إعـــــــلان

Collapse

.

,
See more
See less

صور قيم فولت البطاريه وشحن الدينامو من عربيتى ... إيه تفسيركوا ؟؟؟

Collapse
X
Collapse
 
  • Page of 3
  • Filter
  • الوقت
  • Show
Clear All
new posts
السابق 1 2 3 template التالي
  • #1

    صور قيم فولت البطاريه وشحن الدينامو من عربيتى ... إيه تفسيركوا ؟؟؟

    الزملاء الأعزاء

    من فتره لاحظت ان النور عندى (سواء نور الفوانيس أو الصالون) بيكون درجته أقل بدرجه ملحوظه والعربيه مبطله عن وهى دايره

    ودلوقتى بدأت تزيد عن الأول .. وكمان بقيت ألاحظ إن نور الفوانيس بالليل بقى يدى على أحمر ( بيضعف عن المعتاد )
    بدأت أشك فى شحن الدينامو .. ومستبعد البطاريه لأنها جديده ( ٤ شهور ) ولو كانت باظت هايبقى الدينامو اللى بوظها
    المهم كلمت عمرو السيسى صديقى العزيز وهو اللى قالى على طريقه الإختبار الله يباركله

    جبت الأفوميتر وقيست البطاريه والعربيه مبطله وبعدين قيست وهى دايره بدون أحمال وبعدين وهى دايره بالأحمال ( النور العالى والواطى والتكييف والمراوح طبعا ونور الصالون )
    مره قيستهم عادى ومره وسلوك الافوميتر معكوسه ( قرايه بالسالب )
    ودى كانت قيم الفولت بتاع البطاريه والعربيه مبطله بس لسه راجع من مشوار وكان النور والمراوح شغالين



    ودى بعد ما دورتها بدون أحمال



    ودى وهى دايره بالأحمال اللى قولنا عليها




    والصور دى لنفس طريقه القياس بعد عكس السالب والموجب بتاع الأفوميتر ... هى المفروض كانت تطلع نفس النتايج السابقه بس بالسالب ... بس مش عارف ليه النتايج إتغيرت

    ودى صوره للعربيه وهى مبطله


    ودى دايره بدون أحمال



    ودى دايره بالأحمال




    مش عارف انهى قراءه فى الاتنين هى الأصح

    انا عملت الموضوع ده لسببين
    أولا نتناقش ونعرف المشكله فين ونشوف الحل زى ما اتعودنا مع بعض
    ثانيا هى برضو طريقه نعرف بيه نقيس البطاريه والدينامو إزاى خاصه ان الافوميتر ده مش غالى ( حوالى ٥٥ جنيه ) وممكن تعمل بيه حاجات كتير زى انك تقيس الحساسات والدواير الكهربيه فى البيت

    تحياتى ومنتظر ردود كل الزملاء
    الكلمات الدلالية (Tags): ؟؟؟, إيه, البطاريه, الدينامو, تفسيركوا, صور, عربيتى, فولت, قيم, من, وشحن
  • #2
    متابع

    Comment

    • #3
      فية أوقات كتير القياس بالأفو مش بيعرفك فين المشكلة
      عشان ممكن البطارية تديك قراءة كويسة بالأفو بس لما تيجى تحط أحمال تلاقى البطارية مش قادرة
      ياريت تسيب العربية يومين من غير ما تشغل العربية وتقيس البطارية بالأفوقبل ما تشغل العربية
      البطارية اللى انتهت غيرتها نوعها اية ؟
      ما تستبعدش ان البطارية تكون تعبانة لأنك بتقول ان النور بيتحسن والعربية شغالة ..يعنى الشحن شغال
      قال سبحانه:
      [COLOR=purple]﴿ يَا أَيُّهَا الَّذِينَ آَمَنُوا إِنْ جَاءَكُمْ فَاسِقٌ بِنَبَأٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ)[/COLOR]
      صدق [COLOR=#0e1e8a]الله[/COLOR] العظيم

      Comment

      • #4
        المشاركة الأصلية كتبت بواسطة midnightman_74 مشاهدة المشاركة
        فية أوقات كتير القياس بالأفو مش بيعرفك فين المشكلة
        عشان ممكن البطارية تديك قراءة كويسة بالأفو بس لما تيجى تحط أحمال تلاقى البطارية مش قادرة
        ياريت تسيب العربية يومين من غير ما تشغل العربية وتقيس البطارية بالأفوقبل ما تشغل العربية
        البطارية اللى انتهت غيرتها نوعها اية ؟
        ما تستبعدش ان البطارية تكون تعبانة لأنك بتقول ان النور بيتحسن والعربية شغالة ..يعنى الشحن شغال
        شكرا على رد حضرتك ونورت الموضوع ... بس النور بيتحسن لما العربيه بتشتغل بس مش بيبقى مثالى .. برضو ضعيف
        تحياتى

        Comment

        • #5
          السلام عليكم
          مبدئيا فى حبه حاجات لازم نعرفها عن الشحن والتفريغ للبطاريات (معظم المعلومات عن تجارب شخصيه ونصائح الاصدقاء)
          1- وحده قياس البطاريه الفولت + الامبير
          -الفولت هو فرق الجهد بين قطبى البطاريه الموجب والسالب بمعنى هو فرق جهد تنافر الالكنرونات بين القطبين
          - الامبير هو شده التيار الكهربائى المار بالسلك ويجب مراعاته جيدا فى حساب الاحمال
          2- معظم البطاريات المعروفه للسيارات تتراوح بين 12 الى 24 فولت ولكن خارج البطاريه الحقيقى يزيد عن 12 فولت بمقدار ربع الى نصف فولت اى 12.25 الى 12.50 وهذه القيمه البسيطه لا تؤثر اطلاقا
          3- البطاريات المفترض كونها 70 امبير هى فى الاصل 62 ولكن ال70 هو اسم دعائى فقط
          4- البطاريه ال73 امبير هى فعلا 73 وتتواجد فى السيارات التى تعتمد بشكل كلى على الكهرباء حتى فى حاله كون المحرك متوقف مثل الرينو ميجان والبى ام بفائتها ويكون سعرها من 700 جنيه فيما فوق
          5- يجب ان يكون هناك فرق بين دائره الشحن والبطاريه مقدار 1.5 الى 2 فولت ويجب ان يكون الامبير مساوى
          6- طريقه قياس الامبير صعبه جدا ويلزمها بنسه قياس الامبير ويجب تحميل الدينامو او البطاريه حتى تخرج اعلى امبير لها بعكس الفولت يمكن قياسه ولو لم يكن هناك احمال تماما
          7- يوجد ثلاث انواع للبطاريات المتداوله ال55 امبير وال70 امبير وال73 امبير وكما سلف ذكره الثلاث بطاريات يكون خرجهم 12.25 فولت تقريبا لذلك يكون الدينامو من 13.75 الى 14.25 وتستطيع البطاريه الشحن على 13.25 فى حالات قليله ولكن ليس ذلك هو الاهم لان الامبير هو العامل الفعال فى عمليه الشحن ويكون الامبير مكتوب بشكل واضح على البطاريه وعلى الدينامو لصعوبه قياس فى حين يمكن عدم كتابه الفولت على الدينامو فى بعض الحالات
          8- اذا قمت بالضغط على دواسه البنزين اثناء القياس واعطى الدينامو قراءه اعلى فهناك خلل فى دايره توحيد التيار داخل الدينامو وتؤدى على المدى البعيد الى تلف البطاريه على الرغم بان هذا العطل يساعد فى شحن البطاريه فى وقت قصير مقارنه اذا كانت دايره توحيد التيار تعمل فياخذ الدينامو الوقت العادى فى شحن البطاريه باعتبار ان البطاريه فارغه تماما فى الحالتين
          9- يمكن حل مشكله دايره التويد بتغيير الدايره الموجوده داخل الدينامو او تركيب الدايره على مدخل البطاريه الموجب ايهما اسهل ويعطون نفس النتيجه ويمكن التاكد من عملها برفع عدد لفات المحرك اثناء القياس كما وضحت سلفا
          10- (معلش الوصف ده بلدى شويه) الامبير زى الصندوق اللى هتشيل فيه حاجتك يعنى لون انت عندك صندوق سعته 10 لتر يبقى انت هتقدر تحط جوه الصندوق اللى يناسب ال10 لتر دول والزياده عن كده ياما هيضغط اللى فى الصندوق ويزاحمه فى المكان لحد ما هيجى وقت مش هينفع تزود فيه وممكن كل المكونات اللى جوه الصندوق تبوظ نيجى بقى للعربيه معاك مثلا بطاريه 62 امبير يبقى انت هتحمل عليها ال62 امبير دول بس ممكن اقل بس مش اكتر وهتلاقى كل حاجه شغاله معاك تمام جدا مراعاه ان الدينامو امبيره مناسب لشحن البطاريه
          -واحد هيقولى هعرق اقيس الامبير ازاى وانا كل ما اشترى حاجه كهرباء فى العربيه الاقى مكتوب عليها القدره بالواط هقوله بسيطه طبق القانون ده وانت تعرف الامبير بتاعها وهو ان الواط=الفولت*الامبير او ممكن تحول قدره دايره تغذيه الكهربا عندك الى واط وتتعامل يعنى تضرب الفولت بتاع البطاريه فى امبيره يطلعلك الواط بتاعها يعنى 12*62=744 يعنى احمال عربيتك لا تزيد عن الرقم ده وهى متوقفه طب لو الدينامو اعلى من البطاريه يبقى ممكن تركب اضافات تتناسب مع قدره الدينامو بس خد بالك البطاريه مش هتشحن طول مانت شاغل الامبير كله للحاجات دى لان الامبير يا هيشحن البطاريه بالامبير بتاعه او هيشغلك الحاجه بتاعتك فالبطاريات دايما بتشحن كويس وانت طافى الانوار والكاسيت والجى ام ومش مستخدم الولاعه كمان
          11- زياده الامبير لا يؤثر ابدا ابدا ابدا على عمر البطاريه بالعكس بيساهم فى شحن البطاريه بصوره سليمه حتى مع استخدام الاضاءه وما شابهها ولا يؤثر نقص الامبير الا فى عدم عمل الجزاء الكهربائيه بشكل سليم ولو البطاريه امبيرها اعلى من الدينامو يبقى هتشحن بس بصعوبه جدا وتدريجيا البطاريه هتبدأ تضعف لعدم تعويضها ما يتم استهلاكها منها بسبب المارش والانتظار وكل ما يتم تشغيله اثناء توقف المحرك
          12- زياده الفولت يسبب مشاكل كبيره جدا منها احتراق اللمبات وتلف المكونات الاخرى كالكاسيت وخلافه
          13 الفيوزات بتتحرق مع زياده الامبير مش الفولت لان كده كده اى سلك فى العربيه بيستحمل ال12 فولت مهما كان لكن يجب تناسب سمك السلك مع الامبير المار به يعنى اسلاك المارش والدينامو والارضى الواخدين من بطاريه السياره بيمشى فيهم امبير عالى جدا فلو وصلت المارش مثلا على سلك رفيع هيتحرق فورا وهتلاقى دايما الامبير الاساسى للعربيه بيكون 40 او 50 امبير لان كل مكونات العربيه مش هتستهلك كل الامبير ده ولو حصل الفيوز هيتحرق فورا عشان ينبهك ان فى عندك مشكله واللى بيركب لمبات اضاءه ويجيب جى ام وكاسيت حيوان وبعدين ميشتغلشى معاه او يحرق الفيوز الرئيسى بيكون هو مراعاش قدره الكاسيت وهل تتناسب مع امبير عربيته ولا لا
          14- لو فى يوم فكرت تستبدل سلك بسبب انه بايظ فى العربيه يجب مراعاه ان السلك المستبدل كله يكون نفس السمك ويتناسب بشكل جيد مع الامبير السارى بداخله يعنى هتوصل لمبه 30 واط هتجيبلها مثلا سلك نص مللى ومتخليش فى سلك ارفع او اتخن سواء قبل او بعد الكتاوت لان الكهرباء دايما لما بيحصل شورت بتدور على اضعف مكان وتحرقه وغالبا بيكون الفيوز يبقى الفيوز مهم جدا جدا جدا ويجب تركيبه لو انت بتعمل اى اضافه او تعديل خاص بالكهربا فى عربيتك
          15- السلك الرفيع موصل جيد جدا للكهرباء وبيقلل المقاومه فبيستخدم بصوره كبيره لاى حاجه امبيرها واطى وتركيب سلك سميك مش شطاره ولا حاجه بالعكس ده هدر فى الفلوس وفى الجهد المبذول لتشغيل المكون الكهربائى وكذلك للسلك السميك استخدامته طيب لو عايز تعرف انسب سلك يبقى بص على الفيوز فى غطا علبه الفيوزات يعنى الكلاكس بيكون 30 امبير يبقى لو هوصل سلك خاجى عشان الاصلى باظ مينفعشى سلك نص مللى تعبان ويكون واصل على الزرار على طول لازم يكون فيه كتاوت يقفل الدايره بين مصدرين كهربا امبيرهم عالى عشان مفيش حاجه تسيح او تتحرق
          16- فى العربيه مجموعه اسلاك شغاله على اقل اقل امبير ويجب الحذر فى التعامل معاها لان الاسلاك دى بتكون رفيعه جدا ودى بتكون مغذيه للازرار ودراعات النور والتحكم فى التكييف واى زرار جوه العربيه ويدوب يكون بينور لمبه ماعدا زرار الانتظار او سخان الزجاج الكهربائى وطبعا مفتاح الكونتاكت وضفيرته كامله وحاجات تانيه زيهم متوصله مباشره على فيوز وبعديه البطاريه على طول المهم الزراير دى والدراعات لو حاولت تمشى فيهم امبير عالى شويه الزرار يسيح ويولع فتيجى هنا لعبه الفيوزات والكتاوت خد بالك والكهربائى شغال عشان فى ناس عكاكين
          17- الزينون هو الحاجه الوحيده تقريبا فى العربيه اللى بتحتاج موديول عشان يحول الكهربا من 12 الى فولت اعلى لان لمبات الزينون لا تستطيع اخراج قدرتها على فولت قليل فدى ليها معامله خاصه ويجب تركيبها من متخصص لمراعاه الامبير لانها ممكن تسيحلك ضفيره النور بمنتهى السهوله
          18- عايز تشترى بطاريه 73 وتريح دماغك من وجع الاحمال والكلام ده راعى فقط حاجتين ان البطاريه ال73 حجمها اكبر وتانى حاجه لازم تغير الدينامو بواحد مناسب للبطاريه الجديده
          19- معظم العربيات الهاتش باك او السيدان الصغيره بيكون بطاريتها 55 لان مش المشكله فى الانوار والكلام ده هى المشكله الاكبر فى المارش فيفضل لو حد سقط مكنه 1600 او اكبر فى عربيه زى الابيزا مثلا انه يجيب بطاريه اعلى او يشوف البطاريه المثلى اللى كانت راكبه على العربيه اللى خد منها المكنه
          20- مكن الزجاج الكهربا بيسحب امبير عالى فخد بالك وانت بتركبه على عربيه غير مجهزه او نازله مانيوال لانهم مبيكونوش عاملين حسابهم فى الامبير والحمل الاضافى فممكن تركب 2 بس قدام كفايه وبلاش تركب وحده رفع فى عربيتك لو بطاريتك اقل من 70 امبير لانهم هيبهدلو البطاريه
          22- وانت بتشترى عربيه خد بالك من موضوع الكهربا كويس وخلى سبب ان الضفيره فيها عك من الاسباب اللى تخليك تراجع نفسك فىها واصرف نظر كمان على عكس السمكره مثلا لان العربيه لو فيها مشاكل فى الضفيره ممكن تعقدك من نفسك وتزاولك وحاجات تشتغل وتفصل لوحديها وانت ولا فاهم اى حاجه
          23- على قد ما تقدر ما تغسلشى موتور العربيه الا لو كان ديزل وتحت اى ظرف من الظروف متغسلشى عرييتك من جوه بالميه والصابون ممكن كيماوى لكن ميه لا هتندم كتير
          انا عارف انى خرجت عن الموضوع اللى بدانا فيه وهى اساسيات الشحن والتفريغ بس اظن انا غطيته فوق
          بالنسبه لموضوع الافو اتاكد ان ففيه مشكله غالبا فى الاسلاك فى سلك درجه توصيله اعلى من التانى لانى انا عندى نفس الافو اللى عندك بس لما بعكس الاقطاب باخد نفس القرايه برضه وممكن تتاكد انك تعكس الكابلات وانت بتقيس يعنى توصل السلك الاسود مكان السلك الاحمر فى الافو وتقيس طبيعى وانت هتعرف العيب فى السلك ولا الافو بس فى الحالتين اتاكد من قدره الدينامو واتاكد من فرق الفولت بين الدينامو والبطاريه
          ارجو انى اكون افدتك :)
          https://t.me/pump_upp

          Comment

          • #6
            القيم دي مش بطاله
            الدينامو الجديد يدي حوالي 14.5 v علي السلانسيه مع الانوار محمله
            عندك 13.16 v مش بطال
            لو نزل عن 13v هنا الدينامو بيروح
            شوف سير الدينامو عامل ايه الاول
            http://www.nilemotors.net/Nile/455933-a.html
            http://www.nilemotors.net/Nile/455752-2.html
            http://www.nilemotors.net/Nile/454825-a.html

            Comment

            • #7
              صباح الفل يا هشام معلش امبارح كنت نايم باليل لما كلمتني
              طبعا انت راجعت علي موضوع عمرة الدينمو
              حتنزل الاول تشوف حد بيبيع كتاوت شحن تركي تقريبا في حدود 260 ج
              وبعدين ترجع علي عربيتك
              طريقة فك الدينمو سهلة جدااااا
              اهم حاجة تفك كابل البطارية
              اهم حاجة تفك طرف الموجب من علي الدينمو
              وطرف لمبة البيان
              وبعدين
              تفك السير وتفك الشداد العلوي وتفك مسامير تثبيت الدينمو
              احتمال كبير ينزل من تحت علشان المكان من فوق ضيق
              وتبدأ تفك العمة السوداء
              حتلائي تحتها الكتاوت تفكة
              لو لسة سليم وطول صوابع التلامس فيها لحمية
              يبئ تصنفرها وتصنفر العمود الدوار
              وتفك قلب الدينمو تنظفة من الداخل بالبنزين والهواء
              لو مالقتش لحمية في الكتاود
              هات واحد تركي او اصلي حيكون في حدود 500
              وماتجبش دينمو استيراد حيكون نفس الي عندك وماهو استيراد برضو ولا اية
              الشحن عندك كدة ضعيف وعاوز اثبات تاني
              اعمل مشوار حلو وحاول تمسك قواطيش البطارية حتلائيها سخنة
              نتيجة ان الدينمو شغااااااال باستمرار مابيفصلش
              [SIGPIC][/SIGPIC]
              (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ)

              Comment

              • #8
                موضوع مفيد جدآ والمشاركات وافيه
                [RIGHT][B][FONT=Impact]أحمد فهمى[/FONT]
                [/B][/RIGHT]

                Comment

                • #9
                  شحن الدينامو ضعيف ..
                  المفروض والموتور داير الافو يدي قيمه بين 13,6 الي 14,3 فولت بدون احمال
                  اخوكم /فادي محمد عيد ..من مواضيعي المصوره للفيكترا بي ....

                  [URL]http://www.nilemotors.net/Nile/97671-b.html#post3872017889[/URL] تغيير اويل سايل اسبراتير
                  [URL]http://www.nilemotors.net/Nile/130445-b.html#post3872432932[/URL]تنظيف الايديال كونترول
                  [URL]http://www.nilemotors.net/Nile/150353-b.html#post3872669019[/URL]تعديل في اضاءه التابلوه
                  [URL="http://www.nilemotors.net/Nile/143705-b.html#post3872580355"]http://www.nilemotors.net/Nile/143705-b.html#post3872580355تغيير فرش السقف للفيكترا[/URL]
                  [URL="http://www.nilemotors.net/Nile/181441-a.html#post3873046581%D8%AA%D8%BA%D9%8A%D9%8A%D8%B1"]http://www.nilemotors.net/Nile/181441-a.html#post3873046581تغيير[/URL] جوان وش التاكيهات

                  hellboy سابقا

                  Comment

                  • #10
                    المشاركة الأصلية كتبت بواسطة amr elsisi مشاهدة المشاركة
                    صباح الفل يا هشام معلش امبارح كنت نايم باليل لما كلمتني
                    طبعا انت راجعت علي موضوع عمرة الدينمو
                    حتنزل الاول تشوف حد بيبيع كتاوت شحن تركي تقريبا في حدود 260 ج
                    وبعدين ترجع علي عربيتك
                    طريقة فك الدينمو سهلة جدااااا
                    اهم حاجة تفك كابل البطارية
                    اهم حاجة تفك طرف الموجب من علي الدينمو
                    وطرف لمبة البيان
                    وبعدين
                    تفك السير وتفك الشداد العلوي وتفك مسامير تثبيت الدينمو
                    احتمال كبير ينزل من تحت علشان المكان من فوق ضيق
                    وتبدأ تفك العمة السوداء
                    حتلائي تحتها الكتاوت تفكة
                    لو لسة سليم وطول صوابع التلامس فيها لحمية
                    يبئ تصنفرها وتصنفر العمود الدوار
                    وتفك قلب الدينمو تنظفة من الداخل بالبنزين والهواء
                    لو مالقتش لحمية في الكتاود
                    هات واحد تركي او اصلي حيكون في حدود 500
                    وماتجبش دينمو استيراد حيكون نفس الي عندك وماهو استيراد برضو ولا اية
                    الشحن عندك كدة ضعيف وعاوز اثبات تاني
                    اعمل مشوار حلو وحاول تمسك قواطيش البطارية حتلائيها سخنة
                    نتيجة ان الدينمو شغااااااال باستمرار مابيفصلش



                    المشاركة الأصلية كتبت بواسطة فادى محمد مشاهدة المشاركة
                    شحن الدينامو ضعيف ..
                    المفروض والموتور داير الافو يدي قيمه بين 13,6 الي 14,3 فولت بدون احمال
                    يعنى كده فى اجماع ان الكتاوت ضعيفه والشحن مش تمام

                    Comment

                    • #11
                      المشاركة الأصلية كتبت بواسطة hesham.h مشاهدة المشاركة
                      يعنى كده فى اجماع ان الكتاوت ضعيفه والشحن مش تمام
                      اولا قبل عمل اى شىئ لازم نعرف الاول لمبة الدينامو منورة ولا لا؟
                      ثانيا الدينامو اللى راكب عندك كم امبير ؟ 70 ولا 100 ولا 120
                      ثالثا البطارية اللى ركبة عندك كم امبير ؟ممكن تكون 74 امبير والدينامو 70 امبير فالشحن هيكون ضعيف
                      رابعا لو انت مركب زينون او اى ملحقات صوتية بتحتاج امبير عالى ودى بتستهلك جامد جدا من البطارية ولو الدينمو خارجه ضعيف مش هيلحق يشحن البطارية وهتبقى دايما ضعيف
                      خامسا ممكن تكون البطارية هى اللى تعبانة حاول تجرب واحدة تانية سليمة وشوف القرايات
                      خلينا نشوف الاول الحاجات دى وبعدين نحكم
                      تحياتى
                      [SIGPIC][/SIGPIC]{رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ}

                      Comment

                      • #12
                        غالبا 120 يا ايمن
                        [SIGPIC][/SIGPIC]
                        (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ)

                        Comment

                        • #13
                          قوي ارضي
                          وبعد كدة اعمل اي حاجة تاني
                          زيدتة مش هتخسر

                          Comment

                          • #14
                            لا الموضوع مالوش علاقه بالارضي .
                            انا مع كلام اخويا ايمن .وجرب تفصل الزينون مؤقتا يوم واحد وشوف البطاريه هتتحسن ولا لا ؟قبل ماتغير وتكلف نفسك
                            اخوكم /فادي محمد عيد ..من مواضيعي المصوره للفيكترا بي ....

                            [URL]http://www.nilemotors.net/Nile/97671-b.html#post3872017889[/URL] تغيير اويل سايل اسبراتير
                            [URL]http://www.nilemotors.net/Nile/130445-b.html#post3872432932[/URL]تنظيف الايديال كونترول
                            [URL]http://www.nilemotors.net/Nile/150353-b.html#post3872669019[/URL]تعديل في اضاءه التابلوه
                            [URL="http://www.nilemotors.net/Nile/143705-b.html#post3872580355"]http://www.nilemotors.net/Nile/143705-b.html#post3872580355تغيير فرش السقف للفيكترا[/URL]
                            [URL="http://www.nilemotors.net/Nile/181441-a.html#post3873046581%D8%AA%D8%BA%D9%8A%D9%8A%D8%B1"]http://www.nilemotors.net/Nile/181441-a.html#post3873046581تغيير[/URL] جوان وش التاكيهات

                            hellboy سابقا

                            Comment

                            • #15
                              هشام قاس من غير اي حمل يا فادي وكان الشحن ضعيف
                              في حاجة تانية ياهشام عاوزك تعملها
                              للتاكد من سلامة الكهربا والارضي
                              ركز
                              حتجيب حتة سلك وتحاول تركبها في كهربا اللدينمو لفها علي المسمار
                              ماشي وتجبها عند البطارية
                              وتثبت سالب الافو علي البطارية ماشي
                              حيتفضل معاك طرف الكهربا بتاع الافو
                              مرة تركبة علي البطارية ومرة تركبة في السلكة الي جاية من الدينمو
                              وشوف في تغير ولا لا
                              وبعدين نعكس الحركة دى مع الارضي
                              تربط السلكة في مسمار مفصلة الدينمو الارضي
                              ماشي
                              واخر مرة
                              حيكون من علي الدينمو نفسو كهربا وارضي
                              وصلت ولا لا
                              [SIGPIC][/SIGPIC]
                              (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ)

                              Comment

                              السابق 1 2 3 template التالي
                              Working...
                              X