ارجو تقييم وتسعير عربيتي الفيكترا

[Hesham.H]

هشام باشا اخبارك ايه؟؟؟

انا ان شاء الله بخلص في فيكترا لنسيبي عاوز رايك ؟
موديل 2000 بي2 طبعا
فابريكه بالكامل من الاكصدام للاكصدام
موتور 1600 مانوال
عداد 87 الف كم
الحاله العامه ممتازه
من وجهه نظرك العربيه دي تساوي كام سعر عادل ؟؟ مشكور مقدما

فادى باشا ... والله لك وحشه وآسف على تقصيرى
مبروك مقدما وربنا يجعلها من نصيبه ويجعلها قدم السعد والخير عليه وعليك بأمر الله
عربيه زى دى طالما انت قلت فابريكه من الإكصدام الى الإكصدام يبقى هى فعلا كده لأنى أثق فى تقديرك
عربيه زى دى ماتسيبهاش ولو حسيت انك جاى على نفسك ولو ٣ آلاف جنيه
لو قيسناها على عربيتى موديل ٢٠٠٢ ... ١٦٠٠ مانوال فابريكه بالكامل ولا قلم دوكو ... عداد ١٣٢ الف كيلو ... جايه من واحد صاحبى وعامل واجب كويس كانت على ٦٠ الف ... وعملت شويه شغل فى العفشه وصلحت abs كلفت ١٠٠٠ جنيه
لو العربيه دى وصلت ٦٣ الف مش خساره ... ولو دخلت دماغك ماتستخسرش فيها تانى لان صعب انك تلاقى عربيه واقفه فى الموديل الرائع ده
٦٥ الف مش كتير والله يا فادى
هاستنى منك تطمنى عملت ايه .... تحياتى

[Hesham.H]

بس طبعا انت هاتتكلم فى ٦٠ الف وتشوف الكلام ايه اخباره ... السعر العادل بتاعها من ٦٠ الى ٦٣ على حسب رؤيتك للعربيه وحسب اللى بيبيع لك ومدى اعجابك بالعربيه
تحياتى

[MaaM]

مستغرب جدا من الارقام اللي بسمعها
الاخ فادي. العربية اللي بتتكلم عليها ولو حالة الموتور تمام يبقى اقل واجب 64 الف
وعربية الاخ هشام ماتقلش باي حال من الاحوال عن 65
ياريت انا لما اجي اشتري الاقي حد بيقول الاسعار اللي انتو بتقولوها ديه

Sent from my HTC

[MaaM]

طبعا انا مش في خبرة حد فيكم خالص بس موضوع السعر ده دايس فيه بقالي فترة وانا شايف انتوا بترخصوا العربية

Sent from my HTC

[Hesham.H]

طبعا انا مش في خبرة حد فيكم خالص بس موضوع السعر ده دايس فيه بقالي فترة وانا شايف انتوا بترخصوا العربية

sent from my htc

يا عزيزى ابدا احنا مش بنرخص العربيه ... بالنسبه لعربيتى انا شاريها من واحد جارى وعمل معايا واجب والحمد لله
اما العربيه اللى بيتكلم عليها فادى حضرتك ما قلتش كلام بعيد عن اللى بقوله لانى قلت لو وصلت ل ٦٥ برضو مش غاليه
وطبيعى لما تيجى تشترى عربيه لازم تفاصل بس فى الرينج المعقول عشان مايبقاش حرام ( ولا تبخسوا الناس أشيائهم )
العربيه موديل ٢٠٠٠ برضو مش ٢٠٠٢ او ٢٠٠٣
تحياتى