رابطة مالكي أوبل كورسا

[karim_mohamed]

السلام عليكم
بعد اذنكم انا معايا اوبل كورسا 2005 وكنت عايز مكان كويس للصيانة في القاهرة وياريت في المعادي :)

شكرا

[محمد اسامة]

لسلام عليكم ورحمه الله
كل سنه وحضراتكم بخير
حاليا انا بدور ع كورسا سيدان ولقيت على موقع اوليكس عربيه ومن الصور عجباني
الفكره ان دي تعتبر اول عربيه بالنسبالي والغرض من العربيه هو السفر واستخدام عائلي( الاب والام) وليس الغرض المتاجره بها
لكن خبرتي ف العربيات تعتبر صفر بحكم ان دي اول عربيه بالنسبالي
وللاسف الشديد معرفش اي ميكانيكي اقدر اجيبه معايا عشان يكشف ع العربيه عشان اقدر احكم على العربيه هل فيها مشاكل ولالا
فمحتاج نصايحكم ولو حد يعرف بنزينه ف نطاق عين شمس اقدر من خلالها ارفع العربيه واكشف عليها يبقى كتر خيره

[محمد كمال حسين]

سلام عليكم، انا معايا اوبل كورسا 2014 و عملت حادثة محتاج شورت بلوك استعمال مش عارف احصل عليه لحد دلوقتي بقالي 4 شهور، حد عنده فكرة ممكن اجيبه ازاي. شكرا

[ahmed barah]

السلام عليكم
انا معايا اوبل كورسا 2005 والمياه بتنقص بشكل ملحوظ بس مش عارف السبب ياريت حد يدلني

[Morad Nasr Ali]

شباب انا معايا اوبل كورسا ٢٠١١ عايز اعرف السير كاوتش ولا جنزير؟

[moussa ezzat]

السلام عليكم .. انا بفكر جديا اشتري اوبل كورسا موديل من 95 ل 97 بس مقلق منها في قة قطع الغيار وهل الصالون بتاعها واسع دا غير ان شغلي في 6 اكتوبر وانا من المقطم ف مشوار يومي طويل هل هاتستحمل معايا ولالا وايه ظروفها ف السفر .. انا عاجبني شكلها جدا وسعرها الى حد ما مناسب بالنسبالي

[magdisaeed]

السلام عليكم .. انا بفكر جديا اشتري اوبل كورسا موديل من 95 ل 97 بس مقلق منها في قة قطع الغيار وهل الصالون بتاعها واسع دا غير ان شغلي في 6 اكتوبر وانا من المقطم ف مشوار يومي طويل هل هاتستحمل معايا ولالا وايه ظروفها ف السفر .. انا عاجبني شكلها جدا وسعرها الى حد ما مناسب بالنسبالي

عربية الحمد لله معايا أكتر من ممتازة بالنسبة لسعرها صالونها كويس فى وسع اللانوس تقريبا بأركب تلاته ورا مرتاحين قطع غيارها متوفره وسعرها مناسب مع عمر افتراضي كبير ما شاء الله وطول ما انت مهتم بيها وبتعمل صيانة فى ميعادها تسافر بيها اي حته...المهم الحالة حتى لو أغلي شوية وما تستعجلش فى الشرا ويفضل تكون موتور 1400 أو 1200 واحد كامة لقلة أعطالهم

ربنا يوفقك وتلاقي حالة كويسة

[محمد الاسود]

السلام عليكم ورحمة الله
آسف عل يالتأخير بس معلش ظروف الامتحانات والدراسات العليا بالذات عايزة تركيز ،،
انا لسه مخلص امتحان يوم السبت وف نفس اليوم خدت الكورسا 1600 بتاعتي 2003 ورحت ع الحرفيين بعد ما زهقت من كتر الفتي والتأجيل بتاع الصنايعية وانا مش هذكر اسماء عشان انا وديتها لناس معانا في المنتدي وهما ناس محترمة بس للأسف التشخيص كان مش صح,,
للي ميعرفش انا كتبت في مشاركة قبل كدة ان العربية بتاعتي فيها شوية مشاكل زي ان المية بتنقص في القربة بس اكتشفت ان خرطوم التكييف السخن هو السبب ،،والتكييف مش شغال بس اهم هذه المشاكا ان العربية بترعش ع السلانسية وبتوطي جامد وبعدين تبطل والحل الوحيد اني افضل ساند بنزين وانا عليت العربية شوية عشان تظبط مؤقتا بس برضه بعد التشغيل بشوية تبتدي تبرجل قوي وال rpm ينزل تحت الخمسة وتبطل.
المهم تباينت الأقوال : احدهم قللي حساس الأيدل ،غيرناه بس لسه المشكلة علي ما هي
والآخر قال: الماب او التي بي اس برضو جربنا نغيرهم والحال علي ما هو عليه
كشفت بالجهاز اكتر من مرة وكل مرة يطلع الأيدل وانا غيرت وجربت أكتر من أيدل ومش نافع....لغاية م اتخنقت وزهقت ومش هاين عليا اهمل فيها اي شغل لغاية م المشكلة دي تتحل....المهم وديتها الحرفيين بعد ما سألت كذا حد قالولي في واحد اسمه الشيخ هيثم متخصص أوبل رحت لقيت المكان ما شاء الله يعج بالسيارات الأوبل من كل الأنواع ،،،المهم الراجل استلمها مني ولسه هيشتغل فيا النهاردة... انشاء الله لما المشكلة دي تتحل هحاول انقل الموضوع بالصور.
انا لسه مش عارف العيب فين بالظبط لو حد عندة شك ف حاجة او حصلت معاه حاجة مشابهة برجاء الأفادة!!!