عندى مشكله فى تكييف استرا 2005 بفصل و يشتغل لوحده

[ِAmr]

السلام عليكم و رحمه الله
عاوز حد يفيدنى فى المشكله دى
انا معايا استرا 2005 1600 برازيلى طبعا المهم التكييف كان شغال تمام و فجاءه لقيت الكباس بيفصل و يشتغل لوحده فوقفت و قولت اشوف فى ايه المهم فتحت الكبوت عشان اشوف الكباس و ريليهات المراوح و الكلاتش فوجدت ان المروحه الخاصه بالتكييف مبتشتغلش غير لما الحراره بتزيد مع انها المفروض بتشتغل اول لما بدوس على زرار ال(ac)و اول لما الحراره تنزل المروحه بتفصل و يفصل معاها الكباس مع مروحه التبريد بتاعت العربيه و هكذا لحد لما الفريون خصل فيه تسريب لان الضغوط مش مظبوطه طبعا ف بتيجى عن اضعف اويل سيل و تهرب فريون
هل السبب حساس معين تابع لدوره المراوح هو السبب فى كده حد يفدنى لو عنده معلومه و شكراااا

[samaty]

يا باشا دا فيوز التكييف فاصل
اللي بيحصل إن الحرارة لما تعلى المراوح بتشتغل من الترموستات والكهرباء بتشغل التكييف لأن المفتاح مفتوح وبياخد كهرباء من المروحة
للتأكد اقفل مفتاح التكييف هتلاقي المراوح بس هي اللي بتشتغل

[alameer81]

يا باشا دا فيوز التكييف فاصل
اللي بيحصل إن الحرارة لما تعلى المراوح بتشتغل من الترموستات والكهرباء بتشغل التكييف لأن المفتاح مفتوح وبياخد كهرباء من المروحة
للتأكد اقفل مفتاح التكييف هتلاقي المراوح بس هي اللي بتشتغل

باشا
عندنا مفيش ترموستات للمراوح
المراوح بتاخد اوامرها من الكمبيوتر الي بيعرف الحرارة من حساس الكولنت

[samaty]

باشا
عندنا مفيش ترموستات للمراوح
المراوح بتاخد اوامرها من الكمبيوتر الي بيعرف الحرارة من حساس الكولنت

مش هتفرق
لما الحرارة تعلى وتروح الكهرباء للمراوح أيا كان مصدر الكهرباء بتشغل الكومبريسور معاها

[ِAmr]

طيب يا جماعه اولا شكرا جزيلا على الاهتمام بس انا مش فاهم هل هى فيوز ولا حاجه تانيه و لو فيوز فين مكانه

[samaty]

طيب يا جماعه اولا شكرا جزيلا على الاهتمام بس انا مش فاهم هل هى فيوز ولا حاجه تانيه و لو فيوز فين مكانه

الموضوع ده فيه إزاي تكشف علي الفيوز

http://www.nilemotors.net/Nile/419840-a.html

[motaz60002003]

باشا متسنعش كلام اى حد ابدا بعد اذن الناس كلها العربيه ده انا حفظتها سوال واحد انت غيرت سيور العربيه ده قريب
لو غيرتها يبقى التقسيمه مش مظبوطه انا العربيه ده معايا من 2004 حفظت كل شبر فيها
لو التقسيمه مش مظبوطه الكباس بيفصل لان الحمل على المتور اعلى فبيفصل اول شئ التكيف
المراوح ملهاش غير فيوزات فى العمومى لما الضعط بيعلى بتشتغل مش زى الفكترا
يعنى لو رشيت شويه ميه على السربنتينه المراوح هتفصل اتوماتيك مش لازم تفضل شغاله عالطول
حكايه التسريب ده كانت بتحصل معايا لحد ما الكباس اتحرق لان كل شويه الكباس يفصل ويشتغل
العربيه ده كل شغلها على الكنترول واى فيوزات ضربه لازم لمبه التشك تنور معندناش صوابع حراره والكلام بتاع الفيكترا متخليش حد من الميكانيكيه او الكهربايه يشتغلك
1 المراوح بتشتغل وتفصل ده عادى مع التكيف او مع غيره
2 لو المراوح مشتغلتش لمبه التشك هتنور
3لو المراوح مشتغلتش الفريون هيسرب من الساكس بلف بتاع الكباس
4 الفيوز لو اتحرق او الكتاوت المراوح العمومى الى فى العلبه الى خلف البطاريه الكتاوت الى فى النص لونه ازرق لو اصلى لو فيهم مشكله لازم لمبه التشك تنور اى استفسار كلمنى على الخاص علشان انا خارج مصر حالياً

[motaz60002003]

5 التكيف بيفصل لما تعمل كيك دون لاعطاء المتور القدره على التسارع
6 التكيف بيفصل عند الوصول لدرجه الحراره المطلوبه داخل السياره ده مبيحصلش غير بليل
7التكيف بيفصل لو الضعط زياده فى الدائره
8التكيف يفصل ويشتغل اكثر من مره فى اقل من دقيقه لو التقسيمه السيور غير مظبوطه
9 لايوجد شى مسؤول عن المراوح الا الكنترول والكولنت اذا تم فصل فيشه الكولنت سوف يتم تشغيل المراوح باقصى سرعه لعدم تحديد درجه حراره المتور ده أمان ليك علشان لو باظ العربيه متسخنش
10 المروحتين الداخليه ريداتير وخارجيه سربنتينه يعملو مع بعض نفس السرعه سواء السرعه الأولى او الثانيه

[motaz60002003]

انا عادتا مبحبش اقول حاجه مش عارفها او فى عربيه غير العربيه ده من قال لا اعرف فقد افتى بس انا متاكد من كل كلمه انا بقولها علشان كده نسبه مشاركاتى كتيره لان كلو بيتكلم قليل عن العربيه ده بس انا واثق من كل كلمه بقولها كويس

[motaz60002003]

اسف نسبه مشاركاتى مش كتيره

[ِAmr]

على فكره انتا كلامك مظبوط جدا و اشكرك بشده

[ِAmr]

طيب ليا سؤال تانى استاذ معتز عندى مشكله تانيه انى فى الزحمه لما بدوس على الفرامل و اسيب بلاقى العربيه مبتتحركش غير لما ادوس بنزين تانى يعن حتى لما اشيل رجلى من على الفرمل العربيه بتفضل واقفه و الغريبه ان التيل مش بيقفش و لما بدوس بنزين بحس بنتشه و لما تكون العربيه سخنه مش بتدور لازم احاول ادور كذا مره عشان تدور مع انى غيرت حساس الكرنك بسبب الموضوع ده و رجع تانى افدنى افادك الله

[motaz60002003]

بص ياباشا اولا حكايه الفرامل ده والعربيه مبتتحركش دى حلها ب 5 جنيه
بص على الفوانيس الى ورا هتلاقينى لمبه الفرامل عادتا شمال محروقه هو ده الى بيخلى العربيه متتحركش لما تشيل رجلك من على الغرامل غيرها وهتتحل المشكلة أن شاء الله تعالى

[motaz60002003]

حكايه الدوران والعربيه سخنه ده ليها كذا حاجه
اولا فلتر البنزين
2 لو بتشم ريحه بنزين يبقى الخرطوم الى داخل على المسطره بينقط بنزين فبالتالى مفيش بنزين فى المسطره الرشاشات
3لو مفيش اى error ولمبه التشك مش منوره كنت ممكن اقولك موبينه بس اتاكد برده من الموبينه الى راكبه فوق البوجيهات
4 نظف egr كويس لانو احيانا مبيقراش ايرور وغالبا هو الى بيعمل الحركه دى جرب وقولى عملت ايع
لا موضوع الدوران ده كتير بس مش هنتوه فيه ان شاء الله
ابتدى بالفلتر وياريت تنضف egr ب منظف ec dalco كويس

[motaz60002003]

واطمن على البوجيهات برده علشان انا كانت عندى نفس المشكله بس كانت بوجيهات وحشه egrمكنش نظيف والخرطوم بتاع المسطره البنزين كان بيندع بنزين كل ده حصل بسبب منظف رشاشات بتاع موبل نشف الخرطوف بتاع البنزين ووسخلى الرشاشات فكان الحرق مش مظبوط فوسخ ال egr اوعى تحط فى العربيه ده اى حاجه من الحاجات الى بتتباع فى البنزينه كلها مضره بالعربيه
عايز تحط منظف رشاشات حط louqmoly بس