رحلتى فى بيع العربيه ... موضوع خارج السيارات !!!

[hossam_elwani]

مبروك البيع


سبب حذر اناس ان اغلب البيع والشرا عندنا مفيهوش صدق


الى بيتلسع من الشربه بينفخ فى الزبادى

[Omar Mahmoud]

الف مبروك يا استاذ هيثم
للاسف ناس كتير مش بتصدق اللي بيحلف علشان في ناس كتير تلاقيهم بيحلفوا علشان تقتنع و في الاخر تتلسع منه و ده مش في العربيات بس
اللي بيقلل سعر العربية انا شوفت من ده كتير و منهم مرة علي الفيس بوك واحد كان بيبيع فيكترا بي 1 2000cc اوتو بيقول لصاحبها اخرها 35000 جنيه...والله كنت هشتمه
في عربيات للاسف خسارة إنها تتباع لإن مش هيقدرها غير اللي عارفها زي الاوبل و المازدا و السوبارو و الفرنساوي كله و البروتون و حاجات تانية كتير

[ENG\AHMED]

مبروك البيع


سبب حذر اناس ان اغلب البيع والشرا عندنا مفيهوش صدق


الى بيتلسع من الشربه بينفخ فى الزبادى

القصة مش حذر .. من حق كل واحد يخاف على ماله
القصة ان فعلا الناس عايزة اللى يضحك عليها وبقت دى السمة السايدة للاسف

[Hesham.H]

مبروك عليك يا هيثم وان شاء الله تجيب احسن منها وربنا يبارك للى اشترى ... الاهم من ده اياك تبعد عن قسم اوبل .. واعتبره تهديد

[haisam ali]

مبروك عليك يا هيثم وان شاء الله تجيب احسن منها وربنا يبارك للى اشترى ... الاهم من ده اياك تبعد عن قسم اوبل .. واعتبره تهديد

عيب عليك يا h ... انا مرابط هنا وقاعد على نفسكم لحد مانتوا تكرشونى

[aratux]

لغاية الشهر اللي فات كنت بادور على اوبل 2008 نضيفة لغاية ما زهقت و اشتريت زيرو الحمد لله

المهم و انا بادور على الاوبل لقيت اعلان جميل جدا على كونتاكت كارز و نزلت قابلت الراجل
العربية فيها حاجة مش مريحاني بس ماكونتش فاهم ايه
المهم باسأله كل حاجة شغالة! رد قالي كل زرار و كل مسمار شغالين تمام زي الفابريكة

ماشي يا سيدي، هاجربها و باعدل قعدتي و باظبط المراية الشمال، اكتشف انها ما بتتحركش. قالي، لأ اظبط انت الكرسي علشان تشوف في المراية. كنت هاشتمه بس قلت خليك معاه للاخر
جربتها و بعدين قلتله عايز اوديها مركز اكشف عليها
لقيته اتنفض و قال لأ روح لأي ميكانيكي. قلتله دي مش عربية يكشف عليها ميكانيكي، لازم مركز معتمد
كان الرد انه مستحيل يروح مركز معتمد لأنه هايطلع كل عيوب العربية و هوة بيبيع صاج سليم و صالون نضيف بس

طبعا سبت العربية و نزلت مشيت على طول


شوفت ليه الناس بتقلق وقت شراء المستعمل؟

[haisam ali]

كلامك محترم ياستاذ محمد ولكن .... الا يمين الله ... انا حلفت يبقى خلاص وانا كمان مش قصدى ان مصر كلها كده بس احنا لازم نجتهد عشان نرجع الثقه مابين الناس لان الوضع بجد بقى سيء جدا

[احمد فهمى]

الف مبروك وفعلآ المصريين لو قولت لواحد خد العربيه ببلاش هيقولك منغير ما يفكر طيب ممكن تدينى هديه فوق العربيه او فول التنك اي حاجه وخلاص

[عماد زكى]

مبروك للبيع
على فكرة البيع بيرجع لنوع السيارة وعلى حسب طلب السوق عليها
انا عن نفسى بيعت سيارة فى السوق لواحد من اسماعلية سيارة هنداى اكسنت من سنتين والى اشترى منى السيارة
بيتتصل بية فى كل مناسبة او عيد

[aratux]

كلامك محترم ياستاذ محمد ولكن .... الا يمين الله ... انا حلفت يبقى خلاص وانا كمان مش قصدى ان مصر كلها كده بس احنا لازم نجتهد عشان نرجع الثقه مابين الناس لان الوضع بجد بقى سيء جدا

ده المفروض فعلا
لكن لو قلتلك كمية الايمانات اللي اقسمهالي و منظره الموحي بالتدين و فجأة لقيت كلامه في الهوا و خايف يكشف على العربية


طيب اقولك على حاجة تانية
عربيتي انا القديمة لانسر كانت مسروقة
و لما اتمسكت الشرطة لقت انها كانت متباعة برخصة مزورة بأرقام تانية لواحد اتنصب عليه فيها و برضه اللي باعله اقسم له بكل الايمانات ان كل حاجة سليمة

[احمد فهمى]

بجانب كل ده شوف نصب التجار واللعم فى العدادات والحوادث اللى متصلحه وكوارث انا شفت تجار بيعرفو ناس فى التوكيلات لو عربيه فيها كارثه ميقولوش للعميل ومعظم الشركات يقولك راشه لكن ميقولش لك مشيسه او مغيره نص وده بيخرج الوكيل من المسؤليه بلاوي كان فى واحد هنا بيشترى فيكترا سي من سنه وكلمنى قالى توب لاين عامله 70 الف وفابريكه الخ وب120 وفيها كلام قولتلو مستحيل وبيقول المعرض بيقولى نكشف وكيل قولت له قوله التوكيل اللى فى الطيران وكلمنى اول ما توصل وبالفعل اول ما وصل مع الراجل والراجل مطمن اوي قول له خش من ورا التوكيل هتلاقى واحد اسمو صابر ادينى اكلمو وبالفعل نفذ وقلت لصابر كلمتين شوف عداد العربيه عامل كام ..

وبالفعل طلعن عامله 177 يعنى فى فرق 100 الف كيلو بس الراجل جتلو صادمه وصاحب المعرض تقريبأ كان عايز يجري من هناك وطلع عليه عفريت انو هيموت صاحب العربيه اللى حطو فموقف النصاب مع انى منغير تفكير متأكد ان هو نفسو اللى عاملها وعارف ان التوكيل عمرو ما هيخش على الكنترول يفتح قراية العداد ..

وانا نفسى كنت ببيع الفيكترا بي بتاعتى فى 2008 بعد ما جبت السى وصاحبها صمم يروح منصور وقولت له هتدفع 400 جنيه علي الفاضي بس براحتك وراح وكشف وخرج مبسوط جداً والتقرير كان فى الاتى ان العربيه مش راشه وهى راشه وان الفوانيس الخلفى مش اصلى عشان الابيض كان اسود وللأسف كانو اصلى برضو استيراد لنفس الموديل وانا قلت للراجل ده طبعآ ووضحتلو انو ضيع فلوسو + قولتلو فى جلبة مقص عايزه تتغير والكمبروسر بيخبط يعنى سنه كده ويغيرو والمفجأه الظريفه ان الراجل وابنو ردهم طيب هتنزل لنا فى السعر كام بسبب الحاجات اللى قولت عليها طيب حد يرد منكم

[monamize4]

كلامك محترم ياستاذ محمد ولكن .... الا يمين الله ... انا حلفت يبقى خلاص وانا كمان مش قصدى ان مصر كلها كده بس احنا لازم نجتهد عشان نرجع الثقه مابين الناس لان الوضع بجد بقى سيء جدا

اولا الف مبروك ياباشا

ثانيا ,, حضرتك انسان محترم و مابتحلفش الا لما تكون صادق ,, لكن مش كل الناس كدا
ماشوفتش ابدا واحد بيحلف باغلظ الايمان و انت عارف ان هو كداب ؟!!!!!!!
ماسمعتش ابدا ان عن حد اتنصب عليه ف عربية بيشتريها ؟!!!!!!

طبيعى جدا ان مابقيناش نصدق الحلفان و مش المفروض اننا نصدق حلفان اى حد مانعرفوش

[Mostafa Hamoda]

الصراحه انا واحد من الناس لما فكرت اشترى اشتريت زيرو عشان مبقتش اثق في حد التجار عندنا بيبيعو الكدب , كل المعارض وكل السماسره بيخدو كورسات كدب عشان يعروفو يلبسوا الزبون وطبعا الحلفان بجميع الايمانات ده اصل الصنعه
للأسف مفيش حد ممكن يبقى محل ثقه كله بيبيع الكدب و الفهلوه هي انك تلبس الزبون و تسرقه
عشان كده ياريت محدش يثق في حد و كل واحد سواء الى هيشترى او يبيع ياخد كل الطرق الى تضمنله انه ميضحكش عليه

مبروك يا اخ هيثم بس انت مقولتلناش بعت عربيتك بكام و ناوى تشترى ايه
مش فضول بس عشان نبقى بردو فاهمين في البيع والشرا
والف مبروك ياكبيؤ