ماتور اوبل فيكترا

[Mohamed82]

[overline]السلام عليكم اعضاء المنتدي الكرام

انا هادخل في الموضوع علي طول

أنا معاية عربية اوبل فيكترا 96 الشكل الجديد 2000 سي سي الماتور الاسود واحد كامة

وتعبت من الماتور دة ومن فتي وكفتاجية الصناعية لغاية لما الماتور توقف عن العمل إمبارح والحمد لله

محتاج من حضراتكم معرفة سعر الماتور دة كام وأشترية منين إستيراد بدل ما كل شوية أفضل اصلح فية وفي الاخر قلعت هدومي بسبب العربية دة

وهل يجوز شراء الماتور الايكوتيك ويركب عندي علي الفتيس ولا لاء، في حال انة يتم التركيب يرجي معرفة سعر الماتور كام واجيبة منين برضوا [/overline]

[Mohamed82]

ياااااااااااااة الموضوع صعب قوي كدة.

[فادى محمد]

ان الله مع الصابرين

الموتور ده مفيش منه استيراد..عند حل من 2 ..
- لو المشكله في الشميز ( الجزء اللي تحت) ووش السلندر عندك حالته كويسه , اشتري شميز بس وركبه عندك ( بتاع الفيكترا ايه ال2000 سي سي )

- لو الموتور تعبان وعاوز تسقط , هيبقي ايكوتك وطبعا فتيسك يركب

[Mohamed82]

ألف شكر أ/ فادي علي سرعة الرد

أنا بصراحة مش عارف العيب فين بالضبط بس اللي حصل معاية ان الترس بتاع الكامة اللي راحب تحت وش التقسيمة اتكسر وعامود الكامة قفش والماتور.

سعر الماتور الايكوتيك كام واجيبة منين معلش انا عارف اني هاتعبك معاية بس فعلا انا تعبان من الماتور دة وتم عمل صيانة لة في خلا 3 سنوات عند ميكانيكية كتير باكثر من 7000 جنيها

[فادى محمد]

هو الكامه تتغير عادي بس طالما الموتور تاعبك غيره . شوف الموضوع ده لاخونا م عمرو السيسي هو اخر واحد مسقط ايكوتك

http://www.nilemotors.net/Nile/421233-x20xev.html

[احمد فهمى]

المتور ال8 صباب ده مقرف فعﻵ ومش موجود استيراد زي ما فادي وضحلك هتشتري 2 كامه المتور الجديد هيدخل فى 4 ل4500 ومتورك يتباع كده علي حالو

[Mohamed82]

شكرا أ/ أحمد علي ردكم

السعر دة ماتور ولا شورت بلوك

[Mohamed82]

نزلت امبارح الحرفيين لاقيت سعر الماتور الايكو تيك 5500 الماتور كامل من غير التركيب ، ولاقيت محل واحد فقط قالي 4500 لماتور كامل من غير التركيب

الغريب بقي اني اول مرة اعرف ان الماتور دة في منة ياباني والماني واسباني دة كلام البائعين اللي هناك لكن السعر واحد وانا مش عارف اية الفرق بينهم ومصنعية التركيب من 1000 الي 1500 جنيها

حاجة كمان هو ينفع اركب نفس الماتور ولكن 1600 سي سي وفي حال التركيب ايهما افضل ولكم جزيل الشكر

[Mohamed82]

الحمد لله اشتريت ماتور الايكوتيك واليوم هايركب ان شاء الله


انا اشتريت الماتور كامل زي ما هو هاركبوة بادوات التغذية والكباس والماتور القديم بالادوات بتاعتوة عندي اللي محتاج منة أي حاجة أنا تحت امرة

[فادى محمد]

ربنا يوفقك ان شاء الله

[احمد فهمى]

لو تعرف تعمل تقرير وتصور التسقيط يبقي تمام

[شامل محجوب]

القاهره

ياريت ياباشا رقم موبايلك علشان انا محتاج شويه حاجات فى الماتور الاسود الى عندك وشكرا

[A.Sattar]

الحمد لله اشتريت ماتور الايكوتيك واليوم هايركب ان شاء الله


انا اشتريت الماتور كامل زي ما هو هاركبوة بادوات التغذية والكباس والماتور القديم بالادوات بتاعتوة عندي اللي محتاج منة أي حاجة أنا تحت امرة

مبروك عليك

[احمد فهمى]

مبروك وبالتوفيق وغير كل الزيوت ضروري