مشكلة ف ايرباج الفيكترا سي

[moody_687]

لو لوك الحزام بايظ اللوك بينضغط للاسفل وتطلع منع كارت اصفر لفوق والكنترولر لو مسجل فتح اير باج او لوك لازم يتغير بس مش بالاسعار ده طبعا

هو اللوك منضغط لاسفل بس من غير كارت اصفر
اما بالنسبة للكونترول حضرتك تقصد كونترول الايرباج ولا انه كونترول
ولو كنترول الايرباج فالتوكيل بيقولي ان العربية محتاجة كنترول ايرباج

عاما انا النهاردة روحت مركز وصاحب المركز جيبته وبص ع التابلوه قالي العربية مغيرة ايرباج الناحية اليمين والتابلوه مكسي كويس وطابعلك كلمة ايرباج ع التابلوه من الناحية اليمين انا بصراحة اتقفلت قفلة زفت خاصا ان العربية بقالها معايا سنتين ونص واشترتها من صاحب عمي لوجود ثقة انا مش عايز اظلم حد بس عقلي مشتت ومش عارف اعمل ايه

[احمد فهمى]

اتأكد ان فيش الكراسى راكبه تحت الكرسي ممكن اللى عيرلك الفرش مركبهمش

[moody_687]

امبارح روحت لمركز صيانة وبص ع التابلوه ولقى جنب هواية التكييف فراغ هواء ف اللزق بتاع الجلد اللي ع التابلوه والهواية اللي جنب القائم غطست لتحت الجلد بتاعة ربع سنتي كده فقالي التابلوه ده ملزوق والعربية ضاربة ايرباج ناحية يمين ده بالنظر كده
وقالي كلمة ايرباج اللي مكتوبة بتطبع عادي
انا باصص للتابلوه مش لاقي لحومات ولا حاجة فمش عارف بقى عاما انا رايح التوكيل للسروجي ويشوف حوار الفرش والفيش تحت الكراسي

[Astra Lovers]

الاير باج اليمين لو اتفتحت مبترجعش تاني ولا الغطا الجلد بتاعها بيرجع زي الفابريكه

[Astra Lovers]

وممكن تكون فتحت اير باج واللوك كروتة اتنطرت من مكانها بفعل فاعل عشان ميبنش للي بيشتري

[moody_687]

هى العربية واخدة حادثة بالجانب الايمن ف بداية الشاسية وملحومة بتاع 5 سنتي ده حتى الصنايعي ف التوكيل مستغرب انها ازاي معدولة وملحومة بيقولي دي ناشفة جدا وبص ع باقي الشاسيه لقاه كويس (يعنى اللي متاكد منه ان العربية واخدة خبطة ف الجانب الايمن ) لكن اللي مش متاكد منه هل هي فتحت ايرباج ولا لا ؟ انا اللي غايظنى ان التابلوه نضيف بس الهواية اللي ف الجانب الايمن غطست عن الجلد بتاع التابلوه وحدث وجود فراغ هواء تحت الجلد بجانب هواية التكييف اللي ف منتصف التابلوه هما دوول السببين اللي خلوا صاحب المركز انه يقولي انها فتحت ايرباج يمين

[Astra Lovers]

مفيش خاجه اسمها اير باج تفتح ناحيه وناحيه لا او جمب وجمب لا
كل الايرباج بتتفتح فنفس التوقيت ولوك الحزام معاهم حتي لو مش رابط حزام

[moody_687]

طيب هو ممكن حزام الامان ينضغط لتحت من غير ماالايرباج يضرب ؟