إعـــــــلان

Collapse

.

,
See more
See less

الحراره جابت اخر الامبير - يوم مرعب

Collapse
X
Collapse
 
  • Page of 1
  • Filter
  • الوقت
  • Show
Clear All
new posts
السابق template التالي
  • #1

    الحراره جابت اخر الامبير - يوم مرعب

    الخميس اللى فات لقيت امبير الحراره على اخره ركنت بسرعه و فتحت الكبوت سخونه مش طبيعيه و لقيت غطا القربه المياه بينفس هوا بمياه بتغلى معرفتش اعمل ايه المهم سبتها نص كده و دورتها و زودت مياه طبعا القربه فاضيه و مشيت شويه الحراره جابت الاخر تانى المهم كررت الموضوع ده لحد لما وصلت الحرفيين اخيرا
    المهم قعدت فى الورشه لحد لما تبرد و قاللى المشكله فى الريدياتير روحت لواحد هناك فك الاكصدام و المروحه والسربنتينه و المروحه التانيه و كانت المفاجئه علبه الريدياتير مسدوده كميه شوائب عامله زى رمل البحر وكمل تسليك و تنضيف و ركبت كل الهيصه ده و طلعت على الورشه الاوبل قاللى يا فالح كنت زقيت العربيه علشان كده العربيه سخنه معاك 5 ساعات كده تبرد و قاللي لو كبست مياه والعربيه سخنه تجيب وش سلندر المهم قاللى تسريب المياه من الريدياتير و بتاع الريدياتير رجعتله و بيأكد انه مش من الريدياتير و قاللى لو عايز تريح نفسك فى بودره بتتحط فى المياه بتسد اى خرم المهم خوفت و مرضتشى كانت الساعه 1 بالليل و انا من 2 الظهر محتاس معاها قلت اروح و نكمل بعدين
    الحسنه الوحيده غسل السربنتينه عدل المكيف
    غسل الريدياتير و تسليكه صحصح العربيه جامد
    المروحه الاماميه كانت نص نص غيرتها بالمره
    اتعلمت افك الاكصدام
    الكلمات الدلالية (Tags): اخر, الامبير, الحراره, جابت, مرعب, يوم
  • #2
    احتمال كبير يكون في طبة مياة
    والبودرة حلوة بس هات ابرو ب5ج
    [SIGPIC][/SIGPIC]
    (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ)

    Comment

    • #3
      ياريت تكمل لنا عملت ايه تانى عشان نستفيد كلنا
      و الحمد لله انها جت على قد كده

      Comment

      • #4
        المشاركة الأصلية كتبت بواسطة amr elsisi مشاهدة المشاركة
        احتمال كبير يكون في طبة مياة
        والبودرة حلوة بس هات ابرو ب5ج
        مفيش تاثير على الماتور؟؟؟

        Comment

        • #5
          سؤال هو الاوبل ليه بيفرهد اوى كده من الحر

          هو مش لمصر وجوها ولا ايه اخره اوروبا

          Comment

          • #6
            المشاركة الأصلية كتبت بواسطة hossam_elwani مشاهدة المشاركة
            سؤال هو الاوبل ليه بيفرهد اوى كده من الحر

            هو مش لمصر وجوها ولا ايه اخره اوروبا
            معاك حق بس معظم الي راكب مبيجبش الريداتير الاصلي عشان غالي تلت تربع الموضيع في القسم هتلقيها ريداتير ومايه وقربه وغطا قربه وطبب مايه وخرطيم حورات يا عم ساعت ما تعطل تكره ابوها وتفكر انك تبيعها واول ما تمشي وتبقي تمام تلاقي نفسك مش عايز تبيع
            بس الكروز مبتاخدش هواء خالص؟؟؟؟؟

            Comment

            • #7
              في عندك نوعين والاتنين احلي من بعض
              البودرة

              والسائل

              بس السائل احسن وب 11ج
              وعن تجربة
              [SIGPIC][/SIGPIC]
              (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ)

              Comment

              • #8
                المشاركة الأصلية كتبت بواسطة amr elsisi مشاهدة المشاركة
                في عندك نوعين والاتنين احلي من بعض
                البودرة

                والسائل

                بس السائل احسن وب 11ج
                وعن تجربة
                طيب احطه على مياه خضرا ولا لازم مياه مقطره ؟؟

                Comment

                • #9
                  ابعد كل البعد عن المية المقطرة لانها سريعة الوصول الي الحرارة
                  عادي حطها علي مية خضرا
                  بس البودرة كفاية تلتها والسائل نصفة
                  ومافيش خوف علي المحرك منها من ناحية سد المسام

                  اطلع علي الرابط دة
                  نايل موتورز - NileMotors.net
                  http://www.nilemotors.net/Nile/344792-a.html
                  [SIGPIC][/SIGPIC]
                  (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ)

                  Comment

                  • #10
                    كبست علي البارد و التسريب من شجره الساخن غيرت المياه و حطيت موبيل مياه خضرا و هنشوف

                    Comment

                    • #11
                      سيدي الفاضل البودره بتسد المواسير ..... نصيحة مجرب

                      Comment

                      • #12
                        الحمدلله الحراره كويسه بس بعد التصليحه ده التكييف بقى ضعيف جدا !!!! مش فاهم ليه

                        Comment

                        السابق template التالي
                        Working...
                        X