رابطة مالكى فيكترا سي ★ والصيانات

[Dr-Daly]

العزل بتاع الكابينه ممتاز من وجهة نظري وصوت الماتور هادي ساعات لما ببقي بره العربيه مش بعرف العربيه دايرة وألا لأ بيتهيألي ده نجاح للشركه،
أما بخصوص كمبروسور التكييف ف أعتقد صوته عالي حاجه بسيطه عن المفروض

[abanob]

طيب انا معايا vectra C High Line .. ينفع احطلها موضوع الكشافات اللى بتتحرك مع الدريكسيون دى ؟؟ ولو ينفع يبقى اجيبهم منين واركب عند مين ؟؟

[احمد فهمى]

للأسف أنا عملت حادثه بالعربية وأنا شاريها و راجع من القاهرة
و من يومها و هيا عند السمكرى و حاليا عند البوهيجى
عشان كده بظبط فيها كل حاجة ( الحمد لله) بس قضى أخف من قضى
عموما هيا ما لحقتش تتشاف , و هيا لونها فضى High Line

قدر الله وما شاء فعل معلش متعرفش ايه كان مستنيك بعد كده لو احتجت مساعده فى قطع غيار بلغنى

ربنا يخليك يابو حميد
دانا يبقالي الشرف اني اخد عربيتك والله يا باشا
شوف انت ياباشا طالب فيها كام وانا شاري ان شاء الله
بس يارب ماتكونشي سوداء ههههههههههههه
انا فعلا ملاحظ ان كل العربيات اللي عليها اعلان من ال 90 الف كيلو متر وانت طالع
والاسعار متفاوتة بشكل غريب مش فاهمه
ربنا يوفقك ان شاء الله وتلاقي العربية اللي انت عاوزها

الله يكرمك ولا مش سوده عربيتى اللون سماوى الغامق اللون الشهير بتاعها وادعيلى الاقى توب لاين حاله كويسه وربنا يكرم الجميع ويسترها معانا

سؤال انا عربيتي إليجانس أول فئه هل ينغع أركب برنامج الأتزان (esp )ومثبت السرعه للعربيه وهيتكلفوا كام توكيل أو بره؟

مثبت السرعه تروح تشترى من هانى العايدى ب250 جنيه وتطلع على صابر او محمد عبد الراضى يعرفهولك ب50 جنيه بس لازم يكون معاك السيكيوريتى كود بتاع العربيه لو مش معاك روح منصور هو متسجل فى ملف العربيه هيستهبلو ويقولولك نبعت تجيبو من المانيا وتدفع 150 جنيه قولو مكتوب فى بروفيل العربيه عندك عملو كده معايا وخدتو فى لحظتها ....
وموضوع ال esp محتاج كلام كتير غير الحساسات زى ما وضحلك عشور فماستر الفرامل مختلف ولو اشتريتو ميركبش على السيرفو اللى عندك

اه رأيكم في عفشه الفكترا سي يا جماعه ؟؟؟ ليس في الثبات ولكن مدى التاثير على راحه الركاب في المطبات ؟؟؟

و اه رأيكم في عزل الموتور ؟؟ يعني سماع صوت الموتور في الصالون ؟؟

اخر حاجه صوت كمبرسور التكييف مسموع ولا لا ؟؟

الثبات مثالى جداً والفرامل تمام بس العفشه ناشفه نوعاً ما بس افضل من الاوكتافيا والفيكترا بى
صوت المتور معزول كويس
صوت الكمبروسر وانت بره العربيه عالى من جوه مبتسمعوش بس بره العربيه واضح

طيب انا معايا vectra C High Line .. ينفع احطلها موضوع الكشافات اللى بتتحرك مع الدريكسيون دى ؟؟ ولو ينفع يبقى اجيبهم منين واركب عند مين ؟؟

الموضوع ممكن بس مكلف جداً لأن الفوانيس غاليه ومش موجوده استيراد

[احمد فهمى]

مثبت السرعه دي حاجه بسيطه خالص دراع الاشارات هتشده بقوه لبره هيتخلع معاك و تجيب دراع اشارات فيه زرارير المثبت و تركبه مكان الدراع القديم كبس و هتحتاج تبرمجه في 3 دقائق و لازم يكون معاك السيكيورتي كود على ما اتذكر و لو مش معاك بتروح تجيبه من التوكيل

انت ممكن تروح تبرمجه في التوكيل على طول طبعا

الدراع دا و تركيبه و برمجته في التوكيل ب 1000 جنيه تقريبا على ما اتذكر ممكن تكلم منصور تتأكد

موضوع ال esp حتى لو انا شايف انه نظريا ينفع و هتجيب حساس زاويه الانحراف استيراد و توصله بالكان باس لاكن مأدرش اقولك ينفع ولا لا الا لو جربت الموضوع بنفسي و اتاكدت منه

عشور باشا المشكله ان ماستر الفرامل مختلف ولو جبتو ميركبش على السيرفو اللى عندك وهل لو جبت السيرفو بالماستر ولو جبت حساس زاوية الانحراف هل برمجة الموضوع ده ممكنه ام لا؟؟ هو ده السؤال المهم

[ashourashour]

عشور باشا المشكله ان ماستر الفرامل مختلف ولو جبتو ميركبش على السيرفو اللى عندك وهل لو جبت السيرفو بالماستر ولو جبت حساس زاوية الانحراف هل برمجة الموضوع ده ممكنه ام لا؟؟ هو ده السؤال المهم

البرمجه اخر حاجه تفكر فيها يا باشا .. لكن لازم التجربه مع المجازفه وبعد كدا لو نجحت نقول ينفع :)

[abdelaziz-waleed]

الله يكرمك ولا مش سوده عربيتى اللون سماوى الغامق اللون الشهير بتاعها وادعيلى الاقى توب لاين حاله كويسه وربنا يكرم الجميع ويسترها معانا

حمدا لله على سلامتك يابو حميد. نورت مكانك يا باشا
لعل الغياب كان سببه خير ان شاء الله
ربنا يوفقك ان شاء الله لطلبك وتكون حالتها ممتازة ان شاء الله
انا عموما لسة قدامي مش اقل من 3 اسابيع على ما ارجع مصر ان شاء الله
ربنا يكرمك ويوفقك وتلاقي حاجة كويسة وانت كدة خلاص ان شاء الله المشتري موجود ومستنيك
ولو ربنا اكرمك قبل مانا ما ارجع ولاقيت حاجة كويسة واحتجت تنبع علشان توفر سيولة قوللي وانا اكلم اخويا يجي يقابلك ان شاء الله
هو فيه واحدة توب لاين على كونتاكت كارز بس في اسكندرية وماشية 93 الف وسودا ههههههههه http://www........cars.com/usedcars_...?CarID=1124332
ممكن تحاول تشوفها. صاحبها طالب فيها 110 يمكن لو طلعت حلوة تبقى لقطة بالسعر ده يابو حميد
بارك الله فيك يابو حميد وجعل مساعدتك للناس في ميزان حسناتك ان شاء الله

[sniperfox]

العربيه فيكترا 2007 منيوال كنت عاوز اعرف اقيس زيت الفتيس ازاي علشان البنزينه الراجل اللي هناك مشعارف يقيسه وبيقول لازم تروح التوكيل وزيت البور ناقص ولم جيت ازوده الي ده زيت كهربا ولازم تجيبو من التوكيل كنت عاوز اعرف الكلام ده صح ول هو بيقول اي كلام

[abanob]

الموضوع ممكن بس مكلف جداً لأن الفوانيس غاليه ومش موجوده استيراد

طب غالي اد ايه مثلا ؟؟

[ziad_fawzi]

السلام عليكم

ماشاء الله بصراحة معلومات مفيدة جدا جزاكم الله خيرا

الحمد لله اشتريت من أسبوع فيكترا C توب لاين ماشية 40000 كم و بحالة ممتازة و كشفت عليها في منصور و لاقيت اخر صيانة 25000 كم في التوكيل و بعدها ماتعملش فيها حاجة ما عدا غيار الزيت
ثبات رائع لحد 180 كم/س و خصوصا اني لسه بايع حبيبة قلبي الفيكترا A الاسطورة بعد رحلة طويلة من الزيرو لمدة 18 سنة
مع الفارق الكبير في الرفاهية بين الاتنين بس ماحستش اني راكب عربية مختلفة فعلا الفيكترا هي الفيكترا

ما شاء الله العربية رائعة و فيها كل حاجة ناقص تقول بابا و ماما بس ناقصة حاجتين مهمين جدا
Parking sensors و السنتر بدون انزار
عاوز اعرف لو حبيت اركبهم في القاهرة اروح لمين يكون ثقة و بيفهم عشان انا قلقان من كتر التكنولوجيا في العربية

نور الزينون حاسس انه قريب قوي خصوصا في السفر و السرعة العالية و بضطر افتح النور العالي بيكشف طبعا الطريق بس بيعمي الناس فكنت بسأل هل فوانيس التوب لاين لها ريجلاج واللا لا مع العلم انها بتترفع حاجة بسيطة اوي مع زيادة السرعة

قطع الغيار و الصيانة كنت بعملهم في الفيكترا ِA عند محمد عبد الراضي بتاع صقر قريش بس كنت عاوز أعرف من أهل الخبره هل أكمل معاه واللا في حد أفضل . و خصوصا ان قطع الغيار في التوكيل مبالغ فيها جدا و ان خبرتي قليلة في مراكز الصيانة و قطع الغيار في القاهرة

انا متابع باهتمام لجميع المشاركات و بشكر القائمين على المنتدي لاني فعلا استفدت كتير قبل الشراء

[احمد فهمى]

العربيه فيكترا 2007 منيوال كنت عاوز اعرف اقيس زيت الفتيس ازاي علشان البنزينه الراجل اللي هناك مشعارف يقيسه وبيقول لازم تروح التوكيل وزيت البور ناقص ولم جيت ازوده الي ده زيت كهربا ولازم تجيبو من التوكيل كنت عاوز اعرف الكلام ده صح ول هو بيقول اي كلام

كلام الميكانيكى صح وده عندو ضمير ومش بيفتى وده شيء نادر ببساطه هتروح منصور او مقار تغير زيت الفتيس والباور وده موضوع مهم ومش غالى او لو بتتعامل مع حد بره زى صابر او محمد عبد الراضى

طب غالي اد ايه مثلا ؟؟

الفنوس الواحد حوالى 6 الاف جنيه غير الحساسات والضفيره وشغل الكهربا وتغير المفتاح الداخلى فى الطباوه بتاع الاضائه

السلام عليكم

ماشاء الله بصراحة معلومات مفيدة جدا جزاكم الله خيرا

الحمد لله اشتريت من أسبوع فيكترا C توب لاين ماشية 40000 كم و بحالة ممتازة و كشفت عليها في منصور و لاقيت اخر صيانة 25000 كم في التوكيل و بعدها ماتعملش فيها حاجة ما عدا غيار الزيت
ثبات رائع لحد 180 كم/س و خصوصا اني لسه بايع حبيبة قلبي الفيكترا A الاسطورة بعد رحلة طويلة من الزيرو لمدة 18 سنة
مع الفارق الكبير في الرفاهية بين الاتنين بس ماحستش اني راكب عربية مختلفة فعلا الفيكترا هي الفيكترا

ما شاء الله العربية رائعة و فيها كل حاجة ناقص تقول بابا و ماما بس ناقصة حاجتين مهمين جدا
Parking sensors و السنتر بدون انزار
عاوز اعرف لو حبيت اركبهم في القاهرة اروح لمين يكون ثقة و بيفهم عشان انا قلقان من كتر التكنولوجيا في العربية

نور الزينون حاسس انه قريب قوي خصوصا في السفر و السرعة العالية و بضطر افتح النور العالي بيكشف طبعا الطريق بس بيعمي الناس فكنت بسأل هل فوانيس التوب لاين لها ريجلاج واللا لا مع العلم انها بتترفع حاجة بسيطة اوي مع زيادة السرعة

قطع الغيار و الصيانة كنت بعملهم في الفيكترا ِA عند محمد عبد الراضي بتاع صقر قريش بس كنت عاوز أعرف من أهل الخبره هل أكمل معاه واللا في حد أفضل . و خصوصا ان قطع الغيار في التوكيل مبالغ فيها جدا و ان خبرتي قليلة في مراكز الصيانة و قطع الغيار في القاهرة

انا متابع باهتمام لجميع المشاركات و بشكر القائمين على المنتدي لاني فعلا استفدت كتير قبل الشراء

مبروك اولاً العربيه وقولى اشتريتها بكام عشان انا عايز واحده توب لاين وبالنسبه للتكنولوجيا لا تقلق مش معقد زى ما انت متخيل والباركينج سينسور موضوع سحل جداً ركبو عند السجان او ابراهيم اللى فى شارع دمشق هيكلفك حوالى 150 جنيه واختار الشاشه العاديه الصغيره وحطها فوق مراية الصالون وعادى اتعامل مع محمد عبد الراضى هو بيفهم كويس وشغال فى الفيكترا سى من زمان والنور بيعلى ويوطى اوتوماتيك وبيحود مع الدركسيون بس ممكن يكون محتاج برمجه ودى يعملهالك محمد عبد الراضى او صابر او التوكيل طبعاً

البرمجه اخر حاجه تفكر فيها يا باشا .. لكن لازم التجربه مع المجازفه وبعد كدا لو نجحت نقول ينفع :)

فعلاً الموضوع محتاج تجربه انا شكلى هنزل عربيه توب لاين من بره تقطيع وافك واركب براحتى ان شاء الله هسافر الصيف ده وهشوف الدنيا ايه

[ziad_fawzi]

مبروك اولاً العربيه وقولى اشتريتها بكام عشان انا عايز واحده توب لاين وبالنسبه للتكنولوجيا لا تقلق مش معقد زى ما انت متخيل والباركينج سينسور موضوع سحل جداً ركبو عند السجان او ابراهيم اللى فى شارع دمشق هيكلفك حوالى 150 جنيه واختار الشاشه العاديه الصغيره وحطها فوق مراية الصالون وعادى اتعامل مع محمد عبد الراضى هو بيفهم كويس وشغال فى الفيكترا سى من زمان والنور بيعلى ويوطى اوتوماتيك وبيحود مع الدركسيون بس ممكن يكون محتاج برمجه ودى يعملهالك محمد عبد الراضى او صابر او التوكيل طبعاً


أحمد باشا متشكر على الرد السريع

انا جبتها ب 117 و صاحبها كان ماسك على 125 و هو ده سعرها فعلا بعيد عن التجار لو العربية فابريكة و كيلومتر بسيط بس ربنا هداه و اتساهل معايا.. هاتلاقي ناس بتضرب ارقام 140 و 150 دول مش بيبيعو سيبك منهم و إن شاء الله تلاقي واحده كويسة و سعرها معقول

نصيحة حاول توصي جراجات و مغاسل عربيات و خصوصا لو في اماكن راقية لو تعرفهم زي مانا عملت بعد ما طلع عيني شهرين في الفرجة على عربيات من عالنت ( كونتاكت و غيره) و كلها عربيات ملعوب في عداداتها و تجار ... و بالتوفيق

ان شاء الله هابقى اروح شارع دمشق اركبهم بس مش عارف لو ركبت انزار هايبقي شغال مع المفتاح الاصلي ؟

و بالنسبة لبرمجة الفوانيس هل هي محتاجة اكون عارف الباسوورد من التوكيل بس انا معايا الكتالوجات و في ورق غريب معاها اكواد و ارقام و حاجات غريبة مش عارف هو فيهم واللا لأ

[احمد فهمى]

مبروك اولاً العربيه وقولى اشتريتها بكام عشان انا عايز واحده توب لاين وبالنسبه للتكنولوجيا لا تقلق مش معقد زى ما انت متخيل والباركينج سينسور موضوع سحل جداً ركبو عند السجان او ابراهيم اللى فى شارع دمشق هيكلفك حوالى 150 جنيه واختار الشاشه العاديه الصغيره وحطها فوق مراية الصالون وعادى اتعامل مع محمد عبد الراضى هو بيفهم كويس وشغال فى الفيكترا سى من زمان والنور بيعلى ويوطى اوتوماتيك وبيحود مع الدركسيون بس ممكن يكون محتاج برمجه ودى يعملهالك محمد عبد الراضى او صابر او التوكيل طبعاً


أحمد باشا متشكر على الرد السريع

انا جبتها ب 117 و صاحبها كان ماسك على 125 و هو ده سعرها فعلا بعيد عن التجار لو العربية فابريكة و كيلومتر بسيط بس ربنا هداه و اتساهل معايا.. هاتلاقي ناس بتضرب ارقام 140 و 150 دول مش بيبيعو سيبك منهم و إن شاء الله تلاقي واحده كويسة و سعرها معقول

نصيحة حاول توصي جراجات و مغاسل عربيات و خصوصا لو في اماكن راقية لو تعرفهم زي مانا عملت بعد ما طلع عيني شهرين في الفرجة على عربيات من عالنت ( كونتاكت و غيره) و كلها عربيات ملعوب في عداداتها و تجار ... و بالتوفيق

ان شاء الله هابقى اروح شارع دمشق اركبهم بس مش عارف لو ركبت انزار هايبقي شغال مع المفتاح الاصلي ؟

و بالنسبة لبرمجة الفوانيس هل هي محتاجة اكون عارف الباسوورد من التوكيل بس انا معايا الكتالوجات و في ورق غريب معاها اكواد و ارقام و حاجات غريبة مش عارف هو فيهم واللا لأ

سعر ممتاز ربنا يباركلك بالنسبه للأنزار عند السجان جهاز انزار بيتبرمج على ريموت العربيه يعنى مبتحتجش تمشى ب 2 ريموت تمنو تقريباً 350 بس يفضل اللى يركبهولك حد بتاع اوبل او تسألهم ركبتو فى اوبل قبل كده او لا عشان العك الكتير مش هينفع يعنى ممكن تشتريه وتروح تركبو عند صابر ومعرفش محمد عبد الراضى يركبهول او لا

[Dr-Daly]

مبروك اولاً العربيه وقولى اشتريتها بكام عشان انا عايز واحده توب لاين وبالنسبه للتكنولوجيا لا تقلق مش معقد زى ما انت متخيل والباركينج سينسور موضوع سحل جداً ركبو عند السجان او ابراهيم اللى فى شارع دمشق هيكلفك حوالى 150 جنيه واختار الشاشه العاديه الصغيره وحطها فوق مراية الصالون وعادى اتعامل مع محمد عبد الراضى هو بيفهم كويس وشغال فى الفيكترا سى من زمان والنور بيعلى ويوطى اوتوماتيك وبيحود مع الدركسيون بس ممكن يكون محتاج برمجه ودى يعملهالك محمد عبد الراضى او صابر او التوكيل طبعاً


أحمد باشا متشكر على الرد السريع

انا جبتها ب 117 و صاحبها كان ماسك على 125 و هو ده سعرها فعلا بعيد عن التجار لو العربية فابريكة و كيلومتر بسيط بس ربنا هداه و اتساهل معايا.. هاتلاقي ناس بتضرب ارقام 140 و 150 دول مش بيبيعو سيبك منهم و إن شاء الله تلاقي واحده كويسة و سعرها معقول

نصيحة حاول توصي جراجات و مغاسل عربيات و خصوصا لو في اماكن راقية لو تعرفهم زي مانا عملت بعد ما طلع عيني شهرين في الفرجة على عربيات من عالنت ( كونتاكت و غيره) و كلها عربيات ملعوب في عداداتها و تجار ... و بالتوفيق

ان شاء الله هابقى اروح شارع دمشق اركبهم بس مش عارف لو ركبت انزار هايبقي شغال مع المفتاح الاصلي ؟

و بالنسبة لبرمجة الفوانيس هل هي محتاجة اكون عارف الباسوورد من التوكيل بس انا معايا الكتالوجات و في ورق غريب معاها اكواد و ارقام و حاجات غريبة مش عارف هو فيهم واللا لأ

ألف مبروك علي العربيه ربنا يرزقك خيرها ويكفيك شرها وتكون فاتحة خير عليك ان شاء الله،
العربيه فعلاً ممتازه انا جبتها من حوالي شهرين مو2008 بس اليجانس كانت أصلاً بتاعة زميل ليا في الشركه والحمدلله كشفت عليها في مقار للتأكد بردو وكله تمام عدادها فوق الميه صحيح بس كله علي طرق سفر وانا متأكد من المعلومه دي، بتصين في مقار بصفه دورية علي حساب الشركة وحتي طبعولي آخر فاتورة شغل للعربيه عندهم وكان فيها (تغيير ديسك وإسطوانه وزيت فتيس وسيور) يعني كان مظبها تمام قبل ما يبيع ويستلم من الشركه باسات جديدة2012 والحمدلله أنا فعلاً مبسوط بيها جداً وبشكر ربنا وبحمدفضله عليها ومش ببقي عايز انزل منها أصلاً
مهم قوي العربية تبقي حالتها نضيفه عشان متتعبش الواحد بعد كده حتي لو دفعت فيها أزيد شويه،
وأهلاً بيك في فرع العصابه الخاص بتاع ال فيكترا سي

[hoba]

دي ايه موجوده في الفكترا سي Ignition logic

[ashourashour]

دي ايه موجوده في الفكترا سي ignition logic

مع فتح و غلق الكونتاكت