Tweet
السلام عليكم ...انا ناوي ان شاء الله اشتري العربية اوبل انسيجنيا بس عاوز اعرف تجارب اللي اشتراها ..خصوصا ان اعرف ناس حصل عندهم مشاكل في الموتور و قالولي في التوكيل ان دا كان عيب في بوجيهات الدفعة الاولى و تم تعديلها ...تاني حاجة سمعت ان استهلاكها للبنزين ضخم ..ف عاوز اعرف متوسط الاستهلاك ...و اي حد عنده اضافة يا ريت و يا ريت اللي يقول يقول ماشي بعربيته كام كيلو ...و شكرا :) :) :)
-
-
أنا مش من ملاكها بس من ملاك أقوي منافس ليها و هو بيجو 508 و أنصحك بيها -
انا محتار بين العربيتين دول ...بس انا كنت راكب اوكتافيا و بدور على حاجة تكون في نفس ثباتها ..طبعا الالماني مفيش زيه في الثبات ..بس حضرتك شايف ان ال 508 جميلة و استهلاكها في البنزين عامل ايه و الموتور ..ممكن تفيدني في الموضوع دا ربنا يكرمك ...شكرا على الرد :) :)المشاركة الأصلية كتبت بواسطة eng.mark مشاهدة المشاركةComment
-
اولا مشكلة المواتير اللي حصلت بالفعل كانت فنوع البوجسهات الغير متوافق مع محركات التربو ودا موضوع طويل له علاقه بالمدي الحراري الخاص بالبوجيه وليس نوعه
ثانيا يستحيل مقارنه الاوكتافيا او البيجو ب الانسيجنيا لا فالثبات ولا فاستهلاك البنزين ولا فمتانة الصاج وجودة الخامات
ثالثا استهلاك البنزين انا مش مركز معاه بس بحسابات كام شهر فاتو كان تقريبا من ٧ ل ٨.٥ لكا ١٠٠ كلم بنزين ٩٥ مع الاخذ فالاعتبار مود السواقه اللي انت بتحدده
رابعا توكيل معقول لا وحش ولا حلو شغال
شنطه واسعه جدا مقصوره فخمه
كنت بفكر ابدل ب فولفو ٨٠ اعلي فئه وتراجعت وعليه المقارنه بين الاوكتافيا والبيجو ظالمه للانسيجنيا لانها افضل
حاول تتفرج عليها فاي معرض او روخ التوكيل هتلاقي فالصيانه كذا عربيه شوفهم وقارن وقررComment
-
انما البنزين ال 92 خطر على الموتور مظبوط؟؟ ولا بس بيقلل سحب العربية؟؟؟Comment
-
مش عارف ومجربتش بصراحةComment
-
متابع .......
ياريت اللي عنده معلومات زيادة عن العربية دي يفيدنا بيهاComment
-
المؤسف ان بنزين مصر غير متوافق مع اوبل حاليآ ومرسيدس وطبعآ بيجو الجديد بس الناس بتحاول تتعايش وده من وجهة نظري موضوع وقتى والكل هيفهم والعربسات جي هتختفى من مصر[RIGHT][B][FONT=Impact]أحمد فهمى[/FONT]
[/B][/RIGHT]Comment
-
تقصد يا استاذ احمد ان بنزين ٩٢ ممكن يعمل مشاكل في المتور ؟المشاركة الأصلية كتبت بواسطة احمد فهمى مشاهدة المشاركةComment
-
بالفعل عامل مشاكل حتى مع الاسترا والبيجو ؤس التوكيل بيقنع الناس بمواضيع تانيه منها سوفتوير وكلام مش علمي[RIGHT][B][FONT=Impact]أحمد فهمى[/FONT]
[/B][/RIGHT]Comment
-
يعني مافيش أمل ان المشكلة دي تتحل في الموديل الجديد !!المشاركة الأصلية كتبت بواسطة احمد فهمى مشاهدة المشاركة
انا اتصلت بمنصور قالولي موديل ٢٠١٥ ممكن ينزل بعد ١٥ يومComment
-
نصيحة اخ ابعد عنها...مليانة مشاكل فى الفرامل والطنابير والتيل بتاعها.......الفرامل بتاعها اسوأ من السوء بمرحلتين تلاتة والتيل بتاعها مش بيكمل 10 الاف كيلو وبياكل الطنابير اصلا والتوكيل بيتهرب من المشكلة ومش عارف يحلها ولو روحتلهم وانت مش فاهم هيلبسوهالك وتغير على حسابك.....تيل الفرامل بتاعها ب1100 جنيه فى التوكيل ومش تيل المانى ده المفروض ايطالى لكنه سىء جدا ومش بيمسك ......اصحاب العربية على الجروب بتاعها على الفيس خاطبوا الشركة الام بخصوص المشكلة دى وبرده مفيش فايدة....نصيحة ابعد عن العربية دى ......Comment
-
انا عاوز اصحح معلومة ان التوكيل جاب التيل الايطالي اللي المفروض انه مايعملش مشكلة وعلى جروب الفيسبوك نسبة اللي حصلهم مشكلة تقريبا النص بس هي برضه لازم تؤخذ في الاعتبار والناس اللي جربت التيل الجديد لسه ما قالتش عنه حاجة
بالنسبة للبنزين 92 من بنزينة نضيفة زي وطنية او امارات مصر مفيش معاهم مشكلة خصوصا بعد الابديت بتاع السوفت وير .. انا عملت تست درايف ليها ببنزين 92 وكانت ممتازة
بالنسبة لمقارنتها بالبيجو 508 الاتنين نفس الفئة والاوبشن قريبة من بعض مع شوية حاجات زيادة في الاوبل (تحسها بتدلعك شوية) لكن مفيش فرق جوهري
الوكيل في الاتنين ماشي حاله لكنهم مش قد العربيات وخصوصا توكيل بيجو
قطع الغيار تقريبا نفس رينج الاوكتافيا او اعلى حاجة بسيطة
قوةالموتور والسحب ممتازة والعزل رائع
استهلاك البنزين اعتقد انه مش فارق كتير عن الاوكتافيا وده من خلال مقارنتي باللي بسمعه من ملاك الانسيجنيا وال 508 مع استهلاكي في الاوكتافيا
اخيرا نصيحة اخوية : اشتري العربية اللي ترتاحلها نفسياً لانك هتدفع مبلغ كبير ومينفعش تشتري حاجة وتكون باصص لعربية تانية كل ما تعدي من جنبك .. مفيش عربية مفيهاش عيوب 100% وفي الاخر كل واحد وطريقة استعماله للعربية هما اللي بيحددوا المشاكل او الاعطال اللي ممكن تظهرComment
-
ممكن جروب ملاكها على الفيسبوك !!Comment
-
بصراحة كلام حيادي و زي الفلالمشاركة الأصلية كتبت بواسطة walidaly9873 مشاهدة المشاركة
[B][SIZE="5"]اخوكم عبدالرحمن طه[/SIZE][/B]
[SIGPIC][/SIGPIC]Comment
Comment