تقييم اوبل استرا كوزمو

[CosmicOne]

لو الفتيس عندك الامان بتاعوا بزرار بدوس عليه مع الفرامل و تنقل يبقي التكه ديه ان شاء الله عاديه

انا بتحصل عندى على طول في السيفيك

ممكن بقا حد يعبرني في سؤال التكييف :(

[medo111]

السلام عليكم

معلش يا جماعه انا عندي استفسار بسيط بخصوص اوبل استرا الجديده

لما بكون راكن العربية وهيا دايره ومخليها علي البارك p ومفعل فرامل اليد الإلكتروني

لو جيت اضغط علي الفرامل من الدواسه بسمع صوت "تكة" في الفتيس

وكمان لو حطيت ايدي علي الفتيس بحس بالتكه دي لما بضغط علي دواسة الفرامل في حالة اني واخد بارك ومفعل فرامل اليد الإلكترونية

هل الموضوع ده طبيعي وعند كل الناس ولا انا بس ؟

لإن لسه قدامي 2000 كم واروح اعمل صيانة ال 5000

بإنتظار ردكم

تحياتي

دا صوت اللوك الي بيبقي علي الفتيس بيتشال من علي الفتيس لما تدوس فرامل عشان تعرف تنقل

[NaderNabil]

ممكن يركبلها بلوتوث من الوكيل بيخدوا ارقام الجهاز فالعربيه و يبعتوا الارقام المانيا يجيبولك البلوتوث بس هتكلفك من 3000 ال4000 جم انا سألت الوكيل :)

ده بجد يا أحمد باشا الكلام ده؟ و الموضوع ده هاياخد وقت قد إيه

[Mohyeldin1974]

السلام عليكم يا رجاله

سؤال صغير اوي بعد اذنكوا

التكييف عامل ايه معاكوا في الحر الجامد اوي بتاع اليومين دول و بالذات في الزحمه؟ هل يقارن باليبانى و الكورى والا ضعيف؟

حضرتك انا عملت تور بالعربيه حول مصر وكنت مشغل التكييف فى درجات حراره يمكن وصلت ٤٧ وبسم الله ما شاء الله التكييف ممتاز وللامانه الفرق الوحيد بين وبين اليابانى هو ان صوت الماتور بيعلى شويه لان rpm طبيعى بيعلى بس حضرتك هتلاقى نفس الوضوع فى كل الالمانى وجرب شوف مرسيدس او بى ام مشغلين التكييف صوتهم بيبقى عالى ولكن للتاكيد فى الاسترا انت مبتحسش بالصوت داخل الكابينه

[CosmicOne]

جزاك الله خيرا يا استاذ محى

هو الصوت مش مشكله اوى المهم الاداء لانى بصراحه كان معايا رينو قبل الهوندا و متعقد من تكييف الاوروبي تماما كان بيبقي يدوبك مخرج نسيم مش سقعيه و مكنش ايامها الحراره زى دلوقتي

حضرتك شايف كمان ان الموتور بتاع العربيه ناعم في السرعات العاليه و الشد زى هوندا و تيوتا كده والا بيخشن شويه او بيزعق شويه مع الأر بي ام العالى؟

واخر حاجه في سفريات حضرتك و السرعات العاليه بتسمع صوت الهوا و العجل على الارض عالى اوى والا معقول لان عزل الهوندا عندي مش جامد فى الحتيتين دول بالذات و ده من اسباب تفكيري فى التغيير بأذن الله

شكرآ لمساعدت حضرتك مره تانيه :)

[Ahmed s fadel]

ده بجد يا أحمد باشا الكلام ده؟ و الموضوع ده هاياخد وقت قد إيه

الموضوع ده هياخد حوالي شهر يا nader..ده علي كلام مهندس الصيانه في الوكيل :)

[m.farouk]

انا معى الكوزموا ساعات فعلا تقف على ال170 ومترضاش تجيب اكتر من كده وساعات تانية تجيب 198 كم وبحسها لسة ممكن تجيب اكثر ومش عارف اية السبب بس بحسها بتجيب السرعة العالية لم بزود عادى تدريجى يعنى لم بديها كيك دون واضغط لاخر الدوسة بيحصل انها بتقف عند 170 او 180 بالعافية

[Mohyeldin1974]

جزاك الله خيرا يا استاذ محى

هو الصوت مش مشكله اوى المهم الاداء لانى بصراحه كان معايا رينو قبل الهوندا و متعقد من تكييف الاوروبي تماما كان بيبقي يدوبك مخرج نسيم مش سقعيه و مكنش ايامها الحراره زى دلوقتي

حضرتك شايف كمان ان الموتور بتاع العربيه ناعم في السرعات العاليه و الشد زى هوندا و تيوتا كده والا بيخشن شويه او بيزعق شويه مع الأر بي ام العالى؟

واخر حاجه في سفريات حضرتك و السرعات العاليه بتسمع صوت الهوا و العجل على الارض عالى اوى والا معقول لان عزل الهوندا عندي مش جامد فى الحتيتين دول بالذات و ده من اسباب تفكيري فى التغيير بأذن الله

شكرآ لمساعدت حضرتك مره تانيه :)

بالامانه التكييف حتى الان ١٠/٩ بس الدرجه اللى باقيه دى عشان يبقى ١٠/١٠ هو عيب فى الجو بتاعنا مش من التكييف بتاع العربيه انا بعملو على ٢٣ درجه و المروحه على ٣ يعنى على نص السرعه وشويه وبسقع وهدى المروحه درجه
بالنسبه لماتور العربيه ناعم و سموث جدا لحد rpm ٢١٠٠ بعد كده ولحد ٢٥٠٠ بسمع نعره كده فى الماتور ( مش قويه بس انا اللى محسوك وودنى مع العربيه) وبتختفى لما ااقرب من rpm3000
من اول rpm 3000 العربيه بتكون واصله تقريبا ١٤٠ ومبحسش باى حاجه وتحس ان العربيه متصممه للسرعات دى وما فوق والعزل ممتاز جدا لدرجه ١٠/٨.٥ هقولك الدرجه ونص سببهم حجم المرايه و head wind للسرعات اللى فوق ١٢٠ بس مفيش تسريب مطلقا
بالنسبه لموضوع الشد لا العربيه مش بتاعت شد فى الواطى يعنى مفيش مقارنه اكيد مع الهوندا فى التسارع ولكن عربيه فاجره فى السرعات العاليه فوق ١٢٠ وتحس ان العربيه اللى مسيطره وفايقه

[Mohyeldin1974]

انا معى الكوزموا ساعات فعلا تقف على ال170 ومترضاش تجيب اكتر من كده وساعات تانية تجيب 198 كم وبحسها لسة ممكن تجيب اكثر ومش عارف اية السبب بس بحسها بتجيب السرعة العالية لم بزود عادى تدريجى يعنى لم بديها كيك دون واضغط لاخر الدوسة بيحصل انها بتقف عند 170 او 180 بالعافية

بسم الله ماشاءالله ده كده يبقى فل اوى اصل احنا هانجيب السرعات دى فين فى مصر
انا مجربتش ااقرص اوى بس اعتقد العربيه ممكن تكسر ٢٠٠

[dede_dodo88]

الصورتين دول كانوا في سفريتين مختلفتين الأولي كنت أيام ما بحط 92 و التانية بعد ما حولت لـ95..
أقصى سرعة جبتها كانت 213 بس معرفتش أثبت عليها كتير..
تاني صورة كنت مسافر مع صحابي كنا 4 في العربية و لما قلتلهم أني معدي الـ200 مكنوش مصدقين لأن العربية كأنها ماشية على 80 مثلاً, فمصدقوش غير لما بصوا على العداد..

[Mohyeldin1974]

الصورتين دول كانوا في سفريتين مختلفتين الأولي كنت أيام ما بحط 92 و التانية بعد ما حولت لـ95..
أقصى سرعة جبتها كانت 213 بس معرفتش أثبت عليها كتير..
تاني صورة كنت مسافر مع صحابي كنا 4 في العربية و لما قلتلهم أني معدي الـ200 مكنوش مصدقين لأن العربية كأنها ماشية على 80 مثلاً, فمصدقوش غير لما بصوا على العداد..

ما شاء الله

[CosmicOne]

جزاك الله خيرآ يا استاذ محى

و ربنا يباركلكوا جميعآ في عربياتكم و يديكم خيرها و يكفيكوا شرها

[eng_belalzaki]

انا يا جماعة الخير على وشك انى اشتري الاوبل استرا كوزمو وبعد حيره والصداع وبمشاركه المنتدي قررت انى اشتريها بس سؤال لو سمحتوا
قى موقع كونتكت كارز كاتببين انه لايوجد parking sensor
هل من المعقول ان عربيه بالمبلغ داه وما يكونش فيها parking sensor؟؟
ارجو الافادة ... وشكرا

[Mzeid]

انا يا جماعة الخير على وشك انى اشتري الاوبل استرا كوزمو وبعد حيره والصداع وبمشاركه المنتدي قررت انى اشتريها بس سؤال لو سمحتوا
قى موقع كونتكت كارز كاتببين انه لايوجد parking sensor
هل من المعقول ان عربيه بالمبلغ داه وما يكونش فيها parking sensor؟؟
ارجو الافادة ... وشكرا

حضرتك الكوزمو فيها حساسات ركن

[Mzeid]

الصورتين دول كانوا في سفريتين مختلفتين الأولي كنت أيام ما بحط 92 و التانية بعد ما حولت لـ95..
أقصى سرعة جبتها كانت 213 بس معرفتش أثبت عليها كتير..
تاني صورة كنت مسافر مع صحابي كنا 4 في العربية و لما قلتلهم أني معدي الـ200 مكنوش مصدقين لأن العربية كأنها ماشية على 80 مثلاً, فمصدقوش غير لما بصوا على العداد..

ماشاء الله ربنا يبارك لك فيها