مشكلة فتيس اوبل فيكترا 2002

[karem_sh007]

السلام عليكم ورحمة الله وبركاته

اشكركم كثيرا على هذا المنتدي

المشكلة الان فى السيارة اوبل فيكترا 2002

فتيس العربية اوتوماتيك
اول ما ادي المارشدير فيه هبده جامدة
اول ما اطلع على ال d الاقي العربية تقيله قوي واحيانا بتكون عادية جدا وزى الفل وقالوا انها تقريبا بتطلع ع التالت
لكن لو جبتها على الغيارات العادية 1 ، 2 ، 3
تمشي ولا كان فيها اى مشكلة
وع الطريق بتسحب زي الفل
ياتري دي مشكلة يمكن تصليحها فى الفتيس ولا لازم يتغير
ولو هيتصلح يكلف كام ولو هيتغير يعمل كام
العربية فيها ماكينة جديدة ايكوتك
واشكركم كثيرا على اهتمامكم

[Mohamed82]

المشكلة دة كانت عندي يا باشا وتعبت جدا مع الصناعية لغاية لما عرفت مركز أ/ طناني والحمد لله العربية بقالها أكثر من سنة ونص تقريبا الفتيس معملش معاية أي حاجة بصراحة الوحيد اللي بدعيلوة علي شغلة.

المشكلة بقي اني بحاول اكلموة بقالي فترة بس هو مش بيرد علي التليفون نهائي وسمعت انة قفل المركز

حاول تعرف واحد محترم بجد في شغلة يحل المشكلة كدة وإن شاء الله تطلع بسيطة

[kar!m]

أول حاجه تكشف على زيت الفتيس و الفلتر
تاني حاجه تشوف لو في تسريب من خراطيم الفتيس
تالت حاجه تشوف حساس الفتيس الخارجي

و شوف الموضوع ده

http://www.nilemotors.net/Nile/307573-2.html

[احمد فهمى]

الموضوع محتاج كشف كمبيوتر الاول تشوف في اكواد متسجله من الفتيس بعدها تتعامل وللأسف طنانى قفل المركز وربنا يوفقو في مكان تاني

[jos116eph]

دى اعراض سليكتور الفتيس يا باشا هات واحد استيراد او صلح الى عندك اصلاحة سهل وبسيط وكانت فيه مشاركه للاستاذ اسلام البنا عن اصلاح السليكتور بالصور ممكن تدور عليها وتعمل زى ما عمل بالظبط والفتيس هيظبط معاك

[karem_sh007]

الف الف شكر ليكم جميعا اشكركم على اهتمامكم والرد
المشكلة عندي انى فى سوهاج فحتي لو مركز الطناني اللى الواضح ان شغله بسم الله ما شاء الله زى الفل قفل فاعتقد انه كان هيكون صعب انى اروحله
لكن مع ذلك بشكركم جدا جدا على اهتمامكم والرد