رأيكم في الأنسجينيا و هل عيوب الموتور اللي باسمع عنها دي بجد و لا لأ

[RamiAbbas]

انا عاوز اعرف رأيك ملاك الأنسجينيا فيها من ناحية العيوب و المميزات
و كنت عاوز اعرف هل فعلا موضوع الموتور اللي بيضرب من البنزين ده زي المرسيدس الجديدة فعلا ولا أشاعة ؟
و هل الفتيس بتاعها زي الأسترا من اللي في نتشه على السرعات الواطية و لا مافيش مشكلة في الفتيس ؟

[hossam_elwani]

متابع

[mhmd_farouq]

متابع باهتمام

[Sherif Mandoor]

متابع

[ENG.MaRk]

أنا عمري ماشفت حد بيشتكي منها خالص بس لو عايز حاجة جميلة و ينفعلها بنزين 92 (مع إن ال95 هو الrecommended) خليك في ال508 و خصوصا إنها بقت روعة بعد الفيس ليفت

[Abdo Taha]

من خلال متابعتي ليها على جروب ملاك الاسترا و الانسجنيا اقدر اقلك العيوب استهلاك البنزين زيادة شوية لو انت جوه البلد بس 92 عادي و بيتحسن لو انت حطيت 95 ، موضوع ان عربيات جابت موتور منصور عمل حملة لتغيير بوجيهات ببوجيهات ذات مدى حراري اعلى و سوفتوير بيظبط الموتور ده في الدفعات الاقدم قبل يوليو 2014 اما الدفعات الجديدة ال 2015 فمفيش مشاكل

تاني مشكلة بعض الناس بتسمع صوت طقة كده او خبطة لما بتيجي تدور الصبح خالص و البعض الاخر لأ

ثالث مشكلة شاشة الانتيليلنك بتعلق ساعات لو العربية مركونة في الشمس كتيير

اما البيجو مسمعتش ليها مشكلة غير موضوع الاكصدام اللي داخل مع الشنطة ده بس لكن اسأل ملاكها هما ادرى

[RamiAbbas]

من خلال متابعتي ليها على جروب ملاك الاسترا و الانسجنيا اقدر اقلك العيوب استهلاك البنزين زيادة شوية لو انت جوه البلد بس 92 عادي و بيتحسن لو انت حطيت 95 ، موضوع ان عربيات جابت موتور منصور عمل حملة لتغيير بوجيهات ببوجيهات ذات مدى حراري اعلى و سوفتوير بيظبط الموتور ده في الدفعات الاقدم قبل يوليو 2014 اما الدفعات الجديدة ال 2015 فمفيش مشاكل

تاني مشكلة بعض الناس بتسمع صوت طقة كده او خبطة لما بتيجي تدور الصبح خالص و البعض الاخر لأ

ثالث مشكلة شاشة الانتيليلنك بتعلق ساعات لو العربية مركونة في الشمس كتيير

اما البيجو مسمعتش ليها مشكلة غير موضوع الاكصدام اللي داخل مع الشنطة ده بس لكن اسأل ملاكها هما ادرى

يعني حضرتك بتقول ان عيوب الموتور من البوجيهات مش من البنزين زي المرسيدس حاليا ؟
و كده كده كلها سنتين و ال 92 هيبقى بتمن ال 95 فمش هتفرق اوي يعني

و مافيش مشاكل في الفتيس زي الأسترا ؟

بالنسبة للبيجو هي حلوة و جميلة جدا بس انا بافضل الألماني دايما عشان اعادة البيع و الأداء و قوة التحمل

[mariachi]

حضرتك أنا معايا توب لاين و أقدر أأكدلك انها أحسن عربية بالسعر ده من ناحية موتور و تكنولوجي و و قوه جنب الكماليات إللي ملهاش حصر، موضوع الموتور ده هو بسبب البنزين الزفت بتاع مصر علشان بيعمل خلل في غرفة الإحتراق و يسيح البوجيهات و ده إتعدل خلاص عن طريق تغيير البوجيهات و تعديل السوفت وير علشان يمشي مع البنزين الزفت بتاعنا، الفتيس مافيهوش أي مشاكل خالص و مالوش دعوة بفتيس الاسترا، العفشة ناعمة جداً مقارنةً انها جنط ١٨. و بص كمان على reviews العربية على الانترنت هتلاقي كلام كويس جداً يأكد إللي أنا بقوله.
و ده تقييم بسيط مني للعربية:
تصميم: ٩/١٠ كماليات: ١٠/١٠ خامات: ٨/١٠ تسارع: ٩/١٠ ثبات: ٩/١٠ راحه: ٩/١٠ عزل: ٨/١٠ فرامل: ٨/١٠

[Abdo Taha]

يعني حضرتك بتقول ان عيوب الموتور من البوجيهات مش من البنزين زي المرسيدس حاليا ؟
و كده كده كلها سنتين و ال 92 هيبقى بتمن ال 95 فمش هتفرق اوي يعني

و مافيش مشاكل في الفتيس زي الأسترا ؟

بالنسبة للبيجو هي حلوة و جميلة جدا بس انا بافضل الألماني دايما عشان اعادة البيع و الأداء و قوة التحمل

لا مسمعتش عن مشاكل في الفتيس
و عموما طالما بتحط من بنزينة نظيفة مفيش مشاكل حطيت من بنزينة وحشة و مخلوطة ممكن تعمل معاك مشاكل زي اي عربية
بس عموما معظم الناس عجباهم العربية و ال 508 محترمة برضه على فكرة بس الشكل الجديد من ورا مش عاجبني و بقت كماليهاتها اقل من الشكل اللي فات بالنسبة لثمنها النقدي

[almghol]

باشا حرام عليك فلوسك وحطا في عربيه تعرف تبيعها وتعرف تستمتع بيها انا بحب الاوبل والله بس فعلا الواحد بيسسمع عيوب غريبه في عربيه مفروض انها بفلوس مش قليله
الماتور بيسقف
استهلاك بنزين عالي جدا بمقارنه باي عربيه من فئتها
الفتيس مفيهوش نتشات لا
الريسيل بتاعها طبعا صعب شويه
نصيحه فكر الف مره قبل ما تحط جنيه في العربيه دي بالزات
من راي الهوندا سيفيك 2015 جميله اوي

[Abdo Taha]

باشا حرام عليك فلوسك وحطا في عربيه تعرف تبيعها وتعرف تستمتع بيها انا بحب الاوبل والله بس فعلا الواحد بيسسمع عيوب غريبه في عربيه مفروض انها بفلوس مش قليله
الماتور بيسقف
استهلاك بنزين عالي جدا بمقارنه باي عربيه من فئتها
الفتيس مفيهوش نتشات لا
الريسيل بتاعها طبعا صعب شويه
نصيحه فكر الف مره قبل ما تحط جنيه في العربيه دي بالزات
من راي الهوندا سيفيك 2015 جميله اوي

الانسجنيا حاجة و السيفيك حاجة تانية
و تسقيف الموتور مش من فراغ ، كله بسبب البنزين
عربيتي زمان كنت سعات بحطلها 90 و مش بتسقف
دلوقتي ال 92 و بتسقف برضه
طب عايز ايه من عربية تربو المفروض يتحطلها 95 و عدلو الدنيا عشان تتماشى مع بنزين 92 اللي هو مكتوب في الكتالوج انها اصلا تمشي 91 بس عشان بنزين مصر مش كويس اصلا
و العربيات المريدس اديها بتجيب مواتير
و يوم ما الانسجنيا حصل فيها مشكلة المواتير كانت بسبب بوجيهات و تم حملة لتغييرها و تظبيط السوفتوير

لو خايف من الاوبل البديل الافضل اما 508 او فولفو او 316 بس الفولو و البي ام اغلى شوية

[Ayman_saad]

أنا رأيي أنك تبعد عن الشر وغنيلو ، بمعني أن حضرتك ماتوجعش دماغك ،
وتجيب عربية كل شوية تحط أيدك علي قلبك ، وبدل ماتسعدك العربية تخليك عايش في قلق وتعاسة ،
طيب وعلي أيه ، أنا كنت زيك بالظبط ومحتار ، ومالقتش غير bmw و الفولفو هما العربيتين الوحيدتين ألي
مفيش فيهم مشاكل ، أنا قولت رأيي ، وربنا يوفقك للأصلح

[almghol]

الانسجنيا حاجة و السيفيك حاجة تانية
و تسقيف الموتور مش من فراغ ، كله بسبب البنزين
عربيتي زمان كنت سعات بحطلها 90 و مش بتسقف
دلوقتي ال 92 و بتسقف برضه
طب عايز ايه من عربية تربو المفروض يتحطلها 95 و عدلو الدنيا عشان تتماشى مع بنزين 92 اللي هو مكتوب في الكتالوج انها اصلا تمشي 91 بس عشان بنزين مصر مش كويس اصلا
و العربيات المريدس اديها بتجيب مواتير
و يوم ما الانسجنيا حصل فيها مشكلة المواتير كانت بسبب بوجيهات و تم حملة لتغييرها و تظبيط السوفتوير

لو خايف من الاوبل البديل الافضل اما 508 او فولفو او 316 بس الفولو و البي ام اغلى شوية

وطب بالنسبه لاعاده البيع رايك ايه فولفو وبي ام تكسب ولا انسجنيا ؟؟

[Abdo Taha]

وطب بالنسبه لاعاده البيع رايك ايه فولفو وبي ام تكسب ولا انسجنيا ؟؟

البي ام تكسب في اعدة البيع ثم الاوبل ثم الفولفو

[RamiAbbas]

حضرتك أنا معايا توب لاين و أقدر أأكدلك انها أحسن عربية بالسعر ده من ناحية موتور و تكنولوجي و و قوه جنب الكماليات إللي ملهاش حصر، موضوع الموتور ده هو بسبب البنزين الزفت بتاع مصر علشان بيعمل خلل في غرفة الإحتراق و يسيح البوجيهات و ده إتعدل خلاص عن طريق تغيير البوجيهات و تعديل السوفت وير علشان يمشي مع البنزين الزفت بتاعنا، الفتيس مافيهوش أي مشاكل خالص و مالوش دعوة بفتيس الاسترا، العفشة ناعمة جداً مقارنةً انها جنط ١٨. و بص كمان على reviews العربية على الانترنت هتلاقي كلام كويس جداً يأكد إللي أنا بقوله.
و ده تقييم بسيط مني للعربية:
تصميم: ٩/١٠ كماليات: ١٠/١٠ خامات: ٨/١٠ تسارع: ٩/١٠ ثبات: ٩/١٠ راحه: ٩/١٠ عزل: ٨/١٠ فرامل: ٨/١٠

انا كنت شفت ريفيوهات كتير جدا للعربية من اوروبا و كانت واخدة كل حاجة 10/10 تقريبا و عربية محترمة جدا لكن حضرتك تأكيد عارف ان اللي بينزل مصر مش اللي بينزل في اوروبا ... و خايف احط 300 الف في عربية و الاقي مشكلة في الموتور ساعتها هتبقى مشكلة كبيرة جدا و هتبقى الفلوس ضاعت .. بالنسبة للبنزين حضرتك بتحط 92 و لا 95 ؟