افيدونى افادكم الله ... عايز اسقط موتور

[amraction]

السلام عليكم

من زمان الواحد ما دخلش المنتدى .. بس انتم دايما بتفيدو الواحد ..

انا كنت ناوى ابيع العربيه .. بس العربيه مش مديانى فرصه انى ابيعها خالص . كل ما اقول خلاص ابيع حاجه تحصل .. مره التكييف يبوظ .. مره العربيه بتسخن .. مره الفرامل سابت ..
دلوقتى العربيه تمام جدا .. و زى الفل .. فجأه و بدون مقدمات و انا رجع النهارده من الشغل .. الباور راح ... ف انا قرفت بصراحه ..

و كمان انا كنت هبيع و ازود و اجيب حاجه ف حدود 70 الف ..
بس بما انى مش عارف ابيع .. فقررت انى اسقط موتور جديد بفتيسه بضفيرته بتكييفه بسلطاته كلها .. اجيب نص مثلا و انزله ف عربيتى .. خاصه ان موتورى بقا ضعيف و العربيه بتجيب 140 و تكح خلاص ..

انا عربيتى فيكترا b2 1600 مانيوال .. الموتور الاسود .. فكنت بفكر ف انى اسقط ال cdx

بس مش عارف التكلفه .. و مش عارف اروح اجيب منين الحاجه و اسقطها عند مين ...

افيدونى افادكم الله ...

[amraction]

اكتر من 50 مشاهده ولا رد .. نايس

[Dr.Juve]

لو في أي سؤال نمرتي أهي. . علشان مش بدخل المنتدى كتير بص يا باشا أنا كنت في نفس ظروفك. ... بالظبط. .... و قررت إني أسقط. ... من الآخر كده ماتسقطشي فتيس و مكنة بس. .... هات نص على بعضة و بيع النص بتاعك زي ما يجيب. .... و يكون نص ضفيرتة شمال أو قطمة شمال زي ما بيقولوا. ... غير كده ماتسقطشي. .. يعني واحد يقولك نقلب الضفيرة و نو نوصل بعازل و مش عارف لأ فكك. ...... لما تغير نص على بعضة علشان

01010366562

[Mr.Lawyer]

أهلاً بعودتك مره اخرى اخى الكريم وبلاش تقطع كدا تانى ،

بصــراحه انا مقدرش افيدك للأسف ف حوار تسقيط الماتور لانى مش ف القاهره والاخوه الافاضل هيردوا عليك ف الموضوع دا لانهم اكثر خبره منى

بس اسمحلى ، هقولك رأيي بصراحه ، طالما هتبيع العربيه كدا كدا ، يبقى بيعها على حالتها وزود وهات العربيه اللى تريحك ، لان حوار التسقيط هيصرف كتير غير قرف الصنايعيه والحوارات الكتير ولما هتيجى تبيع مش هتلاقى نفسك كسبت كتير ، فوفر فلوسك وبيع وكمل اللى معاك على تمن العربيه واشترى غيرها
أما لو هتخلى العربيه معاك فتره مش قصيره ، يبقى تسقيط ماتور بالفتيس ومشتملاته افضل حل وهيريحك قداام

تقبل مرورى ،،

[eftekasat3]

لو ناوى تبيع حتى بعد سنه بيعها على حالتها كده انت الكسبان صدقنى هتصرف كتير ع العربيه وتتبهدل و فى الاخر بطيخه الاداء ممكن ميعجبكش وهتصرف كتير سيبك من اللى هيقوللك عليه فى الاول

[amr elsisi]

http://www.nilemotors.net/Nile/421233-x20xev.html

[amraction]

انا لو سقطت مكنه .. هقعد العربيه معايا فتره كويسه .. تلات سنين مثلا .. انما لو معرفتش اسقط او لقيت الموضوع مش واضح المعالم .. خصوصا انى لسه معرفش برضه مين كويس يسقط .. هبيع العربيه على حالتها و اجيب حاجه تانيه

[sherif_m72]

حمدلله على سلامة عودتك
برضه نلف نلف ونرجع هنا تانى
بص انا رائى المتواضع ولك الاختيار فى التنفيذ
من بعد كل التغيرات اللى انت عملتها فى العربيه لو انت بالفعل بعتها يبقى اديتها هديه لغيرك
ده فى مقابل انك مش هتشترى زيرو يعنى بمعنى اخر هتتعب من تانى فى اللف ومعالجه اخطاء الراكب السابق
حضرتك بكل شياكه تنزل تشترى نص كامل بكل اللعب اللى فيه
وبالبلدى كده (شالوا الحمام وحطوا الحمام)
و هيفضل عندك كم كبير من قطع الغيار للحوض والعفشه وخلافه
ملحوظه تقريبا سعر النص كامل قريب جدا من سعر تسقيط السيستم بمشتملاته
وتخلى عربيتك معاك اللى انت حافظها وعارفها وربنا يباركلك فيها
ملحوظه مهمه جداااااا
لعلم حضرتك وبدون هزار
الحديد بعد العشره بيحس بيك
العربيه بتفضل معاك على الحلوه والمره وتقف معاك وقفات جدعنه حتى لو انت مقصر حبتين فى الاهتمام بيها
بس تعالى كده وقول انك هبعها وتصمم على كده والله العظيم هتوريك النجوم فى عز الضهر ( قسم بالله عن تجارب ليا فى عربيتى القديمه و تجارب صحابى)

[فادى محمد]

حمدلله على سلامة عودتك
برضه نلف نلف ونرجع هنا تانى
بص انا رائى المتواضع ولك الاختيار فى التنفيذ
من بعد كل التغيرات اللى انت عملتها فى العربيه لو انت بالفعل بعتها يبقى اديتها هديه لغيرك
ده فى مقابل انك مش هتشترى زيرو يعنى بمعنى اخر هتتعب من تانى فى اللف ومعالجه اخطاء الراكب السابق
حضرتك بكل شياكه تنزل تشترى نص كامل بكل اللعب اللى فيه
وبالبلدى كده (شالوا الحمام وحطوا الحمام)
و هيفضل عندك كم كبير من قطع الغيار للحوض والعفشه وخلافه
ملحوظه تقريبا سعر النص كامل قريب جدا من سعر تسقيط السيستم بمشتملاته
وتخلى عربيتك معاك اللى انت حافظها وعارفها وربنا يباركلك فيها
ملحوظه مهمه جداااااا
لعلم حضرتك وبدون هزار
الحديد بعد العشره بيحس بيك
العربيه بتفضل معاك على الحلوه والمره وتقف معاك وقفات جدعنه حتى لو انت مقصر حبتين فى الاهتمام بيها
بس تعالى كده وقول انك هبعها وتصمم على كده والله العظيم هتوريك النجوم فى عز الضهر ( قسم بالله عن تجارب ليا فى عربيتى القديمه و تجارب صحابى)

شريف باشا. منور
الحديد بعد العشره بيحس بيك
انا مجرب . كان معايا سوبارو ليون شافت معايا احلي ايام حياتي , شغلي -خطوبتي وزواجي وبنتي الكبيره ..عمرها ماقصرت معايا.. بعتها مضطر علشان اكبر مصلحتي وانا مسامح .عمرها ماعطلت تخيل !!
في اليوم اللي صاحبها جه ياخدها عطلت 4 مرات ونزق للميكانيكي ومستحيل تدور .
وفي الاخر قعدت معاه شهر وباعها لما زهقته . اللي اشتراها اتقلبت بيه

[sherif moneer]

نصين سي دي اكس وفضيهم ف عربيتك
هتطلع ف الاخر بعربيه مختلفه تماما
فرش جلد طبيعي ومكنه 2000 اوتو وطابلوه اسود ابانوس وحاول تجيبه تاتش

[ah-elgendy]

وده سعره كام ؟

[amraction]

طب .. بافتراض انى هنزل بورسعيد و اجيب نصين او ع الاقل نص امامى .. اسقط عند مين ؟؟ خصوصا ان شغلى ما يسمحليش كل يوم اروح اتابع العربيه ..

[haisam ali]

طالما مش هتابع يبقى مالوش لازمه تعمل اى حاجه .... يامعالى الباشا لاااااااازم تبقى واقف ع أيد الصنايعى أيا كان وتتابع معاه عشان دنيتك تتظبط باذن الله

[hagagatc]

بيتهيقلي لو حتدور علي نصاص حتلاقي بس قليل بعد موضوع الجمارك الجديد او انصاص قديمه وممكن يكون متقلب منها حاجات علي العموم في ناس كتير ممكن تلاقي عندهم الشغل ده في المنصوره وطنطا

[احمد فهمى]

لو ناوي تبيع حتي بعد 3 سنين نصيحه خليها زي ما هي هتضيع فلوس ووقت وهتعد تظبت فيها ال3 سنين اللي حصل عندك طرمبة باور غيرها وخلاص واللي راكب متورك ال8 صباب ميعرفش يعني ايه مشاكل لو ركبت ال2000 سي سي هتقول ولا يوم من ايام المتور الاسود فخليك في عربيتك نصيحه