راجع من التوكيل وعملت حادثة موت

[abubakr1234]

السلام عليكم جميعا كنت أمبارح في التوكيل بتاع ابو رواش ورحت هناك الساعة 9 ونص ومشيت على اتنين ونص ورسيت في الأخر أن الماتور عاوز عمره وقررت اني اطلع بيها على طناطي باشا وقلت اضرب عصفورين بحجر أزوره في الورشة الجديده وأباركله عليها وأعمل الشغل اللي في العربيه وخدت التقرير بتاع التوكيل وتوكلت على الله ماشي وبقول أخد المحور ولا الدايري ورسيت اني اخد الدايري وأول ملف كان بعيد أوي ومشفتوش رجعت بالعربيه لحد الملف وبلف بضهر وكنت باصص في مراية الصالون ولقيت مره واحده عربيه ماشيه على 120 لحقتني في الباب اللي ورا والشنطة من الشمال الحمد لله محصليش حاجه بفضل الله والعربيه التانيه برضه محدش فيها حصله حاجه الراجل بتاع الهيونداي راسه والف سيف اني لازم اصلحله العربيه قلتله يا سيدي معييش فلوس واحنا الاتنين غلطانين والحمد لله ان محدش حصله حاجه طلب الشرطه جت وقالوله المحاضر مش هتعملكم حاجه اللهم الا العربيات لو باتت في الحجز هتتقلب وهتتبهدلوا وهو بغباء ه يقول مليش دعوه من هنا لهنا لهنا اخد فلوس ومشينا الحمد لله الواحد طلع سليم بس والله صراحه الواحد عرف قيمة الالماني بعد الحادثة دي انا كنت مقرر ابيع الاسترا بس والله بعد الحادثه دي انا هصلحها واظبطها ده العربيات الكوري دي طلعت ورق ورق الراجل جاله رفرف واكصدام امامي وفانوس وكابوت فيه شغل ربنا يعوض علينا وعليه.

اللي انا مستغرب منه هو الراجل ازاي قبل ياخد فلوس عوض انا طبعا مشارك في الغلط بس هو برضه غلطان ماهو انا حصلتلي حوادث قبل كده وكنت بسيب الناس لما بتكون غلطانه ربنا يعوض عليا

واخيرا حمدالله على سلمتي وربنا يسترها علينا جميعا

[sama_Sama]

فلوس عوض علشان ده حقه مادام انت غلطان علشان راجع بضهرك (على ما فهمت)، ودي أصلا فيها غرامة سير عكس إتجاه تقريبا 1000 جنيه وقد تصل لحبس

بعد كده خد اليوترن اللي بعده ومتعرضش نفسك والأخرين للخطر

[memo2000soft]

فلوس عوض علشان ده حقه مادام انت غلطان علشان راجع بضهرك (على ما فهمت)، ودي أصلا فيها غرامة سير عكس إتجاه تقريبا 1000 جنيه وقد تصل لحبس

بعد كده خد اليوترن اللي بعده ومتعرضش نفسك والأخرين للخطر

+11111

[akmm]

الحمد لله على كده

[ashourashour]

والله انا لو معايا فلوس و مستغني عن عربيتي اخبط كل واحد بيرجع بضهره عشان مخدش باله و مش عايز يتحمل مسؤليه غلطه و يكمل الطريق

انا اصلا ضايع في الطرق و كتيير بتفوتني نزلات و ممكن اضرب مشوار 50 كم ولا اني ارجع بضهري اجيب المنزل اللي فاتني

انت امين مضايق من كلامي او شايفني غريب !! لكن اللي مودي المرور في داهيه الحاجات دي


فيها اه لو التزمنا يا جدعان فيها اه ؟ فيها اه لما نتحمل المسؤليه

[amr011111]

فلوس عوض علشان ده حقه مادام انت غلطان علشان راجع بضهرك (على ما فهمت)، ودي أصلا فيها غرامة سير عكس إتجاه تقريبا 1000 جنيه وقد تصل لحبس

بعد كده خد اليوترن اللي بعده ومتعرضش نفسك والأخرين للخطر

كلام سليم تماماً

[أحمد كمال]

1- حضرتك الغلطان 100% مفيش حاجة اسمها هو غلطان زيك

2- يعني ايه "ازاي يقبل عوض؟" ........ من اتلف شيئا فعليه اصلاحه و حضرتك الغلطان

3- في اي دولة متقدمة اللي حضرتك عملته ده ممكن تتلغي رخصة قيادتك و تتحجز عربيتك شهر في الحضانة و تدفع غرامة محترمة

[hilal]

مين قال ان العوض غلط؟
القاعدة الشرعية هي انه من أتلف شيئا فعليه إصلاحه
إنني أتعجب من هذا المنطق المعكوس
الراجل كان هيموت بسببك ومش عاوزه كمان ياخد حق إصلاح ما أتلفته
ده كفاية الوقت اللي ضايع عند الصنايعية في التصليح
انت غلطان حسب ما فهمت من روايتك
وحمدا لله على سلامة الجميع

[egman]

حمد لله على سلامتك اهم حاجة يا باشا مش مشكلة الحديد .

لكن

ما فيش حاجة اسمها ازاى يقبل فلوس عوض ، لأ طبعا لازم ياخد حقه طالما انت اتسببت فى حاجة فلازم تصلحها اصلا وبعدين لما اتصل بالشرطة حضرتك لية مستغرب كده ما هو ده الطبيعيى فى اى مكان فى البسيطة اى حادث لازم يتصل بالشرطة ، لازم كنت تتكلف بيها وبتصليحها كلها من الالف الى الياء ، مش انت زعلان انه اخد فلوس وبتقول عوض عوض اية يا باشا هو الراجل فى طريقة وانت راجع بدهرك ههههههههههههههههههههه عايز اية تانى يعنى مش فاهم تخيل لو كان فى اطفال فى العربية وحد مات هتقوله احنا الاتين غلطانين ما فيش حاجة اسمها احنا الاتنين موقفك ده حضرتك بس ولوحدك الى غلطان وكان لازم تتحمل كل حاجة تحمد ربنا انه سابك تمشي اصلا سليم .

مرة تانية حمد لله على سلامتكم كلكم .

[friendship7897]

حمد الله على سلامتكم إنتوا الإتنين
وكويس إن اللي بيتعرض لموقف بيعرضه هنا
أولاً : ليشاركه أعضاء المنتدى في موقفه .
ثانياً : ليواسه لو كان أتظلم
ثالثاً : ليعيدوه إلى صوابه لو كان هو المخطأ
رابعاً : ليتعلم غيره من خطأه
أنا شخصياً أعرف إن اللي ورا دايماً هو اللي غلطان
ففي موقف زي دا كنت هلوم الراجل اللي خبطك
وما كنتش أعرف إن المرشيدير ممنوع
وأنا شخصياً كنت هدور على اليوترن اللي بعده
مش علشان المرشيدير ممنوع - علشان أنا بتعب من الرجوع مرشيدير كتير
شكراً للجميع للتوضيح

[Amr Axel]

الف حمد لله ع السلامة يا باشا و الحمد لله انك بخير و ربنا يعوض عليك
بس عايز اعلق ع نقطة يقبل عوض و ميقبلش الصح انه يجب تعويض الضرر الناتج عن فعل الغير و حضرتك غلطان طالما هو ماشي في طريقه صح و ده كان راجع لعدم التزامك
والتعويض عن الضرر بينص عليه القانون تحت المسئولية المدنية لسهولة البحث عنها و الشريعة ايضا بتنص ع جبر الضرر و فيه حديث للرسول رواه البخاري عن انس رضي الله عنه قال : اهدت بعض ازواج النبي ( صل الله عليه و سلم ) اليه طعاما في قصعة فضربت عائشة ( رضي الله عنها ) القصعة بيدها فكسرتها و القت ما فيها , فقال النبي ( صل الله عليه و سلم ) " طعام بطعام , و اناء باناء " و في لفظ قالت عائشة ( رضي الله عنها ) : يا رسول الله ما كفارته ؟ فقال الرسول ( صل الله عليه و سلم ) " اناء كاناء و طعام كطعام " .
ده مثال بسيط و بغض النظر عن التفاصيل لأن ديه ابحاث و دراسات لو اتكلمنا فيها عايزين ايام :)
فتعويض الضرر لا يتنافي مع الاخلاق و الضمير لكن بيضمن حق كل فرد :)
و اما الشخص المضرور فهو حر ياخد تعويض عن الضرر اللي اصابه او يتقاسم الضرر او ميقبلوش او يطلب تكون مسئول عن تصليحه او ياخد مبلغ يصلح بيه الضرر ده شئ ودي بينكم و ع حسب كل شخص :)

[أحمد كمال]

حمد الله على سلامتكم إنتوا الإتنين
وكويس إن اللي بيتعرض لموقف بيعرضه هنا
أولاً : ليشاركه أعضاء المنتدى في موقفه .
ثانياً : ليواسه لو كان أتظلم
ثالثاً : ليعيدوه إلى صوابه لو كان هو المخطأ
رابعاً : ليتعلم غيره من خطأه
أنا شخصياً أعرف إن اللي ورا دايماً هو اللي غلطان
ففي موقف زي دا كنت هلوم الراجل اللي خبطك
وما كنتش أعرف إن المرشيدير ممنوع
وأنا شخصياً كنت هدور على اليوترن اللي بعده
مش علشان المرشيدير ممنوع - علشان أنا بتعب من الرجوع مرشيدير كتير
شكراً للجميع للتوضيح

اللي ورا هو اللي غلطان بس الرجوع مارشدير على طريق عام او سريع ممنوع بتاتا و غلط اكبر لذلك في هذه الحالة اللي قدام هو اللي غلطان

[abubakr1234]

يا جماعه أنا كنت رجعت خلاص وكنت راكن يمين يعني موضوع اني كنت ماشي بضهري ده مكنش ساعت الحادثه انا رجعت ووقفت وخليت بتاع 5 أو 6 عربيات كمان يعدوا وبعدين بلف شمال جه هو لبس فيه

[mohammedabdallh]

الحمد لله انها جت على قد كدا

[egman]

حمد الله على سلامتكم إنتوا الإتنين
وكويس إن اللي بيتعرض لموقف بيعرضه هنا
أولاً : ليشاركه أعضاء المنتدى في موقفه .
ثانياً : ليواسه لو كان أتظلم
ثالثاً : ليعيدوه إلى صوابه لو كان هو المخطأ
رابعاً : ليتعلم غيره من خطأه
أنا شخصياً أعرف إن اللي ورا دايماً هو اللي غلطان
ففي موقف زي دا كنت هلوم الراجل اللي خبطك
وما كنتش أعرف إن المرشيدير ممنوع
وأنا شخصياً كنت هدور على اليوترن اللي بعده
مش علشان المرشيدير ممنوع - علشان أنا بتعب من الرجوع مرشيدير كتير
شكراً للجميع للتوضيح

اولا : صباح الفل يا باشا

ثانيا : حكاية ان الى ورا دايما غلطان ده بقى ليها حدود كتير اوى بالنسبالى على الاقل يعنى مثلا ما تبقاش انت قارص على طريق سريع وتيجي مرة واحده تقف وقوف تام وعايز الى وراك يفاديك الكلام ده لما تكونوا فى طريق عادى والى وراك مش واخد المسافة القانونية بينك وبينه لكن على طريق سفر وانت والى قدامك تقريبا على سرعه واحده ويجي هو يقف وعايزة يفاديك ما اعتقدش ابدا يعنى اقله هيدخل يقعد فى الكنبه هههههههههههههههه .
ناس كتير اوى لما تغلس على بعضها فى المشي تلاقي الى قدام مثلا مش بيعديه ولما الى ورا يقرب منه علشان يطلع يجي قدامه تانى ويفرمل يعنى لكن فى العموم زي ما حضرتك قلت الى ورا هو الى غلطان .

ثانيا ً : طيب اما حوار المارشدير ممنوع فهو مش معمول علشان تاخد شارع مثلا بدهرك او على هاى واى وترجع بدهرك علشان نسيت ملف ده اسمه سير عكس الاتجاه عقابه الغرامة والحبس غير الكوارث الى ممكن تتعمل بسبب رجوعك والحجة بترجع مارشيدير ، انا مش بستخدمه غير لما باجى اركن وبس .