رابطة مالكى استرا ( j )

[essam wahby]

انا حجزت الانجوي 169000 من القرش و هستلمها بكره انشاء الله بس سؤال هل تعتبر الجوك افصﻻ بصرف النظر عن اختلاف الفئه

بالنسبة للجوك بصراحة انا معرفش عنها حاجة غير انها ضيقة من جوة شوية ... غير كدة ﻻ اعلم عنها حاجة ممكن تدخل علي المنتدي بتاع نيسان وتسالهم عليها ومتقلقش اوي كدة من الاوبل دي في الاول والاخر اوبل بردوا استخير ربنا واكيد هيدلك علي اللي فيه الخير

[aahfly]

انا اسف مش فاهم .. يعني ال 200 كيلو استهلكوا 10.7 لتر بنزين ..... ولا ال 10.7 لتر محسوبة لكل 100 كيلو ؟؟؟؟ وشكرا

10.7 دي متوسط استهلاك لكل ١٠٠ كيلومتر فى وسط البلد
لما بمشي فى طرق سريعه شويه المتوسط طبعا بيقل

[m.farouk]

طيب انا بحس بنقله الفتيس من الاول للتاني و من التاني للتالت ... فده عادي ؟ رغم اني لما ارفع رجلي من على البنزين قبل ٢٥٠٠ و ارجع ادوس تاني الاقيها نقلت بسلاسه جداااا و مش محسوسه خالص ... فهوه ده الصح و لا الموضوع ابسط من كده ؟

عادى هى كده طبيعتها احساس خفيف بالنقلة

[united4eva]

انا محتار بين ford focus trend plus و opel astra cosmo
محتاج خبرتكم و واضح من كلامك ان فى مشاكل فى التوكيل
و شكراا

[aahfly]

انا محتار بين ford focus trend plus و opel astra cosmo
محتاج خبرتكم و واضح من كلامك ان فى مشاكل فى التوكيل
و شكراا

من وجهه نظري فورد فوكس عربيه محترمه طبعا
بس عيبها انها مش بتشتغل كويس مع بنزين 92
انتشارها قليل جدا فممكن متلقيش كل قطع الغيار موجوده
توكيلها ضعيف ... منصور مقرف بس مش ضعيف :)
دي الحاجات اللى خلتني افضل الاسترا عليها

[m.farouk]

و الاوبل ليها ناس كتير بتشتغل فيها بره التوكيل وانتشار العربية هيخلى التجار تجبلها قطع الغيار وهتبقى منتشره يعنى مش هتحتاج التوكيل فى حاجة

[united4eva]

من وجهه نظري فورد فوكس عربيه محترمه طبعا
بس عيبها انها مش بتشتغل كويس مع بنزين 92
انتشارها قليل جدا فممكن متلقيش كل قطع الغيار موجوده
توكيلها ضعيف ... منصور مقرف بس مش ضعيف :)
دي الحاجات اللى خلتني افضل الاسترا عليها

دى مع تجربتك للاسترا ايه اهم المميزات و ايه اهم العيوب بصراحة :) :)

[aahfly]

دى مع تجربتك للاسترا ايه اهم المميزات و ايه اهم العيوب بصراحة :) :)

انا مقدرش احكم اوي مرخصها ٥ ايام
بس لو عايز نظره سريعه اقولك
العيوب اللى حسيت بيها
١- احساس بالنقله
٢- القوايم عريضه (مش عارف ليه ) فبحس بمشكله فى الرؤيه و انا بكسر بالعربيه
٣- طلعتها عاديه مش جامده و سحبها عادي ... لكن متحسش ان الموتور قليل عليها
المميزات
١- الشكل تحفه سواء من بره او التابلوه ( هيه اذواق بس كل اللى شافها بيعجب بيها )
٢- الفرامل كويسه جدااا و تسعفك فى اي موقف
٣- ثابته جدااااااا
٤- مبتحكش فى المطبات خالص حتي و انت راكب معاك ناس ورا
٥- شغاله ببنزين ٩٢ كويس جدااا مفيش اي كركره او كده
٦- العربيه مريحه جدا فى السواقه يعني مهما كان مشوارك طويل متزهقش او تتعب بالعكس بجد مبتبقاش عايز تنزل منها
اخر حاجه عشان انا اول مره اركب اتوماتيك ( لا و كمان ستيبترونيك ) الفتيس محتاج اتعود عليه شويه ازاي اسقط نقله او ازود ... بس بتحسن :)
و ياريت لو حد من اللى استلموا من مده يقولك تقرير عنها ... اكيد حيفيدك اكتر مني

[m.farouk]

حد يعرف اية ده

[NarCtX]

حد يعرف اية ده

ده LED علشان نظام الانذار, لكن للاسف النظام مش موجود في العربية. ده غير ال immobiliser, أو مانع السرقة, إن العربية مش هادور ولا تتحرك إلا بمفتاحها, وده بيبانلك في العدادت أول ماتدور على شكل قفل كده. لكن لو حد جه ناحية العربية مش هتضرب انذار وتعمل صوت لأن مفهاش جهاز انذار اللي لما بيشتغل المفروض ال LED دي بتنور احمر وتطفي.

[m.farouk]

شكرا

[essam wahby]

من مبدأ أعطي كل زي حق حقه ... بصراحة انا امبارح كنت بعمل صيانه ال 5000 كم في منصور جسر السويس واخيرا حلولي مشكلة الرجة اللي كنت بشتكي منها قبل كدة واللي كانت بتحصل وانا دايس علي d او r ومحمل علي الفرامل شوية ، بصراحة الموضوع ده كان مضيقني اوي خصوصا اني روحتلهم والعربية 3000 كم في التوكيل بتاع الصحرواي ومعملوش فيها حاجة ..... والعربية بقت حاجة تانية بجد

[m.farouk]

من مبدأ أعطي كل زي حق حقه ... بصراحة انا امبارح كنت بعمل صيانه ال 5000 كم في منصور جسر السويس واخيرا حلولي مشكلة الرجة اللي كنت بشتكي منها قبل كدة واللي كانت بتحصل وانا دايس علي d او r ومحمل علي الفرامل شوية ، بصراحة الموضوع ده كان مضيقني اوي خصوصا اني روحتلهم والعربية 3000 كم في التوكيل بتاع الصحرواي ومعملوش فيها حاجة ..... والعربية بقت حاجة تانية بجد

ممكن اعرف عملولك اية بالظبط علشان انا رايح اعمل صيانة ال10000 السبت القادم لانى فى صيانة ال5000 قلتلهم ومعملوش حاجة وقلولى عادى مفيش فيها مشكلة وبرضوا قلتلهم انى الفتيس بياخر شوية فى النقلات وقلولى هر طبيعتها كده وقعدونى اكتر من 4 ساعات علشان غيار زيت وفلتر

[essam wahby]

ممكن اعرف عملولك اية بالظبط علشان انا رايح اعمل صيانة ال10000 السبت القادم لانى فى صيانة ال5000 قلتلهم ومعملوش حاجة وقلولى عادى مفيش فيها مشكلة وبرضوا قلتلهم انى الفتيس بياخر شوية فى النقلات وقلولى هر طبيعتها كده وقعدونى اكتر من 4 ساعات علشان غيار زيت وفلتر

هما حطوها علي جهاز لاب توب وظبطوا حاجة في السوفت وير بس بصراحة مش عارف عملوا ايه بالظبط واللي عملها هناك مهندس اسمه عﻻء متخصص في السوفت وير .... قولهم في الاستقبال واكيد ان شاء الله هيعملوها ﻻن العربية كمان فرقت في السحب بتعها تقريبا ... وبخصوص التاخير في الصيانة للاسف دي مشكلة بيعاني منها الجميع واحتمال كبير اكون عندهم يوم السبت القادم علشان عندي صوت ورا من ناحية المساعد الخلفي يمين مع المطبات ساعات بيجي وساعات ﻻ ومش عارف ده من ايه ؟؟؟ وعشان اتاخرت في الصيانة افاحتمال ارحولهم يوم السبت ويمكن نتقابل هناك .... انت الصيانة بتاعتك الساعة كام ؟

[m.farouk]

الساعة 9.15 واكيد مكمل لحد الساعة 4