المشكلة في البطارية ولا الدينامو ؟

[Bastawisy]

السلام عليكم ورحمة الله وبركاته

مشكلتي باختصار ان العربية مجنناني بقالها اسبوع .. لما اجي ادورها الصبح احيانا تدور عادي واحيانا تدور والمارش بيبقى بطيء وتدور بالعافية .. واحيانا مش بترضى تدور
ولما اكون ماشي بلاقي انوار العدادات بتلعب .. ولما الف الطارة وانا واقف ومنور النور بلاقيه وطي خالص .. وبعدين يعلى تاني
روحت لكهربائي وقعد محتار شوية بين الدينامو والبطارية وفي الاخر قالي المشكلة في البطارية

انا دلوقتي مش عارف اعمل ايه :( .. ياريت لو حد يعرف المشكلة فين يقولي

وشكراً ..

[samaty]

طبعا لا يمكن أقوللك اشتال كابل البطارية والعربية شغالة علشان تختبر شحن الدينامو لان ده خطر على الكونترول وبصراحة كونترول الاسترا مش ناقص
طيب الحل
مفيش غير اختبار البطارية
بمعني إنك ممكن تشحن البطارية كويس
ممكن توديها لكهربائي أمين يشحنهالك تمام
او ممكن تشحنها بنفسك

http://www.nilemotors.net/Nile/420206-a.html

أو الحل إنك تشوف حد صاحبك أو قريبك معاه عربية تبدل البطاريات وتشوف الوضع إيه؟

[svneleven]

أظن فيه حاجة غلط لأنك لما بتلف الدركسيون النور بيلعب شكل فيه قفلة أو حاجة بتسرب.

[amr elsisi]

ممكن تقول لنا الكهربائي عمل اية الي خلاة احتار للدرجة دي
روح لواحد يقيس شحن الدينمو ولايجوز ان يقل عن 13.60
مع تشغيل جميع الخدمات تكيف وانوار

[aymanshebl]

غالبا و الله اعلم دينامو

[Astra Lovers]

طب متروح امنصور عند صابر هوه هيخلهالك بإدن الله

[ayman hamdy]

فى سلك ملمس وعامل قفلة هو اللى يبخلى البطارية تضعف فى الدورة احيانا ودة لما بتلف طارة الدركسيون
خلى كهربائ يبص لك عليها
تحياتى

[Hesham.H]

ممكن تقول لنا الكهربائي عمل اية الي خلاة احتار للدرجة دي
روح لواحد يقيس شحن الدينمو ولايجوز ان يقل عن 13.60
مع تشغيل جميع الخدمات تكيف وانوار

فعلا انا مش شايف اى سبب لحيره الكهربائى .. قياس شحن الدينمو بالجهاز اللى موجود عند محلات بيع البطاريات وبعض الكهربائيه هايحدد العيب من الدينامو ولا غيره فى ثانيتين بالعدد
لو طلع سليم ان شاء الله هايبقى العيب عندك يا البطاريه يا إما قفله زى ما قال أيمن وده متوقع أكتر عشان الاعراض اللى انت بتحكيها

خلى بالك ... المارش لو فيه مشكله ممكن يبوظ البطاريه بسهوله زى ما حصل عندى وفبره المارش من الداخل كانت مكسوره ومفروطه داخل المارش وبيدور بصعوبه لغايه اما اكتشفت وصلحت المارش
تحياتى

[Bastawisy]

طبعا لا يمكن أقوللك اشتال كابل البطارية والعربية شغالة علشان تختبر شحن الدينامو لان ده خطر على الكونترول وبصراحة كونترول الاسترا مش ناقص
طيب الحل
مفيش غير اختبار البطارية
بمعني إنك ممكن تشحن البطارية كويس
ممكن توديها لكهربائي أمين يشحنهالك تمام
او ممكن تشحنها بنفسك

http://www.nilemotors.net/nile/420206-a.html

أو الحل إنك تشوف حد صاحبك أو قريبك معاه عربية تبدل البطاريات وتشوف الوضع إيه؟

هوا فعلا كان في واحد صاحبي لما جه يشوفها فك الكابل والعربية شغالة بس ما كانش يعرف انه خطر على الكنترول .. عموما لما فك الكابل العربية فضلت شغالة زي ماهيا .. بس لما نورت النور الواطي والعالي قعدت ثواني وبعدين بطلت

[Bastawisy]

ممكن تقول لنا الكهربائي عمل اية الي خلاة احتار للدرجة دي
روح لواحد يقيس شحن الدينمو ولايجوز ان يقل عن 13.60
مع تشغيل جميع الخدمات تكيف وانوار

فعلا انا مش شايف اى سبب لحيره الكهربائى .. قياس شحن الدينمو بالجهاز اللى موجود عند محلات بيع البطاريات وبعض الكهربائيه هايحدد العيب من الدينامو ولا غيره فى ثانيتين بالعدد
لو طلع سليم ان شاء الله هايبقى العيب عندك يا البطاريه يا إما قفله زى ما قال أيمن وده متوقع أكتر عشان الاعراض اللى انت بتحكيها

خلى بالك ... المارش لو فيه مشكله ممكن يبوظ البطاريه بسهوله زى ما حصل عندى وفبره المارش من الداخل كانت مكسوره ومفروطه داخل المارش وبيدور بصعوبه لغايه اما اكتشفت وصلحت المارش
تحياتى

هوا اولا شكرا على رد حضراتكم .. هوا فعلا وصل البطارية على جهاز بيقيس الشحن .. في الاول قالي دينامو وبعدين قالي بطارية .. وقعد شوية برضو يجرب حاجات وفي الاخر قالي بطارية
هوا انا من فترة كنت غيرت الفيوزات كلها تقريبا .. علشان كان نصها سايح ممكن يكون حاجة بسبب الموضوع دا ؟

[Bastawisy]

أظن فيه حاجة غلط لأنك لما بتلف الدركسيون النور بيلعب شكل فيه قفلة أو حاجة بتسرب.

غالبا و الله اعلم دينامو

طب متروح امنصور عند صابر هوه هيخلهالك بإدن الله

هوا المشكلة انا في المنصورة .. هحاول اشوف كهربائي تاني الفترة الجاية دي وربنا يسهل

[samaty]

هوا المشكلة انا في المنصورة .. هحاول اشوف كهربائي تاني الفترة الجاية دي وربنا يسهل

انا من اجا
كلمني وان شاء الله هنحلها
01004943985
إبراهيم

[Bastawisy]

انا من اجا
كلمني وان شاء الله هنحلها
01004943985
إبراهيم

استنى مني اتصال الاربع او الخميس ان شاء الله

[Bastawisy]

معلش على التاخير في الرد يا جماعة كان عندي شوية ظروف ..
بس عموما المشكلة طلعت في البطارية نفسها وكانت بتخلي الجهاز يقرأ شحن الدينامو غلط
ألف شكر لكل الي ردوا