راجع من التوكيل وعملت حادثة موت

[4fun14]

طريق سريع وواخد مرشدير وكسرت على الشمال وعملت حادثه موت"على حد وصفك"
وعربيتك الحمدلله مفهاش شغل كتير وهو جاله كبوت ورفرف وفانوس وزعلان انه قبل ياخد فلوس؟!!!!!!!!!!
الراجل ده لو عربيته لانوس زى حالاتى بالفرامل المصيبه دى كان ممكن العربيه تتقلب ويجيلى عاهه مستديمه او اموت خالص.
بصراحه لازم تراجع نفسك وتعترف باخطائك

[Silent~Dream]

وتستمر حوادث و مصائب الدائرى و مفيش حد عارف يقول للتانى انت الغلطان

[friendship7897]

اولا : صباح الفل يا باشا

ثانيا : حكاية ان الى ورا دايما غلطان

ثانيا ً : طيب اما حوار المارشدير

أولاً : صباح النور يا أبو باسل
ثانياً : أنا باشة ( بالتاء المربوطة ) مش باشا
ثالثاً : شكراً على المعلومات اللي أرفقتها عن المرشيدير وأمتى اللي ورا يكو الغطلان
رابعاً : أنت كاتب في مشاركتك الترتيب خطأ - هههههههه

[egman]

أولاً : صباح النور يا أبو باسل
ثانياً : أنا باشة ( بالتاء المربوطة ) مش باشا
ثالثاً : شكراً على المعلومات اللي أرفقتها عن المرشيدير وأمتى اللي ورا يكو الغطلان
رابعاً : أنت كاتب في مشاركتك الترتيب خطأ - هههههههه

والله انت زي العسل ههههههههههههههههه وشرفت بالكلام بحضرتك وربنا يصبر صاحب الموضوع ويصبر الراجل الى اتشيع بسبب صاحب الموضوع .

بس قولى بجد انا معرفش والله اية الفرق بين الاتنين باشا وباشة حتى لو على الخاص علشان صاحب الموضوع ما يضايقش اننا بنخرج بره موضوعه انا اول مرة فى حياتى كلها حد يقولى باشا بتتكتب بالــــ ة

[zallooma]

المشكله عندنا ان المعايير مختلفه الراجل مقتنع انوا راجع بضهروا و مش غلطان و كمان عامل مشاركه وبيستغرب

[egman]

المشكله عندنا ان المعايير مختلفه الراجل مقتنع انوا راجع بضهروا و مش غلطان و كمان عامل مشاركه وبيستغرب

ههههههههههههههههههههه والله عندك حق ههههههههههههههههه

[abubakr1234]

طيب سؤال بس للناس هنا الي بتتريق عليا انا لو مش معترف اني غلطان كنت دفعتله 1000 جنيه ؟؟؟
انا مقتنع اني غلطان بس هو برضه غلطان ماهو مينفعش اكون داخل على ملف ب120 وسرعة الطريق اساسا 80

[abubakr1234]

وبعدين لما الشرطة جت وعملوا محضر معاينة كان فيه الطرفين غلطانين يعني ده مش رأيي انا ده رأي الراجل اللي جه عمل معاينه

[egman]

انا يا شباب بسجل اعتذارى على العام للأستاذة / friendship7897

لانى ما كنتش اعرف الفرق بين كلمة باشا وكلمة باشة وكنت بتكلم معها على انه زميل فى المنتدى مش زميلة فى المنتدى ، وما اختش بالى من بيانات حضرتك ، انا اسف يا استاذة والله مش اقصد هههههههههههه هى جت كده وبالذات فى التعليق التانى بتاعى لحضرتك والله ما اخدت بالى من الحكاية ده خالص .

[friendship7897]

طيب سؤال بس للناس هنا الي بتتريق عليا انا لو مش معترف اني غلطان كنت دفعتله 1000 جنيه ؟؟؟
انا مقتنع اني غلطان بس هو برضه غلطان ماهو مينفعش اكون داخل على ملف ب120 وسرعة الطريق اساسا 80

وبعدين لما الشرطة جت وعملوا محضر معاينة كان فيه الطرفين غلطانين يعني ده مش رأيي انا ده رأي الراجل اللي جه عمل معاينه

بص يا أ/ abubakr1234
الناس مش تقصد تتريق
الناس بتكون عايزة تلفت نظر اللي عمل الموقف أو اللي كاتب الموضوع أنه غلط أو صح
وأعتقد أنها متقصدش الهجوم عليك
دي بتهون عليك الغرامة اللي أنت دفعتها مقابل خطأك أو خطأ اللي آدامك
وبعدين أنت كاتب الموضوع علشان تتأريف أكتر ما أنت مضايق على عربيتك وعلى الحادثة وعلى الغرامة ؟! أكيد لأ
هون على نفسك شوية
انا في يوم كتبت موضوع عن مخالفة صف تاني أخدتها
والناس كلها سابت الموضوع وفضلت تهين في كل اللي يعرفوني إزاي أقف صف تاني
زي ما يكون مصر كلها عمرها ما وقفت صف تاني - وأنا الوحيدة اللي بغلط
بس بعد ما عملت الموضوع وقريت المشاركات حسيت إني غلطانة ومزعلتش على المخالفة - وحمدت ربنا أنها جت على أد كدة
ولا يهمك وربنا يعوض عليك

انا يا شباب بسجل اعتذارى على العام للأستاذة / friendship7897

ولا يهمك يا أ/ egman- أنا مش زعلانه
لأنك واضح أنك مكنتش واخد بالك
وبعدين أنا صحيح بالتاء المربوطة هههههه
لكن غاوية عربيات

[saddam]

صديقي المواطن
حضرتك فاهم الدنيا غلط وأنت في نظر الشرع آثم وحتى.تتوب إلى الله إنت تاخد عربية الرجل وتصلحهاله وإنت توقف عليها ولا تسترخص وتصرف عليها أكثر مما تصرف على عربيتك وتعيش المعاناة.في تعب الصنايعية ثم ترجعهالو للبيت وتطلب منه وتبوس راسه إنو يسامحك ومنطقك غريب وقبل العوض ومش عوض وده يدل إنك محتاج دروس في الثقافة الدينية ودمتم للنضال وحتى لو كنت كافر أي على غير دين فهذه من مبادئ اﻷخلاق الكريمة وهداك الله لطريق الخير إنت إزاي تنام الليل مرتاح وإنت واقف بكل قلب تتخانق مع الراجل وإنت الغلطان

[kar!m]

من 10 سنين تقريبا كان في موضوع مشابه في جريدة الأهرام عن مصري كان في سويسرا و كان ماشي على الهاي واي و رجع بضهره عشان يتزي تقريبا أو حاجه زي كده .. هو متقبضش عليه ساعتها بس الكاميرات صورته .. و استدعوه للتحقيق بعدها و سألوه:

1. النهارده ايه من أيام الأسبوع.
2. انت ازاي ترجع بضهرك على طريق سريع.
3. هل و انت في طفولتك شفت والدك أو حد تاني بيرجع بضهره على طريق سريع؟
4. طيب انت عملت كده ليه؟

و في الاخر طبعا الرخصه اتسحبت منه لمدة سنه أو أكتر مش فاكر الفترة بالضبط.

[abubakr1234]

طيب بذمتك يا أخ saddam وكان أختيار قدامي وفي ناس قالتي سيبك من الراجل ده ومتدفعلوش حاجه( علشان انت مشفتش هو عمل ايه ) لو كنت عملت محضر في القسم والعربتين اتحجزوا لان حسب المعاينة الاتنين غلطانين بذمتك مش كنت سبته يعمل محضر وكل واحد يعيش مع نفسه مش ده كان احسن لي واوفرلي وبعدين زي ماهو اتخبط انا اتخبط وهو عنده مشاكل وانا عندي مشاكل ومع ذلك علشان انا عارف ان انا يعتبر 70% من الحادثة بسببي انا اديته 1000 جنيه

[amr011111]

طيب بذمتك يا أخ saddam وكان أختيار قدامي وفي ناس قالتي سيبك من الراجل ده ومتدفعلوش حاجه( علشان انت مشفتش هو عمل ايه ) لو كنت عملت محضر في القسم والعربتين اتحجزوا لان حسب المعاينة الاتنين غلطانين بذمتك مش كنت سبته يعمل محضر وكل واحد يعيش مع نفسه مش ده كان احسن لي واوفرلي وبعدين زي ماهو اتخبط انا اتخبط وهو عنده مشاكل وانا عندي مشاكل ومع ذلك علشان انا عارف ان انا يعتبر 70% من الحادثة بسببي انا اديته 1000 جنيه

لو اديته تمن فلوس التصليح كلها كفايه تعبه ووقفته مع الصنايعيه وتضييع وقته وطبعا هيبقى شايل هم ان العربيه هترجع تانى زى ما كانت ولا لاء

[abubakr1234]

طيب سؤال ولو كنا عملنا المحضر ومديتلوش حاجه مش ده برضه كان هيبقى كويس ليا؟