الدوارة بتتاخر الصبح

[ashourashour]

دلوقتي التكييف مش شغال بعد موضوع الوصلة ده
صاحبي اللي اشترى العربية لاقى ان التكييف مش جايب هواء ساقع فشحنه وباردوا مافيش هواء ساقع
فالصنايعي قاله ان الكباس مش واخد كهرباء من الكنترول بتاعه فلما وصله بكهرباء من برا اشتغل
وديه اول مرة نجرب التكييف بعد موضوع الوصلة الكوبري
تقريبا ديه كدا ليها علاقة بان الكباس مش واخد كهربته
ايه رايكم ؟

sent from my htc

مش مستبعد يكون العيب من الكنترول لاكن ملوش علاقه خالص بالكوبري بتاع كناوت طلمبه البنزين

انت محتاج تعمل الاتي:

تراجع على فيوز ات التكيف

تكشف جهاز عند حد بيفهم اوبل و هيشوف في الداتا ليست قراءه سوتش الضغط و يـتأكد انها صحيحه
لو القراءه غلط ممكن يكون السوتش نفسه تالف او اشارته مفصوله من الكنترول

يشوف مفتاح تشغيل الكمبرسور بيتغير في الداتا ليست بتاع الجهاز لما بتدوس عليه ولا لا
لو مش بتتغير احتمال يكون المفتاح تالف او الضفيره مهربه

يجرب يعمل اكتويتور تيست لاشاره الكمبرسور اللي رايحه لكتاوت الكمبرسور اللي بيبعت 12 فولت للكويل بتاع الكمبرسور لو الكتاوت لقط يبقى خرج الكنترول سليم لو ملقطش يراجع عالضفيره والكتاوت لو سولام يبقى كنترول

الحل اه لو الكنترول هو السبب في المشكله ؟

1-تغيير الكنترول ودا اسلم حل
2-عمل كوبري خارجي من مفتاح الكمبرسور الى كتاوت الكمبرسور ولازم نفس الكوبري يشغل مروحه السربنتينه بتاعه التكييف اللي قدام الردياتير عشان لو شغلت الكمبرسور بدون مروحه السربنتينه الفريون هيسخن و يضرب من السيفتي بلف
ودا مش حل كويس عشان بتلعب في ضفيره العربيه جامد و كمان بتفقد ميزه ان الكمبرسور بيفصل مع الضغط المفاجيء على البنزين للحصول على اقصى قوه من الموتور في الطوارئ والكمبرسور كمان هيفضل شغال على طول !!!

شفلك كنترول استيراد انضف لو طلعت المشكله من الكنترول

وربنا يوفقك

[MaaM]

عاشور باشا
الكلام اللي انت بتقوله ده ، معرفش حد من اللي اتعاملت معاهم يعرف يعمله على حد علمي
لأنه مجرد بيشوف كود العطل وخلاص على كدا
فلو تقولي انت فين اراضيك ولا انت شغال مع شركة ولا ايه نظامك ؟
صاحبي معندوش مشكلة يروح فين ، المهم يروح لوحد فاهم زي حضرتك كدا

[ashourashour]

عاشور باشا
الكلام اللي انت بتقوله ده ، معرفش حد من اللي اتعاملت معاهم يعرف يعمله على حد علمي
لأنه مجرد بيشوف كود العطل وخلاص على كدا
فلو تقولي انت فين اراضيك ولا انت شغال مع شركة ولا ايه نظامك ؟
صاحبي معندوش مشكلة يروح فين ، المهم يروح لوحد فاهم زي حضرتك كدا

اولا شكرا لذوقك

لكن انا سبت محال العربيات من 2008 و كمان مش موجود في مصر حاليا

لكن في ناس بيتذكر اسماءهم في المنتدى اعرفهم شخصيا و محترمين لكن اعفيني من اني ارشحلك حد.

وبعدين انت متدفعش ولا مليم غير لما العيب يتصلح و تكون واقف على عربيتك و تشوف اه اللي اتعمل بالظبط .

وانا متابع معاك لو حبيت تسأل على اي حاجه قالولك عليها

و ربنا يوفقك.

[mahmoudhanfe]

باشا اللى بيحصل معاك وش ديه طرمبة بنزين ,, كان بيحصل معايا نفس الموضوع ,, واكبر دليل انها طرمبة مش انها بتتأخ فى الدوارة الصبح ,, ولكن انها بتفصل وانت ماشى او زى الميكانيكيا بيقولوا بتركن يعنى

شوف الطرمبة وممكن كمان تكون المصفى اللى جوه التانك مسدودة فبتعمل كدة برده

[MaaM]

من بعد موضوع الكوبري والعربية مابقتش تفصل ، فاعتقد ان دا تاكيد على انها الكنترول هو السببب

الجديد بقى دلوقتي ، العربية بقت اوقات مابتمشيش ، مافيش حتى سلانسيه يعني تدوس بنزين او تجيب الـ d العربية مابتمشيش وتسمع صوت الموتور عادي لكن العربية مابتتحركش ولمبة التشيك نورت وبقت منورة عالطول !
وصاحبي وداها لمحمود اوبل ، فقاله دا عيب كنترول وفصله فيشة لمبة التشيك

[tananybasha]

مشكله
و عشان صاحبك
لازم تصلحه

[ashourashour]

كدا الكنترول فصل بدال او بوابه

والتييييييييييييت اللي فصل لمبه كمبيوتر الموتور دا !!!!!

لو بدال او بوابه الكنترول بيتصلح لكن انا رأيي جيب واحد استيراد و كفايه عك فالعربيه !

[MaaM]

انا بشكر الأخ أحمد عاشور على اهتمامه بالموضوع ومتابعته المستمرة ورأيه وافادته الصريحة
ربنا يباركلك يا باشمهندس ويجازيك كل خير
وانا من حظي السئ ان ماروحتش تاني مرة لأني عرفت انك كنت هناك لأن كان نفسي اتعرف بيك
وكمان محمد هاشم عمل معانا واجب ، بعد اما عمل الكوبري أول يوم قالنا جربوها كام يوم وبلغوني من غير ماياخد جنيه واحد

وخلاصة الموضوع
- الكنترول مالوش استيراد (ودا لأن المكنة ديه مانزلش منها استيراد)
والموجود في السوق كله بتاع المكنة الالماني الـ 1600 وعلى كلام محمد هاشم اللي في الوطنية واللي اكدهولي الفولي ان الكنترول ده مش هايشغل المراوح دا غير انه هايحتاج برمجة ولو حصل فيه حاجة بعد يومين او تلاتة فلوسك راحت ، وتمنه بـ 3500 جنيه
- في التوكيل من 6 الاف لـ 7 الاف ولس ما اتأكدتش من التوكيل نفسه نظرا للظروف المادية
- التعديل/التصليح: عبارة عن كباري في الضفيرة وتقريبا مش هاتخلص لأن كل شوية هايظهر حاجة ،الأول كان طلمبة بنزين وبعدها بدال أو بوابة تقريبا وبعدها تكييف ومؤشر الحرارة ولسا معرفش الجاي ايه ؟!

بالاضافة ان بعد دا كله وحتى لو جبته من التوكيل "العربية بتجيب كنترول" ودا قالهولي أحمد عاشور ومحمد هاشم

عشان كدا انا كرهت العربية ديه !

[romiobasha]

انا بشكر الأخ أحمد عاشور على اهتمامه بالموضوع ومتابعته المستمرة ورأيه وافادته الصريحة
ربنا يباركلك يا باشمهندس ويجازيك كل خير
وانا من حظي السئ ان ماروحتش تاني مرة لأني عرفت انك كنت هناك لأن كان نفسي اتعرف بيك
وكمان محمد هاشم عمل معانا واجب ، بعد اما عمل الكوبري أول يوم قالنا جربوها كام يوم وبلغوني من غير ماياخد جنيه واحد

وخلاصة الموضوع
- الكنترول مالوش استيراد (ودا لأن المكنة ديه مانزلش منها استيراد)
والموجود في السوق كله بتاع المكنة الالماني الـ 1600 وعلى كلام محمد هاشم اللي في الوطنية واللي اكدهولي الفولي ان الكنترول ده مش هايشغل المراوح دا غير انه هايحتاج برمجة ولو حصل فيه حاجة بعد يومين او تلاتة فلوسك راحت ، وتمنه بـ 3500 جنيه
- في التوكيل من 6 الاف لـ 7 الاف ولس ما اتأكدتش من التوكيل نفسه نظرا للظروف المادية
- التعديل/التصليح: عبارة عن كباري في الضفيرة وتقريبا مش هاتخلص لأن كل شوية هايظهر حاجة ،الأول كان طلمبة بنزين وبعدها بدال أو بوابة تقريبا وبعدها تكييف ومؤشر الحرارة ولسا معرفش الجاي ايه ؟!

بالاضافة ان بعد دا كله وحتى لو جبته من التوكيل "العربية بتجيب كنترول" ودا قالهولي أحمد عاشور ومحمد هاشم

عشان كدا انا كرهت العربية ديه !

ربنا يعينك على اللى انت فيه
بص يا ريس انا عشت الموضوع ده كده بالضبط مع واحد صاحبى
الكنترول فصل الأتى
1- طرمبة 2-عداد حرارة 3-دواسة البنزين 4-كمبروسور
و فى كل مره كنا بنعمل كبارى و لعب فى علبة الكتوتات لأن الكنترول كان من3 سنين ب 5000
و فى الأخر توصلنا لحل جميل جدا جبنا كنترول استيراد للموتور ب 1500 و اتبرمج مع العربية ب 100 جنيه و كنترول مراوح ب 200 جنيه بضفيره صغيره من 2 كتاوت بتوع المروحة و فيشة الكولنت و تقريبا حاجة تالته "ساعة الحرارة" المهم سهل جدا تركيبة 50 جنيه و عربيتك مجهزه بيه

معلومة مهمه
سبب تلف الكنترول فى الأسترا 1600 هو التحمبل عالى مش الحرارة
و عشان كده الأسترا 1400 او 1600 فى اوروبا "الأستيراد" بيشيلو احمال من الكنترول زى المراوح عملين لها كنترول عبيط و بيخفف احمال فعلا و مش بيبوظ العربية بتاعت صديق ليا فى بنها و لو عايز مساعدة ممكن اسالهولك على اى حاجة

[MaaM]

المشكلة الاكبر اني بعت العربية لواحد صاحبي على عيب طلمبة البنزين والكوبري بتاعها
بس بعد شهرين استخدام بدأت بقية المشاكل تظهر
واللي انت ذكرته ده هو بالظبط الحاصل
السؤال بقى بعد اذنك ، ممكن تقولي جبت منين الكنترول بـ 1500 ؟
انا سالت 3 في الحرفيين وكانوا نفس السعر 3500 جنيه
والحاجة التانية بعد اما ركبت الاستيراد وعملت الضفيرة والحوارات ديه ، بقاله قد ايه راكب في العربية واخبارها ايه دلوقتي ؟

[romiobasha]

المشكلة الاكبر اني بعت العربية لواحد صاحبي على عيب طلمبة البنزين والكوبري بتاعها
بس بعد شهرين استخدام بدأت بقية المشاكل تظهر
واللي انت ذكرته ده هو بالظبط الحاصل
السؤال بقى بعد اذنك ، ممكن تقولي جبت منين الكنترول بـ 1500 ؟
انا سالت 3 في الحرفيين وكانوا نفس السعر 3500 جنيه
والحاجة التانية بعد اما ركبت الاستيراد وعملت الضفيرة والحوارات ديه ، بقاله قد ايه راكب في العربية واخبارها ايه دلوقتي ؟

والله السعر ده من فتره زى ما قلت لك
بس العربية دى بتاعت صديق ليا و مفيش مشاكل ظهرت معاه نهائى الى الأن الحمد الله
سيبنى اشالك على سعره بكام دلوقتى و اقولك

[romiobasha]

والله السعر ده من فتره زى ما قلت لك
بس العربية دى بتاعت صديق ليا و مفيش مشاكل ظهرت معاه نهائى الى الأن الحمد الله
سيبنى اشالك على سعره بكام دلوقتى و اقولك

انا سألت لك على الكنترول و بصراحه ده كان احسن سعر و الكلام محترم و عجبنى
موجود عند الدكتور فى المنصوره استيراد و هيحلهولك من نص استرا 1600 ايكوتك بوابة كهرباء و مش هتحتاج كنترول للمراوح او اى تعديل هتشيل كنترول و تحط واحد تانى و علة تجربة و بيبيعه بالأمبيولازر و طقم الدواره و فاحمه "واحده" و هيركبهم و يبرمجهم على العربية عند حسام البحقيرى
كل التكلفه 2500 جنيه و العربية لازم طبعا تروحله من الصبح عشان تستلمها بدرى فى نفس اليوم و ركم الدكتور/ 01006464882
و بصراحه ده كان احسن سعر و الكلام محترم و عجبنى

[MaaM]

الف الف شكر ياباشا انا هاكلم صاحبي وابلغه
بقولك مش المفروض الماكنة ديه اللي هي الالماني z16 ؟ اصل لو كدا باردوا على ما اظن هاتحتاج سويتش للمراوح
وانا متشكر جدا على اهتمامك

Sent from my HTC

[MaaM]

قلت ابص كدا على الاي بي يمكن الاقيه بسعر رخيص،
لاقيته بطقم الدوارة و2 فحامية + البرمجة + ضمان سنتين وسعره 200 جنيه استرليني
بس هايحتاجوا مني البارت نامبر والسيريال نمبر بتاع العربية او VIN Code
فايه رايكم ؟ الموضوع داخل دماغي اوي اني اجيبه من هناك
هم كاتبين انه مجرد مايتبرمج ، اركب وامشي ، فلو كدا تبقى مصلحة

http://www.ebay.com/itm/09364499-VAUXHALL-OPEL-ASTRA-ZAFIRA-Z16XE-FULLY-PROGRAMMED-ECU-KIT-/221218406250?pt=UK_CarsParts_Vehicles_CarParts_SM&hash=item3381a4ff6a

وياريت لو حد يفيدني بـ كود الموتور بتاع الاسترا البرازيلي

بعد إذن مشرفين القسم لو نغير عنوان الموضوع عشان يكون ملائم أكثر لمحتواه زي مثلا كنترول أسترا البرازيلي أو ما شابه

[MaaM]

بعد إذن مشرفين القسم لو نغير عنوان الموضوع عشان يكون ملائم أكثر لمحتواه زي مثلا كنترول أسترا البرازيلي أو ما شابه

حبيت اعرفكم بآخر التطورات

بقالي فترة وانا شغال سيرش على جوجل لعل وعسى الاقي الكنترول الذهبي
وتخيلوا رغم انه مصنوع في انجلترا ، الا ان محدش من اللي اتعاملت معاههم من هناك يعرف عنه حاجة دا غير ان لايوجد ذكر له في جوجل إلا شركة blustreak لكن للأسف قالولي هانصلحه بس ومعندناش منه جديد وبالتالي العربية هاتقف طوال فترة شحنه وتصليحه والحل ده غير مناسب لصاحبي

والحمد لله النهاردة ردت عليا واحدة من ضمن التلاتة اللي لاقيتهم وقالتلي ان الكنترول ممكن يكون عندهم في الستوك
واكدت عليها اني عايزه بطقم الدوارة و2 فحماية ومتبرمج على عربيتي بحيث اركب وأدور وقالت ماشي
وعرضته بـ 325 +15 شحن + ضمان سنة
وهاتوكل على الله وأشتري وهايكون من خلال paypal على الأقل نضمن وصول الكنترول

وإن شاء الله لما نستلم الحاجة ونركبه ، هابقى ابلغكم