محتاج اعمل زر lock&unlock vectra B

[فادى محمد]

ازيك يا محمود..
انا عندي في البي1
اول تكه من الريموت
بتقفل السنتر وترفع الازاز
وتاني تكه بتفعل الdead lock
وطبعا انا اخد فرده من السنتر للمرايات
علشان تضم مع اول تكه..

[MaaM]

الحمد لله ، انت عامل ايه يافادي ؟

عارف ان عربيتك معاك بقالها فترة كبيرة ، بس انت متأكد ان مافيش كوبري بين زرار السنتر اللي في باب السواق مع اللفة التانية الخاصة بوحدة الرفع ؟

[فادى محمد]

لا مفيش يا محمود..
خلي بالك ان مو 99 بالذات من الفيكترا
نزل بمواصفات مميزه مش موجوده في
نفس الموديل من 96 زي السبويلر اللي
علي ظهر الشنطه والسيرفو فيها اكبر
مما قبل

[Hesham.H]

مظبوط ، الإزاز بيرفع مع الريموت
لكن مشكلتي أو اللي بعتبرها خنقة ، انه بيرفع مع زرار السنتر اللي في باب السواق

للمعلومة
في الفيكترا بي1 ، عشان ترفع الإزاز ، بتدخل المفتاح في الكالون وتلف المفتاح لفة القفل ولفة لتاني مرة عشان تقفل الإزاز
تمام ؟ معظم الناس بيروحوا لأي كهربائي يعمل كوبري بين اللفة الأولى واللفة التانية ، والغرض من الحركة ديه انه لما يقفل بالريموت الازاز يرفع ، لأنه في الأصل وحدة الرفع مابشتغلش مع الريموت

في الفيكترا بي2 ، عندي الإزاز بيرفع من اللفة الأولى للمفتاح وهو داخل الكالون ، واللفة التانية بتعمل dead lock
هل عندي كوبري ولا لأ مش عارف الصراحة

ايه الأخبار عندك يا هشام ؟ بما انك معاك بي2

بالظبط كده عندى يا محمود

[ENG\AHMED]

ملحوظة وكلامى على بى 1
وحدة الرفع الاصلى بتاعة العربية بتشتغل بالمفتاح فقط , تلف المفتاح وتفضل معلق ايدك لحد لما الزجاج يقفل

تانى لفه بالمفتاح او تانى دوسة على الريموت بتشغل ال dead lock

علشان تخلى الزجاج يقفل بالريموت بيتعمل كوبرى بين وحدة الرفع والسنتر على السلكة اللى بتبعت اشارة للسنتر علشان يقفل

[MaaM]

بالظبط هو ده اللي عايز اقوله بس التعبير خاني
اقصد فعلا تعليق اللفة نفسها وده في البي1 ، وشكل كدا الموضوع ده عندنا باردوا في البي2 بس معمولها كوبري
تقدر يا أحمد باشا تقولنا نشوف الكوبري ده ازاي ، يعني لما أخلع فرش الباب هاشوف الكوبري واضح قدامي ولا ممكن يكون مستخبي ، لو معاك صورة أو رسمة توضيحة يكون أحسن