رابطة مالكى استرا ( j )

[m.farouk]

نسيت اقولكم اني سالت و انا بعمل صيانه عن البلوتوث قالي ممكن يجيبو بالطلب
فقلتله بما ان كل الزراير موجوده فهل يوجد چاكات جاهزه للتوصيل فقالي لا طبعاً
احنا هنقص في ضفيره الكهربه فانا خفت من الموضوع ده فقالي انا منصحكيش باللعب ابداً في الضفيره

مبروك لكل الملاك الجدد.. كنت عايز أسأل إذا كان حد لاحظ صوت تسريب هواء فوق سرعة ١٠٠ و أنت قافل زجاج الأبواب كلها ؟
حاجة تانية برده أخبار التسارع بعد ١٣٠ ايه و هل في فرق في التسارع مع اختلاف البنزين ٩٢ أو ٩٥ ؟

فى صوت هواء فعلا بعد 100 او 120 من ناحية باب السواق واضح التسارع كويس لحد 200 هى جراية بس تجمعها مش سريع قوى

[karim gamal]

مبروك لكل الملاك الجدد.. كنت عايز أسأل إذا كان حد لاحظ صوت تسريب هواء فوق سرعة ١٠٠ و أنت قافل زجاج الأبواب كلها ؟
حاجة تانية برده أخبار التسارع بعد ١٣٠ ايه و هل في فرق في التسارع مع اختلاف البنزين ٩٢ أو ٩٥ ؟

فعلا في صوت هواء داخل بس تسمعه ومبتحسوش ،،،، يا تري ده ايييه

[Z100100]

مبروك لكل الملاك الجدد.. كنت عايز أسأل إذا كان حد لاحظ صوت تسريب هواء فوق سرعة ١٠٠ و أنت قافل زجاج الأبواب كلها ؟
حاجة تانية برده أخبار التسارع بعد ١٣٠ ايه و هل في فرق في التسارع مع اختلاف البنزين ٩٢ أو ٩٥ ؟

مره حصلت معايا حاجه غريبه قبل صيانه ٥٠٠٠ بشويه و هي ان اول ما جبت ١٤٠ وقفت السرعه علي كده و ادوس بنزين مش راضيه تتزحزح و بعد شويه جابت و وصلت ١٦٠ و برضه ثبتت لحظات كده و ووصلت ١٧٠ بس ما رضيتش ازود عن كده عشان الطريق كان فيه مطبات هوا

لكن هي حالياً عدت ٧٠٠٠ و لسه من كام يوم وصلت ل ١٧٧ عادي زي اي عربيه بس هي تجميعها في الاول بطئ و كمان العربيه كنا فيها اربعه و ما سبونيش ازود عن كده عشان مامتي كانت عايزه تنزل و تسبني ( اصلها بتخاف)
كان نفسي اعرف اخرها ايه و هتفضل ثابته و لا لا

[dede_dodo88]

انا معايا استرا استيت ديزل وفيها زرار التليفون فى الدركسيون بس للاسف مفيش بلوتوث وبنسى اسأل فى الصيانه بصراحه

طب ما تسأل صحيح و أعرفلنا الموضوع ده.. أكيد عندك هيجيبولك من الأخر و يفيدوك أكتر من هنا..

[dede_dodo88]

كان نفسي اعرف اخرها ايه و هتفضل ثابته و لا لا

العربية ثابتة لحد أخرها.. كل الفرق أن صوت الهواء و الموتور بيبقوا مسموعين.. لكن الثبات زي ما هو مقلش..

[essam wahby]

والله الواحد سعيد بالتفاعل والتواصل علي الرابطة الجميلة دي ويارب الكل يستفيد ويتعلم من بعضه

وبالمناسبة اخبار استهﻻك البنزين ايه يعني الصفيحة ( 20 لتر ) بتعمل كام كيلو تقريبا سواء في الطريق السريع او في وسط البلد ؟؟؟؟؟؟؟؟

[Z100100]

العربية ثابتة لحد أخرها.. كل الفرق أن صوت الهواء و الموتور بيبقوا مسموعين.. لكن الثبات زي ما هو مقلش..

ممتاز
بس اول ما شفت الصوره اتخضيت اصلي حاطه واحده زيها بالظبط علي الفيسبوك بس السرعه ١٧٦

[Mohyeldin1974]

طب ما تسأل صحيح و أعرفلنا الموضوع ده.. أكيد عندك هيجيبولك من الأخر و يفيدوك أكتر من هنا..

ان شاء الله فى اقرب فرصه

[omar-saad]

العربية ثابتة لحد أخرها.. كل الفرق أن صوت الهواء و الموتور بيبقوا مسموعين.. لكن الثبات زي ما هو مقلش..

ماشاء الله لاقوة الا بالله
العربية كدة اسرع من الاوكتافيا
بس تجميعها لحد السرعة دى كويس ولا بطئ ؟

[Heshoyo]

شكرًا للردود على موضوع صوت الهواء.. أنا ناوي في صيانة ال٥٠٠٠ أسأل و عندي أمل يكون في حل... تقترحوا عليا أي فرع؟

[m.farouk]

هو دلوقتى تقريبا مبقاش فى غير فرعين بيعملوا صيانة للعربية دى فرع جسر السويس وفرع الهرم الهرم الفرع الرئيسى شوف الى ينسبك

[shadyelbakry]

العربيه بتتباع فى سمير ريان استلام فورى وتقريبا نفس سعر الوكيل ... تنصحونى اشترى منه ولا احجز فى منصور ؟

[karim gamal]

العربيه بتتباع فى سمير ريان استلام فورى وتقريبا نفس سعر الوكيل ... تنصحونى اشترى منه ولا احجز فى منصور ؟

لو متاكد ان هيا نفس الاسعار لا من سمير ريان واستلم فوري بدل ججز الوكيل

[melagouze]

والله الواحد سعيد بالتفاعل والتواصل علي الرابطة الجميلة دي ويارب الكل يستفيد ويتعلم من بعضه

وبالمناسبة اخبار استهﻻك البنزين ايه يعني الصفيحة ( 20 لتر ) بتعمل كام كيلو تقريبا سواء في الطريق السريع او في وسط البلد ؟؟؟؟؟؟؟؟

بالمناسبة يا جماعه هوه شاشة الكمبيوتر في الاسترا السيدان بتعرض اكثر من measure مع بعض و لا بتجيب كل حاجة لوحدها و انتوا بتقلبوا؟؟؟؟

[karim gamal]

بالمناسبة يا جماعه هوه شاشة الكمبيوتر في الاسترا السيدان بتعرض اكثر من measure مع بعض و لا بتجيب كل حاجة لوحدها و انتوا بتقلبوا؟؟؟؟

لا كل حاجه لوحدها وانت بتقلب وبتظبتها علي انتا عايزه