افضل سيارة اوبل عائلية اركبها بلا مشاكل حدود 40000ج

[sfgtrehk]

السلام عليكم

اولا شاكر ليكم لحسن تعاونكم

من خبراء هذا القسم المحترم دلونى عالصح فى حدود امكانياتى اركبه من سيارات اوبل تكون عائلية متعزبنيش لانى اتهريت ونفسى اركب حاجة المانى محترمة فى حدود 40000ج لا غير

وشاكر مرة تانية

[saiedccs]

لو تزود المبلغ شوية يبقى كورسا سيدان 1600
انا معايا اختها 2003 بقالها عشر سنين ماشاء الله رائعة

[tananybasha]

اخر عربية كنت راكبها ايه
و للسؤال مغزى والله مهم

[zizo50001]

عايز حاجة محترمة السعر دة يجيبلك فيكترا اية موديل 95 او 94 حالة ممتازة بس نصيحة اكشف فى مركز كبير او التوكيل لو ملكش خبرة فيها
عايز حاجة تصرف و كدة يبقى السعر دة يجيب فيكترا بى موديل من96 لحد 99 بس هتقعد تصرف معاك جامد

[sfgtrehk]

لو تزود المبلغ شوية يبقى كورسا سيدان 1600
انا معايا اختها 2003 بقالها عشر سنين ماشاء الله رائعة

سعر السوق ليها كام حدد لو تكرمت
شاكرا

[sfgtrehk]

اخر عربية كنت راكبها ايه
و للسؤال مغزى والله مهم

كورولا 88 لفت باك اوتوماتيك
كانت عربية ولا اروع ثبات وعزم من حديد
بس للاسف من يوم ما جابت وش سلندر وزهقتنى بعدها بعت بالخسارة

[sfgtrehk]

عايز حاجة محترمة السعر دة يجيبلك فيكترا اية موديل 95 او 94 حالة ممتازة بس نصيحة اكشف فى مركز كبير او التوكيل لو ملكش خبرة فيها
عايز حاجة تصرف و كدة يبقى السعر دة يجيب فيكترا بى موديل من96 لحد 99 بس هتقعد تصرف معاك جامد

اوبل فكترا مستعمل
مرفوض تماما حضرتك انا مش قد مشاكلها لو انضحك عليا فيها
ولا مش معايا

[zizo50001]

بالعكس الفيكترا اكتر عربية محترمة فى الاوبل اصلا لو نظيفة مش بتاعت مشاكل نهائى و قطع غيارها رخيصة على فكرة مش غالية زى ما كل الناس فكرة ميزة الفيكترا قطع غيارها موجودة فى كل مكان دلوقتى استيراد

[sfgtrehk]

بالعكس الفيكترا اكتر عربية محترمة فى الاوبل اصلا لو نظيفة مش بتاعت مشاكل نهائى و قطع غيارها رخيصة على فكرة مش غالية زى ما كل الناس فكرة ميزة الفيكترا قطع غيارها موجودة فى كل مكان دلوقتى استيراد

موافقك تماما انها افضل لكن موديل كام فى حدوود 40الف
اوتوماتيك ولا مانيوال

[sfgtrehk]

لو تكرمتم انا قررت اتجه وبشدة للاوبل استرا
والبديل رينو كليو
بس المشكلة فى المبلغ اللى حاكمنى

فأيه الموديل المناسب ليا فى الاسترا حول ال 40الف جنيه او اكثر قليلا

[sfgtrehk]

لو تكرمتم انا قررت اتجه وبشدة للاوبل استرا
والبديل رينو كليو
بس المشكلة فى المبلغ اللى حاكمنى

فأيه الموديل المناسب ليا فى الاسترا حول ال 40الف جنيه او اكثر قليلا

[zizo50001]

مش هتلاقى استرا نظيفة بالسعر دة ابدا

[Mamoud salah H]

ياباشا استرا 2000:2002
الي عي 1200cc
سعرها من 43000:46000 للحالة الشاذة
ودي افضل موديل للاسترا الماني بالكامل هو بس يعيبها انها 1200 وممكن تجيبها متسقطلها 1600
بس اهم حاجة لو 1200 يبقي الكنة البيضاء ايكوتك مش السوداء

[sfgtrehk]

ياباشا استرا 2000:2002
الي عي 1200cc
سعرها من 43000:46000 للحالة الشاذة
ودي افضل موديل للاسترا الماني بالكامل هو بس يعيبها انها 1200 وممكن تجيبها متسقطلها 1600
بس اهم حاجة لو 1200 يبقي الكنة البيضاء ايكوتك مش السوداء

ايوه كده فتحت نفسى

بس مش فاهم يعنى ايه المكنة البيضا مش السودا 1200cc ايكوتك

وترشحلى اشترى منيين افضل
وهل هيا ولا التويوتا ايكو سيدان

[Mamoud salah H]

بص يا باشا بالنسبة للموتور هي بتنزل ب موتورين واحد عادي الهوا الاسود والتاني ايكوتك الي هو الابيض ودة افضل بمراحل طبعا ودة المعمول بيه في كل موديلات الاسترا والفيكترا
بالنسبة لموضوع الشرا منين بقي انا بصراحة شخصيا بفضل انزل سوق الجمعة ةاتفرج براحتي واستلقط حاجة نضيفة وعلي فكرة في ناس محترمة كتيير مش كلوا تجار بس اهم حاجة الكشف قبل الدفع وانا بكشف في بنزينة كالتكس في يوسف عباس خلف السراج مول بيكشف علي الموتور ويديك الكبس بتاعه وعلي كل حاجة في العربية ب 110 جنيه

وعلي فكرة للمعلومة انا جايب عربيتي من السوق وهي فيكتراb 1996 وكانت استيراد تقفيل الماني وموتور ايكوتك وبمواصفات خاصة من ايرباجز وعفشة فيها بعض الاختلافات وعداد بالميل طبعا مع كمبيوتر رحلات وكنت جايبها ب 43000الف وظبطها وغيرت فيها شوية حاجات كدة ب 3000الاف وبقت عروسة وزي الفل هو عيبها الوحييد انها كانت ماشية كتيير شويتين 196000ميل=320000كم تقريبا بس مع ذلك الموتور لسة بحالته ومتفتحش قبل كدة وانا قصدي من كل دة انك هتلاقي حاجات كويسة كتير بسعر لقطة بس متستعجلش انا نزلت السوق لمدة شهرين ورا بعض لحد ما جيبتها وربنا وفقني اسف لو طولت عليك بس حبيت افيدك وانصحك وربنا يوفقك في الاخر وانا تحت امرك في اي حاجة ان شاء الله