حد باع عربيته الاوبل و ركب غيرها

[احمد فهمى]

هو للأسف بعد الفيكترا سي فى سعر 80 او 90 الف مفيش عربيه مناسبه مشكلة الفيكترا كلها ان سعرها غير متوافق مع قيمتها الفعليه انا بعتها ب97 الف جنيه وكنت عامل بيها 65 الف كيلو فقط وصياناتها كنت بعملها بنفسى بس كنت محتاج عربيه 4x4 وجبت نيسان صنى 2008 مؤقتآ وانا بدور وقعدت 5 شهور معايا طبعآ فى فرق بين العربيتين بس عادي كانت اعتماديه وبعد كده اتوفقت فى نيسان اكس تريل الحمد لله ودي لا تقارن بالسيدان دفع رباعى 2500 سي سي فقصه تانيه ولا اعتقد انى هركب عربيه سيدان تاني ان كان ليا عمر وفى 80 الف ممكن تركب نيسان تيدا او ماذدا 3 دول فى نظري هم العربيات اللى ينفع تتركب بالسعر ده وموديل عالى غير كده هتدخل فى فئه اعلى ماديآ بكتير هتعدى ال100 الف وربنا يوفقك

[haisam ali]

مفهمتش اي الفرق اللي انت شفته بينهم

الفرق فى المتانه من ناحيه الصاج .... الخامات من ناحيه التقفيل .... الثبات والتقل على الطريق والنعوميه والسلاسه والكنترول الجيد جدا .... باشا بجد مفيش وجه مقارنه مابين الفيكترا والميجان .... مره الميجان عطلت منى وقعدت تطلع فى رسايل غريبه كده والفتيس ينتش فروحت بيها لميكانيكى فاهم اوى وشاطر جدا المهم فك علبه الفيوزات اللى فى الموتور وطلعنا لاقينا قاعدت فيوز سايحه اه والله القاعدة اللى بيركب فيها الفيوز وخالى بالك فيوز من الكبار دول اللى هوما سكينه بس كبار يعنى عليه عمل كبير وشغل ياما .... والله الميكانيكى بتاعى بصلى وقالى ياهيثم سيبك انت الالمانى المانى ده انت كان معاك الفيكترا برقبتها .... بينى وبينك من يومها وانا رجعت لعقلى تانى وقولت دور كده براحه الحمد لله لحد ماربنا كرمنى بعربيتى اللى معايا دلوقت ..... ودايما بقول على الفيكترا وخصوصا ال b انها مابتعجزش مهما اتغير عليها موديلات ونزل موديلات احدث هيا برضه شيك وعربيه محترمه ..... أعيب عليها العيب الوحيد انها نزلت مصر وكان لسه الصنايعيه على قدهم ومحدش كان فاهمها فعكوا فيها ياما لحد مابوظوا كل العربيات اللى موجوده فبالتالى انت بتشترى العربيه من دول وتقعد تصرف عليها كمان وكمان وكمان وساعات تقرف من كتر المصاريف بس والله عربيه تستأهل بس المهم تصرف عليها صح وتعمل كل حاجه فيها زى ماهيا نازله فيها بالظبط بدون تعديل او فتى .... هذا وبالله التوفيق

[ayman hamdy]

الفرق فى المتانه من ناحيه الصاج .... الخامات من ناحيه التقفيل .... الثبات والتقل على الطريق والنعوميه والسلاسه والكنترول الجيد جدا .... باشا بجد مفيش وجه مقارنه مابين الفيكترا والميجان .... مره الميجان عطلت منى وقعدت تطلع فى رسايل غريبه كده والفتيس ينتش فروحت بيها لميكانيكى فاهم اوى وشاطر جدا المهم فك علبه الفيوزات اللى فى الموتور وطلعنا لاقينا قاعدت فيوز سايحه اه والله القاعدة اللى بيركب فيها الفيوز وخالى بالك فيوز من الكبار دول اللى هوما سكينه بس كبار يعنى عليه عمل كبير وشغل ياما .... والله الميكانيكى بتاعى بصلى وقالى ياهيثم سيبك انت الالمانى المانى ده انت كان معاك الفيكترا برقبتها .... بينى وبينك من يومها وانا رجعت لعقلى تانى وقولت دور كده براحه الحمد لله لحد ماربنا كرمنى بعربيتى اللى معايا دلوقت ..... ودايما بقول على الفيكترا وخصوصا ال b انها مابتعجزش مهما اتغير عليها موديلات ونزل موديلات احدث هيا برضه شيك وعربيه محترمه ..... أعيب عليها العيب الوحيد انها نزلت مصر وكان لسه الصنايعيه على قدهم ومحدش كان فاهمها فعكوا فيها ياما لحد مابوظوا كل العربيات اللى موجوده فبالتالى انت بتشترى العربيه من دول وتقعد تصرف عليها كمان وكمان وكمان وساعات تقرف من كتر المصاريف بس والله عربيه تستأهل بس المهم تصرف عليها صح وتعمل كل حاجه فيها زى ماهيا نازله فيها بالظبط بدون تعديل او فتى .... هذا وبالله التوفيق

والله اخذت الكلام من على لسانى يا هيثم باشا تسلم بجد دة اللى كنت عايز اقوله
تحياتى

[Amrgamal1]

- فعلا يا جماعه موضوع سحر الأوبل دا و خصوصا الفيكترا b :)))
انا عربيتي جات في فترة كانت قرفاني ع الاخر لدرجه فكرت ابيعها
وفعلا عرضتها للبيع و عليت في سعرها عشان بتلكك انها ماتتبعش وبردو فيه ناس كتير عايزاها
بعد كدا حسيت اني مش هعرف اركب عربيات غيرها وهفضل أقول دانا كان معايا الأوبل كانت فيها كزا و كانت كويسه في كزا , طيب علي ايه ابيعها بقي وخصوصا اني خلاص حفظت كل حاجه فيها
بصراحه عربيه جميله جدا واللي يهتم بيها وبصيانتها هياخد منها اداء عالي اوي

[kornclub]

انا فعلا مش متخيل اني اركب عربيه كوري بعد الفيكترا - المشكله ان بستعمل العربيه 100 كيلو في الشهر اخرها ففكرت ابيعها بس معرفتش هركب ايه بعد الفيكترا

[Astra Lovers]

١٠٠ كيلو فالشهر كله يا راجل دانا بعملهم فيوم بالاسترا

[MaaM]

فورد فوكاس 2007 ، مازدا 3 2007/2008
بس عيب المازدا من وجهة نظري ضيق الكنبة الخلفية وانعدام مساحة الشنطة

[فادى محمد]

فورد فوكاس 2007 ، مازدا 3 2007/2008
بس عيب المازدا من وجهة نظري ضيق الكنبة الخلفية وانعدام مساحة الشنطة

لا والعفشه الخلفيه للمازدا غريبه شويه يا محمود . ماجربتهاش بس مش عارف هي معقده ولا
فيها حاجه جديده ماشفتهاش قبل كده !!

[MOHAMEDEBAID75]

الاوبل فيها سحر الكامرى بس للاسف الموتور عندى 1600

[Dr.Juve]

بالنسبه للاوكتافيا..

A5 مانصحكش ..
معاك هات فانتازيا ,, مش معاك هات ايه4

لا يا عم انا قررت ما ركبشي غير الاوبل ...... ايزيترونك ايزيترونك ....... و بعدين اللي يخليني اجيب فانتازيا مانا اركب بثمنها أسترا 2012

[kornclub]

بعد الاوبل مرسيدس بس غالي

[kornclub]

حاولت أتقبل اللانوس او الفيرنا معرفتش

[islambana]

حاول تتقبل الانسر اكتر من واحد اعرفة باع الاوبل واشتري لانسر ومتأقلم معاها خالص

[محمود سامح]

الحمد لله الميجان فوق الممتاز

[medo mahdy]

يعنى ياجماعة الافضل اوبل فيكترا 2002 2000cc اوتوماتيك حالة ممتازة وﻻ رينو ميجان 2006 او 2005 حالة ممتازة ايضا