الدوارة بتتاخر الصبح

[pilotahmed1]

اخي كان عندي استرا 2002 ونفس المشكله ما بتدور حتى لو بطاريه جديده وكان السبب الكمبيوتر

[MaaM]

اخر حاجة كنت قولتلكم عليها اني هاشتري الكنترول من برا ، بس الصراحة قلقت من المعاملة لأن مكانش فيها اهتمام من ناحية البائع انه يعرف التفاصيل اللي عندي قد ما كان مهتم اني ابعتله الفلوس ، عشان كدا نفضت للحوار
معظم تجار الكنترول اللي في انجلترا للأسف مش عارفين حاجة عن موديل HSFI 2.3 اللي يعرفوه 2.0 , 2.1 , 2.2 بس
فقولنا نتوكل على الله ونشتريه من الدكتور عبدالحميد (معرفة رامي المهدي) اتصلت بيه واتفقت معاه وقالي التركيب هايبقى عند حسام البحقيري
النهاردة الصبح روحنا المنصورة وتم الآتي
- الكنترول الإستيراد هو بتاع المكنة z14xe تقريبا الزافيرا والأسترا وبيتشغل بارده على z16xe
- حسام البحقيري قالي مش هاركب الايموبلايزر (طقم الدوارة) وخلي اللي عندك على اساس منخسرش المفتاح التاني الإحتياطي ، وده لأن الكنترول الإستيراد اللي اشتريناه جاي بـ فحمة واحدة
فقولتله بس مش معايا السيكيورتي كود ، فقالي هاطلعهولك
- جاب وصلة صغير كدا وركبها على اللاب توب وطلع السيكيورتي كود بتاع كنترول الأسترا البرازيلي x16xe ، وقالي احتفظ بيه وهانستخدمه تاني
- ركب الكنترول الإستيراد z14xe وبنفس الوصلة الاولانية طلع السيكيورتي كود بتاعه عشان يقدر يعمله Reset ، وبعد كدا حطله سيكيورتي كود جديد وهو نفس القديم
فالبتالي الايموبلايزر القديم هايشتغل مع الكنترول ، وفعلا دور العربية ودارت
- بطل العربية وركب جهاز التيك 2 على العربية وووصل جهاز التيك 2 باللاب توب بتاعه وحمل السوفتوير الخاص بـ z16xe
- وبعد أما تمت العملية بنجاح ، لغى كوبري طلمبة البنزين (صابر) وكوبري سويتش التكييف (محمد هاشم والبرنس أحمد عاشور)
- وقرأ على التيك2 ان التكييف active أول اما يشغله ويبقى inactive 12V أول ما يفصله وطبعا في الاول خالص كان التكييف Inactive 0v
ومسح الأخطاء الخاصة ب طلمبة البنزين والتكييف ، واتمسحت بنجاح ، وعمل ليها سكان تاني فمظهرتش
- وراح عملي سكان على امبير الحرارة عشان يوريني الخطأ اللي هايظهر ، ولما شوفته ، عمل كوبري صغير وبعد كدا عمل سكان تاني فاختفى الايرور وبقى not present ومسحه ، فاتمسح بنجاح وعمله سكان تاني فمظهرش ، وفعلا بعد تدوير العربية بشوية ابتدأ امبير الحرارة يتحرك وهنا صاحبي فرح
- خليت صاحبي يفضل مدور العربية عشان نختبر المراوح ، وفعلا لما الحرارة وصلت 92 ، المروحتين اشتغلوا وفصلوا في خلال 40 ثانية بالكتير ، وكدا تمام

الملاحظات:
- حسام البحقيري أستاذ فعلاً وواضح انه عمل الموضوع ده كذا مرة
- لمبة التشيك هاتفضل منورة بسبب أخطاء ثابتة وهي:
1- O2 Sensor 1 وده اللي بيخلي اللمبة تنور
2- O2 Sensor 2 وده اللمبة مش هاتنور معاه
3- Fan Switch وباردوا اللمبة مش هاتنور معاه
الخطأ الاولاني والتاني بسبب ان كنترول z14xe كان شغال على 2 حساس شكمان ، والـ x16xe شكمان واحد ، فبالتالي هايفضل حاسس بالحساس الناقص
والحل: ضفيرة موتور بتاعة 2 حساس شكمان + 1 حساس شكمان = 800 جنيه استيراد غير تمن المصنعية
الخطأ التالت ، بسبب ان كنترول z14xe المرواح بتاعته شغالة على 3 كتاوت ، , والـ x16xe شغال على اتنين بس ، فبالتالي هايفضل حاسس بالكتاوت التالت الناقص
الحل: وصلة صغيرة من فيشة الكنترول ويحطلها كتاوت تالت مالوش وظيفة ، عشان يسكته ، بس مالهاش لازمة لأنها مش مأثرة على وقت تشغيل المراوح ولا حتى بتنور لمبة التشيك انجن

- صاحبي كان مخنوق من موضوع لمبة التشيك انجن اللي هاتفضل منورة ، بس انا قولتله ماتقلقش احنا كل اسبوعين ولا حاجة أو في أي وقت نكشف بالكابل بتاعي ونشوف فيه ايرور جديد ظهر ولا لأ
- أمبير الحرارة: كنترول z14xe بيشغل امبير الحرارة من خلال Pin7 في ظل ان كنترول x16xe بيشغلها من خلال Pin23
والحل: أخد وصلة سلك متعري من Pin رقم 7 من فيشة الكنترول ، ولحمه في السلك الأزرق الخاص بـ أمبير الحرارة (باردوا اللي متوصل على فيشة الكنترول)

- بالنسبة لـ لمبة الإيرباج اللي كنت ذكرتها قبل كدا في كذا مشاركة ـ طلعت بسبب الفيشة اللي تحت الكرسي اللي جنب السواق واقعة ، فوصل السلكتين ببعضهم وطفت اللمبة
وهو كان قالي ان الايرباج ليه كنترول لـ واحده منفصل عن كنترول العربية

للأسف: صاحبي كان فك المكنة قبل كدا عشان يركب قنطرة والميكانيكي معرفش لمس ايه بالظبط ، فا شحن التكييف فضي ، وبالتالي مقدرناش نختبر التكييف ساعتها

النقطة الأخيرة: ماكنتش أقدر آخاطر واشتري كنترول من انجلترا وأبرمجه هنا ، لأني ممكن احتاج تعديلات تانية تخليني اصرف اكتر من اللي اشتريناه من مصر
وبعد اللي حصل ، لو أي حد فيكم يناسبه التعلديلات اللي تمت ، تمن الكنترول من برا على الـ Ebay هو 120 - 130 جنيه استرليني غير تمن الشحن والجمارك

===========================================

كنترول x16xe ، اخدته معايا ، وفتحته بصوا عليه كدا

واخدين بالكم من المادة الرمادي اللي جات على البنات اللي فوق ، هل دا ممكن يكون السبب ؟



================================

ملاحظات أخرى:
- بكرر شكري لـ رامي المهدي على اهتمامه ومعرفته لينا بـ الدكتور عبدالحمد والراجل ده محترم جدا
- فادي، مالوش دعوة بأي حاجة ولا بالعربية حتى ، لكن كلف نفسه واتصل عليا عشان يسألني اذا كنت هاحتاج حاجة تانية من المنصورة ولا لأ ، كبير يافادي والله
- أحمد عاشور: زي مابقولكم عالطول دا البرنس ، فاهم بيحكي في ايه ودايما يفهمني ويشرحلي بالتفصيل ، وكوبري سويتش التكييف كان واقف مع محمد هاشم ساعتها وكان بياخدوا رأي بعض ، حتى صاحبي لما كان واقف هناك قالي الراجل اللي انت حكيتلي عنه شكله فاهم كويس
اتمنى اشوفك يا أحمد عاشور في السوق عشان الواحد يروحلك وهو حاطط رجل على رجل ومش خايف من حاجة
-

[MaaM]

للإفادة:
- البارت نامبر لـ كنترول الاسترا البرازيلي: 93302294 ، موديل HSF 2.3
- البارت نامبر لـ كنترول الاسترا والزافيرا الألماني: 09353459 ، موديل HSFI 2.1
والإتنين Made in UK

[فادى محمد]

حمد الله ع السلامه يا محمود .
بالتوفيق ان شاء الله..

[romiobasha]

حمد الله على السلامه
انت متاكد ان حسام نزلك سوفت وير الأسترا 1.6 البرازيلى "الأصلى"
لأن فعلا الكنترول ده كان شغال على المكنه اللى راكب فيه 2 حساس شكمان
بس المفروض ان السوفت وير بيعرف الINPUT OUTPUT PINS
يعنى موضوع برده بتاع عداد الحراره و pin 7 ده يدل ان INPUT OUTPUT PINS
مش متعديل على الكنترول 1.4
ننتظر راى الزملاء فى الموضوع Configuring INPUT OUTPUT PINS

[MaaM]

الله يسلمك
نزلي سوفتوير المكنة z16xe مش x16xe