يا رب المره دي تساعدوني وما تطنشوش

[medosalah]

انا كان عندي مشكله سخونه العربيه مع التكييف. بس لو مشيت بيها في عز الظهر والدنيا مولعه لكن من غير تكييف الحراره عمرها ما بتعدي 90 او 92 لكن لو شغلت التكييف الافي الحراره تعلي وتعدي ال100 اقوم اقفل التكييف علطول.. بس لو مسافر علي السريع ممكن اشغل التكييف عادي والحراره ما تعلاش عن 85
....المهم روحت لكزا كهربائي قالي يمكن كزا او كزا وهنحتاج نفك المراوح ونشوف الكتاوت ونفك الردياتير وموال.. وعلي فكره انا الشهر اللي فات فكيت الردياتير وغسلته عند واحد فهم شغله وسلكه وحطيت ميه خضرا بس الاستاز ساب الميه علي الترمستات الشمال اللي تحت خرطوم الردياتير الاسود وتقريبا الترمستات علق فتره وكان بيشغل المراوح علطول حتي لو طفيت العربيه وكنت بضطر افصل الفيشه بس الحمد لله دلوقتي رجع زي الاول وعلي فكره ميه القربه الحمد لله عمرها ما نقصت من عندي حتي بعد فك وتنضيف الردياتير
.. المهم قولت ابص علي الكتاوت وفيوزات المراوح لقيت علبه زغيره فيها 2 كتاوت و2 فيوز اخضر مكتوب عليهم 30 امبير, لقيت واحد من الفيوزات محروق ( سلكته مقطوعه) غيرته وركبت واحد جديد لقيت مروحه الردياتير شغاله علي السرعه التانيه علطول اول ما اشغل العربيه وعلي فكره دي اول مره اشوف السرعه التانيه في مروحه الردياتير ,,المهم شغلت التكييف لمده نص ساعه والعربيه واقفه مكانها لقيت الحراره سابته علي 85 بس مروحه الردياتير علي السرعه التانيه دايما وما بتنزلش للسرعه الاولي خالص.....
السواال بقي ايه الحل, وهل في غلط لو الروحه شغاله علي السرعه التانيه علطوول؟؟؟؟؟؟ظ
ااااسف جدا علي الاطاله بس الجو اليومين دوول بقي حرررر اوي ولازم تكييف

[د.محمدعبدالعال]

يتهيألي مفيهاش حاجة ان المروحة تفضل على السرعة التانية .. وطالما المشكلة اتحلت يبقى تمام يا ريس

[فادى محمد]

اعتقد ان المشكله عندك في ساعه الحراره بتاعه السرعه التانيه
اللي هي مكانها شمال تحت الساعه اللي جت عليها ميه وبعد كده ظبطت

[Karim Ibiza]

أنا كان عندى مشكلة ان المروحة مش بتشتغل على السرعة الاولى حتى لما اشغل التكييف لأن الطبيعى ان السرعة الاولى تشتغل مع تشغيل الكباس على طول
كانت لما تسخن تشتغل على السرعة التانية بس

وطلع العيب من مكثف بتاع مراوح الردياتير وغيرته بمقاومة موبينة وبقت بتشتغل على السرعتين تمام

http://www.nilemotors.net/Nile/354441-98.html

[M.Osama]

بالظبط زي ما الرجاله قالولك.. دي مشكلة سويتش المروحه بيفصل علي السرعه التانيه مع التكييف.. كانت عندي قبل كدا وبتحصل عادة مع مدخل الصيف.. حساسات المراوح والتكييف بتبوظ كلها غالبا ف اول كل صيف :d

[amr elsisi]

في فيشة امام المروحة علي طول او متثبتة اعلي الريداتير
في صنيعية كتير بعملولها كوبري علي السرعة التانية
ان محتاج كهربئي نظيف

[medosalah]

الف شكر علي ردودكم يا جماعه .. علي العموم هي العربيه دلوقتي بكزا حاله, سعات المراوح تشتغل تمام وسعات سرعه تانيه بس وسعات ما تشتغلش خالص, بس انا هجربها بكره ان شاء الله وانا رايح الجامعه وهشغل التكييف علطول, لو تمام يبقي الحمد لله ,لو سخنت يبقي هطلع علي صابر اوبل علطول,,, بس السؤال هو هل في خطر ان المروحه السرعه التانيه بتاعه الردياتير تشتغل علطول من اول ما ادور التكييف

[tananybasha]

انا عامل كتاوت
اول ما اشغل التكييف المراوح تلقط السرعه العالية
و طالما العربية بارده
يبقى انا مرتاح

[romiobasha]

انا عامل كتاوت
اول ما اشغل التكييف المراوح تلقط السرعه العالية
و طالما العربية بارده
يبقى انا مرتاح

الوضع على كده هلك جامد للمراوح و بيقصر العمر الأفتراضى لأنهم مش هيفصلوا طول ما انت مشغل التكييف صح ولا انا فهمت غلط ؟؟
انا كان عندى مشكله مع كتاوت السرعة البطيئة ولما غيرته الدنيا بئت تمام

[tananybasha]

التكييف حمل حرارى على العربية
و يوم ما هاشغل تكييف
لا يمكن لظروف شغلى يزيد عن ساعه

[medosalah]

انا يا استاز طناني اول ماشغل العربيه والتكييف لاقيت المروحه اشتغلت علي السرعه التانيه علطول , وحتي لو فصلت التكييف برده الاقي السرعه التانيه هي اللي شغاله. علي العموم انا مشواري 4 ايام في السبوع رايح جاي حوالي ساعتين مسافه السكه للجامعه في العباسيه, فهل في خطر علي المراوح لو اشتغلت علي السرعه التانيه بس, وعلي فكره انا انمارح جربت العربيه في المشوار ده وكانت الحراره 82 بس الجو كان حلو لاني كنت رايح الساعه 8 الصبح
بس وانا راجع البيت الساعه 2 عز الحر والظهر وكمان السكه كانت واقفه الي حد ما كانت الحراره ما بين 82 الي 88 بالكتير بس ما وصلتش تسعين خالص علما انه قبل كد لما كانت المراوح ما بتشغلش السرعه التانيه خالص ,كانت الحراره من غير تكييف 85 ومع التكييف 90 او 100 وممكن تزيد بس كنت بقفل التكييف علطول

[medosalah]

الوضع على كده هلك جامد للمراوح و بيقصر العمر الأفتراضى لأنهم مش هيفصلوا طول ما انت مشغل التكييف صح ولا انا فهمت غلط ؟؟
انا كان عندى مشكله مع كتاوت السرعة البطيئة ولما غيرته الدنيا بئت تمام

ما هي المشكله اني لما رحت للكهربائي قالي هفك المراوح وهفك الالكهربا بتاعتها وعملي البحر طحينه
وكمان الجو بقي حر جدا ده انا من يومين وانا راجع من الكليه من غير ما شغل التكييف نزلت لقيت ظهر التيشيرت ميه وكنت عرقان بغباء ومفرهط بس انمارح لما شغلت التكييف والمراوح شغاله سرعه تانيه بس كانت الدنا بيس والحراه تمام