رابطة مالكي أوبل كورسا

[احمد فهمى]

احب اعرفكم بنفسى اخوكم محمد على 25 سنه
معايا اوبل كورسا 2004 يسعدنى ويشرفنى الانضمامام اليكم
من محافظه مرسى مطروح

اهلاً بيك

اول سؤال ليا لو سمحتو

عايز اغير الجمب الشمال اللى بيركب فيه جهاز الفرامل والطمبوره (الشمعدان ) ومش لاقى ف مطروح ممكن الاقى بديل يركب ايه او حتى تقولولى اعمل ايه

مش فاهم ممكن توضح اكتر انت عامل حادث؟؟؟

[mohamed-ali]

لا انا شارى العربيه من حوالى 8 شهور غيرت رولمان بلى العجله اليمن قدام 3 مرات وكل مره بشترى الرولمان الاصلى ب 180 حنيه ومصنعيه 50 كل مره على الوضع دا اخير سمعت ون ونه تانى ف الجمب اليمين اخيرا واحد صاحبى قالى غير الجمب كلو احسنلك الجمب بالطمبوره بجهاز الفرامل فك وتركيب لاان رولمان البلى لما بيجى ينطره ويركب جديد لاازم يكون فيه لوحه من المكبس ف بالتالى عمره بيبقا اقل من اللى راكب فى المصنع

[mohamed-ali]

طب ايه اللى ممكن يخلى عمر رولمان البلى دا بالتحديد يقل رغم انى جايب الاصلى بتاعها المانى وبردو نفس المشكله (انا جيب صره جديده مع كل رولمان بلى ب 70 جنيه بتاعت لانوس )

[elking60309]

اتعب نفسك شوية وانزل اشترى قطع غيارها من اسكندرية او لو حد من صحابك نازل يشتريهم ليك

[tito32]

بالتوفيق

[bibo141]

اخوكم أحمد من المهندسين ٢٤ سنه و معايا كورسا ٢٠٠٤ من ٣ سنوات و عملت فيها شغل كتييييير أوي :(

[احمد فهمى]

اهلاً بيك يا ابو حميد ان شاء الله نقدر نفيدك فى القسم

[mamdouh.raft]

يشرفنى الإنضمام لرابطة مالكى الكورسا وانا معايا كورسا 2005 وكان فى مشكه فى الزجاج وتكررت مع زملاء وكان حلها فى الليك التالى لعدم تكرار المواضيع

http://www.nilemotors.net/Nile/394970-a-2.html#post3875338979

[AHMED DIAB 350]

كهرباء اوبل كورسا 2003

السلام عليكم
انا لسة شارى اوبل كورسا 2003 ومحتاج كهربائى فاهم اوى اوى عشان مش بحب العك فلو حد يعرف كهربائى كويس فى اى حتة فى الجيزة او اكتوبر يبقى كتر خيركم

[meko0o]

اخبار الفرامل ايه معاكو (كورسا2004)

[Ali mubarak]

السلام عليكم ورحمة الله
آسف عل يالتأخير بس معلش ظروف الامتحانات والدراسات العليا بالذات عايزة تركيز ،،
انا لسه مخلص امتحان يوم السبت وف نفس اليوم خدت الكورسا 1600 بتاعتي 2003 ورحت ع الحرفيين بعد ما زهقت من كتر الفتي والتأجيل بتاع الصنايعية وانا مش هذكر اسماء عشان انا وديتها لناس معانا في المنتدي وهما ناس محترمة بس للأسف التشخيص كان مش صح,,
للي ميعرفش انا كتبت في مشاركة قبل كدة ان العربية بتاعتي فيها شوية مشاكل زي ان المية بتنقص في القربة بس اكتشفت ان خرطوم التكييف السخن هو السبب ،،والتكييف مش شغال بس اهم هذه المشاكا ان العربية بترعش ع السلانسية وبتوطي جامد وبعدين تبطل والحل الوحيد اني افضل ساند بنزين وانا عليت العربية شوية عشان تظبط مؤقتا بس برضه بعد التشغيل بشوية تبتدي تبرجل قوي وال rpm ينزل تحت الخمسة وتبطل.
المهم تباينت الأقوال : احدهم قللي حساس الأيدل ،غيرناه بس لسه المشكلة علي ما هي
والآخر قال: الماب او التي بي اس برضو جربنا نغيرهم والحال علي ما هو عليه
كشفت بالجهاز اكتر من مرة وكل مرة يطلع الأيدل وانا غيرت وجربت أكتر من أيدل ومش نافع....لغاية م اتخنقت وزهقت ومش هاين عليا اهمل فيها اي شغل لغاية م المشكلة دي تتحل....المهم وديتها الحرفيين بعد ما سألت كذا حد قالولي في واحد اسمه الشيخ هيثم متخصص أوبل رحت لقيت المكان ما شاء الله يعج بالسيارات الأوبل من كل الأنواع ،،،المهم الراجل استلمها مني ولسه هيشتغل فيا النهاردة... انشاء الله لما المشكلة دي تتحل هحاول انقل الموضوع بالصور.
انا لسه مش عارف العيب فين بالظبط لو حد عندة شك ف حاجة او حصلت معاه حاجة مشابهة برجاء الأفادة!!!

[mo.ad.hosny]

نسعد بإنضمامكم لجروب رابطة ملاك اوبل استرا وانسجينا

* * * * * * * * * * * *

[tamer_amen]

السلام عليكم ؛ اخوكم تامر انا معايا كورسا 2005 بقالها سنه معايا

مشكلتى كالتالى

التكييف عندى ضعف من حوالى 3 اسايع و بعدين روحت لواحد بتاع تكييفات قالى الماسوره ما بتبردش ده لازم نسحب الهوا اللى فيه ونشحن شحنه كامله لان من السخنيه الفريونن اتحول لهواء معرفش المعلومه دى صح ولا لاء؛ مقتنعتش و مشيت قلت اروح لحد تانى لان اللى خلى التكيف ضعف يبقى فى مشكله لازم تتحل الاول.

ملحوظه بعد ما مشيت من عنده قلت ابص على البلف الرئيس لقيته بينفس بسيط.

وانا عند الشيخ هيثم بغير الاسكترا سالته قالى روح لسكارو بتاع التكيفات كويس.

المهم روحتلى حكتله القصه قالى مفيش حاجه عندك قلتله طب البلف قالى سليم احنا هنزود فريون التزويده ب (90 جنيه)

بعد ما خلص قلتله اكشف على البلف لاءه بينفس راح مغير الجلده.

بعد 4 او 5 ايام التكيف ضعف تانى روحتلوا تانى (بعد شوية استظراف من الصنيعى انه مش فاكرنى افتكرنى) قلى هنكبس ونشوف، حطها على الكبس شويه وكشف على المواسير كله تمام بعد حوالى نص ساعه قلى نزل تقريبا شرطتين مقتنعتش قولتلوا طب سيبه شويه كمان وتابعته انا بعد نص ساعه كمان لقيته متهزش.

قالى بص يا باشا ده كويل هى العربيه دى كده ده عيب فيها قولتو ازاى قلى عندك حل من الاتنين ياما تسيبها على الكبس لحد بكره الصبح يامه تغير الكويل(900 جنيه جديد) و ده لازم نحل فيه التابلوه (حل وتركيب 400 جنيه من غير ما افاصل)

طبعا انا سمعت احل التابلوه دى بطنى قلبت ، قولتله طب اسحب الفريون اللى فيه كله واشحنهولى تانى و انا هكرر

3 ايام وكان التكيف فى الطراوه

واحد صاحبى دلنى على واحد معرفه فى الحرفيين برده قلى روحلوا هو هيقولك الصح

روحتله حكيتله القصه بص عليها ونزل تحت قالى مشكتلك فى الكمبروسر يا باشا قالى فى اولسيه تحت الطنبوره هو اللى بيسرب و بالصدفه كان فى عربيه زى عربيتى عنده نفس المشكله وورانى الاولسيه هو كان عندوا كمبروسور قديم خدله منه الاولسيه و كان لسه شغال فيها و بيقفلها.

بصراحه اقتنعت شويه بكلامه قلتله ايه المطلوب قلى هتجيب كمبروسور (عامل 900 جنيه استيراد) المهم انا شغلت دماغى وقلت اروح لهانى العايدى اشوف عنده كمبروسوربايظ اخد منه الاولسيه ولقيته عامل (250 جنيه)


اسف جدا انى طولت عليكوا بس انا محتار و سؤالى دلوقتى اصدق مين فيهم

مع العلم فى الحاله الاولى حل التابلوه فى خطوره

الحاله التانيه ان لو مطلعش المشكله من الاولسيه هيبقى لبست مصاريف زياده

[bibo141]

تجربت كل صيف مع التكيف..شغلت التكيف من شهرين اشتغل زي الفل بس مكنش ساقع قوي قولت مش مهم مع العلم ان الكمبروسور غيرته الصيف اللفات بعد اربع ايام مشغل التكيف و كله تمام هب راحت العربية بطلت و طلعت صوت غريب دورت العربية و جيت اشغل التكيف راحت مبطله تاني و قولت بلاش اشغله تاني و روحت عند كذا حد والكل بيقول الكمبروسور قفش و لازم يتغير المهم قولت هجيب جديد ب ٢٤٠٠ و ضمان سنة من غير التركيب المهم كنت بجيب قطعة غيار للعربية من محل في المعادي فقولت اسأل الراجل راح قال لي انا اعرف واحد مية مية في صقر قريش و أنا اضمنهولك بكام يا عم ب ١٠٠٠ و٢٠٠ مصنعية قولت أوفر علشان عايز اظبط حجات تاني في العفشه المهم و احنا هناك الراجل قال لي سربنتينة التكيف بيظه و لازم تتغير و حظك عندي واحده استيراد ب ٩٥٠ قولتلو ماشي المهم كل حاجه اتفكت و تركبت وشحنت في ساعه وجت ساعة الحساب الراجل العنده محل في المعادي قالي أنا هحسبه علشان اظبطلك السعر شويه و حسب الله و نعم الوكيل اخذ مني ٢٢٠٠ ومشينا و التكيف زي الفل اسبوعين اثنين فقط و التكيف مطلع هواء سخن روحت للراجل في صقر قريش لوحدي غير البلف ال في الكمبروسور و اشتغل يومين و هواء سخن روحت لحد تاني قالي الكمبروسور بيسرب روحت لواحد تاني قالي نفس الكلام و الديره كمان متوسخه كمان روحت رجعت صقرقريش و قولت للراجل حرام عليك الوقت ال انت ضيعتهولي و ال٢٢٠٠ ال اترمو علي الأرض المفجاءه الراجل بيقولي ٢٢٠٠ بتوع ايه انا اخذت ١٣٠٠ بس ٥٠٠ كمبروسر و ٦٠٠ سربنتينه و ٢٠٠ مصنعيه حسبي الله و نعم الوكيل تاني،فضل كل يوم يقولي بكره بكره لمدة ١٠ ايام روحت الورشه قولتلو شكراً انا مش عايز حاجه و عوضي علي الله سعتين زمن و جبلي كمبروسر مشاءالله عليه شكله جديد و ركب فيلتر في السربنتينه جديد بعد زن مني و شحنا بنشغل المسوره سقعا و الهواء من جوه سخن غير حاجه ورا المتور كدا فيها فتحتين و انا كنت جايب بلف من عند طناني باشا ركبنا بدل الصيني الكان راكب و الحمدلله و مشاءالله التكيف بشغله علي ٢ و بليل علي ١..اسف للأطاله بس بجد محدش بيتعلم ببلاش..حسبي الله و نعم الوكيل في الراجل العنده محل في المعادي مش في صاحب الورشه

[tamer_amen]

الحمد لله وربنا يعوض عليك يا بيبو

البلف اللى ورا الموتور ده اللى هو داخل على الكويل ؟