مين الافضل استرا ولا كورسا

[ahmad--ezzat]

مين الاحسن يا جماعة اوبل استرا 2004
ولا اوبل كوررسا 2004 ياريت اللى جربو دى وجربو دى يشاركو معانا فى الموضوع

[Ahmad Allawy]

بس افضل من ناحية ايه..؟؟
الاسترا اكبر.. اعرض اثبت اوتوماتيك..
و فوق كل ده اغلي..
الكورسا ارخص و اوفر شوية و اصغر شوية..
حسب اولوياتك..

[ahmad--ezzat]

من نحيت السحب والجرى
والشكل فنفس الوقت وقوة الموتور مع ان الاتنين 1600 بس اعتقد ان الموتور مش واحد وهل فيهم عيب التبريد اللى فى الفكترا ولا لا

[Ahmad Allawy]

احمد باشا..
قبل اي كلام احب بس اقولك تقرا اللينكات دي كويس..
عشان تعرف ايه الاشاعات و الكلام المغلزط اللي مشهور عن الاوبل و الفيكترا بوجه خاص..

http://www.nilemotors.net/Nile/showthread.php?t=38713

http://www.nilemotors.net/Nile/showthread.php?t=38715

http://www.nilemotors.net/Nile/showthread.php?t=38716

ده اولا..
قانيا بقي..
السحب و الجري.. اكيد الورسا تجنيعها اعلي عشان مانيوال.. و برضه مش زي الياباني..
يعني الاوبل عموما معروف انه تجميعه بطيء شوية.. بس باقولك ان السحب و التجميع الكورسا تكسب.. لكن بعد التجميع.. الاسترا بلا منازع.. تكتسح.. عشان تقل و عرض العربية و قباتها الاعلي..
الشكل بقي دي مسألة اذواق.. لكن انا شايف ان الاسترا اشيك..
الموتور مش واحد علي ما اعتقد.. بس مش متأكد..
و العربيات دي كلها مفيهاش مشاكل ف التبريد..ولا الفيكترا حتي..
بس كده.. لو في اي حاجة تانية انا تحت امرك..

[ahmad--ezzat]

يا حمد باشا انا ليا صديق معاة اوبل فكتر موديل 97 الشكل الجديد ودايما فى الحرفينن وقالى هما مشكلتين فى الفكتر اولا السخونية ونظام التبريد وثانيا طلمبة الباور بتزن لما تكسر العجل ودة مش كلامو دة كلام الكم الرهيب من الميكانيكية اللى اتعامل معاهم
(مش قصدى اعمل سمعة وحشة)

[Ahmad Allawy]

والله انا عن نفسي اول ملاة اسمع عن الكلام ده خالص..
بس هارجع و اقولك انا كلامي مش مهم قوي.. عشان انا مش معايا فيكترا خالص..
ولو ان كلام المهندس اللي باتعامل معاه ان الفيكترا عربية بدون مشاكل تقريبا..
الا موديلات بعد سنة 2000 اللي هي 1600 اوتوماتيك.. غير كده مفيش حاجة..
و كلام الاخوة هنا احمد نو نيم ولا سومو ولا امير بك عزت.. ولا وليد عبد العزيز ومحمد مختار..
و ناس كتير يعني معاهم فيكترا.. و محدش اتكلم في شكوي من الموضوع ده خالص..
الموضوع كله سماعي و اشاعات.. يعني اللي معاهم العربية مش بيشتكوا..
و هارجع و اقولك حاجة مهمة جدا..
ان العربية اللي مش ملعوب فيها.. و بيصلحها واحد فاهم.. و بيعرف يشتغل في اوبل..
عمرها ما بيجصل فيها مشاكل من النوع ده.. و موضوع السخونية.. ده ولامؤاخذة ف الكلمة.. جهل من الصنايعية..
العربية كتالوجاتها بتقول ان درجة حرارة التشغيل الطبيعية.. و باكرر الطبيعية.. 97 درجة..
ده معناه ايه..؟؟ معناه ان اللي يفتكر ان الرقم ده عالي و ان العربية بتسخن..
يبقي مش متخصص اوبل.. و مش بيفهم فيها..
وموضوع طلمبة الباور.. مفيش غير واحد بس معانا هنا اللي غيرها.. في وسط كل العربيات اللي قولتهالك الفيكترا دول.. ده معناه ايه..؟؟

[ENG\AHMED]

الموتور مش واحد علي ما اعتقد.. بس مش متأكد....

الاسترا 1.6 2 كامة 16 صمام ايكوتك
الكورسا 1.6 كامة واحدة 8 صمام (اعتقد)

مشكلتين فى الفكتر اولا السخونية ونظام التبريد وثانيا طلمبة الباور بتزن لما تكسر العجل ودة مش كلامو دة كلام الكم الرهيب من الميكانيكية اللى اتعامل معاهم

هو اتعامل مع كام ميكانيكى بالظبط ولا هى كل يوم عند ميكانيكى شكل من كتر مشاكل الفيكترا !! دة ابسط دليل ان الموضوع مش عيب عربية ! وبعدين انت داخل تسأل على الاسترا والكورسا اية اللى دخل الفكترا فى الموضوع !!

مووضوع السخونية مش هتكلم فية تانى اللينكات موجودة وكلام ناس معاها العربية مش كلام سمع
موضوع طلمبة الباور واللى اول مرة اسمعة واللى عمرى ماسمعتة من اى حد سواء فى التوكيل ولا برة التوكيل ولا حد معاة العربية واللى اصلا معرفش اية المشكلة وللا العيب اللى فيها وانت مقولتش حاجة ... لو قصدك الصوت اى عربية فيها باور هتكسر الدريكسيون على الاخر هتعمل صوت ولو قصدك على الصوت وانت بتلف دة ممكن لية اسباب ملهاش علاقة بالطلمبة .. على فكرة واحد صاحبى معاة كورولا 2007 عاملة 13000 كلم يعنى لسة ممشيتش اصلا وبتعمل صوت لما بتحرك الدريكسيون
ياريت تقولنا المشاكل اللى حصلت مع صاحبك من السخونية وطلمبة الباور ورأى الكم الرهيب من الميكانيكية فيها علشان نستفيد !!

انا ليا صديق معاة اوبل فكتر موديل 97 الشكل الجديد ودايما فى الحرفينن

مش معنى ان العربية فيها مشاكل يبقى عيب عربية ممكن يكون العيب من صاحبك هو اللى مبهدلها .. انا شوفت مرسيدس S بتدخن هل معنى كدة ان موتور المرسيدس تعبان !! وشوفت مرسيدس E (عيون اواخر تسعينات) مشيسة كل فردة مستقلة بذاتها عاملة زى ال 128 لما تبقى ماشية مشيسة وكل فردة رايحة فى ناحية والصاج كلة معضعض وفية عالى وواطى (العربية متدمرة) هل معنى كدة ان شاسية وصاج المرسيدس ضعيف !!
فى فرق استخدام زى مابتلاقى عربية بعد سنتين اتدمرت وبقت خردة ونفس النوع والموديل عايشة بقالها 20 سنة من غير مشاكل

و كلام الاخوة هنا احمد نو نيم ولا سومو ولا امير بك عزت.. ولا وليد عبد العزيز ومحمد مختار..
و ناس كتير يعني معاهم فيكترا.. و محدش اتكلم في شكوي من الموضوع ده خالص..
الموضوع كله سماعي و اشاعات.. يعني اللي معاهم العربية مش بيشتكوا..
و هارجع و اقولك حاجة مهمة جدا..
ان العربية اللي مش ملعوب فيها.. و بيصلحها واحد فاهم.. و بيعرف يشتغل في اوبل..
عمرها ما بيجصل فيها مشاكل من النوع ده.. و موضوع السخونية.. ده ولامؤاخذة ف الكلمة.. جهل من الصنايعية..
العربية كتالوجاتها بتقول ان درجة حرارة التشغيل الطبيعية.. و باكرر الطبيعية.. 97 درجة..
ده معناه ايه..؟؟ معناه ان اللي يفتكر ان الرقم ده عالي و ان العربية بتسخن..
يبقي مش متخصص اوبل.. و مش بيفهم فيها..
وموضوع طلمبة الباور.. مفيش غير واحد بس معانا هنا اللي غيرها.. في وسط كل العربيات اللي قولتهالك الفيكترا دول.. ده معناه ايه..؟؟

+100
عارف لو كل صنايعى يتلم ويحط لسانة جوة بقة ويبطل فتى الناس هترتاح انما كل واحد فاكر نفسة دكتور وعللامة واللى عمل العربية دة حمار مبيفهمش والامثلة على كدة كتيير

[ahmad--ezzat]

ياباشا اللى دخل الفكترا فى الموضوع سؤالى واكيد شوفتو
(هلى هيا فيها عيب التبريد اللى فى الفكترا) انا معرفش خالص فى الاوبل
وليا صحبى معاة اوبل بيشتكى منها
انا سؤالى عادى لانى معرفش حد غيرو معاة اوبل يبقى اكيد فهمت اللى دخل الفكترا فى الموضوع دى حاجة
الحاجة التانية انو اتعامل تقريبا 8 او 9 مبكانيكية وكلهم قالولو نفس الكلام
الحاجة التالتة انا حاسس وانا بقرا كلامك حاسس انك متنرفز اوى
ياسيدى انا مالى بالاوبل اساسا انا بكتب اللى حصل مع صديق ليا وعلى كلامو وكلام الصنايعية مجبتش حاجة من عندى من البيت
ولو كلامى بيزعل اوى كدة محدش يرد عليا

[Ahmad Allawy]

لأ خالص يا احمد بك..
احمد ميقصدش يتنرفز عليك خالص..
بس اصل في ناس كتير جدا بتتكلم في موضوع التبريد ده..
و اللي بيكون حاصل انه اللي بيحصل معاه كده تبقيمتأكد انه في حد لعب في عربيته او لعب في دماغه عشان موضوع التبريد ده..
و التجارب الشخصية للعربيات اللي هي مش متهانة و مش ملعوب فيها.. خير دليل يعني..
و الحمد لله عربيات الناس شغالة زي الفل..
عموما الموضوع بسيط و مفيش زعل ولا حاجة.. و متزعلش من احمد هو ميقصدش طبعا..
بس هو بيستفز بسرعة من كلام الصنايعية اللي بتفتي.. :) :)
عشان كتالوجات العربية معاه.. و اكيد علي كلامه اللي عمل العربية فاهم اكتر مننا كلنا يتعامل معاها ازاي.. و يعمل فيها ايه.. و انت عارف الفهلوة ف الشغل المصري.. دي اللي في بعض المواقف بتجيبنا ورا..

عموما.. معلش انا طولت عليكم..
حصل خير و مفيش نرفزة ولا حاجة..
جرا ايه يا ولاد..؟؟ :) :) العبوا مع بعض متتخانقوش.. :)

[ENG\AHMED]

ياباشا اللى دخل الفكترا فى الموضوع سؤالى واكيد شوفتو
(هلى هيا فيها عيب التبريد اللى فى الفكترا) انا معرفش خالص فى الاوبل
وليا صحبى معاة اوبل بيشتكى منها
انا سؤالى عادى لانى معرفش حد غيرو معاة اوبل يبقى اكيد فهمت اللى دخل الفكترا فى الموضوع دى حاجة
الحاجة التانية انو اتعامل تقريبا 8 او 9 مبكانيكية وكلهم قالولو نفس الكلام
الحاجة التالتة انا حاسس وانا بقرا كلامك حاسس انك متنرفز اوى
ياسيدى انا مالى بالاوبل اساسا انا بكتب اللى حصل مع صديق ليا وعلى كلامو وكلام الصنايعية مجبتش حاجة من عندى من البيت
ولو كلامى بيزعل اوى كدة محدش يرد عليا

اولا انا مش متنرفز ولا حاجة

ثانيا اكتر من 3/4 كلام الصنايعية فتى وبالذات الصنايعية بتوع كلو اللى مش متخصصين فى نوع معين شغالين فية يحسسك دكتور بيتكلم وان اللى عمل العربية حمار وهو فاهم اكتر منة فامش اى كلمة نسمعها من صنايعى نصدقها

من كلامك على عربية صاحبك وانو اتعامل مع 8 او 9 ميكانيكية يبقى كل من هب ودب كان بيمد ايدة فيها والعربية مش متحافظ عليها خلية يشوف واحد بس بيفهم يبقى متخصص اوبل ويتعامل معاة العربية مش بتاعة البهدلة دى ولا عك الصنايعية

فى هنا تقريبا اكتر من 5 عربيات نفس الموديل منهم عربية تتحسب ب 2 "عربية محمد مختار" كانت 1.6 وقلبها 2.0 تعتبر عربيتين لأنة مغير تقريبا كل حاجة العرربيات دى كلها مفهاش اى مشاكل من دى وفى ناس مش موجودة هنا فى المنتدى ومعاها العربية وبردو مفيش مشاكل , يبقى دة مش عيب عربية لأن لو كدة طيب اشمعنى العربيات دى كلها مفهاش مشاكل