة واللي كانت بتحصل وانا دايس علي d او r ومحمل علي الفرامل شوية ، بصراحة الموضوع ده كان مضيقني اوي خصوصا اني روحتلهم والعربية 3000 كم في التوكيل بتاع الصحرواي ومعملوش فيها حاجة ..... والعربية بقت حاجة تانية بجد

[احمد فهمى]

الحمد لله مبروك تانى

[essam wahby]

الحمد لله مبروك تانى

الله يبارك فيك ... اسف مخدش بالي من ردك اليومين اللي فاتوا

[احمد فهمى]

الله يبارك فيك ... اسف مخدش بالي من ردك اليومين اللي فاتوا

اهلاً بك ومستنينك فى رابطة مالكى استرا j تساعد الناس وتكتب تقرير عن تجربتك

[essam wahby]

اهلاً بك ومستنينك فى رابطة مالكى استرا j تساعد الناس وتكتب تقرير عن تجربتك

اكيد ان شاء الله

[m.farouk]

على فكره منصر سحب صيانة اوبل من كل الفروع ماعدا ابو رواش وجسر السويس هما دول بس الى بيعملوا صيانة الاوبل فى القاهره فقط لاغير

[احمد فهمى]

على فكره منصر سحب صيانة اوبل من كل الفروع ماعدا ابو رواش وجسر السويس هما دول بس الى بيعملوا صيانة الاوبل فى القاهره فقط لاغير

اتمنى يقتصرو على اوبل بس فى الفرعين دول بدل ما الدايو اللى فرحان بيها تعطل صيانات الاوبل يا ريت اخر واحد هيعمل صيانه او زياره يبلغنا بالتفاصيل

[mahmoud_afifi]

من مبدأ أعطي كل زي حق حقه ... بصراحة انا امبارح كنت بعمل صيانه ال 5000 كم في منصور جسر السويس واخيرا حلولي مشكلة الرجة اللي كنت بشتكي منها قبل كدة واللي كانت بتحصل وانا دايس علي d او r ومحمل علي الفرامل شوية ، بصراحة الموضوع ده كان مضيقني اوي خصوصا اني روحتلهم والعربية 3000 كم في التوكيل بتاع الصحرواي ومعملوش فيها حاجة ..... والعربية بقت حاجة تانية بجد

ممكن من فضلك تقولي ايه حل المشكله دي لأني بعاني منها بنفس الوصف بتاع حضرتك ده بالظبط.

[karim gamal]

ليييه شركه جنرال موتورز تنزل نفس الموتور والفتيس والتابلوه والدركسيون في شيفروليه الكروز الجديده اللي هما نفس اللي موجودين في الاوبل ويا تري الفرق في العفشه بس ، ويا تري ده في مصلحتنا ولا الكروز بقت تساوي الاوبل ..... جنرال موتورز خلت كله زي بعضه للاسف !!!!!!!!!!!!!!!!!!!

[K.Ossama]

[QUOTE="karim gamal;2147483647"]ليييه شركه جنرال موتورز تنزل نفس الموتور والفتيس والتابلوه والدركسيون في شيفروليه الكروز الجديده اللي هما نفس اللي موجودين في الاوبل ويا تري الفرق في العفشه بس ، ويا تري ده في مصلحتنا ولا الكروز بقت تساوي الاوبل ..... جنرال موتورز خلت كله زي بعضه للاسف !!!!!!!!!!!!!!!!!!![/QUOTE

نفس الموتور والفتيس ماشى
لكن نفس التابلوه والدركسيون فين بقى؟
حضرتك شوفت الاثنين؟
لا هو نفس التصميم ولا الالوان ولا الإضاءة ولا الفرش
اما عن الفروق التقنية فالاسترا تتفوق فى حاجات كتير
تجهيزات السلامة الاساسية زى ESP, 4Airbags وكمان Hill Assist (المساعدة على المرتفعات) وفرامل يد اليكترونية
العفشة مختلفة زى ما حضرتك قولت
ده غير بقى الاسترا الكوزمو فيها مثبت سرعة ومحدد سرعة ومدخل AUX, USB وتكييف اوتوماتيك تاتش مع كليماترونيك ومرايات ذاتية التعتيم وده كله مش فى الكروز الهاى لاين.

مش معنى الموتور مشترك ان العربيتين بقوا واحد.
فى عربيات صينى كثير واخده مواتير وفتيس من ميتسوبيشى ومازدا وتويوتا، ده ما يخليش العربية الصينى زى الياباني
بص اعمق من الموتور حتلاقى فروق كثير جوهرية

تحياتى

[essam wahby]

ممكن من فضلك تقولي ايه حل المشكله دي لأني بعاني منها بنفس الوصف بتاع حضرتك ده بالظبط.

هما قالولي انهم ظبطوا السوفت وير بتاع العربية ورفعوا الار بي ام بتاع العربية لغاية 790 تقريبا .

[mahmoud_afifi]

هما قالولي انهم ظبطوا السوفت وير بتاع العربية ورفعوا الار بي ام بتاع العربية لغاية 790 تقريبا .

متشكر جداااا على رد حضرتك

[medo2_0]

يارجاله هى العربيه لسه بتتباع بنظام الحجز والاوفر برايس ولا ايه النظام ؟

[m.farouk]

اتمنى يقتصرو على اوبل بس فى الفرعين دول بدل ما الدايو اللى فرحان بيها تعطل صيانات الاوبل يا ريت اخر واحد هيعمل صيانه او زياره يبلغنا بالتفاصيل

لا هو بيعمل صيانة فيهم للدايوابرضوا

[m.farouk]

يارجاله هى العربيه لسه بتتباع بنظام الحجز والاوفر برايس ولا ايه النظام ؟

انا امبارح كنت بسال على الكزمو قلى موجده كل الالوان بالكتير 3 ايام