أخوانى الأعزاء من فضلكم

[ENG\AHMED]

انا عندي حجم القفل عادي صغير..
و هتلاقي فيه شق صغير كده عرضه حوالي 2 او 3 سم... بالكتير..
هو ده اللي بيطلع منه الكارت..
و ده موجود عندي و في موديل 94 و 95 كمان..
يبقي اكيد موجود في كل الفيكترا.. باختلاف حجم القفل..
كون الكارت يرجع تاني ده مش بيحصل.. بس ممكن تقصه..
لأنه بلاستيك خفيف.. بس مش بيدخل تاني.. (بس ممكن نفك قفل من دول و نتأكد برضه)
انا ممكن اتبرع بقفل بس لما اغيره..
ولو العربية عملت حادثة.. غير القفل و ريح دماغك.. بدل ما تدخله تاني..

انا عندى مفيش غير الشق اللى بيدخل فية لسان الحزام ... عادى بقى يمكن كان منصور حاسبها من ضمن كماليات العربية وحب يوفر :( :@
الكارت لو اتقص هيبان انما انا سمعت ان فية ناس بتدخلة تانى ... انت فى مصر !!
لو اللى عمل العربية كان عارف انها هتنزل مصر مكانش عملة لأنة عارف انة هيبقى زى قلتة والناس هتدخلة تانى والعربية تتباع على انها لسى خارجة من خط الانتاج عادى ... وتقريبا دة اللى منص عملة فى الفكترا B قالك زى قلتة وتكاليف على الفاضى

[ahmedmaklad]

بردو اقاليم :p
حتى لو مدينة نصر بقت تبع السودان ولا يهمنى انا مصر الجديدة الناس بتاعت مدينة نصر ترد بقى :p :p

مصر الجديدة دي الوحيدة اليي مش هتتحرك هي اصلا محافظة لوحدها و انتوا عارفين ليه بقى
ربنا يجعل كلامنا خفيف عليهم

[ENG\AHMED]

مصر الجديدة دي الوحيدة اليي مش هتتحرك هي اصلا محافظة لوحدها و انتوا عارفين ليه بقى
ربنا يجعل كلامنا خفيف عليهم

محافظة وجمهورية كمان ... تقدر تقول حاجة

[ahmedmaklad]

محافظة وجمهورية كمان ... تقدر تقول حاجة

واحد شغال معاهم هيقول ايه حد تاني يتكلم بلاش انا

[dodo8499]

يا احمد باشا يا علاوي مما ممكن العربيه تكون عامله حادثه من غير ما الكارت الاصفر يطلع ؟؟؟ ازاي ان اللي سايق مايكونش رابط الحزام بس كدا ... صح؟؟ ولا انا غلطان؟؟


بس انا متهيألي والله اعلم انك تعرف ان الحزام شغال ازاي ::: انك تربطه عليك وتدوس فرامل مره واحد هاتلاقيه قفش عليك صح؟؟ ولا ايه
ونا الحمد لله الاربعه بيقفشو عندي.. والشدادات موجوده الحمد لله في الاعتاب بالويرات بتاعتها بس في مشكله عندي انا الكرسيين بيلققو عندي فا انا عاوز افورهم واظبطهم عشان يطربطو كويس انتا شو رأيك شور عليا ياباشا قبل ماقع في الغلط او دليني علي واحد كويس يظبط الكراسي مكانها بدل ماهيا بتلق كدا ... وفي حاجه كمان ... التابلو في المطبات بعمل صوت جامد ..مش ماسك كويس ؟؟؟؟ بيترج

[dodo8499]

الحمد لله عملت موضوع الرفه.. كلت وش من الطنمبوره الخلفيه من برا حوالي ربع ملي او اقل والرفه منعت الحمد لله... ونا قولت بقا اعمل شغل العفشا عشان في صوت عندي قدام لما اكل مطب جامد بيعمل تااااااااااااااااك ... فا بتاع العفشه حل العفشه الامامي كلها وشحمها.. وقفل وبجرب يامعلم العربيه والاقيلك العربيه علي سرعه 60 الدركسيون بيرعش وتقل اوي علي سرعه 30 او 20 تقيل اوي وبتحدف شمال بغباء وباظط خالص ومش نافعه بصله...مش عارف اعمل ايه الحقونييييييييييييييييييييييي

[rabbat5]

الرعشة كانت عندي_فى عربيتي يعني_ ليها سببين الأول : قواعد الموتور و الثاني: ماكانش فى رنج فى عجلة ورا . بعد ما ركبت القواعد و عملت الرنج عند خراط محترم مابقاش في لا رعشة و لا رفا .

[dodo8499]

انا عربيتي عملت حادثه وكارت منهم طلع
اعمل ايه عشان ارجع العربيه لطبيعتها واجيب الكارت ده ازاي او اعمل ايه عشان اشغل كل حاجه زي ماهيا

[Ahmad Allawy]

تابع الموضوع من الاول يا حماده. هتلاقي كل شيء مكتوب..

[superkenwood]

أول مرة أسمع عن موضوع الكارت ده .. أنا كنت عايز أركب فرش جلد بس دلوقتي أخاف أفك الكراسي .. يا ريت يا جماعة يكون هناك صور توضيحية لموضوع الكارت ده .. بارك الله فيكم

[Ahmad Allawy]

ربنا يسهل و افتكر اصور الكارت ده لما انزل العربية..
اصلي مش باروح بيها الشغل.. و معظم النزول بالليل.. مش هاعرف اصورها بالليل..
هاجاول و ربنا يكرم..