حاجه مش عجباك في عربيتك وبتتمني تعدلها ..دعوه للنقاش !!!

[Mostafa.Ismail]

1- مكان الكلاكس فى الطارة بيتقطع .. كان نفسى يبقى زرار مستقل زى طارة الكورسا كدة.
2- الكراسى موبيكا حقيرة ومتعبة بجد .. لما بركب اى عربية جديدة بتعقد من الكراسى.
3- حرارة قوية من ناحية الدواسات مش عارف لية.
4- نفسى اغير الكاسيت بواحد فية aux و usb والشاشة تفضل شغالة.
5- البارومة فى السقف تحت كوتشة الزجاج وفى حلق الرفرف.
6- التابلوة فقير فى اماكن التخزين وحوامل الاكواب بالرغم من وجود اماكن كتير تصلح.
7- زرار مانع التزحلق يمين عصاية الفتيس مش عارف لية! رغم انة ممكن يتحط جمب زرار السنتر ويبقى عملى واشيك.
8- عزل الصوت مش كويس وممكن يبقى احلى.
9- جلد الريموت بيبوظ وبيتقطع بسرعة.
10- سربنتينة التكييف لازقة فى الردياتير .. كان نفسى يبقى فى فراغ بينهم زى الفكترا سى علشان التهوية والغسيل.
11- الكلاكس مكانة لازم يتعلى لانة بيتعرض لتراب ومية وباظ عندى.
12- كان نفسى يبقى عندى مخدع للسائق وفية مساحة تخزين.
13- كان نفسى يبقى فيها ستاير فى الابواب زى الفلوينس.
14- مفيهاش علامة تحذير فى العدادات للابواب المفتوحة
15- مفيهاش علامات نقلات الفتيس فى العدادات.
16- الشنطة مفيهاش عزل زى عزل الكبوت.

بس دة اللى فاكرة دلوقتى

[MaaM]

السنتر متخلف ، واحد داس على السنتر وانا ماشي بالعربية ، اتحبست جواها !!
مافيش امكانية انه يشتغل على سرعة 20 كيلوا مثلا ويقفل الأبواب بس ؟

مش مهم موضوع انه يشتغل تلقائي ، الأهم دلوقتي ان لما اقفله مايقفلش الازاز ويفقد خاصية التاتش
وفي نفس الوقت لما ادوس على قفل من الريموت العربية كلها تقفل بما فيها الازاز