مشكلة ف ايرباج الفيكترا سي

[moody_687]

دلوقتي عربيتي كنت مركبلها فرش وشيلته وحاليا قارية ايرباج ف كمبيوتر التوكيل
مش عارف ايه السبب فودوني قسم السمكرة قالولي العربية عاملة حادثة قولتلهم لا
لقيت الفني بتاع السمكرة بيرجع الكرسي بتاع السائق ورى وقالي العربية محتاجة
لوك بتاع حزام الامان للكرسيين الاماميين سئلت عليهم قالولي الواحد ب 2000 ج ومش عارف ايه اللى خلاها تقرأ ايرباج واللوك يبوظ وسئلت عليهم استيراد مش لاقيهم انصحونى اعمل ايه

[moumen_hs]

يعنى هى كانت شغالة عادى وبعد تركيب الفرش اللمبة منورة فى الطابلوة ولا اية ياريت حضرتك تشرح اكتر علشان نقدر نساعد

[a7mad_mo7amad6]

العربيه موديل كام؟؟...
والناحيتين باظوا؟؟

[Astra Lovers]

اللوك ما بيبوظش إلا فحالة الخبطات وبيطلع منه كارت اصفر وبينتهي بعدها عمل اللوك هل دا ظاهر عندك ها اللوك مطلع كارت اصفر مالجانب الراخللي ل لوك الحزام

[moody_687]

العربية لما ادور مش بتعمل اتشيك ع الايرباج ف لمض الكونتاكت ده اولا
تانى حاجة بقى ان اللوك الحزام بيدخل فيه عادي ولما ادوس فرامل بيشدني عادي ومفيش لون اصفر طالع منه
العربية موديل 2007 مانيوال

[a7mad_mo7amad6]

العربية لما ادور مش بتعمل اتشيك ع الايرباج ف لمض الكونتاكت ده اولا
تانى حاجة بقى ان اللوك الحزام بيدخل فيه عادي ولما ادوس فرامل بيشدني عادي ومفيش لون اصفر طالع منه
العربية موديل 2007 مانيوال

انا عربيتي زيك وفعلا مطلوبين يتغيروا مع انهم بيعملوا لوك عادي..
بس انا عربيتي كانت عامله حادثة..
بس مش عارف ازاي شغالين الصراحه ومطلعش منهم الكارت الاصفر ده!

ربنا ييسرلك الامور لن شاء الله

[moody_687]

هى الحادثة اللي حضرتك عاملها اتفتح فيها الايرباج ؟ ولا كانت حادثة من غير فتح الايرباج

[a7mad_mo7amad6]

لا فتح للاسف وجبت كل حاجتها من انجلترا..هركبهم اةل مرجع ان شاء الله

[moody_687]

طيب بس انا عربيتي شاريها والتابلوه مش باين فيه حاجة ده حاتة الاستيكر بتاع الابواب اللي لونه اخضر موجود ع العتب بتاع الابواب
ارجوكم ياجماعة حد يفيدني اعمل ايه

[a7mad_mo7amad6]

طيب بس انا عربيتي شاريها والتابلوه مش باين فيه حاجة ده حاتة الاستيكر بتاع الابواب اللي لونه اخضر موجود ع العتب بتاع الابواب
ارجوكم ياجماعة حد يفيدني اعمل ايه

مدام الكمبيوتر قاري فيهم عطل يبقى اكيد فيهم مشكله ما..ممكن الكونكتورز عاوزه تتظبط!

لو مكانش غيرهم بقى وامرك لله...
الايرباج اهم حاجه في العربيه..ربنا يحفظنا جميعا بس الحادثة لحظة

[moody_687]

اغير الايرباجز ! ولا اغير اللوك بتاع الحزام الامان
هو ممكن الايرباجز يبوظ من غير ماالعربية تعمل حادثة ؟

[Astra Lovers]

علي فكره ممكن يكون السيلك اللي تحت الكرسي فصل مالفيشه وانت بتغير فرش الكراسي ودا يخللي اللمبه تنور بص عليه الاول

[moody_687]

انا روحت توكيل العامرية وحصل الاتي
المهندس قالي محتاجة كنترول ايرباج واتنين لوك بتاع الحزام اللي قدام
دخلت ع قسم السمكرة تانى وقولت اكلم الفني ع جنب بعيد عن المهندس ويبصلي ع فرش العربية ( السروجي ) وبصلي وقالي انه ممكن يكون ف فيشة من تحت اتهزت او محطوطة غلط وبص ع اللوك قالي برده انهم بايظين .
المهم كان عندى خبطة خفيفة ف الكصطدام ففكوا الاكصطدام وعملوها واتضح الاتي
ان العربية كانت واخدة خبطة من قدام من ناحية الفانوس اليمين بس مجتش جنب الماتور يدوب ف بداية الشاسيه المهم الايرباج مفتحش ساعتها لكن اللى حصل كالاتي اللوك بتاع الحزام الامان اتكرمش ونزل لتحت والمفروض انه يكون واقف بالطول وباين وبعد الخبطة دى اتشد لتحت وكرمش والباغة بتاعته مكسورة
سئلت ع اللوك الواحد بكام قالولى ب 2000 ج
اما كنترول الايرباج 7000 ج بس معرفش ليه تطلب كنترول ايرباج مع انه مفرقعش يعني والخبطة مكنتش بالقوة يعني
انا حاسس ان العملية كلها من تحت الكراسي بسبب اللي غير الفرش وبوظ اللوك بتاع الاحزمة الامان والفيش
انا مش مقتنع من حوار خبطة الحزام الامان يبوظ ويكرمش وتنتهي صلاحيته مش راكبة ف دماغى ( يعني هو فايدته يشد الانسان ف الحادثة وتنتهي صلاحيته ويتغير !!)
انصحوني اعمل ايه

[a7mad_mo7amad6]

بص للاسف مدام الكمبوتر مبين الكلام ده يبقى لازم تغير اللوك والمديول...
طبعا الارقام خزعبليه.. اسعار اوفر اوووي..

حاول صورلي مديول الايرباج وابعتلي صورته بكره بالكتير..وانا هحاول اساعدك ان شاء الله..
ضفني على الواتس اب 01012839353

[Astra Lovers]

لو لوك الحزام بايظ اللوك بينضغط للاسفل وتطلع منع كارت اصفر لفوق والكنترولر لو مسجل فتح اير باج او لوك لازم يتغير بس مش بالاسعار ده طبعا