حاجه مش عجباك في عربيتك وبتتمني تعدلها ..دعوه للنقاش !!!

[فادى محمد]

السلام عليكم ورحمه الله وبركاته..
مفيش حاجه كامله.اكيد كل واحد مننا في حجات مش راضي عنها في عربيته (اللي هو وضع بلادها) وبيحلم يغيرها او يضيفها او يشيلها..
في الموضوع ده هنتشارك كلنا في سماع مشكلات كل واحد ونحاول نقدم اقتراحاتنا لتعديل او حل المشكله ,اللي سمع واللي شاف واللي جرب يقول رايه. هبدا بنفسي..
1-مش عاجبني مكان كلاكس الفيكترا (في فجوه العجله اليمين من تحت) لصعوبه صيانته وطبعا ميه التنظيف والمطر بتاثر عليه ..نفسي الاقي مكان فاضي في حوض الموتور اثبت فيه خوصه اركب عليها الكلاكس تكون بعيده عن اماكن الصيانه الدوريه ..حد عنده اقتراح؟؟؟
2-عاوز افتح الشنطه من الداخل ,لو جبت الدراع والواير السلك وعديته للشنطه ورا ,ايه اللي بعد كده ؟ والكالون عندنا ميكانيكي ولا كهربي ؟؟
3-مش عاجبني عدم وجود (مزراب) صغير تحت كاوتشه زور تانك البنزين! عند غسيل السياره المكان ده بيتجمع فيه ميه وممكن تعمل برومه ..حد عنده اقتراح؟؟ تقبلوا تحياتي

[nagy wassef]

موضوع جامد جدا يا استاذ فادى

انا مش عاجبنى ان كاسيت العربية بتاعى اوديو و الشاشة بتعرض الساعة و التاريخ فقط ( على اساس انى مش عارفهم)

[hilal]

فكرة جامدة
1- مش عاجبني التكييف ، ونفسي أغيره بتكييف ياباني
2- كان نفسي يكون فيه حنفية أسفل الرادياتير عشان أغسل دورة التبريد بسهولة والرواسب كلها تنزل من أسفل نقطة
3- كان نقسي الكلاكس يبقى عالي زي التيوتا أو اللانسر
4- نفسي يكون مع كل سيارة جهاز اقتصادي صغير لكشف الاعطال ، نظرا لكثرة الحساسات
5- ونفسي مواسير التكييف تكون بعيدة عن فرن الشكمان مش لازقين في بعض
وكفاية كده بس مين يستجيب

[amr elsisi]

تحياتي اليك اخي فادي
انا فعلا موضوع الكلاكس عملي كلكس في دماغي
وانا بجمع العربية فكيت الشبكة قولت احطهو وراها منفعش طلع تخين يمكن علشان انا جايب بوك
بس لو جبت الي هوا الرئ ممكن يركب ورا الشبكة
وعلشان تفك فانوس او ريداتير او سبرنتينة لازم تفك اكصدام
طبعا كان مش عاجبني قطيفة البيبان وحولتها كلها جلد زي cdx انتظر الصور عن قريب ان شاء الله
وكان مش عاجبني الرصاصي في داخل السيارة بتاع السجن وحولتو الي !!!!!!! انتظر الصور
وكان مش عاجبني لون قماشة السقف وحولتها
وكان مش عاجبني الفانوس وهو ا مكشوف من اعلي وعدلتو انتظر الصور
وكان مش عاجبني شكل الشبكة احتمال تتعدل لسة مش اكيد
وكان مش عاجبني الفبر الاسود في منتصف الاكصدام الامامي وطبعا عدلتو انتظر الصور
وكان مش عاجبني الكاوتش الاسود في الاكصدامين لفيكترا بي 1 وغيرتو لبي 2
وكان مش عاجبني الفبر الاسود في البيبان وعدلتو
الدريكسيون وعدلتو انتظر الصور
الجنوط انتظر الصور
اة نسيت اهم حاجة ودي عملت تغيير جزري العدادات وارضيتها انتظر الصور
اعتزر علي عدم رفع الصور في الوقت الراهن نظرا لصعوبة التشطيب

[Mamoud salah H]

انا مش عاجبني
1-الشبكة الامامية بتتكسر بسهولة وحاليا بدور علي واحدة تعديل تكون اشيك
2-الشنطة مينفعش افتحها من الداخل كهرباء
3-المراية الجانبية مع ان شكلها شيك جدا وتحفة بس صغيرة اوي للاسف بس اتعودت عليها ومبقتش مديقاني خالص
4-الزجاج الخلفي صعب اوي صغير ولموم ومكنتش بغرف اركن او ارجع لورا بسهولة بسببه بس بردة كل حاجة بقت تمام ومفيش اي مشكله بع التعود
5-مكان زراير الزجاج الكهرباء الي جنب الفتيس اظن لو كان ففي باب السائق يبقي افضل مع ان عربيتي كلها يدوي اصلا :d
6-مفيش مكان في التابلوه للتخزين ودي بالذات بتعصبني اوي عشان انا من النوع الي بحب اسوق ومفيش حاجة في جيبي

في الاخر دي كلها حجات تافهة اوي بالنسبالي ومتجش حاجة في المتعة الي بحس بيها وانا راكب العربية ربنا يبارك فيها

[hagagatc]

انا الحاجه الي مديقاني ان عفشه الفيكترا معمره لو اصليه بس هي نشفه شويه ليه متبقاش زي البي ام مثلا عفشه معمره ومريحه وتكون مريحه زي عفشه الكورولا او الياباني عموما مع ان الياباني مش معمر زيها ولا دي بتبقي علي حساب دي لو حد عنده تعديل يقلينا انا بسمع ان العفشه الرياضي مريحه لو حد ركبها وجربها يدينا تقرير

[hilal]

انا الحاجه الي مديقاني ان عفشه الفيكترا معمره لو اصليه بس هي نشفه شويه ليه متبقاش زي البي ام مثلا عفشه معمره ومريحه وتكون مريحه زي عفشه الكورولا او الياباني عموما مع ان الياباني مش معمر زيها ولا دي بتبقي علي حساب دي لو حد عنده تعديل يقلينا انا بسمع ان العفشه الرياضي مريحه لو حد ركبها وجربها يدينا تقرير

شفت تجارب على الانترنت يتم فيها تغيير جميع كاوتشات العفشة بحاجة اسمها (powerflex) وحاولت ابحث عن أي مستورد لها في مصر فلم أجد ، ويقال ان لها تأثير كبير في تليين عفشة السيارة

[إبراهيم المصرى]

الموتور 1200 كنت افضل 1600 بس بعد العشره 1200 جميل وحبيته

[hagagatc]

شفت تجارب على الانترنت يتم فيها تغيير جميع كاوتشات العفشة بحاجة اسمها (powerflex) وحاولت ابحث عن أي مستورد لها في مصر فلم أجد ، ويقال ان لها تأثير كبير في تليين عفشة السيارة

استاذ هلال الله ينور عليك لو ممكن لينكات تبقي تمام

[sherif moneer]

1-التكييف يكون بيسقع عن كده
2- التلاكس مكانه رخم بس انا حطيته قدام الشبكه بس اللي عندي مش اوبل عندي فولكس صغير شويه
3- ينزل لفوانيس الفيكترا لمبات اعلي من 100 عشان الاضائه
4- كراسي غير الموبيكا

[hilal]

استاذ هلال الله ينور عليك لو ممكن لينكات تبقي تمام

ساحاول في أقرب فرصة بإذن الله

[tananybasha]

1. الماف
2. مشاكل التكييف
3. لون الفرش الداخلى

[tananybasha]

للعلم انا عامل ان الشنطه تتفتح كهربا من جوه
ديتها مكنة سنتر 2 طرف
و زرار صغير

[tananybasha]

http://www.nilemotors.net/Nile/109339-a.html

[cayman69300]

اهم العيوب
هما اتنين بس
1 - دورة التبريد ( حرارة الفكترا اية 2000 عالية و عادى انها توصل لغاية 100 درجة و الكلام دة عند كل الناس اللى فاهمين فى الاوبل & الدورة المكبوسة ولاننا كل شوية بنشرب شجرة - خرطوم مية بيضرب و هكذا )
2 - التكييف ( بيحمل بس خفيف جدا - بياكل بنزين شوية فى حدود 15 % )
بس مفيش اكتر من كدة
هضيف اللى نفسى فية
1 - العربية مهما تتفحت الحرارة متعلاش عن 90 درجة و ساعتها مش مشكلة فى الدورة المكبوسة لانها لغاية 95 بيكون الضغط معقول جوة الدورة
2 - التكييف التلات هوايات يطلعوا هوا بنفس الكثافة و التكييف يبقى زى بتاع الفيرنا