محتاج اعمل زر lock&unlock vectra B

[Dent86]

ينفع يكون القفل والفتح بزرار بدل من السنتر ؟؟؟ . زى العربيات الجديده
vectra B CDX

[Maghraby1987]

متابع

[gemygoldn]

متاااااااااااااااااااااااااااااااااابع بأهمية

[mohammed_memo]

اه ياريت والله

[sherif moneer]

هو ممكن بس عايزه كهربائي
هيعدل حاجه ف السنتر
لأن انا كنت شوفت سنتر قبل كده مش اصلي وفكرة عمله وكده
ف بناء ع السنتر ده ممكن
معرفش الاصلي ايه ظروفه بقي

[ashourashour]

لو قلتلك تجرب حاجه تجربها ؟؟

[sherif moneer]

لو قلتلك تجرب حاجه تجربها ؟؟

قول وهجرب انا :d

[ashourashour]

هتفك فرش الباب

مكنه السنتر في باب السواق ليها 8 اطراف

لو لقيت الالوان اللي جايه دي يبقى تكمل الاختبار لقيت الوان مختلفه stop

اسود احمر
اسود اصفر
اسود ازرق

التلات فرد دول ملكش دعوه بيهم خالص

ركز مع الاطراف اللي جايه دي

1-فرده بني ساده (الارضي)
2-احمر ابيض
3-احمر ازرق
4-بني ابيض
5-بني احمر

هتعمل الاتي

بدبوس رفيع هتشك السلكه البني
و توصل الدبوس ب سلك و توصل السلك بدبوس تاني
الدبوس التاني هتشك بيه رقم 2 و شوف !!! و بعدين رقم 3 و شوف !!!!

لو محصلش حاجه شك رقم 4 و شوف و بعدين شك رقم 5 و شوف !

يا اما 2 و 3 واحد فتح والتاني قفل

او 4 و 5

80% 2 و 3

متخفش مفيش حاجه هتبوظ

[MaaM]

الأهم من ده يا عاشور ، هل أقدر الغي فكرة اني لما اقفل السنتر من زرار السنتر اللي جنب السواق يقفل معاه الازاز ؟ الموضوع ده خنيق أوي

[medo111]

الأهم من ده يا عاشور ، هل أقدر الغي فكرة اني لما اقفل السنتر من زرار السنتر اللي جنب السواق يقفل معاه الازاز ؟ الموضوع ده خنيق أوي

يا عم محمود هات استرا ههههههههههه بس صحيح قولي الفيكترا ثباتها احسن من الاسترا بنسيه كام بشكل ملحوظ اوي اصل سعات بحس ان ثباتها حلو وسعات احسها لو وطيت هتبقي اثبت

[MaaM]

انت بتقول فيها !
الفيكترا على الطريق يا ميدو اختلاف تاني خالص ، تخيل كنت ماشي 160 ويمين وشمال وماسك الدركسيون بايد واحدة ، دا غير ان مافيش اهتزاز للركاب ، يعني السائق والركاب مش حاسين باللي بتعمله وانت سائق
عايز أقولك إن أي عربية بتطلع مني (كالعادة نظرا لضعف الموتور الواحد كامة) بروح اجيبها تاني واعديها بسهولة، ودا بسبب فرق الإمكانيات ، العربية التانية بتبقى عارفة نفسها مثلا اخرها 130/140 حسب حالة الطريق بالاضافة للملفات
دا غير بقى لما اخد الملف على ضيق (نفس الحارة) وعلى سرعة 140، معظم العربيات بتاخده على الواسع (بتدخل الحارة التانية) عشان العربية ماتتقلبش

وفيها كمان ميزة مهمة جدا جدا وهي ان العربية ديه بتاعة سفر ، يعني حمل ياباشا زي مانت عايز ومافيش مطب واحد هاتحك فيه
العربية مابتهبطش بسهولة ! عكس أي عربية تاني بما فيهم الأسترا ، اربعة يركبوا وحك يامعلم في كل المطبات

وشكل الفيكترا عموما من برا رائع جدا جدا بمعنى الكلمة ، كفاية الإكصدام الأمامي بالكساحات الفيبر والشبورة اللنسات تحس اكنك مركب اكصدام رياضي والمرايات المسحوبة شكليها شيك أوي مع العربية
بس اما تركب من جوا وتبص على المرايات ، ماتشوفش حاجة ههههههه وتلاقي العربيات بتطلع من جانبك على غفلة ، عايزة تعود
بس افتقارها لبعض المزايا دا غير التقفيل السئ جدا ، تحس اكنك راكب موديل 87 مش في الالفينات !

والأسترا جميلة جدا على فكرة وثباتها كان مرضي جدا ، أي نعم مش زي الفيكترا بس ثباتها يعتبر جيد

[medo111]

حبيبي يا حوده بس الاسترا مش بتحك بردو ارتفاعها حلو بس تصدق انا بفكر في الفيكترا لان انا كل ما افكر ابيع مش لاقي حاجه تعملي المعادله الي في دماغي غير الفيكترا او الميجان ممكن ازود لحاجه وسبعين بس الاسترا الي بعدها فتيس مش بحبو عايز اوتو مش عايز وجع دماغ والميجان مشاكل فا شايف الفيكترا هي الي تنفع

[MaaM]

لو تقدر على مصاريف الفيكترا سي ، هاتها هاتبقى أفضل من الاتنين سواء الفيكترا بي او الأسترا البرازيلي أو حتى الأسترا إتش
اما لو جبت الفيكترا بي فهاتعمل زيي بالظبط وتفتقد للكماليات والركوبة

نرجع لـ موضوعنا
حد عنده فكرة ياجماعة في موضوع السنتر ده

[ashourashour]

انا بحتول افتكر الفكترابي اصلا كدا ولا دي معموله بجمبر

اللي متاكدمنه ان في اشاره من وحده السنتر لوحده الازاز ... بس فاكر ان الازاز بيرفع مع الريموت

[MaaM]

مظبوط ، الإزاز بيرفع مع الريموت
لكن مشكلتي أو اللي بعتبرها خنقة ، انه بيرفع مع زرار السنتر اللي في باب السواق

للمعلومة
في الفيكترا بي1 ، عشان ترفع الإزاز ، بتدخل المفتاح في الكالون وتلف المفتاح لفة القفل ولفة لتاني مرة عشان تقفل الإزاز
تمام ؟ معظم الناس بيروحوا لأي كهربائي يعمل كوبري بين اللفة الأولى واللفة التانية ، والغرض من الحركة ديه انه لما يقفل بالريموت الازاز يرفع ، لأنه في الأصل وحدة الرفع مابشتغلش مع الريموت

في الفيكترا بي2 ، عندي الإزاز بيرفع من اللفة الأولى للمفتاح وهو داخل الكالون ، واللفة التانية بتعمل Dead Lock
هل عندي كوبري ولا لأ مش عارف الصراحة

ايه الأخبار عندك يا هشام ؟ بما انك معاك بي2