اعمل ايه مع التوكيل

[moody_687]

سئلت الراجل الفنى اللي ماسك عربيتي قالي الدورة التبريد بتاعتك مغلقة ولو حبيت تزود مية زود الصبح قبل ماتطلع بالعربية
انا سئلته السؤال ده عشان لقيت تضارب فالاقوال ان كانت دورة تبريد العربية بتاخد هواء من عدمه

[ameros]

خللي حد ياخدلك هوا من دورة المياه ويظبط منسوب الميه فالقربه ونشوف ونحدد بعد كده

[moody_687]

التوكيل قالي العربية محتاجة مروحة من غير القميص بتاعها ومن غير المقاومة بتاعتها وبدون الكنترول
وسئلت ع سعرها فالتوكيل قالولي المروحة ب 3100ج فطبعا سعر مبالغ فيه فعايز اعرف من اصحاب الخبرة سعرها كام استيراد و جديدة من برة التوكيل

[a7mad_mo7amad6]

المروحه عاوزه تتغير ليه اذا هي شغاله!!!!

[moody_687]

المروحة بتمشي بالعافية
قولتله المقاومة يعنى تمام والكونترول بتاعها قالي اه تمام

[moody_687]

معلش ليا سؤال ممكن اجيب اي مروحة ع كارتة واركبها مكان اللي عندي ماركة فاليو وهتكون 3 سرعات ولا لازم مروحة مخصصة للفيكترا سي عشان سئلت استعمال خارج ب 700 ج وجديدة ب 500 ج
وانا اللي كهربائي هيجيبهالي دي ب 150 ج بس معرفش لسه نوعها ايه

[samaty]

سيدي الفاضل
معذرة لتدخلي بعد وجود الأساتذة الكبار ................ ولكن
من قال لك إن المروحة تحتاج تغيير
إن كنت تأخذ بكلام التوكيل فعذرا .... التوكيل له سابقة قريبة في نفس المشكلة وواضح أنهم يسيرون معك بنظام غير اللي عليه الدور لحد ما تتحل المشكلة ..... وممكن على بال ما تتحل تكون غيرت العربية كلها
المروحة واضح من كلامك إن السرعة الثالثة اللي هي آخر مرحلة هي اللي بتشتغل بس
طيب يبقى الأول نسأل نفسنا
فين السرعة الأولى والتانية
طيب نفكر كده طريقة عمل منظومة تشغيل المروحة
السرعة الأولى
ترموستات - اسلاك - فيوز - كتاوت - مقاومة - فيشة المروحة
السرعة الثانية
ترموستات - اسلاك - فيوز - كتاوت - مقاومة - فيشة المروحة
السرعة الثالثة
ترموستات - اسلاك - فيوز - كتاوت - فيشة المروحة
طيب دلوقتي المروحة شغالة بدليل إن السرعة التالتة بتشتغل
يبقى ندور في خط السرعة الأولى والثانية ( ممكن فيشة مخلوعة - فيوز محروق - كتاوت بايظ)
وممكن علشان تمشي بالعربية بدون قلق مبدئيا توصل فيشة السرعة الثالثة في ترموستات السرعة الأولى لو المراوح اشتغلت يبقى الترموستات سليمة تسيبها كده لحد ما تشوف بقية التوصيلات
لو المراوح ما اشتغلتش يبق الترموستات بايظ
------ ومعذرة مرة اخرى لتدخلي ---------

[moody_687]

ياباشا انا عامل الموضوع عشان استفاد من اراء الاعضاء
ومشكور ع رأيك المفيد

[moody_687]

روحت لكهربائي كشف ع العربية وقالي المروحة شغالة وبتدي سرعاتها وقالى المشكلة عندك من حساس الحرارة اللي جنب كوعة الترموستات حتة بتاع عامل زى الفيشة وده اللي بيدي الاشارة للمروحة انها تشتغل واللي بيحس بحرارة الماتور

[Abdo Taha]

روحت لكهربائي كشف ع العربية وقالي المروحة شغالة وبتدي سرعاتها وقالى المشكلة عندك من حساس الحرارة اللي جنب كوعة الترموستات حتة بتاع عامل زى الفيشة وده اللي بيدي الاشارة للمروحة انها تشتغل واللي بيحس بحرارة الماتور

طب ايه الاخبار غيرته و ظبطت و لا لسة

[moody_687]

ادينى اشتريته استيراد ب 150 ج وهركبه يا النهاردة يابكرة بالكتير
ومعلش سؤال حد يعرف سعر حساس اكسجين 1 بكام استيراد ؟ عشان فالتوكيل ب 1850 ج

[samaty]

تخيل بقى

ادينى اشتريته استيراد ب 150 ج وهركبه يا النهاردة يابكرة بالكتير

أهو الحساس ده قمة الافتراء
يعني كل حساسات الحرارة ليها وظيفة واحدة بتأديها بس بيفرق من عربية لعربية في الشكل بس علشان مكان التركيب
وعلى فكرة لو حبيت تصمم الحساس بكامل دايرة المراوح بكارتتها ممكن ما تجيبش 100 جنيه
بس هتكون مصري وصعب حد يشتريها حتى لو قلتلك إنها هتشتغل أكفا من الالماني وهيبقى فيها مفاتيح للتحكم بالحرارة ولما تبوظ هتتصلح مش هتتغير ................. عارف ليه؟
لإننا ما بنثقش في نفسنا ولا في اللي حوالينا ولا حتي بنثق في بلدنا
بس على كل حال إن شاء الله تكون دي نهاية المشكلة وبالك يروق

[moody_687]

الحمدلله انا ركبت الحساس وبقت المروحة بتشتغل ع السرعة الاولى اول ماتحس ان الماتور سخن بس ان شاء الله لما امشي مشوار كبير شوية هبقى اقولكم الاخبار ايه
بس ليا ملحوظة ويريت ملاك الفيكترا يفيدوني انا لما مشيت مشوار النهاردة بيها ووقفت اشترى حاجة ودورتها تانى لقيت مؤشر الحرارة وصل لل 100 ورجع تانى لل 90 وشرطة فده عادى ولا ايه

[Abdo Taha]

الحمدلله انا ركبت الحساس وبقت المروحة بتشتغل ع السرعة الاولى اول ماتحس ان الماتور سخن بس ان شاء الله لما امشي مشوار كبير شوية هبقى اقولكم الاخبار ايه
بس ليا ملحوظة ويريت ملاك الفيكترا يفيدوني انا لما مشيت مشوار النهاردة بيها ووقفت اشترى حاجة ودورتها تانى لقيت مؤشر الحرارة وصل لل 100 ورجع تانى لل 90 وشرطة فده عادى ولا ايه

اولا الف مبروك يا باشا و تفضل انت و الفيكترا بخير ثانيا اللي حصل معاك عادي بيحصل عندي برضه و التوكيل قالي الفيكترا سي كده هى عموما الحركة دي بتحصل لو انت كنت مسافر او كنت بتحرق كتيير في طريقك ، عادي خالص متقلقش .

[moody_687]

الحقوني ياجماعة العربية سخنت تانى منى انا حاسس العربية راكبها عفريت
المروحة شغالة والحرارة كانت بتزيد مش عارف اعمل ايه انا تعبت