افضل سيارة اوبل عائلية اركبها بلا مشاكل حدود 40000ج

[sfgtrehk]

بص يا باشا بالنسبة للموتور هي بتنزل ب موتورين واحد عادي الهوا الاسود والتاني ايكوتك الي هو الابيض ودة افضل بمراحل طبعا ودة المعمول بيه في كل موديلات الاسترا والفيكترا
بالنسبة لموضوع الشرا منين بقي انا بصراحة شخصيا بفضل انزل سوق الجمعة ةاتفرج براحتي واستلقط حاجة نضيفة وعلي فكرة في ناس محترمة كتيير مش كلوا تجار بس اهم حاجة الكشف قبل الدفع وانا بكشف في بنزينة كالتكس في يوسف عباس خلف السراج مول بيكشف علي الموتور ويديك الكبس بتاعه وعلي كل حاجة في العربية ب 110 جنيه

وعلي فكرة للمعلومة انا جايب عربيتي من السوق وهي فيكتراb 1996 وكانت استيراد تقفيل الماني وموتور ايكوتك وبمواصفات خاصة من ايرباجز وعفشة فيها بعض الاختلافات وعداد بالميل طبعا مع كمبيوتر رحلات وكنت جايبها ب 43000الف وظبطها وغيرت فيها شوية حاجات كدة ب 3000الاف وبقت عروسة وزي الفل هو عيبها الوحييد انها كانت ماشية كتيير شويتين 196000ميل=320000كم تقريبا بس مع ذلك الموتور لسة بحالته ومتفتحش قبل كدة وانا قصدي من كل دة انك هتلاقي حاجات كويسة كتير بسعر لقطة بس متستعجلش انا نزلت السوق لمدة شهرين ورا بعض لحد ما جيبتها وربنا وفقني اسف لو طولت عليك بس حبيت افيدك وانصحك وربنا يوفقك في الاخر وانا تحت امرك في اي حاجة ان شاء الله

محمد بيه

انا شاكر ليك جدا على نقل الخبرات اللى انت بتعمله معايا فلك منى كل الاخلاص فى التحية
معلش انا هنقلك نقلة تانية خالص مع دكتور عرض عليا عربيته وانا بكشف عنده وفرجنى عليها بالنهار فى عز الشمس

هى اسبرانزا 2008 فابريكة بالكامل اسبرانزا a516
ماشية 77000
لس بريحة الفابريكة والاستبن ما استعملش كمان

رايك ايه علمأ ان معاملاته بالتوكيل فقط
اخلص

[Mamoud salah H]

ياباشا حرام علييييييييييييييييك الاسبيرنزا هتعوض معاك سنة وهتشخلل وكل حاجة هتتخلع +انك مش هتحس باي برستيج وانها تاكسي في كل حتة يبقي ايه الاختلاف لما تيجي تركب تاكسي وبعدها تركب عربيتك سعتها هتندم انك جبتها وبعدين ياباشا مينفعش تبقي عايز تركب الماني وتفكر في الصيني رايي بلاش منها خالص الصيني هيفضل صيني حتي لو زيرو انت اصبر بس شوية وانت هتلاقي حجات نضيفة اوبل وبلاش صيني خالص يا باشا
انا اسمي محمود علي فكرة