سويتشات مراوح اصليه

[هشام السيد]

لو سمحتوا ياجماعه عايز سويتشات المراوح gm الاصليه اللي بتبقي قدام البطاريه اللي لونها اخضر وبني دي وعايز اعرف ترتيب الوانهم وايه الفرق

[احمد فهمى]

اصلي هتروح تفكهم من عربيه استيراد وتركبهم بالترتيب

[هشام السيد]

لكن هما مش بتباعوا ماركة gm لو حبيت اجيبهم نفس الماركه ؟

[هشام السيد]

انا سالت عند امريكان ستارز جديد بيقولي ١٢٠ج!!!!!!

[ayman hamdy]

نوع وموديل العربية ايه؟
دول مش مش اسمهم سويتشات لكن بتعمل عمل السويتشات واسمهم كتاوت او ريلاى او مرحل
والالوان بيتحدد حسب شدة التيار اللى بيمر فى ملف الكتاوت بالامبير

[هشام السيد]

فيكترا ٩٧ ١٦٠٠ الموتور الاسود انا شايف البني والاخضر الاتنين مكتوب عليهم 30a

[Mecha]

لو نفس الرجول و تعرف ديرتهاممكن تركب جديد هيلا اونارفا احسن من جي ام

[هشام السيد]

منين حضرتك اجيب الهيلا دي ؟

[Mecha]

اي محل قطع غيار وكهربا ,نفس مكان بيع اللمض والسلك والفيوزات
زي التوفيقيه وشارع زكي وشمبليون

[هشام السيد]

متشكر جدا ياباشا بس سعر ١٢٠ج مش مبالغ فيه ؟

[ayman hamdy]

فيكترا ٩٧ ١٦٠٠ الموتور الاسود انا شايف البني والاخضر الاتنين مكتوب عليهم 30a

اللبنى عند حضرتك دة اكيد مش بتاع فيكترا بى
انا قلت لحضرتك الالوان بيتحدد حسب شدة التيار اللى بيمر فى ملف الكتاوت بالامبير دا بالنسبة لسيارة ما
( مثلا اوبل فيكترا ) الوان الكتاوت الجى ام وقيمتها تختلف عن سيارة تانية كذلك بتستعمل الكتاوت الجى ام يعنى ممكن تلاقى كتاوت جى ام اخضر 30 امبير زى فى الفيكترا وتلاقى كتاوت جى ام اسود كذلك 30 امبير فى عربية اوبل اوميجا وتلاقى كتاوت بنى جى ام كذلك 30 امبير فى عربية اوبل استرا
اذن الوان الكتاوت معمولة بقيم معينة حسب نوع العربية وتختلف هذه القيم من سيارة لاخرى
الخلاصة:
في كل الفيكترابى عموما عند حضرتك 5 كتاوت وراء البطارية الترتيب من اليمين الى الشمال وانت واقف امام السيارة الاول لونه رصاصى ودا مسؤول عن تشغيل كلاتش الكمبروسر ودا قيمته معرفهاش الحقيقة(6 رجل)
الثانى لونه اخضر ودا مسؤول عن تشغيل المراوح سرعة اولى وقيمته 30 امبير 4 رجل والثالث والرابع لونهم بنى ودول مسؤولين عن تشغيل المراوح سرعة تانية وثالثة وقيمتهم 40 امبير5 رجل و الخامس لونه اخضر وقيمته 30 امبير ودا مسؤول عن تشغيل المراوح سرعة تانية كذلك 4 رجل
وفى 2 كتاوت جنب البطارية واحد منهم لونه اخضر اللى ناحية جوة ودة 30 امبير تشغيل المراوح سرعة ثالثة ورابعة 4 رجل والتانى لونه برتقالى ناحية برة ولنت واقف امام العربية ودة قيمته معرفهاش كذلك ودة مسؤول كذلك تشغيل المراوح سرعة ثالثة ورابعة 5 رجل
ممكن حد من الزملاء يشوف لحضرتك فى عربيته قيم باقى الكتاوت بالضبط ويقولها
تحياتى

[ayman hamdy]

[هشام السيد]

ربنا يكرم حضرتك بس انا لاحظت ان تاني واحد من الشمال وانا واقف قدام العربيه هو بتاع السرعه الاولي !!!! عموما كتر خيرك ومتشكر لتعبك وذوقك ومساعدتك وانا من متابعينك في المنتدي

[Mecha]

متشكر جدا ياباشا بس سعر ١٢٠ج مش مبالغ فيه ؟

امال لو هشتريه solid state هيعمل كام !!!!!!!!!!!!!!!!

[ayman hamdy]

ربنا يكرم حضرتك بس انا لاحظت ان تاني واحد من الشمال وانا واقف قدام العربيه هو بتاع السرعه الاولي !!!! عموما كتر خيرك ومتشكر لتعبك وذوقك ومساعدتك وانا من متابعينك في المنتدي

الشكر لله اولا واخيرا
شوف يا أ/ هشام الكتاوت رقم 9 فى الصورة الاولى اللى هو ثانى واحد من على الشمال لما بيمر فيه تيار كهربائى عن طريق قفل دائرة الارضى بتاعته بواسطة الترموستات الرصاصى للسرعة التانية فبيشغل المراوح سرعة تانية اما فى حالة السرعة الاولى فعند مرور تيار كهربائ الكتاوت رقم 7 فى الصورة ودى دائرة رقم k87 عن طريق قفل دائرة ارضى هذه الدائرة بواسطة الترموستات الرصاصى للسرعة الاولى فتعمل السرعة الاولى ويبقى الكتاوت رقم 9 فى الصورة دائرة رقم k52 بدون مرور تيار فيها فهى تعتبر فى الدائرة الان تعمل كموصل فقط لبقية اطرافها وليس كل اطرفها لان لم يمر بها تيار كهربائ فهى زى وسيط فى الدائرة فلما حضرتك شلتها اكيد السرعة الاولى مش هتشتغل لانها هى الان تعمل عمل الكبرى الموصل للكهرباء للمراوح فى ذلك الوقت انظر الصورة التانية جيدا وتمعن فيها جيدا وسوف تعرف الكثير
الحقيقة مظومة التبريد والكتاوت بصفة خاصة هى منظومة متكاملة ومتشابكة ومرتبطة ببعضها لكى تعمل بشكل جيد
عموما بدون الدخول فى تفاصيل اكثر من كدة الموضوع دا بالذات محدش بيرضى يدخل يكتب فيه لان الكتابة فيه محتاجة صفحات علشان تقدر توصل المعلومة صح للقارئ ومش كل الناس هتقدر تتفهم طريقة عمل هذه المنظومة من سطر او سطرين
اخيرا انا حاولت على قد ما استطعت ان انجز واوصل المعلومة بشكل مختصر لعل اى حد يقدر يستفاد منها
تقبل خالص تحياتى