رابطة مالكى استرا ( j )

[dede_dodo88]

أكيد موضوع الصيانة كل 4 شهور ده ؟!
أنا عامل صيانة الـ20000 أول فبراير اللي فات و لسة موصلتش لحد دلوقتي حتى للـ24000 كم !!. lol
أنا بالمعدل بتاعي ممكن لسة قدامي 3 أو 4 شهور لحد ما أجيب الـ25000 كم..

[a_samir2011]

أكيد موضوع الصيانة كل 4 شهور ده ؟!
أنا عامل صيانة الـ20000 أول فبراير اللي فات و لسة موصلتش لحد دلوقتي حتى للـ24000 كم !!. Lol
أنا بالمعدل بتاعي ممكن لسة قدامي 3 أو 4 شهور لحد ما أجيب الـ25000 كم..

ياباشا خلاص يبقي نطنشهم فى موضوع الاربع شهور ده ونشتغل بالكيلومترات لان هما ملهومش عندنا حاجه غير اخر فتره الضمان اللى هما 3 سنين غير كده ملهومش دعوه باي حاجه ... ولو لقيت اي ملاحظه معجبتكش من التوكيل ياريت نجمع بعض بارقام تليفوناتنا ونروح نقدم فيهم شكوي فى حمايه المستهلك وهتلاقيهم بيحايلو فينا ويعملوا اللى احنا عايزينه ... هو مش كفايه قطع الغيار المبالغ فيها ومبالغ الصيانه يعيني عندك صيانه ال 45 الف ب 5000 جنيه قولى ليه بقي؟؟؟؟ شويه سيور وشدادات وزيت وطرمبه مايه ب 5 الاف جنيه ده انا عملتهم فى الكروز ب الفين ونص وكنت بعيط وبدعي عليهم فى سري :@ :@

[a_samir2011]

كانت في حاجه كده انا كنت عارفها ومتهيألى معظم الناس عارفاها بس بردو هقولها علشان لو فى حد مش عارف:

لو انت راكن والعربيه طالعه شويه ناحيه الشارع حرك دراع الاشارات فى الجنب اللى طالع بره الشارع مثلا اليمين او الشمال واسحب مفتاحك واقفل عربيتك هتلاقي الفوانيس اللى قدام وورا فى الجنب اللى انت اخترتو من دراع الاشاره منورين ... طبعا الكلام ده انا بشوفو فى المرسيدس والبي ام واول مره اشوفو فى اوبل الصراحه وده الميزه بتاعته انه بينبه العربيات اللى فى الشارع ان فى عربيه راكنه هنا علشان محدش ميكونش واخد باله ويخبطهالك بما ان فى جزء من عربيتك طالع بره ناحيه الشارع :) :)

[a_samir2011]

معلش يا جماعه كام سؤال كده على السريع:
1-حد عنده فى موديلات 2013 زرار كده طويل جنب الشاشه اللى فى العدادات؟؟ لانه موجود فى 2014 وملاحظتوش فى 2013 واصلا معرفش ده بيعمل ايه؟؟

2- ايه الحاجات اللى معملهاش وانا فى اول 1000 كيلو يعني مثلا افتح التكييف ولا لاء, اجري بالعربيه ولا اخري 60 كده يعني؟

3- لو انا مفعلتش الضمان وروحتلهم على صيانه ال 5000 كيلو هيبقي فيها مشكله ولا لازم اروح افعله؟؟

[Mohyeldin1974]

[QUOTE=a_samir2011;3875298535]معلش يا جماعه كام سؤال كده على السريع:
1-حد عنده فى موديلات 2013 زرار كده طويل جنب الشاشه اللى فى العدادات؟؟ لانه موجود فى 2014 وملاحظتوش فى 2013 واصلا معرفش ده بيعمل ايه؟؟

2- ايه الحاجات اللى معملهاش وانا فى اول 1000 كيلو يعني مثلا افتح التكييف ولا لاء, اجري بالعربيه ولا اخري 60 كده يعني؟

3- لو انا مفعلتش الضمان وروحتلهم على صيانه ال 5000 كيلو هيبقي فيها مشكله ولا لازم اروح افعله؟؟[/QUO


الزرار ده لو موجود ممكن يكون بيعمل reset للكيلو متر بس مش موجود عندى فى 2013
بالنسبه لحاجه الوحيده اللى متعمالهاش فى اول 1000 كيلو انك متحقرش على العربيه ولا تزود بيها عن 120 حسب كلام التوكيل
بالنسبه للتكيف انا سالتهم وقالولى عادى انت لازم اصلا تجربه وانت بتستلم العربيه
بالنسبه للضمان بتاخده معاك وقت الصيانه عادى وممكن تكلمهم تستفسر على 16424

[K.Ossama]

الزرار الطويل ده موجود عندى فى 2013 ومش عارف بيعمل ايه.
الreset عندى بيتعمل بالزرار اللى فى ذراع الإشارة.

[melagouze]

السلام عليكم و رحمه الله

ياريت يا جماعه لو حد فيكم غير الكاوتش يقول اشتراه منين و بكام علشان انا دايخ علي المقاس و مش لاقي

ايه يا جماعه مفيش و لا رد؟؟؟؟ ياريت يا جماعه حد يقول الاقيه فين في القاهره

[hamadaosama]

ههههههههههههههههه بص ياباشا انا كنت فى نفس حيرتك دي الصراحه بس مفكرتش مرتين وهقولك الاسباب:

1- انا هشتري ياباني وممكن ازود بالكتير 10 الاف جنيه واجيب الماني وطبعا الالماني يكسب "ودي فى صالح الاسترا".

2- شكل التويتا مبيعجبنيش انا شخصيا حتي الجديده منها ودي ازواق عموما وحسيت ان الاسترا اشيك وشبابيه اكتير "بردو فى صالح الاسترا".

3- اعاده مابعد البيع فى صالح الكرولا طبعا "بس انا لما فكرت قولت اخلص قسطها الاول وبعدين افكر فى البيع".

4- الصراحه الالماني بيتحدث عن نفسه فى السواقه والنعومه وفخامه الخامات وجودتها وتحس ان العربيه بتكلمك وانت سايق "ياراجل ده انا مدي اشاره يمين ولفيت يمين والدراع مرجعش مكانه علشان اللفه مكنتش قويه ولما العربيه اتعدلت ظهر صوت تحذير وكتبلى فى الشاشه ان لسه الاشاره شغاله وطلعلى علامه الخطر".

5- انا كان معايا كروز فيمكن مش حاسس بفرق رهيب (بس الفرق الرهيب اللى انا كنت متخيله زي مثلا عربيه كوري زي الكيا والاوبل مع العلم ان كان معايا سيراتو 2010 ولو قارنتها بالاوبل يبقي الفرق شااااااااااسع لصالح الاوبل) يمكن بس الكروز كنت مبسوط منها جدا لانها كانت بعد السيراتو اللى فى رأيي اشيك عربيه كوري نزلت لحد النهارده بس اسوء عفشه فى التاريخ واسوء ثبات "كان معايا اول فئه" علشان كده مش حاسس باللفرق الشاسع اللى حسيتو مقارنه بالكروز والسيراتو "اكيد فهمت قصدي"
وكمان الاوبل علشان تبع شركه GM ربنا يحرقها منزله نفس دراعات الكروز فى الاوبل والكنسول تقريبا شبه الكروز شويه "بس الاوبل انضف واشيك" علشان كده مش حاسس بفرق بردو من جوه لكن لو قارنت العفشه هتلاقيها فى صالح اوبل وفرق شاااسع بردو ولو قارنت التكنولوجيا والراحه والرفاهيه بردو فرق شاسع لصالح الاوبل ولو قارنت الدريكسيون ولفه العربيه فى ال u turn اللى كنت متعذب فيها فى الكروز لاني كنت بحس اني راكب عربيه نص نقل بردو فرق شاسع لصالح الاوبل.

الخلاصه بقي علشان مطولش عليك:
1- مينفعش اقارن الماني بياباني علشان اعاده البيع (الرفاهيه والمتعه هتخليك متفكرش تبيعها وبالاخص لو انت محافظ عليها).
2- انا مبسوط من الكروز علشان اوسع وشكلها افخم شويه من الاوبل. "وجهات نظر"
3- الكروز مع الاوبل ... يبقي الاوبل تكسب مليون مره من غير كلام وزي موضحت فوق (نعومه عفشه , نعومه سواقه وراحه فى القاعده , فخامه من جوه, رفاهيه وامان عالى "كل اللى عليك انك تدوس بنزين وتركز فى طريقك وتمسك الدريكسيون بس ولو انت مسافر ورجلك وجعتك شغل مثبت السرعه" , جوده خامات اعلى بكتير, واكيد اكيد ثبات خرافي بس انا لسه مجربتوش)
4- مش مرتاح بنسبه 100 % لان الصراحه مكنتش متوقع ان يبقي فى تشابه بسيط بين الكروز الكوري والاوبل الالماني (بس يمكن معذورين علشان شركه GM منهم لله اللى دخلوا الكوري على الامريكاني) وكمان كنت حاسس اني هكون راكب الاوبل يعني مش هطلع ولا ملاحظه... واللى مضايقني اكتر موضوع التوكيل بتاع الشهور او الكيلو مترات ده

بس نصيحه ياباشا اشتري اوبل وفلوسك هتلاقيها فى العربيه وربنا يوفقك للاحسن

انا بشكرك جدا علي الكلام دة حضرتك طمنتني ان اختياري صح بس برضوا قلقان من موضوع الهبدة اللي في الفتيس (مش موقتنع انها بنزين، علي اساس انها لو هي مشكلة بنزين هتحس ببرجلة في المتور، انما هبد في الفتيس مع النقلات اية علاقتة بالبنزين!!!؟؟ ) وبيقال بردوا ان السحب بتاعها عامل زي ال اوكتافيا A5 (بطة يعني) ؟؟؟؟

[a_samir2011]

انا بشكرك جدا علي الكلام دة حضرتك طمنتني ان اختياري صح بس برضوا قلقان من موضوع الهبدة اللي في الفتيس (مش موقتنع انها بنزين، علي اساس انها لو هي مشكلة بنزين هتحس ببرجلة في المتور، انما هبد في الفتيس مع النقلات اية علاقتة بالبنزين!!!؟؟ :o_stupid[1]: ) وبيقال بردوا ان السحب بتاعها عامل زي ال اوكتافيا a5 (بطة يعني) :0002014a: ؟؟؟؟

بص موضوع هبده الفتيس دي هيا مش هبده قواعد ولا هبده ان العربيه بتجيب فتيس بعد الشر بس هيا نقلتها مش مريحه بس وبتحس بالنقله وكمان فى ناس قالتلى انها بتروح بعد ال 5 الاف كيلو وبالنسبه لانها بطه ولا لاء الصراحه انا حاسس انها بطه شويه يعني مش زي اللانسر مثلا فى طلعتها بس بيني وبينك انا بحب امشي بالراحه ومش بتاع شد ومحاولتش اقرص عليها قبل كده بس هقولك حاجه انا كله قالى ان الكروز بطه وفعلا كانت بطه فى الاتوماتيك ولما جبت الفتيس على المانويال لقيتها بتشد كويس جدا

[m.farouk]

الزرار الطويل ده موجود عندى فى 2013 ومش عارف بيعمل ايه.
الreset عندى بيتعمل بالزرار اللى فى ذراع الإشارة.

+1

[mo_ad]

ايه يا جماعه مفيش و لا رد؟؟؟؟ ياريت يا جماعه حد يقول الاقيه فين في القاهره

سألت عند البطل الرومانى اللى فى السواح او اشرفكو اللى فى الحى السادس مدينة نصر اللى بعد قسم تانى ؟؟

[K.Ossama]

سألت عند البطل الرومانى اللى فى السواح او اشرفكو اللى فى الحى السادس مدينة نصر اللى بعد قسم تانى ؟؟

فيه كمان كونتيننتال فى النزهة عند مسجد الصديق وبركات فى مصطفى النحاس عند عمارات عثمان

[m.farouk]

فيه كمان كونتيننتال فى النزهة عند مسجد الصديق وبركات فى مصطفى النحاس عند عمارات عثمان

دور عند بتوع الكوتش الاسبور والجنوط لانى الكوتش العريض ده مبيبقاش موجود غير عندهم شوفت بتوع بريدجستون الى فى عمرات العبور ده توكيل بريدجستون يمكن تلقى عندهم

[dede_dodo88]

من فترة كنت سألت عند بريدجستون و المقاس ده مكنش موجود منه غير التورانزا و كانت بحوالي 1800 الفردة..
بس هو المقاس ده فعلاً غلس لأنه مش متوفر كتير..

[Mohyeldin1974]

[QUOTE=Mohyeldin1974;3875298618]

معلش يا جماعه كام سؤال كده على السريع:
1-حد عنده فى موديلات 2013 زرار كده طويل جنب الشاشه اللى فى العدادات؟؟ لانه موجود فى 2014 وملاحظتوش فى 2013 واصلا معرفش ده بيعمل ايه؟؟

2- ايه الحاجات اللى معملهاش وانا فى اول 1000 كيلو يعني مثلا افتح التكييف ولا لاء, اجري بالعربيه ولا اخري 60 كده يعني؟

3- لو انا مفعلتش الضمان وروحتلهم على صيانه ال 5000 كيلو هيبقي فيها مشكله ولا لازم اروح افعله؟؟[/QUO


الزرار ده لو موجود ممكن يكون بيعمل reset للكيلو متر بس مش موجود عندى فى 2013
بالنسبه لحاجه الوحيده اللى متعمالهاش فى اول 1000 كيلو انك متحقرش على العربيه ولا تزود بيها عن 120 حسب كلام التوكيل
بالنسبه للتكيف انا سالتهم وقالولى عادى انت لازم اصلا تجربه وانت بتستلم العربيه
بالنسبه للضمان بتاخده معاك وقت الصيانه عادى وممكن تكلمهم تستفسر على 16424

انا اتاكدت ولقيت الزرار فعلا اعتذر عن المعلومه الخطأ ، وجربته عمل ريسيت للكيلو متر