برجلة على السلانسيه وايررو كود !

[MaaM]

هو الحساس ده بيتفك ازاي ؟
هو عايز مفتاح بلدي 18/19 ، المشكلة ان المفتاح مابيدخلش لأن الحساس مزنوق بين قاعدة الدينامو وبين الغطاء الفيبر بتاع التقسيمة

[Hesham.H]

يقصد ماينفعش يرد عليها كتابة من خلال النت بتاع التليفون

الله يبارك فيك ياباشا ، اه برنامج الـ op com اللي معايا صيني ، معاك برنامج غيره هايفرق ؟!

ايزي ترونيك !
على فكرة يا أحمد ، لغاية دلوقتي مازالت مقتنع بشدة بالاتوماتيك
لأن غير إنه مريح في السواقة ، فهو اخره ايه لما يبوظ ؟ فتيس استيراد بـ 2500 جنيه وشكرا على كدا عيش بيه كمان 15 سنة على الأقل

لكن المانيوال أو حتى الإيزي ترونيك ، كل حوالي 100 الف كـ متوسط عايز طقم دبرياج بـ 2000 جنيه !
يبقى على ايه تعب الدماغ ؟

التعديل في دماغي وإن شاء الله ناوي على ايكوتيك 1.6 اوتوماتيك ، بس في الخطة الخمسينية :)

بينى وبينك لما حسبتها بينى وبين نفسى لقيت ان احسن حل انى اسقط موتور ايكوتيك بفتيس أوتو لأنى مش هلاقى فى نضافه عربيتى
عشان نغير صح يبقى نجيب نصين حلوين ونفضى كل نص فى عربيه .. عشان نغير موتور وفتيس وضفيره وطابلوه وطنابير خلفيه .. كده يبقى مايلزمناش تغيير يا ريس لان هايبقى تحت إيدك كل الكماليات اللى فى أى عربيه جديده
تتكلف كام الليله دى فى رأى الخبراء الكرام

[فادى محمد]

هو الحساس ده بيتفك ازاي ؟
هو عايز مفتاح بلدي 18/19 ، المشكلة ان المفتاح مابيدخلش لأن الحساس مزنوق بين قاعدة الدينامو وبين الغطاء الفيبر بتاع التقسيمة

ايوه مفتاح بلدي يا محمود , اتسايس عليه لغايه ماتعلقه في مكانه بس الاول تفك الفيشه (اضغط ع السلكه وشد للخلف) مجرد ماتلف لفه واحده هتكمل الباقي بايدك ..

بينى وبينك لما حسبتها بينى وبين نفسى لقيت ان احسن حل انى اسقط موتور ايكوتيك بفتيس أوتو لأنى مش هلاقى فى نضافه عربيتى
عشان نغير صح يبقى نجيب نصين حلوين ونفضى كل نص فى عربيه .. عشان نغير موتور وفتيس وضفيره وطابلوه وطنابير خلفيه .. كده يبقى مايلزمناش تغيير يا ريس لان هايبقى تحت إيدك كل الكماليات اللى فى أى عربيه جديده
تتكلف كام الليله دى فى رأى الخبراء الكرام

من 12 الي 15 الف

[MaaM]

كدا مابقاش بينك وبيني دا بينك وبين مصر كلها :)

نص واحد مش نصين ، لأن ورا اخرك هاتركب 2 طنابير ديسكات بالتيل بتاعهم وديه بـ 350 جنيه
العملية هاتكلفك 10 الاف جنيها بناءاً على تجربة شريف منير ، ركب موتور ايكوتيك ماينوال

فيه حاجة تانية مهمة عايزك تعرفها
العربية كاملة بتنزل للتاجر بـ 16 الف ، وهايبيعلك النص قول بـ 10 الاف
تعالى بقى قوله عايز موتور محترم هايقولك 6 الاف ، وفتيس 2500 دا غير العصاية والهاند ! يعني 9000 الاف على الأقل ، تخيل بقى انك بتسأل نفس التاجر وتقوله طاب اديني نص على بعضه ، هايقولك ايه ساعتها ؟!
متأكد بنسبة 100% انه هايقولك 15 ألف

فانت كدا محتاج تروح لواحد بتاع انصاص بس

[MaaM]

اه نسيت أقولك ان 25 حصان زيادة مش النسبة اللي هاتخليك تفرح بعزم العربية ، انت بس هاتحس بالفرق كبير بسبب الاوتو من المانيوال

[Hesham.H]

٢٥ حصان يعنى ٣٣٪ زياده ( ٢٥ /٧٥ * ١٠٠ = ٣٣ ٪ ) يعنى الأول بدل ما يجيب ٤٠ يجيب ٥٠ وهكذا .. وكمان زى ما انت قلت الفتيس الأوتو هو كلمه السر .. والايكوتيك موفر فى البنزين .. وممكن بدل ٢٥ حصان يبقى اكتر من ٦٠ حصان ( لو مكنه ٢٠٠٠ )
وعلى فكره انا بقول نصين قصدى اتنين أمامى واحد ليا وواحد ليك :)
تحياتى

[MaaM]

هههههه ، ماشي ياعم ، خلاص ياباشا شيل انت الليلة من غير حلفان ولا تزعل نفسك

[MaaM]

بخصوص حساس الكولانت
غيرته أول امبارح ، طلع عيني عشان أفكه ، لكن تركيبه كان أسهل
فضيت شوية مية من القربة عشان مستوى المية تكون أقل من مستوى الحساس وبالتالي لما شيلته مانزلتش مية (شكرا لنصيحة فادي)
رشيت wd-40 بالمرة على الفيشة

ملاحظاتي بعد التركيب
- طبعا راحت البرجلة اللي كانت بتقابلني أوقات لما اكون راكن العربية بتاع 4 ساعات كدا ولا حاجة وتكون المية لسا دافية لكن الحساس القديم كان بيدي قراية غلط
- الـ RPM كان الأول بيدي قراية من 630 - 900 بسرعة يعني يطلع لـ 900 وينزل لـ 630
بعد تركيب الحساس الجديد بقى من 900-925 وهي باردة ومن 850-875 وهي على 70 درجة حرارة مئوية تقريباً
بفكر بكرا ولا بعده انضف حساس الأيدل بالمرة يمكن يظبط الأداء اكتر واكتر

اشتريت حساس كولانت نوع بوش ألماني بـ 100 جنيه من المصرية - ميدان لبنان
والحساس القديم اللي فكيته كان باردوا بوش الماني :)
وبالمناسبة الحساس الفيبي بـ 65 - 80 جنيه حسب المحل

[فادى محمد]

ع البركه يا محمود..
تنظيف الايدل مش هيفوق في الاداء
لكن هيهدي صوت الموتور ع السلانسيه
خلي بالك من الاويل سايل بتاع الحساس
ومسمارين الحساس لا يقعم منك( افرش بطانه تحت
الحساس قبل الشغل) .وماتنساش تعمل ايدل ليرن ..

[Hesham.H]

طيب والقديم ما ينفعش يتفك ويتنضف ويركب تانى ولا تغيير على طول

[فادى محمد]

طيب والقديم ما ينفعش يتفك ويتنضف ويركب تانى ولا تغيير على طول

مش دايما ..نفع معايا موضوع التنظيف مره واحده وكانت البوجيهات بتهبب منه.وانا عارف ومطنش

اصل انت بتنظف نحاس والنحاس اساسا جيد التوصيل للحراره (يكتسب الحراره بسرعه ويفقدها بسرعه)
انما معظم الاحوال بيبقي الثرموكابل الداخلي اتاثر من الشغل وضعف وطبعا بيدي قيم غلط للكونترول..

[MaaM]

ربنا يباركلك فادي مانا اتلسعت من الموضوع ده وانا بفك فيشة حساس التبريد لما شلت حتة السلك المعدن اللي ماسك الفيشة وقعت تحت بس الحمد لله وقعت على الارض

Sent from my HTC