مشكلتين في الأوبل (التكييف)

[Elnahrawi]

بسم الله الرحمن الرحيم

السلام عليكم ورحمة الله

عندي مشكلتين ، ومحتار فيهم ، أرجو من الإخوة أنهم يفيدوني لو عندهم تفسير

المشكلة الأولى هي إن التكييف لما باشغله الموتور مش بيعلى ، يعني عداد ال rbm مش بيزيد ، وده بيسبب مشكلة وهي إن العربية بيحصل فيها رجة من التكييف لو كانت واقفة ، وعشان الرجة تروح لازم ازود بنزين يعني أزود ال rbm بحيث يكون 1.5 مثلا


المشكلة التانية ، وهي إن التكييف بيجيب هوا حتى لو مفصول ، عشان أكون دقيق بلاش أقول التكييف ولكن الهواية بتجيب هوا يعني لو درجة الهوا على 0 فبرضه الهوايات بتخرج هوا

يا ريت اكون قدرت أوضح المشاكل

أشكركم

[Ahmad Allawy]

شوف يا باشا..
انا هاقول اللي اعرفه.. ولو انه ممكن ميكونش مظبوط قوي..
موضوع التكييف انه بيوطي العربية..
ده سببه انه المفروض في حاجة بتعوض سحب التكييف من قوة الموتور بانها بتعلي الموتور شوية لما التكطييف بيلقط..
بس بصراحة مش عارف اسمها ايه.. يمكن سويتش التكييف.. الله اعلم.. !!!!
اما موضوع الهوايات دي.. يمكن ان ت تكون عامل ان التكييف ياخد هوا من برة العربية مش قافلها..
و لما بتمشي بيدخل هوا جوة..؟؟

عموما.. احمد نو نيم اكيد هيظبطك ف الموضوع ده ان شاء الله..

[Elnahrawi]

جزاك الله خيراً يا احمد على ردك :)

هو فعلا أنا متوقع يكون في مثلا سنسور هو المسئول عن تعلية الموتور لكن انا معرفش هو فين واسمه إيه ويا ريت حد يفيدنا

بالنسبة للهوايات فهي بتجيب هوا مع الكونتاكت يعني حتى لو العربية واقفة

شكرا ليك وفي إنتظار بقية الأخوة

[farahat]

جزاك الله خيراً يا احمد على ردك :)

هو فعلا أنا متوقع يكون في مثلا سنسور هو المسئول عن تعلية الموتور لكن انا معرفش هو فين واسمه إيه ويا ريت حد يفيدنا

بالنسبة للهوايات فهي بتجيب هوا مع الكونتاكت يعني حتى لو العربية واقفة

شكرا ليك وفي إنتظار بقية الأخوة

على فكرة لو الكمبرسور شغال التكيف بيطلع هوا حتى لو المروحة مطفية ، يعني اتأكد انك طافي الكمبرسور بتاع التكيف و طافي المروحة و شوف لسة في هوا ولا لأ

[ENG\AHMED]

بسم الله الرحمن الرحيم

السلام عليكم ورحمة الله

عندي مشكلتين ، ومحتار فيهم ، أرجو من الإخوة أنهم يفيدوني لو عندهم تفسير

المشكلة الأولى هي إن التكييف لما باشغله الموتور مش بيعلى ، يعني عداد ال rbm مش بيزيد ، وده بيسبب مشكلة وهي إن العربية بيحصل فيها رجة من التكييف لو كانت واقفة ، وعشان الرجة تروح لازم ازود بنزين يعني أزود ال rbm بحيث يكون 1.5 مثلا


المشكلة التانية ، وهي إن التكييف بيجيب هوا حتى لو مفصول ، عشان أكون دقيق بلاش أقول التكييف ولكن الهواية بتجيب هوا يعني لو درجة الهوا على 0 فبرضه الهوايات بتخرج هوا

يا ريت اكون قدرت أوضح المشاكل

أشكركم

المشكلة الاولى هو الموتور بيعلى ثانية ولا حاجة وبعدين يرجع طبيعى تانى ومفيش اى رجة وبعدين بيعلى يوصل 900 او 1000 انما مش 1500 علشان الرجة تروح كدة متبقاش مشكلة تكييف بس عموما فى اى عربية لما التكييف بيشتغل صوت العربية بيتغير

المشكلة التانية
-انت عندك الليد اللى بينور برتقالى بتاع زرار التكييف محروق؟؟؟ ممكن يبقى التكييف شغال وانت مش واخد بالك
-العربية ماشية وانت مش قافل بوابة ال recirculation
-العربية بتدخل هوا من حتة تانية وانت مش واخد بالك وفاكرها من فتحة التكييف
ومادام بتقول بتدخل والعربية واقفة يبقى مفيش غير اول سبب او يكون سويتش المروحة فية حاجة والمروحة شغالة على طول مش بتفصل

[Elnahrawi]

على فكرة لو الكمبرسور شغال التكيف بيطلع هوا حتى لو المروحة مطفية ، يعني اتأكد انك طافي الكمبرسور بتاع التكيف و طافي المروحة و شوف لسة في هوا ولا لأ

ل الكمبروسور مش بيكون شغال لأن الكمبروسور لما بيشتغل بحس بيه بسبب الرجة وطبعا الهوا الساقع الخارج من التكييف لكن الهواية بتخرج هوا عادي أو سخن لو الجو حار وطبعا باضطر أقفل الهوايات من العجلة بتاعة كل هواية

المشكلة الاولى هو الموتور بيعلى ثانية ولا حاجة وبعدين يرجع طبيعى تانى ومفيش اى رجة وبعدين بيعلى يوصل 900 او 1000 انما مش 1500 علشان الرجة تروح كدة متبقاش مشكلة تكييف بس عموما فى اى عربية لما التكييف بيشتغل صوت العربية بيتغير

المشكلة التانية
-انت عندك الليد اللى بينور برتقالى بتاع زرار التكييف محروق؟؟؟ ممكن يبقى التكييف شغال وانت مش واخد بالك
-العربية ماشية وانت مش قافل بوابة ال recirculation
-العربية بتدخل هوا من حتة تانية وانت مش واخد بالك وفاكرها من فتحة التكييف
ومادام بتقول بتدخل والعربية واقفة يبقى مفيش غير اول سبب او يكون سويتش المروحة فية حاجة والمروحة شغالة على طول مش بتفصل

الرجة عندي بتكون والعربية واقفة يعني لما مش باكون مزود بنزين لكن لو زودت ووصل عداد اللفات إلى 1.5 تقريبا بتختفي الرجة لن الموتور بيكون على

بالنسبة للمشكلة التانية فللأسف الشديد ليس السبب أي حاجة من اللي ذكرتها

الهوا فعلا بيخرج من الهوايات مش من مكان تاني ، وأنا فعلا جه في بالي انه ممكن يكون سويتش المروحة واللي هو بيكون من 0:4 فقمت فاكيته وفصلته خالص من الفيشة بتاعته ، ودورت العربية ولقيت ان الهوا لسه موجود ، فعرفت ان السويتش سليم ، وهو كمان بيزود سرعة المروحة بشكل عادي

واضح أنها معضلة كبيرة :(

شاكر ليكم مروركم الكريم ومساعدتكم ، وأتمنى لو حد وصل لحاجة يقولي ، ولو حد يعرف واحد بتاع تكييفات أوبل في الاسكندرية ياريت يقولي برضه

[ENG\AHMED]

ل الكمبروسور مش بيكون شغال لأن الكمبروسور لما بيشتغل بحس بيه بسبب الرجة وطبعا الهوا الساقع الخارج من التكييف لكن الهواية بتخرج هوا عادي أو سخن لو الجو حار وطبعا باضطر أقفل الهوايات من العجلة بتاعة كل هواية

الرجة عندي بتكون والعربية واقفة يعني لما مش باكون مزود بنزين لكن لو زودت ووصل عداد اللفات إلى 1.5 تقريبا بتختفي الرجة لن الموتور بيكون على

بالنسبة للمشكلة التانية فللأسف الشديد ليس السبب أي حاجة من اللي ذكرتها

الهوا فعلا بيخرج من الهوايات مش من مكان تاني ، وأنا فعلا جه في بالي انه ممكن يكون سويتش المروحة واللي هو بيكون من 0:4 فقمت فاكيته وفصلته خالص من الفيشة بتاعته ، ودورت العربية ولقيت ان الهوا لسه موجود ، فعرفت ان السويتش سليم ، وهو كمان بيزود سرعة المروحة بشكل عادي

واضح أنها معضلة كبيرة :(

شاكر ليكم مروركم الكريم ومساعدتكم ، وأتمنى لو حد وصل لحاجة يقولي ، ولو حد يعرف واحد بتاع تكييفات أوبل في الاسكندرية ياريت يقولي برضه

بالنسبة للمشكلة الاولى فا كدة مش موضوع الموتور واطى ولا عالى لأن لو افترضنا الموتور بيعلى مع الكمبريسور عمرة ميوصل ل 1.5 فاكدة فى مشكلة تانية ممكن القواعد فيها حاجة ومع تحميل الكمبريسوور بتظهر اكتر

موضوع الهوا
تعالى نفكر بالراحة مواسير هواء التكييف ducts اللى بتوصل الهوا للفتحات معزولة بمعنى انها مش هتدخل هوا من برة دايرة التكييف يعنى مروحة شغالة او تكييف شغال غير كدة مش هتدخل هوا من برة وانت بتقول التكييف مفصول يبقى كدة استبعدنا التكييف وكمان المروحة يبقى بردو استبعدنا المروحة مش ناقص غير بوابة التدوير ودى مش هتحس انها بتدخل هوا غير والعربية ماشية علشان سرعة الهوا وانت بتقول الهوا بيدخل والعربية واقفة طيب الهوا دة منين ؟ّّّ!! دى كل الاسباب اللى تطلع هوا من فتحات التكييف ..
ممكن مثلا يكون الجو حر ومع حرارة العربية بتحس ان الفتحات بتدخل حرارة فابيتهيألك ان فى هوا داخل وهى مجرد حرارة

[Elnahrawi]

صدقني مش موضوع تهيؤات :)

الهوا بيكون زي ما تشغل المروحة على سرعة 1 مثلا

هو كده الموضوع موضوع مروحة ، بمعنى المروحة مش بتفصل لكن ليه مش بتفصل ؟ لو قلنا بسبب السويتش فانا عملت عليه تيست زي ما قلت لك وكده ممكن نستبعد السبب ده

طيب ليه المروحة مش بتفصل ؟؟؟؟ هو ده السؤال اللي محيرني .. فكر كده وإن شاء الله تجيبها :)

[Ahmad Allawy]

هي فعلا حاجة تجنن..
بس تصدق,, الحاجات الالغاز دي.. :) :)
عادة بيكون الحل عبيط جدا و الحاجة اللي مسببةا لمشكلة دي بتكون ابسط ما يكون و مش بتخطر علي بال حد.. :)
عموما ربنا يسهل و حد يجيبها..
لو كنت هنا كنا ظبطناك بسرعة ف الموضوع ده.. لكن المشكلة انك في اليكس..
ان شاء الله تتحل قريب..

[Elnahrawi]

والله عندك حق :)

عموما أنا لو ضاقت معايا فإن شاء الله حنزل القاهرة أشوف حد من الناس عندكم اللي تعرفوهم

حتى انا من مدة نفسي أكل حمام عند فرحات .. !

[Ahmad Allawy]

جوعنا بقي.. :) :) :)

[abdelaziz-waleed]

إذن الاستاذ النهراوي عازمنا المقابلة الاوبلاية الجاية على حمام من عند فرحات :smile:

[Ahmad Allawy]

تدبيسة.. :) :) :)

[ENG\AHMED]

جرب شيل فيوز المروحة لو الهوا دة لسة طالع يبقى مش مشكلة مروحة لو وقف يبقى فى حد مد ايدة قبل كدة فى كهربة العربية ولعب فيها

[Elnahrawi]

جوعنا بقي.. :) :) :)

إذن الاستاذ النهراوي (النحراوي) عازمنا المقابلة الاوبلاية الجاية على حمام من عند فرحات :smile:

تدبيسة.. :) :) :)

ممممممممممممممممممم

هو المنتدى ده مفيهوش حد نباتي

ماشي أنا موافق ، انا فعلا عرفت دلوقتي ليه الناس بتقول أن الاوبل مكلفة لو حصل فيها مشكلة

جرب شيل فيوز المروحة لو الهوا دة لسة طالع يبقى مش مشكلة مروحة لو وقف يبقى فى حد مد ايدة قبل كدة فى كهربة العربية ولعب فيها

ممتاز جدا التيست ده لكن السؤال فين هو الفيوز ده ؟

أنا ححاول اعرف مكانه لكن لو عندك صورة تبقى عملت واجب :)