رأيكم في الأنسجينيا و هل عيوب الموتور اللي باسمع عنها دي بجد و لا لأ

[RamiAbbas]

باشا حرام عليك فلوسك وحطا في عربيه تعرف تبيعها وتعرف تستمتع بيها انا بحب الاوبل والله بس فعلا الواحد بيسسمع عيوب غريبه في عربيه مفروض انها بفلوس مش قليله
الماتور بيسقف
استهلاك بنزين عالي جدا بمقارنه باي عربيه من فئتها
الفتيس مفيهوش نتشات لا
الريسيل بتاعها طبعا صعب شويه
نصيحه فكر الف مره قبل ما تحط جنيه في العربيه دي بالزات
من راي الهوندا سيفيك 2015 جميله اوي

سيفيك ايه بس يا ريس :d
انا رحت بصيت عليها العربية شبه النيسان الصني اللي معايا حاليا بس انضف شوية .. الصالون من جوه تعبان خالص شبه الأكسنت الأر بي و لا حاجة .. مش صالون عربية حلوة خالص .. لو سيفيك و فئة ال 200 الف يبقى الرينو الفلونس احسن منها و انضف و كماليات اعلى و اعادة بيع احسن و انضف وكيل في السوق حاليا
انا اساسا بيني و بين الياباني سوء تفاهم لأنهم بيعملوا العربيات من جوا زي الزفت طبعا ده بغض النظر عن ان الصني مش عربية هي شوية خردة مجمعينها و عاملينها عربية

[RamiAbbas]

الانسجنيا حاجة و السيفيك حاجة تانية
و تسقيف الموتور مش من فراغ ، كله بسبب البنزين
عربيتي زمان كنت سعات بحطلها 90 و مش بتسقف
دلوقتي ال 92 و بتسقف برضه
طب عايز ايه من عربية تربو المفروض يتحطلها 95 و عدلو الدنيا عشان تتماشى مع بنزين 92 اللي هو مكتوب في الكتالوج انها اصلا تمشي 91 بس عشان بنزين مصر مش كويس اصلا
و العربيات المريدس اديها بتجيب مواتير
و يوم ما الانسجنيا حصل فيها مشكلة المواتير كانت بسبب بوجيهات و تم حملة لتغييرها و تظبيط السوفتوير

لو خايف من الاوبل البديل الافضل اما 508 او فولفو او 316 بس الفولو و البي ام اغلى شوية

انا فكرت فعلا في الفولفو ال s60 بس اعادة البيع هتبقى صعبة .. البي ام ال f30 حلوة بس هتزيد في حدود 100 الف جنية و انا اصلا هاقسط ال 300 الف مش هاقدر اعدي المبلغ ده

[ashouhdy]

الفلوينس معروض كتير للبيع اعلي فئة ال e3

كسر زيرو ب ١٥٥الف

بتقع جامد جدا في اعادة البيع

الفئة دي سعرها زيرو ١٨٥الف

[mariachi]

انا كنت شفت ريفيوهات كتير جدا للعربية من اوروبا و كانت واخدة كل حاجة 10/10 تقريبا و عربية محترمة جدا لكن حضرتك تأكيد عارف ان اللي بينزل مصر مش اللي بينزل في اوروبا ... و خايف احط 300 الف في عربية و الاقي مشكلة في الموتور ساعتها هتبقى مشكلة كبيرة جدا و هتبقى الفلوس ضاعت .. بالنسبة للبنزين حضرتك بتحط 92 و لا 95 ؟

يا أستاذي الفاضل مفيش حاجة اسمها إلي بينزل مصر غير إللي بينزل برة، أنا أسف ده كلام فاضي، هو مصنع واحد إللي بينتج العربية مصنع ألمانيا الرئيسي!
و بعدين حضرتك ممكن تشتري مرسيدس إللي هي أكتر ماركه موثوق فيها في مصر و تجيب موتور زي ماحصل مع أكتر من 80 حاله في مصر خلال ال ٦ شهور إللي فاتت! أنا مقدرش أضمنلك حاجة ده ارزاق بس إللي أقدر أأكده إن الحاجات ده بتحصل من البنزين الزفت بتاعنا مش من عيب في العربية!!!
أنا عن نفسي بحط بنزين ٩٢ بس من بنزينه محترمه و بحاول مغيرهاش على قد ماقدر.

الغريب إن حضرتك موجه سؤالك لملاك العربية علشان يدوك المفيد بس لقيتك مشتت نفسك من كلام ناس مركبتش العربية أصلاً و كل كلامها عن العربيه بالسمع، ده غير إلي يقولك هات سيفك أحسن :) مع اني بحبها جداً و كانت معايا بس حرام تقارن أصلاً! على فكره أنا لسة شايف مقارنتين عن الإنسيجنيا واحدة مع مازدا ٦ و كيا اوبتيما والتانية مع مرسيدس E class و BMW 5 series، علشان الناس تفهم بس هي بتتقارن مع إيه بره و خدت أعلى rate في أول مقارنه ؛)

[Abdo Taha]

انا كنت شفت ريفيوهات كتير جدا للعربية من اوروبا و كانت واخدة كل حاجة 10/10 تقريبا و عربية محترمة جدا لكن حضرتك تأكيد عارف ان اللي بينزل مصر مش اللي بينزل في اوروبا ... و خايف احط 300 الف في عربية و الاقي مشكلة في الموتور ساعتها هتبقى مشكلة كبيرة جدا و هتبقى الفلوس ضاعت .. بالنسبة للبنزين حضرتك بتحط 92 و لا 95 ؟

اللي بينزل اوروبا هو اللي بينزل مصر من حيث ال quality ممكن الكماليات قليلة شوية ماشي بس الأساسيات مفهاش اختلاف دي سمعة شركة كبيرة مش عربيات تقفيل غبور او منصور

البلد هى اللي ظروفها عملت كده بالعربيات دي و البنزين بقى مغشوش قرب لحالة السولار

فالعربية تمشي 92 عادي بس مون من بنزينة محترمة و هات العربية من التوكيل تكون من دفعات جديدة مش متخزنة

[احمد فهمى]

العربيه عيبها الوحيد منصور ومصر لذلك لا انصح بها و300 الف جنيه مش رقم صغير يترمي في ايد منصور ويدفعك رقم مشابه فى اعكال سببها البنزين السئ وقلة خبرة التوكيل مرسيدس نفسها تضررت وبداء الاستهتار منها بالناس واكيد مواتير اوبل مستحيل تكون افضل من مرسيدس وقصة سوفت وير وبوجيهات كلها مسكنات وعادي انا ممكن امشي بالعربيه منغير زيت او اعمل 40 الف كيلو بالزيت وده اسمو ضرر تراكمي يعنى المواتير دي مش هتعيش او اقلها ﻷنتهاء فترة الضمان