رابطه حاجزي الاسترا

[hdlhkhgikn]

يارب اللى استلم يقولنا اى حاجة .. انا متابع باهتمام شديد عشان عايز انزل احجز واحدة الاسبوع دة باذن الله .. بعد التفكير العميق قررت انى اضحى واركب عربية كويسة مقابل حاجات كتير هتروح زى سعر اعادة البيع واسعار قطع غيار وتوكيل زبالة بس ربنا يكرم والعربية متكسفنيش بقى بعد كل دة .. ياريت يا جماعة اللى استلم يقول اى حاجة عنها

[احمد فهمى]

رجاء من المستلمين ابداء رأيهم وعمل تقرير لأفادة الجميع ومبروك لهم وربنا يحفظها لهم

[Ali Wika]

ياجماعة يا أستراوية - اللى استلم مايبخلش بتقرير مفصل مصور - انا مأخر بيع النوبيرا ii لغاية ماعرف اخبار الاسترا ايه -- ولا اروح اجيب فلونس يعنى - مبروك مقدما على اللى استلم

وربنا يحمى مصر والمصريين من شرهم - امين

[okacha]

لسا برضه مفيش جديد معقوله؟!

[m.farouk]

انا عملت شكوه امبارح على الفيس بسبب التاخير ولسة مكلمنى وبلغونى انة لسة هتتاخر كمان والتسليم مش قبل 20 يناير وقعدت تعتذر وتقولى ليك حق تزعل وكلام من ده

[shadyelbakry]

انت حاجز انهى واحده ؟

[m.farouk]

الكزمو

[aahfly]

انا حجزت الاسترا الفئه التانيه امبارح و الاستلام ان شاء الله بعد ٧٥ يوم
و بيقولوا اقرب دفعه للفئه التانيه جاي على ٢٠ يناير عشان المصانع حتبقي فى اجازات الكريسماس.

[m.farouk]

فى دفعة توصل 25 او 26 الشهر ده بس هما عندهم تاخير والعربيات الى الموجوده مش بتبقى بالالوان الى انتى عوزها يعنى بيبقى فيها كلم لون بس ميغطيش كل الطلبات فهيخيرك تاخد لون تانى او تستنى الشحنة الى بعدها وهو ده سبب التاخير الى انا متاخر فى التسليم واحتمال اغير الوان علشان استلم بدرى

[shadyelbakry]

هو الحجز بكام ؟

[aahfly]

الحجز ب 20 الف و ده لاي فئه .. مبيفرقش

[shadyelbakry]

صل فى وطنيه الى فى حى السفارات قالو الحجز ب 20 الف ؟ والواحد يشترى من منصور على طول ولا من حد زى وطنيه وكمان قالى لو عايزها استلام فى خلال اسبوع تدفع اوفر برايس 10 الاف.

[hossam_elwani]

مش عارف حاسس انهم بيأجلو التسليم عشان يرفعو السعر فى النهاية باى حجه

[digitalboy86]

انا ناوي أحجز ان شاء الله الاسبوع اللي جاي عند الفرع اللي في صور نادي الزمالك الفئه التانيه

بس كنت عايز أسئل سؤال موضوع الفيس ده مقارنه بفتيس الاوكتافيا مثلا هيبقي عامل ازي بتاع الاوكتافيا كويس والواحد عمره ما حس بحاجه بين النقلات ولا حاجه بتاع الاسترا كده ولا ايه النظام

وهل الاسترا فيها كيك داون زي اللي في الاوكتافيا ولا ايه ؟؟؟؟
وشكرا ليكم

[m.farouk]

النقلات مش محسوسة خالص يمكن فى الاول والتانى حاجة بسيطة خالص تكاد تكون لاتذكر يعنى وفيها كيك دون