النجده ياجماعه الفتيس شكله بيودع وانا قلقان جدا .....!!!!!!

[haisam ali]

المشكله عندى فى الفتيس بقالها بتاع اسبوع فيه كام مشكله ظهروا كلهم مره واحده ( الفتيس اوتوماتيك - موتور ٢٠٠٠ cc ايكوتك ) ...... الفتيس مقاس الزيت فيه تمام الحمد لله .... المشكله بتتلخص فى ان الفتيس عندى حاسس بنتشه خفيفه مابين الاول والتانى ثم الموضوع قلب بندغه غريبه بحس بيها برضه فيها ساعه النقله من الاول للتانى والنهارده حاسس ان الموضوع كبر وبدا ينقل على الغيارات كلها .....!!!!!! والله وانا بحافظ جداً والزيت تمام ماغيرتوش من ساعه ما جبتها ومقاسه تمام ومش عارف المشكله فين .......؟؟؟؟؟ وآخر حاجه كمان ان لمبه الفتيس سعات بتنور لكن الكلام ده بيبقى فى اخر المشوار خالص لما برجع الغيار من d الى p ..... ياجماعه النجده لأنى بجد زهقان جدا

[hagagatc]

هيثم باشا انت غيرت زيت الفتيس

[haisam ali]

هيثم باشا انت غيرت زيت الفتيس

لا والله ياستاذ عبد الرحمن ماغيرتهوش ..... والزيت اللى فيها احمر خالص ومقاسه مظبوط الحمد لله

[Dr__Ahmed]

الزيت تمام ماغيرتوش من ساعه ما جبتها

زيت الفيس بقاله 11 سنه !!!!! ولا انا فهمتك غلط ؟؟

[haisam ali]

زيت الفيس بقاله 11 سنه !!!!! ولا انا فهمتك غلط ؟؟
طب هتغيره امتى :) الراجل بينورك وبيطفى وعامل اللى عليه اهو :)

لو بعد ما غيرته لسه بتنتش .. دور على خلل فى مجموعة الهوا اللى داخله الموتور (( مواتير الايكو تك حساسه فى الموضوع ده ))
اكشف على نظافة المنفولد والايدل

انا شارى العربيه استعمال يادكتور احمد ومش عارف هوه مغيره من قريب ولا لا وانا عادى باذن الله ممكن أغير الزيت بس أخاف المشكله تزيد !!!!! اصل انا لقيت الزيت لونه احمر وتمام وكنت على وشك خلاص انى أغيره بس حصل اللى حصل ..... وانا لسه منظف الايدل قريب

[hagagatc]

لا هو مغيروش من ساعت مشتراها مستعمله
علي العموم يا استاذ هيثم لازم تغير زيت الفتيس
زيت الفتيس يعملك كل المشاكل دي بياخر النقلات
وكل الاعراض الي انته بتقلها دي
ملكش دعوه بمقاس الزيت زيت الفتيس بيتغير كل فتره كبيره ٤٠٠٠٠ كيلو
غيره قبل متدخل في اي حوارات

[haisam ali]

لا هو مغيروش من ساعت مشتراها مستعمله
علي العموم يا استاذ هيثم لازم تغير زيت الفتيس
زيت الفتيس يعملك كل المشاكل دي بياخر النقلات
وكل الاعراض الي انته بتقلها دي
ملكش دعوه بمقاس الزيت زيت الفتيس بيتغير كل فتره كبيره ٤٠٠٠٠ كيلو
غيره قبل متدخل في اي حوارات

حبيبى يامعالى الباشا ..... باذن الله هغيره بكره ولا بعده وبأذن الله هبلغك باللى حصل .... يعنى انت رايك اطمن ولا فيه قلق

[Dr__Ahmed]

هيثم باشا .. الكل اجمع على تغير زيت الفتيس

وملكش دعوه هوه غيره ولا لأ
الزيت ممكن يكون احمر وزى الفل لأنك بتبص عليه وهوه بارد
بس عمره الافتراضى انتهى (خواصه الكيميائيه اتغيرت )
الزيت ده ممكن يكون اخف من الميه لما يسخن لأن عمره انتهى

[haisam ali]

هيثم باشا .. الكل اجمع على تغير زيت الفتيس

وملكش دعوه هوه غيره ولا لأ
الزيت ممكن يكون احمر وزى الفل لأنك بتبص عليه وهوه بارد
بس عمره الافتراضى انتهى (خواصه الكيميائيه اتغيرت )
الزيت ده ممكن يكون اخف من الميه لما يسخن لأن عمره انتهى

الله يباركلنا فيكوا ياجماعه ...... عاجز عن الشكر يادكتور والله وياستاذ عبد الرحمن وربنا مايحرمنا منكم ..... وبأذن الله هغير الزيت بالكتير بكره او بعده وهبلغكم باللى تم

[Dr__Ahmed]

الله يباركلنا فيكوا ياجماعه ...... عاجز عن الشكر يادكتور والله وياستاذ عبد الرحمن وربنا مايحرمنا منكم ..... وبأذن الله هغير الزيت بالكتير بكره او بعده وهبلغكم باللى تم

العفو ياباشا ... وبالتوفيق إنشاء الله

[hagagatc]

حبيبى يامعالى الباشا ..... باذن الله هغيره بكره ولا بعده وبأذن الله هبلغك باللى حصل .... يعنى انت رايك اطمن ولا فيه قلق

اطمن انشاء الله بس غيره نوع محترم

[ayman hamdy]

دى أعراض زيت منتهى الصلاحية ومش بيقوم بوظيفته
غيره يا هيثم باشا ومتقلقش مش هيحصل حاجة اطمن كان بيعمل معايا كدة وغيرته وكله بقى تمام
ولو خايف تغيره علشان متغيرش من زمان وعلشان الرايش اللى فى الزيت والكلام ده اطمن الفتيس علشان يبوظ خالص لازم يكون مشى على الأقل ٢٠٠٠٠٠ بدون تغيير وكان فى الفترة دى بيتزود فقط وما تغيرش ولا مرة لكن أنا مش عارف العربية عندك عاملة كم كيلومتر
لان عربيتى كانت عاملة ١٨٠ الف وغيرته وكله بقى تمام وكان عندى نفس الأعراض بتاعت عربيتك وكله تمام
والطبيعى ان زيت الفتيس بيتغير بعد ٤٠ الف كيلو مش أكتر للمحافظة على كفاءة الفتيس وعمره الافتراضى
عموماالاعراض اللى عندك دة عادية جدا ومفيش خطورة ان شاء الله من تغيير زيت الفتيس بس تحط زيت موبيل ٣٢٠ مش ٢٢٠ لانه خفيف ومش هيدى الفتيس اللزوجة المطلوبة
نصيحة : لازم زيت غالى وانظف حاجة للفتيس بالذات
وطمنا بكرة عملت ايه
تحياتى

[haisam ali]

اطمن انشاء الله بس غيره نوع محترم

مانا كنت متفق مع الاستاذ عمرو السيسى الاستاذ فادى محمد انى هغير زيت موبيل اللى هوه ب ٥٥ جنيه اللتر ....!!! كده ولا انت عندك نوع تانى أفضل ؟؟؟؟

[haisam ali]

دى أعراض زيت منتهى الصلاحية ومش بيقوم بوظيفته
غيره يا هيثم باشا ومتقلقش مش هيحصل حاجة اطمن كان بيعمل معايا كدة وغيرته وكله بقى تمام
ولو خايف تغيره علشان متغيرش من زمان وعلشان الرايش اللى فى الزيت والكلام ده اطمن الفتيس علشان يبوظ خالص لازم يكون مشى على الأقل ٢٠٠٠٠٠ بدون تغيير وكان فى الفترة دى بيتزود فقط وما تغيرش ولا مرة لكن أنا مش عارف العربية عندك عاملة كم كيلومتر
لان عربيتى كانت عاملة ١٨٠ الف وغيرته وكله بقى تمام وكان عندى نفس الأعراض بتاعت عربيتك وكله تمام
والطبيعى ان زيت الفتيس بيتغير بعد ٤٠ الف كيلو مش أكتر للمحافظة على كفاءة الفتيس وعمره الافتراضى
عموماالاعراض اللى عندك دة عادية جدا ومفيش خطورة ان شاء الله من تغيير زيت الفتيس بس تحط زيت موبيل ٣٢٠ مش ٢٢٠ لانه خفيف ومش هيدى الفتيس اللزوجة المطلوبة
نصيحة : لازم زيت غالى وانظف حاجة للفتيس بالذات
وطمنا بكرة عملت ايه
تحياتى

مانتحرموش منك أبدا يارب بأستاذ ايمن بجد طمنتنى وريحتنى ربنا يريح بالك ...... يعنى كده باذن الله اجيب زيت موبيل ٣٢٠ وأغير الكميه على قد اللى هينزل بالظبط باذن الله مش كده ولا إفك الفتيس كله واطلعه بره وانزل الزيت اللى فيه واغيره كله بالنوع موبيل ٣٢٠ بحيث ان مايكونش خليط قديم على جديد او نوعين مختلفين

[mohamed-adly]

غير الزيت وقولنا النتيجة لأن عندي الفتيس بس مانوال بحس انه خشن في الغيار الاول والتاني وساعات التالت وبدأت اسمعله صوت وزودت الزيت مفيش جديد فاهغيره ان شاء الله وربنا يكرم