مشكله في الفتيس الاوتومتيك

[gomgom3]

ياجماعه في واحد صاحبي عربيته اوتومتيك ونقلها كلها ممتاز وجري 100 % ومفيش اي تنتيش ولا صوت المكنه بيعليا ولا اي حاجه من الحاجات ديه
بس العربيه بتنطر اما بتجيب الغيار D
المهم قالته قواعد المكنه
روحنا للميكانيكي قالنا قواعد بعد مجرب وكل الكلام الفاضي دة
وغيرنا المقطوع
والنطه بردو زي ماهيا ولا فرقت في حاجه اصلا ولا اكننا غيرنا قواعد
المهم قالي دة selector switch وراجع الكهربائي
بالمناسبه العربيه لانسر بوما بس قسم لانسر تااااااااااايم شويه فقلت اكتب هنا علي اساس ان قسم اوبل اكتر ناس فاهمه في المنتدي مع احترامي لجميع الاقسام

فهل ممكن selector switch هو الي ينطر ؟؟

[Ahmed Amin]

يعني مبدئياً هوا الصح أنك تعمل السؤال ف قسم ميتسوبيشي عن قسم أوبل,
عشان لما حد يكون معاه لانسر بومة وحصلت له نفس المشكلة هيقولك الحل المظبوط,,
وهيكون أفضل من رد تخميني ممكن تاخدة من هنا لو اللي هيرد مش فاهم أو مش معاه لانسر ومركبهاش,
أو من واحد معاه الفتيس الأيزي ترونيك هنا, وساعتها هيكون الكلام مختلف عن أعراض المشكلة في الانسر,

كمان ممكن تاخد أجابة غلط لأن لو حد رد من الناس اللي معاها الفتيس الأوتو العادي, لأن الاوتوماتيك متشابه إلي حد كبير أه, في قطع ممكن يكون معدل أهلاكها في الانسر أعلي من الأوبل, ولما تسأل في قسم ميتسوبيشي هتاخد الرد الصح وهنا هتاخد رد تخميني..
ودليل علي دا أني مسمعتش عن حد selector switch في بومة قبل كدا,, عشان لو كان بيتغير في الأوبل القديم,,
فمتبربطش الأنسر بالأوبل.

أخر حاجة أنت لو كنت عملت الموضوع دا هناك لما حد يبقي عنده لانسر بومة ومشكلتة زي مشكلتك هيستفاد من الرد,, لكن هنا أنت مش هتفيد حد,,,


بالنسبة لمشكلت صاحبك اللي أنت بتوصفة دا غير قاعدة الماكينة اللي غيرها في قاعدة أسمها قاعدة الفتيس السفلية, دي في الغالب اللي متهالكة وممكن تكشف عليها لأنها هيا السبب في نتشة ال D دي.

ولو كنت كلفت خاطرك وبحثت في قسم ميتسوبيشي في أول صفحتين بس,,
كنت هتلاقيني كاتب رد بخصوص التلات قواعد الخاصة بالموتور والفتيس وتشوف أنهي فيهم اللي بتحصل لعربية صاحبك الأعراض نفسها,

http://www.nilemotors.net/Nile/379874-a.html#post3875195124

[MITSUKERO]

انت بتهرب مننا هههههههههه

طيب اعمل ريست للفتيس الاول

و لو غلب روح اكشف في المتخصصون الاول شوف الاسطي خالد هيقولك ايه

[MITSUKERO]

بالترتيب اعمل ريست

اكشف علي البلوف و هي غالبا السبب

الوحيد اللي اضمنه يفك ينضف البلوف هو الاسطي خالد بتاع التوكيل

[ayman hamdy]

انت بتهرب مننا هههههههههه

طيب اعمل ريست للفتيس الاول

و لو غلب روح اكشف في المتخصصون الاول شوف الاسطي خالد هيقولك ايه

حضرتك ممكن تقولى الزاى تعمل ريست لكنترول الفتيس ؟

[MITSUKERO]

حضرتك ممكن تقولى الزاى تعمل ريست لكنترول الفتيس ؟

http://www.nilemotors.net/Nile/370446-cvt.html

بس المشكلة بتاعة الرزعة دي بتبقي بلوف غالبا بس الصح نجرب الارخص الاول