مشكله فى العربيه عاوز رأيكو فيها

[Hesham.H]

صباح الفل
العربيه عندى ساعات بتعمل حركه كده مش عارف ليه
بيكون فى التانك حوالى ١٠ لتر تقريبا وتبدأ معايا أعراض تخليص البنزين ... الاقى العربيه تكن وتتخنق كأنها خلصت بنزين ... أشيل رجلى أو أديها غيار أعلى تمشى عادى .... وشويه كده وتعملها تانى
لغايه اما افول التانك تروح المشكله
التانك عندى بياخد ٥٦ لتر بس ... مع انه مش مخبوط ولا حاجه بس واحد قاللى ممكن يكون تفريغ هوا والتانك ممصوص
بس المشكله دى لما بتحصل عندى بروح البنزينه بلاقيها أخدت حوالى ٤٥ لتر
ياترى المشكله دى مرت على حد أو حد من أساتذتنا عارف ايه السبب
تحياتى للجميع

[mahmoud kamal]

جرب يا باشا وحطت محسن اداء بيتباع فى البنزينه وهات ابو 40 جنيه ده جميل جدا لو فى وساخه فى التنك ولا حاجه او الدوره بتاع البنزين هيظبطها
وهيفيدك برده عباقره الاوبل

[hassanin_lada]

طرومبة البنزين ضعيفة شوية عشان كده لما بتبفضي بتبقي صعب عليها تجيب اخر البنزين

[eng.salama93]

ممكن وساخه ف التنك او فعلا الطرمبه ضعيفه

[Mecha]

did you replace the pump before????

someone did not fit the pump or the strainer properly
or the strainer fallen into the tank
suction is higher than fuel level

[أحمد جودة]

على فكرة أنا مش هتكلم فى حل المشكلة ........ أنا هقولك نصيحة أخوية

بلاش تخلي العربية تاخد من أخر التانك لان طبعا زي ماحضرتك عارف أغلب محطات البنزبن بيكون فه رواسب فى البزبن بتاعها ولو حتي بنزين 92 كل البنزين بلا إستثناء فيه رواسب دة ممكن يعملك مشاكل مع طلمة البنزين والفلاتر ومنظومة الاشتعال (( إنجكشن --- كاربيراتير )) ........ أنا عن نفسي بحب أمون بالكتيييير أوي على الربع الاخير من التانك ..... ودي وجهات نظر ونعتبرها دعوة للحوار وتبادل الخبرات


تقبل تحياتي

[فادى محمد]

-ماتسيبش التانك لاخر 10 لتر ياباشا ماينفعش .المفروض مايقلش عن 25 لتر
-الطرمبه عندك مش ضعيفه انما بتسخن (وده الطبيعي) ومش بتتبرد نتيجه نقص مستوي
البنزين .لما تسخن حركتها بتتاثر وتحس بالضعف
-لو دورت الطرمبه في ايدك ع البطاريه مثلا 10 دقايق مش هتعرف تمسكها من السخونه
هي بتبرد من خلال وجودها في سائل البنزين .تحياتي

[Hesham.H]

did you replace the pump before????

Someone did not fit the pump or the strainer properly
or the strainer fallen into the tank
suction is higher than fuel level

شكرا لكل الأعزاء ... بس للعلم ان المشكله دى ما ظهرتش غير لما فكيت التانك عشان كان فيه خرم وطبعا فكينا الطرمبه بس اعتقد انها ركبت عادى زى ما كانت

[Hesham.H]

-ماتسيبش التانك لاخر 10 لتر ياباشا ماينفعش .المفروض مايقلش عن 25 لتر
-الطرمبه عندك مش ضعيفه انما بتسخن (وده الطبيعي) ومش بتتبرد نتيجه نقص مستوي
البنزين .لما تسخن حركتها بتتاثر وتحس بالضعف
-لو دورت الطرمبه في ايدك ع البطاريه مثلا 10 دقايق مش هتعرف تمسكها من السخونه
هي بتبرد من خلال وجودها في سائل البنزين .تحياتي

انت تقصد بالطرمبه اللى بتسخن اللى هو الموتور فقط ( الرداخ ) ؟؟ ولا الطرمبه ملها فيها مشكله يا عم فادى
وده طبيعى يعنى ؟؟ وموضوع ان التانك بياخد ٥٦ لتر بس ده حله ايه ؟؟ والطبيعى بتاخد ٦٠ ولا اكتر شويه لما بتفول للآخر
تحياتى وآسف على الاطاله

[ayman hamdy]

انت تقصد بالطرمبه اللى بتسخن اللى هو الموتور فقط ( الرداخ ) ؟؟ ولا الطرمبه ملها فيها مشكله يا عم فادى
وده طبيعى يعنى ؟؟ وموضوع ان التانك بياخد ٥٦ لتر بس ده حله ايه ؟؟ والطبيعى بتاخد ٦٠ ولا اكتر شويه لما بتفول للآخر
تحياتى وآسف على الاطاله

الطلمبة لو مش غطسانة فى البنزين هتسخن ودة طبيعتها نتيجة ان التنك فاضى او قرب يفضى والبنزين هو اللى بيبردها فلما بتسخن علشان السبب المذكور ادائها بيقل فلازم متخليش التنك لحد ما يفضى لحد ربعه كويس ومون بعد كدة اما بالنسبة لل56 لتر دى عوامة البنزين اللى فى طلمبة البنزىن عايزة تترجلش او تتنظف او تتغير
وتحياتى يا هتش

[Hesham.H]

الطلمبة لو مش غطسانة فى البنزين هتسخن ودة طبيعتها نتيجة ان التنك فاضى او قرب يفضى والبنزين هو اللى بيبردها فلما بتسخن علشان السبب المذكور ادائها بيقل فلازم متخليش التنك لحد ما يفضى لحد ربعه كويس ومون بعد كدة اما بالنسبة لل56 لتر دى عوامة البنزين اللى فى طلمبة البنزىن عايزة تترجلش او تتنظف او تتغير
وتحياتى يا هتش

شكرا أيمن بك على الرد السريع ... بس ال ٥٦ لتر دى أخدتهم لما كانت خلصت بنزين منى على الطريق ووقفت منى مره وأخدت لتر من واحد صاحبى لحد أقرب بنزينه ... ولا ممكن يكون كان فيها بنزين وعشان ضعف الطرمبه ما جابتوش ؟!!! هو ممكن برضو
موضوع العوامه بقى يا عم ايمن فهى بتقرأبرضو ٥٦ لتر بس ودى تانى عوامه وبرضو ما بتتلعش لآخر علامه التانك
لغايه دلوقتى مش قادر احدد

[عمارمطر]

ممكن حضرتك تكشف على فلتر البنزين ممكن بعد فك التانك ولحامه تراكمت اى رواسب فى الفلتر وايضا راجع على مواسير البنزين ممكن تكون خدت خبطه فقفلت الماسوره
واتفق مع الزملاء فى عدم ترك نسبه البنزين فى التنك لتقل الى اخر عشر لترات وتراعى دائما ان يكون البنزين معدى نص التنك هى مش دى المشكله لان العربيه كانت شغاله عادى قبل ما تحل التانك ولاكن للحفاظ على عمر ماتور الطلمبه وتلاشى اضرار الرواسب

[فادى محمد]

انت تقصد بالطرمبه اللى بتسخن اللى هو الموتور فقط ( الرداخ ) ؟؟ ولا الطرمبه ملها فيها مشكله يا عم فادى
وده طبيعى يعنى ؟؟ وموضوع ان التانك بياخد ٥٦ لتر بس ده حله ايه ؟؟ والطبيعى بتاخد ٦٠ ولا اكتر شويه لما بتفول للآخر
تحياتى وآسف على الاطاله

اقصد الرداخ يا هشام باشا فعلا
طبيعي ماتقلقش
التانك بياخد 60 بالظبط
عندي ياباشا ال4 لتر دول ماتشغلش بالك

[MaaM]

السلام عليكم
انا عربيتى فكترا 97 1600 سى سى مانوال الموتور السود
المهم فى حاجه غريبه فى مؤشر البنزين
الاول لما كنت بملا تنك البنزين على الاخر كان المؤشر مش بيجيب للاخر قبل الفل بشرطه كده
غيرت العوامه بقت لما بملا العربيه بنزين للاخر الؤشر بيجيب لعلامة الفل تمام
لكن المشكله فى ايه بقى انى لما بكون مالى العربيه بنزبن وامشى بيها شويه الاقى المؤشر بينزل بالتدريج عادى لحد مثلا لما يبقى عند العلامه اللى بتقول انى استهلكت 20 لتر والعربيه فيها 40 لتر ( عشان التنك 60 )
لو روحت فولت والمؤشر على العلامه ال40 لتر المفروض تاخد 20 الاقيها خدت 14 او 15
اللى عاوز اقوله انه فى 5 لتر مش بيبقوا ظاهرين فى الؤشر
علما باننى لما لاقيت كده رحت غيرت العوامه بواحده تانى وتالته ومفيش فايده هوه هوه
ه انا كمان برضوا بدلت لوحد العدادات بواحده استيراد مؤشرتها اصفر
وبرضوا مفيش تغير فى 5 لتر مش بيبانو فى المؤشر
هل من مساعده فى الموضوع ده
ملحوظه التنك سليم وراكب مكانه مش مخبوط ولا مفعص

[Hesham.H]

اقصد الرداخ يا هشام باشا فعلا
طبيعي ماتقلقش
التانك بياخد 60 بالظبط
عندي ياباشا ال4 لتر دول ماتشغلش بالك

ههههههههههه خلاص يا باشا طالما عندك يبقى وصلونى ... يزيدو عندك يا عم فادى