من فضلكم ياااااااااريت بس حد يقولى مشكلة الحرارة خلصت ولا لسه فى كورسا 1998

[mahmoud2013]

السادة أعضاء المنتدى الكرام , انا من غير ما أطول عليكم هقولكم مشكلتى وياريت حد يفهمنى بس هى كده لسه موجوده ولا خلصت :

- انا اشتريت العربية من شهر تقريبا وكان بعد ما أمشى بيها بخمس دقائق كان عداد الحرارة يروح على 100 , وبعدين لما روحت للميكانيكى قالى لازم نشيل ترموستات الكوعة وشيلناها وطلعت أجرب العربية

لقيت بردة عداد الحرارة بيرفع لحد 100 , عديت على الكهربائى وجاب قزازة مياة على السربنتينة بتاعة التكييف , عداد الحرارة نزل من 100 الى 90 , بعدها رحت لواحد بتاع ريداتير فكينا ونضفة كويس و العربية الحرارة واقف على 90 ساعات يطلع للشرطة اللى بعد 90 وساعات ينزل عن 90 , بس فى يومين الحر اللى فاتو كان العداد فى مشوار حوالى 10 كيلو كان بيطلع للشرطة التانية بعد 90 بس كانت الساعة 3 الضهر

انا مش عارف كده باقى ان انضف سربنتينة التكييف وخلاص , ولا لسه كده مشكلة السخونة موجوده , عشان انا لسه مشغلتش التكييف لحد دلوقتى ؟؟؟؟؟؟؟

يااااااااااااااااااريت حد يفهمنى من فضلكم

[فادى محمد]

ميه القربه (التبريد) بتنقص معاك ولا لا؟؟؟
ولو بتنقص بمعدل قد ايه؟؟
في حاله انك بتجري بالعربيه في طريق مفتوح وبتواجه الهوا
الحراره بتنزل شويه ولا ثابته؟؟

[mahmoud2013]

المياة فى القربة مش بتنقص

لو بجرى دلوقتى فى الجو العادى , العداد يعتبر على 90 ممكن يطلع بمعدل سم او ينزل بمعدل سم .

لكن فى يومين الحر الشديد اللى فاتو فى يوم الساعة 3 الضهر كنت بجرى وبردة بيزيد لحد الشرطة التانية بعد 90 . بس من بعدها عادى يعتبر 90 .

انا بس عاوز اعرف كده المشكلة فاين لو موجودة لسه ؟ هل هى لسة السربنتينة بتاعة التكييف على الرغم انى غسلتها بمياة ساعة ما فكيت الريداتير عشان أنضفة

[MITSUKERO]

http://www.nilemotors.net/Nile/344792-a.html

الموضوع ده فيه دورة التبريد كلها و انصحك تراجعة و تحدد العيب بدل ما تصرف فلوسك علي الفاضي

[mahmoud2013]

http://www.nilemotors.net/nile/344792-a.html

الموضوع ده فيه دورة التبريد كلها و انصحك تراجعة و تحدد العيب بدل ما تصرف فلوسك علي الفاضي

دورة التبريد ؟؟؟

يعنى اروح للميكانيكى وأعمل ايه ؟؟؟