الزيت طحن

[بيشوى_رمزى]

اولا كل عيد اضحى سعيد و انتم و العائلة بخير و سعادة

الزيت طحن (زيت على مية) دورت العربية الصبح سمعت صوت رزعة و مادرتش بصيت على الكاتينة و المايه و الزيت كله تمام روحت مدور تانى دارت بس متلته كده و فى ترتيلة قولت اروح مشوارى حوالى 7 كيلو رايح و 7 راجع المهم وصلت عند صاحبى و لسه برن عليه علشان ينزل لاقيت رزعه جامدة رحت مبطل و نزلت رفعت مقاس الزيت لاقيت الزيت عليه ميه و بتنطر زيت من المقاس زقيت العربية على جنب و حمدت ربنا انها معملتهاش فى السكة
دلوقتى انا عايز اعرف مين بيبيع مكن حاله كويسه بس تكون شمال و اسعاره كويسة علشان مش نقصه هرى من الكهربائيه و اسقطها عند مين ؟ و عفشجى كويس و ايه خطوات شد العربية الكامله (عفشة و سروجى و ميكانيكى و كهربائى و سمكره و دهان)

[Abo_Mazen]

هي لما العربيه تجيب جوان وش سلندر ..نقوم مغيرين مكنه علطول كده ..

[بيشوى_رمزى]

المكنه جايبه اخرها اساسا و كنت مستنى تقل معايا علشان اغيرها

[بيشوى_رمزى]

و باين من الكلام انى عايز اشدها

[بيشوى_رمزى]

مش عارف ليه حاسس ان الموضوع تافه على العموم شكرا ليكم

[Hesham.H]

مش عارف ليه حاسس ان الموضوع تافه على العموم شكرا ليكم

اولا شكرا على المعايده الجميله يا بشوى وكل عام ومصر كلها بخير

ثانيا موضوع ايه اللى تافه ؟!! انت بس شكلك مزاجك مش حلو ... ياريت تعرفنا انت عاوز مكنه ايه ١٦٠٠ ولا ٢٠٠٠ وموديل عربيتك ايه وبفتيس اوتو ولا مانيوال ولا من غير فتيس وبالضفيره ولا من غير
عامه عندك صقر قريش والحرفيين ومستنى منك معلومات اكتر
وربنا معاك وماتزعلش كله فداك
تحياتى

[بيشوى_رمزى]

اولا شكرا على المعايده الجميله يا بشوى وكل عام ومصر كلها بخير

ثانيا موضوع ايه اللى تافه ؟!! انت بس شكلك مزاجك مش حلو ... ياريت تعرفنا انت عاوز مكنه ايه ١٦٠٠ ولا ٢٠٠٠ وموديل عربيتك ايه وبفتيس اوتو ولا مانيوال ولا من غير فتيس وبالضفيره ولا من غير
عامه عندك صقر قريش والحرفيين ومستنى منك معلومات اكتر
وربنا معاك وماتزعلش كله فداك
تحياتى

استاذ هشام كل سنه و انت طيب و ربنا ميحرمنى من ذوقك ابدا
معلش متزعلش من اسلوبى مقصدش بس فعلا متضايق من ساعة ما عطلت انا اسف تانى مرة
انا كنت عايز اسقط ال2000 ال ecotec و فتيس مانيوال f23 انا اللى عندى 1600 8 صباب فتيس f18
و علبة شكمان و الضفيرة و الكنترول

[بيشوى_رمزى]

و قدامى ماكينة حلوة بس يمين و خايف من لعب الكهربائى

[Hesham.H]

و قدامى ماكينة حلوة بس يمين و خايف من لعب الكهربائى

ا
لو الموتور ده كويس توكل على الله وروح اشترى ضفيره شمال لوحدها او دور تانى ممكن تلاقى حاجه شمال كامله .. بس نصيحه طالما هاتجيب ٢٠٠٠ ايكوتيك يبقى هات فتيس اوتو .. هايفرق معاك

[بيشوى_رمزى]

معلش هيفرق فى ايه سحب فلوس ولا سحب بنزين ولا ايه :)

[بيشوى_رمزى]

و سؤال طيب لو انا جبت الضفيرة كامله شمال مش هيبقى فيها لعب كتير يعنى قطع و لحام سلوك كتير

[hagagatc]

ضفيره يمين يعني موتور استيراد اليابان في الغالب او فوكسهول انجلترا وده نادر شويه ويبقي افضل بمراحل من استيراد اوروبا(اليابان) لانه مبيكونش مشي كتير
الضفيره بتتعدل بس نصيحه اشتري ضفيره شمال معاها بجمله المصاريف ولو اتعدلت شغاله حتغير معاها عفشه طنابير امامي والخلفي بالمره عشان تبقي سكاكين لو حتخليها منيول حيبقي موتور جبار سحب وتوفير استهلاك لاكن مصر الحبيبه عايزه اوتو وترجع لراحتك ولو عايز نصحتي لفه حلوه علي بتوع الاستيراد اشتري نص كامل امامي حيفرق معاك قدام وحيوفر كتير لو حتحسبها قدامك الخيارين وبالتوفيق
وكمان متنساش انك محتاج تعدل عداد سرعه ويسلام لو تعدل طبلوه كامل بالكونسوله وه مش حتلاقيه الا في النص

[Hesham.H]

و سؤال طيب لو انا جبت الضفيرة كامله شمال مش هيبقى فيها لعب كتير يعنى قطع و لحام سلوك كتير

لو جبتها شمال مش هايبقى فيها قطع او لحام خالص .. هاتركب زى ماهى
فى الحرفيين التعديله كلها بالتركيب حوالى ١٠ الاف .. تاخد عربيتك ٢٠٠٠ اوتو ... بخصوص العفشه انا مش عارف بصراحه هى عندك ايه

[بيشوى_رمزى]

ضفيره يمين يعني موتور استيراد اليابان في الغالب او فوكسهول انجلترا وده نادر شويه ويبقي افضل بمراحل من استيراد اوروبا(اليابان) لانه مبيكونش مشي كتير
الضفيره بتتعدل بس نصيحه اشتري ضفيره شمال معاها بجمله المصاريف ولو اتعدلت شغاله حتغير معاها عفشه طنابير امامي والخلفي بالمره عشان تبقي سكاكين لو حتخليها منيول حيبقي موتور جبار سحب وتوفير استهلاك لاكن مصر الحبيبه عايزه اوتو وترجع لراحتك ولو عايز نصحتي لفه حلوه علي بتوع الاستيراد اشتري نص كامل امامي حيفرق معاك قدام وحيوفر كتير لو حتحسبها قدامك الخيارين وبالتوفيق
وكمان متنساش انك محتاج تعدل عداد سرعه ويسلام لو تعدل طبلوه كامل بالكونسوله وه مش حتلاقيه الا في النص

استاذ حجاج ازاى حضرتك انا كنت عايز اغير الماكينة بس و العفشة كنت مغيرها و صح هى لازم لفه حلوة على بتوع الاستيراد

[بيشوى_رمزى]

لو جبتها شمال مش هايبقى فيها قطع او لحام خالص .. هاتركب زى ماهى
فى الحرفيين التعديله كلها بالتركيب حوالى ١٠ الاف .. تاخد عربيتك ٢٠٠٠ اوتو ... بخصوص العفشه انا مش عارف بصراحه هى عندك ايه

هشام باشا معلش تعبك معايا العفشة عندى كنت مغير الطنابير اللى ورا سكاكين و معلش عندى استفسار طيب لو انا جبت الماكينة الecotecال 2000 ينفع تركب على الفتيس الf18 ولا لازم اغير فتيس؟