رابطة مالكى استرا ( j )

[tagomda]

عندي مشكله ان العربيه و هي دايره و من غير ما تمشي يعني علي السلانسيه بتبرجل يعني بترجرج كده زي ماتكون هتبطل لكن مش بطل طبعاً
يا تري حد عنده كده؟
و العربيه عملت صيانه ال ٥٠٠٠ بس انا نسيت اقولهم علي الموضوع ده
و برضه خايفه اوديها تاني يجو يحلو المشكله دي يبوظولي حاجه
و يكون ده اصلاً نظام العربيه
يا تري اعمل ايه ؟

لازم العربية تروح التوكيل, كانت عربيتي كده و ظبطوها.
هو المهندس قالى مشكلة بنزين و لازم يعمل اب دات للجير على بنزين 92

[m9501]

معلش يا جماعه عندي استفسار بس جه متأخر هو الاستبن بتاع الكوزمو صغير صح؟ يعني كاوتشه وجنط عادي مش سبور بس صغيرين شبه كاوتشه ال 127 كده صح؟؟

اه اوي و السرعة ٨٠ كم/س تقريبا

[MeGa22]

انا عضو جديد معاكم هنا وعجبنى اوى افكار مواضيعكم
وكنت محتاج اعرف ايه رأيكم فى الاسترا فى الموديلات القديمة سواء كانت 1200 او 1600 سى سى لانى بفكر جديا مابين الاسترا والكورسا موديل 2004 ارجو الافادة

[mo.ad.hosny]

نسعد بإنضمامكم لجروب رابطة ملاك أوبل أسترا على الفيس بوك

https://www.facebook.com/groups/302485839892514/

[omaratef]

السلام عليكم، طب دلوقتى انا كنت ناويت اشترى الاوبل الاسترا الجديدة بس بعد كلامكوا ده بصراحه قلقت خصوصا انلى كنت شايل هم اعادة البيع والكلام ده فتنصحونى اشتريها ولا لا وكما ياريت تفيدونى فى قطع الغيار غاليه ولا معقولة وتسلموا

[Ihab Amer]

حد يسعدني يا جماعه عاوز اشترك في الجلروب

[mo.ad.hosny]

حد يسعدني يا جماعه عاوز اشترك في الجلروب

يا استاذ ايهاب اتفضل اللينك شغال


https://www.facebook.com/groups/302485839892514/

[Ihab Amer]

يا استاذ ايهاب اتفضل اللينك شغال


https://www.facebook.com/groups/302485839892514/

الف شكر اخي العزيز

[a_samir2011]

السلام عليكم، طب دلوقتى انا كنت ناويت اشترى الاوبل الاسترا الجديدة بس بعد كلامكوا ده بصراحه قلقت خصوصا انلى كنت شايل هم اعادة البيع والكلام ده فتنصحونى اشتريها ولا لا وكما ياريت تفيدونى فى قطع الغيار غاليه ولا معقولة وتسلموا

بص ياباشا هوضحلك حاجه هات استرا اذا:
1- بتحب الجوده.
2- مش فارق معاك الفلوس وبتغير عربيتك كل فين وفين.
3- بتحب تجري على الطرق السريعه.
4- بتحب تحس بالامان,
5- بتحب العربيات الشيك والفخامه.
6- تقدر تدفع الصيانه اللى هيا غاليه طبعا مقارنه بالكوري ومعقوله بالنسبه لليباني.
7- لو بتحب السواقه الكتير.

متجيبش استرا اذا:
1- لو فى حاجه من اللى فوق دول مش فارقه معاك.
2- لو بتحب العفشه تكون ناعمه جدا (زي الكورولا 2010 عفشتها انعم بنسبه اقل من 50% من الاسترا ويمكن بقول كده علشان اللى سوقتها كانت طاسات لكن الاسترا جنوط 17).
3- لو عايز عربيه تلمها باقل سعر اذا لقدر الله حصلها حاجه. (خد بالك كل 2014 بالنسبه لليباني اللى تقدر تقارنه بيها (ولو ان مفيش مقارنه طبعا) غالى بردو فى معظم قطع الغيار)

عموما المشاكل اللى الناس بتتكلم عنها دي مشاكل بسيطه لان العربيه مصممه على بنزين 95 واحنا بنحطلها 92 فلازم شويه تعديلات تحصل فى العربيه وده طبيعي جدا موضوع تانكك البنزين اللى بنسمع منه البنزين ده يكاد يكون غير مسموع بالمره اذا انت راكن فى جراج وطلعت مره واحده بالعربيه ومقفل ازازك ومركز بنسبه 100% لكن مفيش عيب يذكر فى العربيه جامد زي مثلا فتيس ال dsg اللى فى VW او مشكله الفتيس بتاع تويوتا مثلا اللى الناس عاشت بيه وتعايشت ورضيت بالامر الواقع

عموما فكر كويس وربنا يكرمك للاحسن باذن الله وعندك الياريس او الكورولا شكلهم تحفه الصراحه بس من جوه تقليديين جدا للاسف

[a_samir2011]

حاجه مهمه جدا كنت عايز اقولوكم عليها يا جماعه بخصوص الاسترا حد ركز فى المفاح بتاعها قبل كده؟

طيب حد شاف كلمه valeo مكتوبه على المكان اللى بيدخل فيه السلاح و على السلاح من نفسه؟؟

طيب حد يعرف ايه valeo دي اصلا؟

بصوا بقي valeo دي شركه فرنساوي كبيره جدا عامله انظمه كتيره جدا لل security لشركات زي VW, BMW, Mercedes وواخده احتكار على ما اعتقد فى اي عربيه بتركن لوحدها يعني اي عربيه فيها نظام ال auto parking لازم valeo تعملهولها او تاخد موافقه valeo عليه عموما هيا من اكبر شركات ال embedded systems اللى موجوده فى العالم وده معناه ان Opel محترمه العربيه بتاعتها لانها فكرت فى شركه كبيره جدا زي valeo علشان تعملها المفتاح بتاعها وتقريبها هيا اللى عامله النظام بتاع ضد السرقه ده والله اعلم

[Abdo Taha]

حاجه مهمه جدا كنت عايز اقولوكم عليها يا جماعه بخصوص الاسترا حد ركز فى المفاح بتاعها قبل كده؟

طيب حد شاف كلمه valeo مكتوبه على المكان اللى بيدخل فيه السلاح و على السلاح من نفسه؟؟

طيب حد يعرف ايه valeo دي اصلا؟

بصوا بقي valeo دي شركه فرنساوي كبيره جدا عامله انظمه كتيره جدا لل security لشركات زي VW, BMW, Mercedes وواخده احتكار على ما اعتقد فى اي عربيه بتركن لوحدها يعني اي عربيه فيها نظام ال auto parking لازم valeo تعملهولها او تاخد موافقه valeo عليه عموما هيا من اكبر شركات ال embedded systems اللى موجوده فى العالم وده معناه ان Opel محترمه العربيه بتاعتها لانها فكرت فى شركه كبيره جدا زي valeo علشان تعملها المفتاح بتاعها وتقريبها هيا اللى عامله النظام بتاع ضد السرقه ده والله اعلم

لا و في بعض قطع الغيار من انتاجها يعني قربة الردياتير عندي غي الفيكترا مكتوب عليها تصنيع شركة valeo و سمعت ان الفوانيس من انتاجها برضه

[m.farouk]

انا عندى عجلة نامت وعلى موقف وغيرتها مشيت عليها شوية لقتها عملة ريحة شياط جمده جدا ولقتها اتفرتكت من الجنب وبدور عليها ولقتها نقصة ولى لقتةا عندوا عوز يبعلى الميشﻻن 1750 وفى Toyo ب750 انا بفكر اركب اعرض حاجة بسيطة 17/45/225 ودى تركب على نفس الجنط هتبقى اعرض واوطى حاجة بسيطة والمقاس ده متوفر وسعره معقول ينى العجلة من 1300الى1500 ال وفى منوا الرن فﻻت اية رائيكم فى الى هعملوا

[K.Ossama]

انا عندى عجلة نامت وعلى موقف وغيرتها مشيت عليها شوية لقتها عملة ريحة شياط جمده جدا ولقتها اتفرتكت من الجنب وبدور عليها ولقتها نقصة ولى لقتةا عندوا عوز يبعلى الميشﻻن 1750 وفى toyo ب750 انا بفكر اركب اعرض حاجة بسيطة 17/45/225 ودى تركب على نفس الجنط هتبقى اعرض واوطى حاجة بسيطة والمقاس ده متوفر وسعره معقول ينى العجلة من 1300الى1500 ال وفى منوا الرن فﻻت اية رائيكم فى الى هعملوا

لأ طبعاً، اوعى تعمل كدة
لازم تبقى نفس مقاس باقى العجل اللى راكب

[m.farouk]

لأ طبعاً، اوعى تعمل كدة
لازم تبقى نفس مقاس باقى العجل اللى راكب

انا لو غيرت المقاس هغير عجلتين وبعدين هغير العجلتين التانين وبكده الع بية كلها هتبقى نفس المقاس

[K.Ossama]

انا لو غيرت المقاس هغير عجلتين وبعدين هغير العجلتين التانين وبكده الع بية كلها هتبقى نفس المقاس

ولو برضو
أنا شايف ان كدة خطر على الطريق
لو كدة يبقى الأحسن تغيير كله مرة واحدة وتبقى علقة تفوت ولا حد يموت